雖然這篇liabilities中文鄉民發文沒有被收入到精華區:在liabilities中文這個話題中,我們另外找到其它相關的精選爆讚文章
在 liabilities中文產品中有2篇Facebook貼文,粉絲數超過2萬的網紅君子馬蘭頭 - Ivan Li 李聲揚,也在其Facebook貼文中提到, [野獸盈警]中電發電發到發盈警! 一係唔發市一係不停嚟,呢排好多正嘢。維他奶(345)(http://bit.ly/2x4O7Qf)莎莎(178)(http://bit.ly/2x7z6NC)業績後,收市又有中電(2)盈警。 發電咋喎,做乜變咗發盈警?其實盈警呢,成日都有。富智康(2038...
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
liabilities中文 在 君子馬蘭頭 - Ivan Li 李聲揚 Facebook 的最佳解答
[野獸盈警]中電發電發到發盈警!
一係唔發市一係不停嚟,呢排好多正嘢。維他奶(345)(http://bit.ly/2x4O7Qf)莎莎(178)(http://bit.ly/2x7z6NC)業績後,收市又有中電(2)盈警。
發電咋喎,做乜變咗發盈警?其實盈警呢,成日都有。富智康(2038)呢啲次次發(http://bit.ly/2xckmwR),國泰(293)匯控(5)又發過。電廠呢?大陸啲火電廠(IPP是也,華能大唐嗰啲)一樣發盈警,太陽能亦都係。
但中電發盈警都係夠晒震驚,小朋友話我知時,我以為聽錯。
第一樣嘢,梗係睇減幾多,同市場有冇預咗。話減到輸錢喎,嘩。中電之前兩次半年業績,每半年60-70億純利左右,今次減60-70就減到輸錢,合理(當然仲有稅嘅問題)。另外,見分析員估,都估緊全年賺110-120億咁上下,肯定冇預到半年會蝕錢。所以股價怕且都有啲壓力。
中電業務一向穩定,唔通你用少啲電咩。電費?就只加唔會減。競爭?係冇嘅。理論上,好似法例冇講過中電就新界九龍南長洲,港燈就港島南丫島呀下。以我所知冇呢種限制,唔同話紅的綠的咁寫明。住港島嘅,不妨聽日打去中電問下可唔可以轉去你公司,問下點解唔得(更有創意嘅,住新界打去港燈問下,話你錢多想益佢都唔得?)
咁但,中華電力,你估真係中華咩。香港十隻白虎,都唔係香港又唔係十隻仲唔係白虎啦(原諒我的bad taste)。
出盈警,因為袋鼠國嘛。商譽減值
我記得之前都寫過「商譽」呢個字,極之誤導。好多人就真係當係你個聲礜,你個品牌,錯得很。上次都有人鬧,喂,官方譯名喎。我唔知咩?咪就話官方譯名垃圾咯!我甚至覺得英文goodwill一樣係差嘅字。
正如張五常解過,咩係Utility:「怎樣我也要給這選擇排列的數字起一個名字。怎麼辦?我於是閉着眼睛,胡亂地打開英語字典,手指下按,開眼一讀,那個字是Utility——功用。」
我寫,又畀人鬧啦。張五常寫就鬧少啲。但簡單嚟講,你見佢意思就係:冇意思!只係一個名!唔好照日常用語解。對我嚟講,「商譽」一樣。唔係咩品牌,唔好聽啲二樓分析員講
「商譽」,十分簡單,其實學過會計101會明(101都冇學惡搞啲),資產=負債+股本,Asset=Liabilities + Capital十居其十係「收購」時出現。你買間公司,當佢資產5億,負債4億,凈資產/帳面值/權益係1億。冇問題。但,我出2億買。咁就仆街啦!
