【龔成問答信箱】（Q21541-Q21560）

Q21541：

阿sir，剛剛重溫你第五堂既野，去計0066企業價值，唔知計得啱啱啱

咁我就用左2012-2020年既數據既 咁由細到大排左市盈率再揀左中間5年既就係13.18-17.56，

咁由於2020年港鐵因為物業估值嘅關係導致佢每股盈利得出負數，咁我就用2019年嘅每估盈利為1.94，

乘返市盈率再俾上下10%緩衝得出就係24.09-37.47。請問方向正確嗎？

謝謝阿sir

龔成老師︰

你成個功課，方向大致都正確。但因為港鐵(0066)較為特別，所以係你答案之上，會有些調整。

首先，每股盈利部份，由於集團收入係包括一些物業重估，所以你見佢過往多年，個數字都唔太穏定，有上有落。因此，我建議你用6年平均去計，會較理想(不計2020年負數)。

另外，市盈率方面，由於每股盈利包含了物業重估部份，令企業價值被高估左，實際PE應該係無咁低(如果你記得計算PE的公式，就會明白我意思，可參考第5堂, SLIDE3)。

因此，PE個合理範圍，我地都會調高少少，去反映這個物業重估，所帶來高估每股盈利的影響。

其實最正統的方法，要每一年的盈利扣除翻物業重估，以這個作基礎調整市盈率數據。

每股盈利︰HKD2.34，合理PE大約上調15%，即15 - 20倍。

合理價格︰HKD35.1 - 46.8

當然，這只是其中一個估值的角度，而投資者在進行估值時，會同時用多個估值方法去進行估值，得出更立體的結果。你預佢現時估值，是合理區中上位置。

------------------------------------------------

Q21542：

你好，龔Sir。 我剛報了股票班，希望踏出第一步，去增加智識。現想請問 MPF 組合問題。

我現時39歲，睇返MPF滾存至今，只有30萬，以往未有理會，但至從看你的fb, 令我有所改變，MPF也是一種投資，不能輕視。

曾經睇過一片文章，MPF要按年齡去增加債券比列，不知以下改變，是否適合。

我39歲，單身。 MPF經理：銀聯BCT

現有資產基金組合：
4月開始轉了30%環球股票, 40%大中華股票, 30%環球債券

將來供款投資組合：
4月開始轉了 3.49%中國及香港股票, 40.75%大中華股票, 27.88%環球股票, 27.88%環球債券

十分感謝回覆。

龔成老師︰

強積金的配置其實唔複雜，你只要按你的年齡階段，去進行分配就得，年輕時較進取，中年平穩，退休前就保守。基本上你按年齡，慢慢跟這樣比調整就得。

強積金是一個超長線投資，中短期當然會有上落，但就唔需要轉來轉去。

只要按你的年齡，長線配置就得。我自踏入社會工作後，一直都是100%恆指，無變過，根本唔需要理會。

當然，你想分散風險，加入一些大中華股票或環球股票，係可以。

但環球債券增長力不高，除非你投資取態好保守，否則以39歲年紀計，就唔係咁適合。

股票班見!

------------------------------------------------

Q21543：

老師，想問金界合理區正確嘛？另外，老師覺得幾多先算便？值得入？我用上堂教的方法，計到佢合理價為$8-$10。

我而家有現金30萬
10萬1044

仲有一d質素無咁好既股票諗住逐d轉番做有質素既

我心裡面知而家股市未係平宜，老師都叫人留現金等大跌市先掃貨，但成日心郁郁想入市，例如金界，但同時又會諗，如果等大跌市，回報會高好多

內心會爭扎，工作收入唔穩定，所以會好想d資金用得其所，唔想再係有機會但無錢入

如果係你，老師會點做？

龔成老師︰

你做的估值，係合理的，現時金界(3918)算在合理區。如果要到平宜區，你預跌多2成以上。

這股股價較為波動，不過都有長線投資的價值，現價可分注投資。另外由於市場新興，在注碼上不能投資得過多。

另外，我地無人知將來個大市會點走，更加唔會去估佢走勢。只會用當時平貴，去制定入貨策略。唔好比自己心理或者大市氣氛，影響到你計劃。

係價格合理時候，入一部份資金。到平宜區時，我地就大力入貨。

恆安國際（1044）主要業務為在中國生產，分銷及銷售個人衛生用品，零食產品及護膚產品。

恆安擁有多個品牌，如「心相印」、「安而康」、「品諾」、「安爾樂」等，而業務大致可分為紙巾產品、衛生巾產品、一次性紙尿褲產品、零食產品。

恆安具有品牌，又處於增長中的市場，前景不俗，故此企業為不錯的優質股。不過，市場競可能令毛利略為受壓，但相信隨著此企業發展更多較高毛利產品，影響不算大。

長遠來說，恆安仍有一定的前景，故有投資價值的。成本上升，令佢略有風險。整體而言，有長線投資價值，現貨可持有。

但緊記，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多(少於組合之30%)，同一股不能太多(少於組合之15%)。要平衡，建立後長期持有，不是買賣賺差價，而是成為你財富組合一部分。

