好世界酒樓｜30年老字號｜手工懷舊粵菜 #MacauEat隱世 第13集 酒樓文化是許多人的兒時記憶。一走進酒樓，撲面而來的不單止有傳統點心及菜式的香味，更有一家人圍坐在圓桌前聚會的濃濃溫情。這是承載了三代人，甚至更多代人情懷的回憶。 在澳門傳承了三十年以上的「好世界酒樓」，一直秉持著初心服務台山區的街坊，直到現在都保留有傳統點心車。夜晚，更有老師傅純手工製作的精緻粵菜。這些菜式步驟繁瑣、用時較長，對火候要求較高，所以大多在失傳邊緣。 金錢蟹盒（圖1） 相傳，這是一道起源於澳門的名菜。曾經，不少酒樓為省事、省時，直接入貨現成蟹盒皮，稍作加工便可以端上檯面。 但好世界酒樓的師傅表示，這樣的方式使得這道菜的口感口味都較差，只有真正花了心思、時間磨練，才可以做出完美的金錢蟹盒。「把肥板肉切成0.1cm的圓形後，包裹蛋黃液，填入餡料，糊口、包好，入鍋初炸，再複炸。」師傅補充說，每一道工序，都對手法、溫度、技術、熟練度有很高要求，更是專業程度的體現。 #琵琶鴨 （圖2） 琵琶鴨素以皮脆、肉韌出名。要用秘製香料及獨門醬汁醃製八個鐘以上，風乾，再烤製，待到烤熟之後，再瀝乾其油分同汁水。接下來，就到了最關鍵的一個步驟：淋油。 淋油的過程是十分之講究的。既要令到整隻鴨外皮脆口，又不能使它過硬，或糊鍋，很考驗師傅功力。 #乞兒雞（圖3）（圖4） 金庸所撰寫的中國武俠小說《射雕英雄傳》中黃蓉烹飪給師父洪七公的便是這道美食。這樣一樣既有傳統文化，又富有傳奇色彩的名菜，在好世界酒樓便可以品嚐到。 將一隻處理乾淨的嫩雞，填入炒香了的餡料，再用荷葉抱住雞身，鎖以泥巴，送以烤製。製成後的雞肉油亮、入味、肥嫩、酥爛，同時也帶有荷葉的清香，老少咸宜。 下次再介紹他們的另一名物，#冬瓜盅（圖5）和 #鹽焗奄仔（圖6） 📍台山巴波沙大馬路新城市廣場2樓 🚗免費泊車3小時｜新城市廣場3樓 ⏰點心車出發時間早上8:30 🍷營業至晚上11點 ☎️ +853 28236888 #好世界酒樓 #MacauEat

The best Chinese Dim Sum I've been. - 如果你係蒲友肯定知道中環蘭桂芳一向都係打正旗號， 集世界各地美食既匯聚點。但中菜好似唔係好覺？ 近日同朋友發現係California Tower，就有一間以 "新派中菜"見稱既「紅樓」。餐廳以精緻、創新、 擺脫舊有點心框架，將特色玩意風味揉合傳統元素。 而今次我地就試左佢地既「週末點心放題」， 除左保留左剔飛仔既酒樓文化，仲加入左西式 Brunch既自助Area。提供招牌片皮鴨同一眾 冷盤小食，的確照顧周到。另外餐廳設計非常有睇頭， 分開室內室外兩邊，室內以紅配金既型格主題打造 高貴氣質。而室外就利用陽台戶外區，比你飽覽 整個維港景色。酒吧旁邊仲有梳化坐位， 中西合壁真係夠哂Chill！👇 - 📌Weekend Brunching - $288/Head 📌茶茗 - $15/Head + 10% Service Charge ▪ 花之戀☘ ▫ 一睇到Ｍenu見到花之戀？！乜唔係中菜點心咩？ 