買起成間公司,你點入數?首先你資產入面嘅現金少咗2億,新公司你食咗佢,資產多5億。你資產總共多咗3億。但負債多咗4億。仆街,咁凈返嗰1億去咗邊?唔係玩嘢IQ題,你細心一諗,知道因為你溢價收購嘛。但,會計點處理?兩邊條數點平?於是,就發明一個數,在資產嗰度多1億,long住佢。就係咁簡單!個名,咪叫做「商譽」
「商譽」就唔係真係你理解啲咩品牌。好簡單,我買完間公司,可以即時拆撚晒招牌,咁仲品乜鬼牌?但「商譽」一樣存在。況且,你買完全冇品牌嘅公司,一樣會有「商譽」。
呢樣嘢其實成日出現,因為收購差不多必定係溢價。當年星展買道亨如是(大大舊「商譽」),招商買永隆如是,因航買快運都應該會係咁。
咁,舊「商譽」,食咗入肚,點呢?最後,其實基本上,必然係減值。爭在幾時。N咁多年前嘅「商譽」就好似折舊咁一年年減,但近代已經唔會咁做,係每年做啲測試咁。我當(亂講)因航買完快運,然後間公司畀人制裁嘅,咁你就準備定「商譽」減值都得。但一般情況,其實公司自己可以判斷,出面核數師再劃押認同。
CFA課程有解,收購多數都係買貴嘢(所以面書朱仔買instagram係天才—但應該都有舊「商譽」)(http://bit.ly/2EUseKc)(http://bit.ly/2EQ4gA0),主要因為管理層好大喜功,有嘢留返下手食。星展買道亨,或者招商買永隆後冇耐,當然就金融風暴。然後就消化不良減值,冇食嘅,屙清咪再fight,問恒生就知。
咁所以,咪減值咯。而亦係CFA課程有解(所以幾好的說,記得去報)(http://bit.ly/2vV9zqg)(http://bit.ly/2x1UVhJ),公司如果有得揀(都有嘅),會揀幾時減值?初哥或者外行人,會以為積穀防飢,公司生意好時食咁啲。現實掉轉,基本上一定係等公司唔掂時先做減值。除咗本身有共同原因(例如經濟差,自然本身業務又衰,買返嚟嗰舊又減值),仲有人性嘅因素。
有鑊,梗係全部一齊爆!最好唔知爆唔爆嘅都爆晒,一次過自己爆晒,唔好擠牙膏。係核突架,股價係插水架,但插幾日就算(當你間嘢唔爆煲),下次業績咪大翻身,一個唔該管理層呀大股東仲可以低位爭持添(幾咁醜惡)。總好過每年擠少少,年年畀人問。
所以,我問過分析睇中電嘅真分析員(當然唔開名)。佢就覺得,係因為本身今次業績都差,索性一鑊過。同我估計差不多。(此人後生世仔,當本人師傅咁拜,但主要唔係股票方面,係非股票方面嘅東東)
咁中電話,非現金項目啫,冇乜影響嘅。係咪真?Yes and No。商譽減值的確係非現金,但,「你啲錢一早畀咗嘛」。招商買永隆後,消化不良,都拖低咗業績幾明顯下(咩中文)。或者當年金融海嘯前,三家分晉,RBS皇家蘇格蘭銀行,Fortis比利時富通,同埋西班牙桑坦德,齊齊買起荷蘭銀行ABN AMRO(對,西門吹雪嗰間)(http://bit.ly/2SmPHcE)。頭兩者都食瀉藥咁,Fortis 仲勁,之後要平保打救,然後平保自己都瀉到仆街,又係「商譽減值」。係得桑坦德食得住,而家仲有錢贊助西甲。(爛gag:Racing de Santander 桑坦德競技,就冇份踢La Liga Santander )
至於你話,喂,如果佢1億凈資產,但我半億買到呢?就真係問下會計師。但就我理解,係唔容許「負商譽」呢啲咁有創意嘅嘢嘅。
聲明:本人只係CFA(嚴格嚟講係CFA CharterHolder),唔係CPA。呢啲嘢梗係會計師熟啲。你明佢講乜的話。
liabilities中文 在 每日一冷 Facebook 的最佳貼文
#684#~本日冷知識~
你知道嗎?【會計中的借跟貸】
各位讀者好,由於Mr Holiday最近在學財務會計,對於會計裡面「借」為什麼叫「借」,「貸」為什麼叫「貸」,但是「借」跟「貸」又沒有中文「借」跟「貸」的意思,感到十分的困惑,所以在還沒有快快忘記會計之前,跟大家分享中文借貸的來源。
現代定義的會計學是在義大利文藝復興時期發明的,由方濟會神父Luca Pacioli發明,他本人是達文西(Leonardo da Vinci)的好朋友。
在東亞,現代的會計學首先被引進日本,明治維新思想家福澤諭吉,取東漢《說文解字》:「零星算之為計,總合算之為會」,將Accounting翻作「會計」。
但比較難理解的,應該是為什麼Debit跟Credit是翻成借跟貸?
從公司的角度來說,資產(Assets)是這個公司的「債務」(Debit);負債(Liabilities)跟股東權益(Shareholder's equity)是因為銀行跟股東的「信任」(Credit)才願意借給公司。也就是,銀行跟股東也有「債權」。
所以在翻譯的時候,福澤諭吉用「債務」跟「債權」的概念來翻譯「借」(Debit)跟「貸」(Credit):他把Debit翻成「借りる」(借來的),把Credit翻成「貸す」(借給我的)。這種翻譯用日文非常容易理解(有請會日文的同學確認),但是原封不動的用在中文就產生問題,讓會計學的初學者(例如Mr Holiday)頭痛不已!
另外補充,在日本「福澤諭吉」也用來指稱日幣萬円鈔票,就像是台灣在稱呼「國父」(新台幣一百元)或「小朋友」(新台幣一千元)一樣呢!
我們下次見!
#MrHoliday
References:
1. 「借助英语搞清会计中"借"/"贷"的含义」,扇貝網。
2. Luca Pacioli, Wikipedia.
3. 會計,維基百科。