因此，你未來要加入更多不同行業的優質股，令個組合平衡翻，唔會太偏重個別股票。

你持有股票如果係劣質股，就應馬上沽出。如果係質素較弱，但又未到無質素，可以分段咁慢慢沽。

現時大市只在合理區，現金和股票佔比，最好係各一半。由於你收入不穏，最好額外儲半年開支，作不時之需。

雖然無人知幾時會大跌市，但你都要預留一定資金，去把握這個可能出現的機會。

------------------------------------------------

Q21544：

老師，唔好意思，可能又要麻煩你，我手上持有1257@$3.5 / 三手：(3000股)，今年1月25日入，目前為$3.12。

最近Biden發表減碳目標，同各大基金經理亦看重中國實際參與度，你認為對此股在中長期算是利好消息嗎？

另外，相較之下老師如何看待956, 257 同 1330呢？

多謝老師先，同好多謝你不斷俾正能量同正面思維大眾，默默地，它們對好多人真係有一定程度嘅影響，我自己也是其中一個。

希望大家一齊進步！再次感激老師！

龔成老師︰

中國光大綠色環保（1257）其實本質不差。

睇翻佢的業務情況，長遠發展其實是一個大方向，但佢近年負債有所上升，加上市場擔心佢之後的增長力有所減慢，因此對這股的評價減少左。

負債與發展持續性，都是這股的風險因素。

你所講的減碳目標，都會係一個利好因素。長遠來說，這股仍是有投資價值。但此股畢竟有一定風險，不建議太過大注，同時可能仍會弱一段時期。

新天綠色能源（0956）和綠色動力環保(1330)本質不差，業規模比較細，整體質素和潛力度，無1257咁高。

光大環境（0257）係中國光大綠色環保（1257）母公司，都係主力環保相關業務，同樣有質素，但由於己有一定規模，故潛力度會較1257為弱。

------------------------------------------------

Q21545：

老師，剛想到一個情況

我在102元時入左一手平安好醫生，早前有一天，記得因為有個女股神定乜知名人物大手購入這1833，令佢股價一日內突然狂升幾十元到140多元

我剛剛突然諗，這個突然炒高的價位是因為某些巿場利好消息，應該超出了1833的合理價，當時我應否先賣出了。

待1833回復合理價位（例如現在經常徘徊在90多元）時再買入來長線持有？

龔成老師︰

我地優質股，永遠都係長線持有，會係最好。好似這類中短期波動，其實唔需要特別做任何動作。

更加唔好去沽走勢，覺得佢$140就一定係貴，我沽左先，平D再買過。這個不是正確做法。

早前佢升到$140係貴，但未算得上十分貴。無人知之後，會唔會更貴，到時你就無機會入翻貨。所以，這個水平的股價上升，我地係唔應該沽貨。

平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

你現時只有1手，你只要耐心長線持有就可以，等待這企業改變整個行業的情況。

------------------------------------------------

Q21546：

老師你好 啱啱睇完你本股票勝經 𠵱家睇緊50優質潛力股 加上自己睇下其他資料

現打算月供以下股票 希望老師俾少少意見 謝謝。 (之前老師你建議 平穩增長: 潛力為7:3)

盈富+中銀香港+港鐵+領展+中電+金沙

再加安碩恆生+小米/騰訊+港交所

想請問每隻月供係咪1/9咁分? 定某幾隻應該供多啲? 謝謝老師解答。

另外我已經報咗名上你股票班 到時會盡量同同事調時間務求上到老師你嘅堂 (我仲幫埋妹妹報名一齊上堂 會好好努力學習)