以為係壽司，其實係"蟹籽春卷"。廚師好聰明咁將 傳統長條型春卷脫胎換骨，幫佢換左套靚衫， 變成真係好似朵花咁，，非常有諗頭。入口相當鬆脆， 果然係即叫即整。 - ▪ 珍菌黑松露球 ▫ 呢個睇落成粒波既，賣相又係好精緻， 究竟係咩黎？其實係沾滿黑芝麻既咸水角。 表面有淡淡既松露香，裡面就包滿哂菇菌、 黑松露醬、豬肉鬆。咬落夠哂香口。 - ▪ 冰鎮鮑魚/Person ▫ 冰鎮鮑魚係餐廳安排每位放題食客都有一大隻， 份量有返咁上下，絕對唔係姑姑寒寒，細細隻比你。 大廚將佢切絲上，唔洗自己切，都幾細心！ 有驚喜既係廚師無用到太多調味，本身已經好夠味， 完全食到原汁原味，爽口彈牙，當然額外都會 附上Wasabi酸辣醬，鍾意濃味既都可以試下。 - ▪ 香檳金蝦餃 ▫ 原來蝦餃係呢到既招牌菜之一， 難得放題任食緊係唔好錯過啦。蝦餃size不過不失， 表面以紅菜頭汁整成天然淡紅色，再加一浸香檳金， 兩隻顏色既配搭意外地夾。 - ▪ 國寶芝麻包🐼 ▫ 芝麻包都可以做得好得意！叫得個名做國寶， 當然睇落就好似熊貓黑白配啦！而裡面黑芝麻雖然 係實心餡，但芝麻味相當濃厚。好有芝麻湯圓既感覺， 食得出粒粒芝麻磨到起沙，必食之選。 - ▪ 清湯牛肉球 ▫ 果然比普通酒樓用料特別上乘，比大多數既 牛肉顏色自然少少，唔會話用d人工色素幫佢加紅。 而且肉質同口感都更加實在，牛肉味真係重好多， 非常好食。 - ▪ 泰式炸雲吞 ▪ 椒鹽豆腐 ▪ 椒鹽魷魚鬚 ▫ 輪到炸物當然都要預埋佢地啦！ 炸雲吞起碼即叫即炸，唔會話黎到已經淋哂，合格。 兩款椒鹽小食都做到大排檔層次，夠火喉又夠鑊氣， 食落唔會油淋淋，食得過！整體呢餐點心放題非常滿意，每人連埋茶位加一都係HK$300， 邊食邊歎靚景，值既！ - 📍 紅樓 - Redhouse♦️ 🎈中環蘭桂坊德己立街32號加州大廈23樓

❣️東海酒家全新形象強勢登場 懷舊手工菜打響頭炮❣️ 🌟大胃倩覓食推介！早前有幸率先品嘗東海飲食集團旗下的東海酒家「懷舊手工菜」！ 東海飲食集團屹立香港36年，陪伴我地成長及見證港式餐飲業發展！ 東海酒家正式以全新形象強勢登場！今次去左坐落於鰂魚涌太古坊之核心商務地段既分店，內部裝潢以水墨畫及懷舊茶居為靈感，配以東海一貫專業中式餐飲服務，絕對係難忘既體驗！太古坊分店先以60至80年代風靡萬千饗客懷舊點心及小菜系列打響頭炮！！將最傳統味道呈現於眼前😍 🌸懷舊小菜宴🌸 懷舊蝦多士 ($60) 東海小炒皇 ($88) 蝦籽柚皮 ($128) 大良蟹肉炒鮮奶 ($78) 沙拉骨 ($58) 江南五繡 ($68) 🌸多款滋味「懷舊手工菜」🌸 🌟懷舊千層峰 豬耳口感爽脆！以豬耳製作成千層峰，將豬耳帶上另一層次！可惜由於工序繁複，至80年代末已買少見少！先將豬耳放入滷水汁煮超過半小時使其入味，再加入充滿膠質的雞湯，並放入模具冷卻成塔形再切片！入口滿滿滷水及雞湯味，咬起來爽脆過癮，層次分明，配上彈牙海蜇，更是吃不停口！！ 🌟懷舊沙律明蝦角 沙律明蝦角係80年代中期炸物點心長勝將軍。