第4集:宏量營養素的攝取比例 (Marco setting)
上集提及無論Linear定Non-Linear Dieting其實都係睇一星期既平均熱量赤字,今集就講下點樣計一日既Calories同箇中的飲食(Marco)。
首先,解釋下咩係Macro先,Macro全名:Macronutri...
第4集:宏量營養素的攝取比例 (Marco setting)
上集提及無論Linear定Non-Linear Dieting其實都係睇一星期既平均熱量赤字,今集就講下點樣計一日既Calories同箇中的飲食(Marco)。
首先,解釋下咩係Macro先,Macro全名:Macronutrient(中文:宏量營養素的攝取比例)。
日常飲食主要係由三樣營養素組成,包括:
1: 蛋白質 / Protein / P (1g = 4 kcal)
2: 碳水化合物 / Carbohydrates / C (1g = 4 kcal)
3: 脂肪 / Fat / F (1g = 9 kcal)
如果我地知道一樣食物既三大營養素,
我地可以用上面既公式計出食物既卡路里,
例如,每100g的烚蛋,含13g P、0.3g C、11g F,
假設我早餐食兩隻烚蛋,共重70g;先把重量一致(70/100),
把各營養素乘0.7;再把各營養素乘其相應的Kcal,公式如下:
13 P*0.7*4 + 0.3 C*0.7*4 + 11 F*0.7*9
所以兩隻(70g)烚蛋總共 = 36.4 + 0.84 + 69.3 = 106.5Kcal。
換言之,只要掌握1:食物既營養素,2:知道食物既重量或份量,就可以計算出其卡路里。要掌握食物既營養素好簡單,可以上Google查,或用不同手機App(如:MyFitnessPal),均可以瀏覽到不同食物的營養成分,當然啦準唔準確就未必,多少會有一定落差,建議多比較不同網站再三比較和參考。至於食物的重量,在家煮食可以使用磅秤,留意如果磅未煮熟的食物(Raw Food),上網查要查番Raw Food Nutrition Fact,如果磅已煮熟的食物,有鑑於煮法會影響食物的卡路里,所以要查番相對的Nutrition Fact (例如烚蛋Boiled Egg、炒蛋Scrambled eggs、茶葉蛋Tea Leaf Egg等等)。
接下來同大家分享一個新興既彈性飲食法(Flexible Dieting),
就係If It Fits Your Macros(IIFYM/ Iifym)啦,它較適合普羅大眾用於一般減肥,容易上手之餘,亦比嚴密飲食(Rigid Diet)更易執行。
最大特點係只要你不超出限制,你揀食乜都得!!!由於你食乜都得,具非常高的彈性,有助長遠堅持Dieting,最終實現體重目標!
而如何訂立'Macro'有以下兩個方法。
方法一:只計Calories
方法二:計埋P、C、F 的分佈
首先,較簡單既方法一,如果已知2,400係赤字飲食Deficit Calories,
只要一日不超過2,400Kcal,你可以選擇食乜都得,食幾多野都得,只要不超過2,400kcal,就可以了,而重點係你會成功減到肥!
2011年有條友(Anthony Howard-Crow)創建了一個YouTube Channel: Abs & Ice Cream,整個過程為期30日,他每日既卡路里有50%都係來自食雪糕,另外佢有時仲會飲酒添,佢以平均一星期2lb咁減肥,最後佢成功減到睇到曬啲腹肌。正如佢係片中所解釋,其目的係證明只要達到卡路里赤字就可以減肥,亦打破左好多人既謬誤,以為減肥係有好多野都唔食得,這是不對的!
事實引證,
減肥唯一條件:熱量赤字Calories Deficit
減肥唯一條件:熱量赤字Calories Deficit
減肥唯一條件:熱量赤字Calories Deficit
所以唔好再問咩食得,咩唔食得,咩斷食好唔好,生酮好唔好,
只要你做到熱量赤字Calories Deficit,基本上就得,方法有千百種,並無快慢,高效低效之分,每種方法都各有長短,搵一種適合你,而且你係可以好好咁實施既,持續長久地執行既便可以了。
至於方法二,比方法一要做多一樣野,控制埋P,C,F的攝取比例。
網上已經有好多不同的Set Marco教學,在此我簡單講下可以點快速地安排比例,以免文章太冗長,我只概論每樣的攝取比例,鑑於人人生活模式、飲食習慣不同,IIFYM未必適合所有人,僅供參考。
根據美國國家學院醫學院(IOM)的推薦膳食攝取量(Recommended Dietary Allowances/ RDA)。IOM計算出RDA的Marco範圍分佈如下:
蛋白質(總卡路里的10-35%)、脂肪(總卡路里的20-35%)和
碳水化合物(總卡路里的45-65%)。如是者,以2400卡路里為例,
蛋白質應該大概佔240 - 840 Kcal ,換言之,大概要食60 – 210g 蛋白質
脂肪應該大概佔480 - 840 Kcal,換言之,大概要食53.3 – 93.3g 脂肪
碳水應該大概佔1,080 – 1,560 Kcal ,換言之,大概要食270 – 210g 碳水
Comment繼續