龔成老師︰

你現時所選組合，係合適。所選的都是有質素的股票，以及有長線投資價值，無問題。

資金分配上，我建議你簡單點，將月供資金分成10份。盈富(2800)月供2份，其餘全部供1份。

上課前，你先看看我的書，對你課堂吸收會有幫助。你有時間，可以睇埋"財務自由行"，但無都無所謂。

而我會較建議，你這刻可以初步進行上述計劃，但就一定要留有現金，到上堂後，才正式進行整個組合的具體配置。

一齊上堂是一個很好的學習方法，因為可以討論，大家可以更快進步。股票班見！

------------------------------------------------

Q21547：

老師，如果一隻股票我有$10買入，而現時升到$20，如果仍$20仍是合理價，應否加注？

如果加注會拉高我平均買入價。

龔成老師：

你思維錯左，唔好比「過往平均買入價」限制左自己，你要分析，現時我手上有一筆資金，怎樣會對長遠財富有最大回報。

當然，要同時考慮整個組合的配置、現金，持貨比例。

------------------------------------------------

Q21548：

Sir 我見很多收息股股價上落不多，但成交很多，是甚麼原因？

龔成老師：

因為市場對佢合理價的定義較為一致，沒有大大的分歧。

投資者認為企業價值好接近，例如$100億-$105億，如果市值上到$106億，就會有好多投資者認為貴，因而賣出，令股價下跌，所以股價不會太超過一定的範圍。

相反，如果一隻股票股價上落大，代表市場對這企業的睇法及分歧好大。

至於成交大，代表買賣好多，不一定會令股價有好大的變化。

------------------------------------------------

Q21549：

老師，我媽咪成日聽到我講買股票，最近夾硬過咗啲錢俾我，叫我拎去我投資

我會打算將媽咪嘅錢，放落去水桶1-2，買返去我平時睇開嗰啲，可以？

龔成老師：

你媽的風險承受能力，與你並不相同的，你不應投資同你一樣的組合，投資水桶1-2，並不適合佢。

特別是佢對股票無乜認識，當佢面對短期股價波動時，承受壓力的程度與你不一樣。

建議你幫佢投資水桶3類別的股票，再加上水桶2，會較適合佢。

------------------------------------------------

Q21550：

龔sir,你好！我是一個90後雖然我不是你的學生，但我都有留意你出嘅書，也同意你書中大部份的內容！

其實我今次信息你係希望你可以講下一個大部份有錢人都會做的事情「捐款」！

我相信你在成名之前也做了不少的善事導致有今天的你！

例如用自己嘅時間真心去回覆別人嘅問題.....，希望你來緊會出一條影片去陳述關於捐款對自己變得更富有嘅影響！因為我相信普通人變成有錢人離不開第一個步驟，就是幫助別人或捐款！好多謝你去留意我嘅信息！

龔成老師：

我睇左好多成功人士、有錢人的書，佢地都會貢獻社會，而我都在這樣做，原來佢地好明白一個社會法則。

就是你要「先給予社會，你才會得到」，如果我地想有更多財富，更加成功，就要先貢獻更多給社會，這是成功人士、有錢人、我，都明白的。

這個世界好神奇，你貢獻愈多，得到的就愈多，這樣的情況我已經歷了好多。

另外，當我地擁有了一定的資源，自己根本用唔晒，就應該還翻比社會，因為所有資源都是大家的，只是有時我地憑努力分多左少少，而比翻多d社會都是很正常的事。

------------------------------------------------

Q21551：

龔老師：你好,本人有一些股票問題想請教！本人在較早前以$1.64買入1569（民生教育）及以$1 .3買入2233（西部水泥）,2隻股票都有5萬股

而西部水泥過往3年的派息都不錯,但民生教育則比較小,我明白教育股是需要保留資金的道理,故此請問上述2隻股票可否長期持有？

另外本人已55歲,有50萬現金,我想分配到2（中電）、2800（盈富基金）及2822（南方A50),可以嗎？
多謝龔老師提供資料,感激！

龔成老師：

民生教育（1569）主要於中國提供民辦高等學歷教育，包括本科學歷教育及大專教育。該等學校為重慶人文科技學院、重慶工商大學派斯學院、重慶應用技術職業學院及內蒙古豐州職業學院（青城分院）。

過往的業務都有發展的，盈利整體有增長，不過就有少少波動。

企業長遠的發展力屬中等，現時股價合理，預期企業能平穩增長，但預期不是高增長類別。

你有貨可持有的。

西部水泥（2233）主要在中國陝西省從事水泥生產，以「堯柏」及「堯柏水泥」商標銷售，主要用於建設高速公路、橋樑、鐵路及道路等基建項目以及住宅樓宇。

業務不過不失，雖然都有d質素，但不算好強，產品價格自主能力不高，賺錢能力不算強。

比較吸引的是現價唔貴，但長遠對佢增長就唔好有太大期望，可以視為收息股。這類股唔建議太大注投資。

其實兩隻都可以持有，不過，以質素及增長力來說，都不值得持有太多。

至於你資金，可以分配到盈富（2800）、南方A50（2822）、中電（0002），建議加時加入少少收息股，例如香港電訊（6823）、置富（0778），組合會更加平衡。