當時正值香港酒樓文化發展時期，點心師傅大膽以西式醬料沙律醬作調味，餡料採用爽口清新既甘筍粒及西芹粒配上鮮美彈牙上等明蝦，食起黎外脆內軟，口感豐富。配合內裏滿滿酸甜沙律醬，入口十分滿足！！難怪沙律明蝦角於當年茶樓風靡全港，大小朋友最愛的點心之一！！ 🌟古法金錢雞 順德名菜「金錢雞」，相傳此菜式源至大戰過後，食肆將唔同食材混合以製作燒味。呢道菜色雖然沒有雞肉，但卻包含多種材料，充份展現中國人飲食智慧。用長鐵針串起雞肝、豬肉眼及冰肉各一塊組成來燒烤，後配以層餅放底上碟。因為形狀似金錢，故稱為「金錢雞」！！由於製作耗時，而且技巧比燒乳豬等燒味更為複雜，所以買少見少。入口即化，滿口燒烤香氣，結合了雞肝的粉嫩、肥豬肉的爽口及嫩滑，一試難忘。 🌟薑芽皮蛋酥 鬆化香口既皮蛋酥是傳統港式糕餅，更是粵式嫁囍禮餅之一，寓意早生貴子。新鮮出爐皮蛋酥，外層酥鬆香口，包裹著綿滑濃郁的綠豆蓉，加上優質皮蛋，味道芳香美味，深受不少食客喜愛。要做出一個美味的皮蛋酥，除了考師傅的功架之外，還取決於用料！！主角皮蛋選用優質的流心皮蛋，確保可以皮蛋酥出爐後不會影響口感。要做到香而不膩，秘技就係加入一小片酸薑，酸酸辣辣既能夠中和油膩感之餘又能帶出皮蛋酥的獨特香味！！ 🌟話梅豬手 豬手即豬前腿上部連骨帶肉的部份，皮厚之餘膠質豐富，適宜用來炆煮。先將豬手略煮，並加入紹興酒、鎮江醋、八角、話梅、老抽、生抽、冰糖及預先炒香的薑蔥，炆煮兩小時。不時要留意火候並作出調節，時間亦要掌握得好，這樣豬手入口才夠軟腍入味！！進食時配以酸甜的話梅肉，令豬手清香而不膩！！ 🌟蝦籽柚皮 傳統粵菜蝦籽柚皮，製作工序繁複極考心機。菜式起用上等沙田柚，一般盛產於六月至九月。柚子浸水數小時，以待軟身及消去苦澀味，再以上湯燜煮8小時。一碟成功的蝦子柚皮，不但要入口即溶，柚皮亦不可起渣，口感像海綿般幼滑，伴著表面鮮香的蝦籽同吃，湯香味濃，略帶回甘！！ 🌟蓮蓉西米焗布甸 飲茶除左必點的傳統點心，大家最期待的莫過於是甜點！！蓮蓉西米焗布甸更是中西合璧甜品中既代表作。蓮蓉甜味比起一般的糖，較天然及清新，適宜加入於甜品中以營造豐富濃厚既口感。加上入口即溶既西米粒及經火炙焦糖表面，食起來略帶吉士及牛油香。進食時謹記混合底部的蓮蓉，感覺滿足！！ 東海飲食集團 East Ocean Gourmet Group www.facebook.com/eastocean.hk www.eastocean.com.hk #東海酒家 #大胃倩系列 #hkfoodie #hkfood #hklife #hkmum #hkblogger #bloggerhk #hkkol #mamablogger #食家 #yummy #hkfamily #hkparents #parentsblogger #hkvlog #hkblog #lifestyleblogger #hkmomblogger #hkinfluencer #hkmama #mumlife #hklifestyleblogger #hkmodel #influencer #hkmumblogger Sin Sin Lee