當然，財富組合都要有一定的現金在手。

------------------------------------------------

Q21552：

請問老師2158現價可入嗎？另外，6886($26入）和2623($0.55入）都是持有很多年，一直都沒有止蝕，這二隻還有希望嗎？

龔成老師：

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價算是略貴，最好回翻多D先考慮。

ＨＴＳＣ（6886）以「華泰證券股份有限公司」於國內開展業務，佢主要為個人、機構和企業客戶提供的金融服務：

（１）經紀及財富管理業務
（２）投資銀行業務
（３）資產管理業務
（４）投資及交易業務
（５）海外業務

其實業務都不差的，但增長力就唔算強，現價合理。由於你買入價貴，而這股增長力不強，要上翻去不易，你或者見有較大反彈都可以減持，轉其他對組合長遠增長力較好。

愛德新能源（2623）業務波動，之前年年虧損，近期先好翻少少，是高風險類股，這股長線投資的價值，唔高。賣出較好。

------------------------------------------------

Q21553：

龔老師，我手上有
1211, 2手$270
968, 3手$18.5
2820, 8手$145

你覺得呢幾隻股發展潛力如何？我應繼續中線持有，唔好理中間波動？謝謝

龔成老師：

1211買入價貴，但有潛力，你持有就得，不過要耐心D，同時唔好心急加注。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價合理區頂。你買入價略貴，不過有得守，只要不持貨過量就得。

ＧＸ中國生科（2820）有潛力，但現價仍貴，你可長線，但唔好再心急加注。

------------------------------------------------

Q21554：

龔sir，想請問下第5課計港交所合理價時，每股盈利你用最近5年，但PE就用10年內的4年，點解PE唔可以同樣拎最近5年？

我諗法係PE係嚟自除以EPS，咁EPS同PE所選取的年份如果唔對應會唔會有問題，同點解冇問題，謝謝你

龔成老師：

因為計算每股盈利時，我地其實是考慮「有代表性的每股盈利」，因此，並不一定用5年平均，這只是一個較簡單的方法，最正統的方法是自行推算。

所以，當用5年數據時，只是找一個較近現時有代表盈利的數去計算，是否5年並不是重點。

至於市盈率，則是運用能反映企業與市場關係的數目，如果10年的大環境無變，就會用10年，但如果大環境改變，就會用較近的年份，其實這都是無絕對的答案。

------------------------------------------------

Q21555：

最近經朋友介紹瀏覽你的網站，十分欣賞你正面的信息。有心真的不怕遲，只要努力，必定可以慢慢達成理想。

我40歲左右，之前因生活問題，放棄了讀博士（這是我一直的夢想)。後來決定以Part Time報讀，終於在2017年畢業。

當初有親友說我不設實際，但完成了自己的夢想，真是很快樂。大家努力~！

龔成老師︰

只要有一個你真正重視的「夢想」，就算再困難，幾無人支持你都好。只要你個「夢想」對你夠重要，你都一定會諗到方法去完成。

當你現在成功完成這個「夢想」，代表你人生又行前了一步，恭喜你。

在完成這個「夢想」之後，我地又係時候要好好規劃之後的人生目標。

好好思考如何去「經營未來的人生」，給自己一個獨處時間，好好想清楚自己的下一個夢想、目標，是什麼。

當你有方向後，你要將自己放到一個「適合你成長的環境」，努力去「成長」，提高自己能力，向下一個新目標和夢想進發。

------------------------------------------------

Q21556：

龔老師，你好，想請教下，N年前十幾年前的買了隻1191,成本12.8，一直跌。

現在一蚊都冇，唔知點，放左單咩都冇，同所淨冇幾。會否升返嗎？由佢放係度？

謝謝老師

龔成老師︰

我地是否持一隻股票，唔係睇佢個股價，而係睇佢有無質素。如果無質素，就算而一刻蝕多少，都應該要沽。

中國中石控股(1191)主要於中國從事物業發展業務，以及金融服務。

這企業規模好細，而且營業額都唔高。睇佢過去多年出現虧損。

加上2019年核數師意見是「不表示意見」，代表盤數有機會係有問題，對這類企業我會好有戒心。

現時由於佢2020年年度業績審核未完成，所以公司暫時停牌，因此你現時係無野可以做到。

此股唔見有明顯的投資價值，到佢復牌後，建議沽出。如果你持貨較多，可以每有出現反彈，就分批沽出。

------------------------------------------------

Q21557：

老師有啲嘢想問你，1858 春立 至從骨科集採，成本下降，而且由高位下跌66%時候已入貨(成本$19）

想問下呢隻值得我作為倍升股持有嗎？

龔成老師︰

集團毛利率由2019年的69.38%上升到2020年的72.60%，主要由於採購議價能力加強和公司量產導致固定成本相對下降所致。

這是一個正面的訊息，但我地分析企業，唔好只睇1,2年情況，而從長線去做考量。

春立醫療（1858）長遠有發展的。

佢主要從事以自有品牌「春立」研發及產銷植入性骨科醫療器械，產品包括：

（１）標準關節假體產品：主要包括髖關節假體產品及膝關節假體產品，用於治療骨關節炎、類風濕性關節炎
及其他疾病。

（２）定制關節假體產品：分為傳統定制關節假體產品及組配式定制關節假體產品，主要用於治療關節骨折及
其他原因所致的關節損傷或骨缺損。

（３）脊柱產品：包括頸椎前後路固定系統、胸椎固定系統及腰椎固定系統，產品適用於退化性疾病、脊柱疾病、畸形、骨折及其他病理原因所致的背痛。

佢係關節醫療器械技術有一定經驗，受惠於未來人口老化對醫療用品需求、醫療器械納入醫療保障等因素下，此股有佢架投資價值。

集團盈利由2015年4000萬，升至2020年2.8億，升近數倍。但主要升幅來自2019年，所以盈利增長唔算係平穏。

現時股價比之前合理翻D，但仍未算平。

此股都有倍升機會，但質素上，未算係最高個類。而且都有一定不確定性，不宜持有過多。若佢只佔你組合小注，你長線持有就可以。

------------------------------------------------

Q21558：

龔sir, 你好...我現在33歲, 有兩個小朋友, 大的5歲, 細的1歲, 目標係草到個首期上左車先。

由於之前都係短炒為主, 真係損手爛腳, 剛好早排有朋友推薦我看你旳facebook, 所以才開始接觸月供股。

有幾個問題唔係好明﹐想問問你,希望你百忙之中抽小小時間回覆...

1. 月供股意思:假設我月供金沙, 每月供$3000, 以而家1手股價係1萬4左右, 咁即係供4-5個月左右才入到一手, 係米咁意思...

2. 金沙而家呢個價位可入嗎?

3. 假如我每月投放$8000, 想月供2-4 隻, 有推介嗎?

龔成老師︰

短炒根本是無法賺錢，我之前做銀行、證券行多年，見證大量客短炒全部都蝕錢，只有長線才能有錢賺。所以，往後不要再用短炒這模式去投資了。

1) 簡單來說，月供股票就是你每月將現金，買入某一隻或多隻股票，慢慢咁樣儲貨。

形式就是每月投入相同的金額，買入同一隻或多隻股票，並持續進行。

以你例子，每月用相同金額$3,000 買入金沙（1928），假設第一個月股價為$30，就能買入100股；第二個月升至$35，就能買入85股；第三個月跌回$25，就能買入120股。

總結這三個月，投入了的資金為$9,000，累積股票為305股，平均買入價為$29.5。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

當於初學者或者不懂定平貴的投資者，月供可以令佢地買貴貨風險，得以大大減低。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3年以上，之後持有5年以上。

月供最重要的一點，是「選股」，如果你無選股能力，就投資ETF，如盈富(2800)。

2) 金沙（1928）有質素的，有長線投資價值，收息不差，同時有平穩增長力，但不是高增長類。

現價合理，可分注入貨，或月供都可以。

3) 以你33歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。如果每月能儲到的現金為$8000，你可以每月先用$4000儲蓄，另外$4000就先儲起架策略。

平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）

潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845），但就要明白波動性比上述會高左，同時風險大左，你要自己平衡。

由於你投資知識不高，我建議你先集中在平穩增長類股，至於潛力股，只宜小小注(少於3成)。此期間，你最好是努力提高投資知識，才慢慢增加翻潛力股比例(最多5成)。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21559：

想問下1800 中國交通建設 點解高息, 低淨值, 低市盈率, 高現金流, 有增長, 都可以跌足4年?

市值 (港元) 165.693 億
市場價值指標 (最新)
年度 (貨幣) 2020/12 - 末期 (人民幣)
每股盈利 (人民幣) 92.000 仙
每股派息 (人民幣) 18.088 仙
派息比率 (%) 19.661%
每股現金流 ($) 0.857
每股淨資產值 (人民幣) 15.160 元
市場價值指標 (全年)
市盈率 (倍) 3.4
周息率 (%) 5.712
股價/每股淨資產值 (倍) 0.206

龔成老師︰

你都講都佢一些正面的財務因素，但我地唔會單憑個別年份的指標，去評斷佢投資價值。

我地要好全面，去睇佢過往多年數據變化，企業本身質素和行業發展狀況等，去得出一個綜合性結論。

中國交通建設（1800）本身不是無質素，但又未去到好好，算是中等類別，但增長力不強。市場會擔心企業的可持續發展，擔心生意無過往咁好。

過去幾年收入的確維持增長，但你再仔細去睇佢財務數據。

你會發現，多年收入維持增長的同時，盈利整體係出現倒退的情況，反映佢賺錢能力係弱左。

而且佢本身負債高是扣分的地方，因此估值不會高(所以PE一直偏低，反映出市場對佢評價較一般。)，股價都反映了相關風險。

此股現價算是合理，分注投資都可，但就未必適合太大注。

------------------------------------------------

Q21560：

你好龔sir，本人28歲，投資新手

想請教你對0311 聯泰控股和恒生simplyfund 基金的睇法。

謝謝

龔成老師︰

聯泰控股(0311)主要從事成衣及其飾配件的生產和貿易業務。

此企業規模唔大，盈利都唔算高。賺錢能力唔強，加上有一定負債，都係扣方地方。

現價算係合理區頂，可投資。但由於質素只係一般，而且過往股價都好波動，只宜好小注投資。

至於恒生simplyfund，係一個可提供多種不同基金的投資平台。

你可以衡量翻恆生所提供之基金的投資策略，所投資的資產類別、投資策略、風險程度、市場、費用成本以及過往的表現(可以睇佢過往5-10年，如果回報係比主要投資市場高，你可以考慮投資)。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q19201-Q19220）

Q19201：

阿Sir, 我係買股新手，學人高追短炒諗住可以賺少少啦，入左就係咁跌

當日睇大行報告目標價會升，其實某d大行借有利消息氹人入貨，抬高曬個價之後佢地就沽空，散戶就落搭...係咪咁樣？

我真係後知後覺，未見識股票世面阿sir, 我最近有開始睇你d書同fb page, 多謝你無私分享你既知識，其實我都知唔應該高追炒消息，但貪心想賺少少，不過自己未衰過都未知死...

另外你可以講多啲關於大行造價呢方面既野嗎？或者你有冇邊本書有提到？

謝謝龔Sir!另外請教阿Sir

龔成老師：

第一，之後唔好再短炒，無著數的。

第二，大行報告好多目的，唔知的，因此參考下好，唔好盡信。

其實你著重了解大行的目的，根本無意思，你應該花時間集中研究「企業業務」，你買股票就是買入企業，你應該著重這企業的基本面。

第三，買股票要有好強的心理質素，股價上落好正常，要平常心。

第四，你要以「長線投資」為方向，建立一個平衡的組合。

------------------------------------------------

Q19202：

龔成老師，您好！小弟自從睇咗老師您嘅Facebook page同書（買咗4本，睇咗3本：1. 股票勝經 2. 財務自由行 3. 選股勝經）之後都獲益匪淺，絕大多數問題都解答到，仲plan緊未來疫情好轉後參加您嘅股票班，所以多謝您先！

但喺目前有一個疑問我喺未諗得通，好frustrated，想請教一下老師您，希望您可以俾一啲意見，指點迷津。

我喺2019年頭嘅時候入咗2000股電能（0006），當時$53.5/股。然後疫情爆發，0006一直都徘徊喺$40左右，反而手上其他股都升晒。

我知道老師嘅概念喺優質嘅股票不妨長期持有，但當時買入嘅時候未認識老師您，當時買入嘅目的希望喺收息，但而家功力又未深厚到可以評估到佢價值如何。

所以我嘅問題喺，我應該點處置呢隻股票呢？應該繼續持有等佢返鄉下？賣出轉買其他優質股？還是其他做法？

多謝老師嘅時間同意見！

龔成老師：

其實，我地最重要是「配置」，建立一個長期的投資組合，要優質，要平衡，買入價、賺錢，並不是重點。

電能（0006）雖然有質素，但只是收息股，你要衡量自己的投資目標及風險承受程度。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

因此，你要睇翻這股是否長期持有，又或收息股應該佔你組合的比例。

這股本質無問題，但你預佢增長力不強。

------------------------------------------------

Q19203：

你好，想問點睇佳兆業美好2168

龔成老師：

佳兆業美好（2168）由佳兆業集團（1638）分拆上市，整體都有質素的，有長線投資的價值。不過規模不大，母公司不算強，因此估值不會太高。

佢主要於中國提供以下四項服務：

（１）物業管理服務：提供秩序維護、清潔及園藝、維修及維護，以及客戶服務等，物業管理組合涵蓋住宅物
業、商用物業、寫字樓等。

（２）交付前及顧問服務：於物業交付前向物業開發商提供建築工地管理以及示範單位及物業銷售場地管理服
務；亦向其他物業管理公司提供物業管理顧問服務。

（３）社區增值服務：提供停車位租賃、公共空間租賃、家居生活及物業交易等增值服務。

（４）智能解決方案服務；與第三方承包商合作向物業開發商提供自動化及其他硬件設備安裝服務。

睇翻佢的財務數據，正面，生意與盈利有不差的增長，現金流強，有長線投資。

現價合理，不過行業股價上落較大，要注意風險，同時這股規模唔算大，因此唔值得太大注。

------------------------------------------------

Q19204：

Sir,我睇翻上年成績，股票➕股息回報率14%，對我來說也是不錯的回報率。自從2018睇到80後百萬富翁後，資產增值係好事，但最重要的是我在您身上得到啟發，真心多想您。

新的一年我都必須更加努力，完成自己的夢想。
「財務自由係每個人最基本的權利」
謝謝龔sir!

龔成老師：

太好了！

我好相信累積財富是有方法的，只要不斷增加知識，財富自然保持增長，繼續努力！

------------------------------------------------

Q19205：

龔成老師，最近有d問題想請教下阿sir你，因為怕等唔切股票班先問。

2013年喺深圳福田區買咗樓，呢層樓係同我家姐夾份買嘅，因為最近樓價升得好勁，而我同家姐各有家庭所以決定賣咗層樓分返開d錢。所以我將會有大概$2,500,000港幣現金。

講一講我背景先，我36歲，有一子，我同太太加埋月入$33,000，喺香港有一層樓自住 (係我同太太聯名買，剛住滿1年，要住滿3年先可以提早還款)， 每月供樓大概$13,000，我同太太都唔大駛嘅，冇車，公司有手提電話費，交通，午飯錢津貼，所以基本駛費主要都係保險錢+雙方父母家用+日常生活開支，大概每月＄15,000， 每月可儲蓄$5000。

我本身有一半係泰國人，擁有泰國身份，打算2023年移居泰國，我打算到時將我現居所嘅貸款還1半，再將間屋租出去

估計到時每月會有港幣＄6000收入，到時去到泰國都係想以投資股票嚟過活，因為暫時未知喺嗰度可以做d乜，喺泰國我有一層樓，所以冇住屋嘅壓力，我諗主要駛費都係小朋友讀書嘅開支。

好嘞，問題嚟嘞。我想知道我呢$2,500,000應該點部署？

我自已暫時個計劃如下，想請教老師你覺得我有冇諗得唔啱嘅地方或可以更好嘅建議。

- 2年後 會用1,400,000用嚟還現自住樓的貸款（連租金收入有$6000收入）,所以呢2年可以用呢筆錢嚟投資。

- 400,000投資股票 （暫定），上完阿sir嘅股票班後再作調整。

- 施政報告將非自住物業撤辣，令我想投資一下車位，我想買入沙田區1或2個車位嚟到收租，因為我見暫時重有80－90萬嘅車位可選擇，月租$2000-$2200，打算一炮過買入1個或2個，你覺得可行嗎？

唔好意思，文字有d長，多謝你嘅耐心同埋時間！
祝身體健康！感謝龔sir！報左你堂，上堂見！

龔成老師：

$250萬，建議有$100萬留現金，無論是備用，加上等你之後償還現時部分按揭，當中的$100萬，都建議只留現金。

因此，可動用的資金大約為$150萬。

至於車位，唔建議投資，第一，現價唔算平，租金回報率低。第二，你長遠已會將香港物業放租，因此唔需要太集中在香港的固定資產類別。

加上你日後過泰國，現時唔應該投資太多固定資產，應該持有一些流動性較強的資產，這樣會比較彈性。

$150萬現金，可以部分投資股票，部分就等機會投資。你這年齡，財富仍有增長力，可投資平穩增長股，而具體的方案，我會建議你上完堂先開始進行，唔好急。

至於現時股票，就上完堂先變，同樣不用急。上堂見！

------------------------------------------------

Q19206：

成哥、你好！想請問現在有百多萬mpf.本人三十八歲、一半係Manulife 自2010開始供康健護理

其如一半在Aia。之前放咗喺中華基金、三月因為疫情放咗喺stable bond fund.想請教應該點樣可以提高回報。謝謝你

龔成老師：

強積金的配置其實唔複雜，你只要按你的年齡階段，去進行分配就得，年輕時較進取，中年平穩，退休前就保守，你按年齡，慢慢跟這樣比調整就得。

而選擇方面，我建議你買追蹤恆指基金。因為恆指當中已包括很多中港有質素股票，絕對適合長線持有。

我自踏出社會工作後，強積金都100%恆指的，我當時公司選的強積金公司，有隻基金好簡單，就咁完全追蹤恆指，所以我就選左果隻。

以你的年齡，財富仍有增長力。相信仍可承受風險。

Manulife保持進行。

Aia則選一些追蹤指數的基金，如睇好美國，就選指標普500指數的基金，如睇好中國及香港，就追恆指。之後唔需要轉來轉去。

------------------------------------------------

Q19207：

龔SIR,您好呀
唔知我可唔可以問少少野

(呢幾個月開始留意開龔SIR你,同埋我都有買到<<80後百萬富翁>>睇緊學習緊知識)

我係澳門人,手頭上有現金10萬左右
基金大約9萬左右

安聯增長及收益 7萬(供左三年左右,依家收緊息)
霸菱環球高級抵押債券基金 2萬(供緊3千一個月)

咁股票就係3萬左右
中通 50股(218)
圓通 4000股(6.67)

想問下龔SIR你呢

我應該點樣去部署我GE投資組合會好D?
因為我見6123個價係咁跌....唔知守住先定係放晒佢

多謝龔SIR~~
希望唔會煩到龔SIR你~~

龔成老師：

基金要睇翻當中的投資策略、質素，你可以比過往佢的回報以及大市的回報，睇下佢的表現如何。

你唔好太心急去增加股票，$10萬暫時只動用$5萬，要慢慢睇機會，要時機先出手。同時，唔好再買入同一行業的股票。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

至於你的持股，中通快遞（2057）有質素。

睇翻佢的資料，佢係中國較領先的快遞公司，於2002年成立，按總包裹量計是中國領先的快遞服務供應商，市佔率約2成，佢通過全國性網絡提供送件服務，以及其他增值物流服務。

佢的網絡基礎設施，由90個分揀中心與282條自動化分揀線，由約9,050輛自營幹線車輛服務超過3,400條幹線線路組成，網絡覆蓋全中國。

至於財務數據方面，生意與盈利都不差，不過，始終新上市數據未必好準，要慢慢先見真章。現價平就唔平貴，不過有發展的，如果小注無問題的，這股值得長線。

圓通速遞（6123）本身係一家以香港作為總部的國際貨運代理服務供應商，業務已擴展至多個國家，並在亞洲、荷蘭及北美設立了幾十個辦事處。

佢主要經營以下四項業務：空運及海運貨運代理服務、總銷售代理、配套及合約物流服務。

早前阿里巴巴（9988）入股增持，令股價大上大落，這的確會令企業有更多發展，前景正面，不過，估值方面已難。

因為這刻根本無法計算佢，之能賺多少錢，企業發展情況如果，只可以話好多不確定性，但股價就反映大部分利好因素。

因此，這股雖然有發展，但同樣股價上是有風險，相信之後的股價仍會波動。只可以話，這類股小注持有不是不可，但要明白風險因素。

要留意，唔好太集中在同一行業。

------------------------------------------------

Q19208：

龔成老師 我想問2018瑞聲依家依個位算唔算值得長線吸納 我見佢啱啱份業績雖然聲學唔係太好

但係光學業務開始有增長 我見同業2382舜宇做光學 但升到依個高位

相對之下2018如果光學業務繼續有穩定增長咁咪變相現價咪平左

同埋出面市場D人好似唱到好衰好似放棄佢咁

龔成老師：

瑞聲科技（2018）不差的，本身有一定的規模與技術，長遠發展正面，不過，佢增長力不是好強，只能視為平穩增長類別。

現價合理，可以分注投資，長線持有。

佢在聲學方面的技術較強，雖然都有發展光學業務，但未能稱為強的狀態，反而舜宇光學（2382）在光學方面較優質。

由於長遠來說，光學的發展會比聲學較好，因此瑞聲科技的增長未能稱為強。但整體上，都有質素的。

------------------------------------------------

Q19209：

龔sir, 上完你最後一課，我由對股票咩都吾識，怕股票，到完左課程後覺得自已有好大進步

我成日諗，跑馬拉松，都要跟跑會學，網上學，睇片學跑姿，更何況是投資，我好興幸可以遇到你而位師傅

我個人其實無咩目標，四十歲人，好平庸，無大學學位，亦吾敢諗自已有一日可以過上等人架生活，但其實我內心是好渴望能成為上等人

可以由將軍澳居屋搬去港島區住，可以優雅地老去，老來不缺錢用，以前我吾知有咩方法，到有一日facebook遇上你

我馬上去加按自住層居屋，去買左個車位(sir你指的真正資產)，買你啲書睇，再報埋你架課程，我知這個只是起步

我而家知道世上是有方法的成為上等人的，多謝阿sir, 最後一堂，好吾捨得你，多謝龔sir。

你講到你細個時望住XXXX，我坐最前排，見到阿sir你講到眼有小小紅，吾知系米我錯覺呢，我細個時也有類似經歷

我住藍田屋村，都系成日由窗門望住對面啲私傢樓，覺得好高級，好靚，我以前以為搬去將軍澳居屋已是我人生終極，但今日我知我仲有空間向上爬，多謝龔sir比左最寶貴架知識比我。

龔成老師：

我相信你過往的感受，正正是我的感受，大家都是草根，然後希望向上爬，憑自己努力，一步步完成目標。

可以啟發到你實在太好，我相信每個人都有想做的事，想完成的目標，每個人不同，但只要有信心，都可以達成的。

我相信，方法總會有，過程並不易，但一步步，可以做到的，大家都加油呀！相信自己可以完成好多大事情！

------------------------------------------------

Q19210：

老師，你好！現時持有港交所同金沙各一手，買入價分別係371同33.4

想問老師你覺得係咪高得濟入咗貨同應唔應該返家鄉就放定值得長線持有？謝謝！

龔成老師：

港交所（0388）有質素，只是買入價略貴，你可以持有。這股有得守，可長線的。

金沙（1928），有質素，買入價合理區中上部，持有無問題，長線可以。

------------------------------------------------

Q19211：

你好，我見你成日叫人買盈富，點解？

龔成老師：

其實最大的作用是「平衡組合」，對不少散戶來說，與其自己選股，我反而會建議佢地投資盈富，因為佢地選股通常選錯，而盈富是一個組合，風險相對較低。

同時有50隻股票，風險得以平衡，因此對大部分人來說是較好。同時，有平穩增長力，對整體財富不差。

------------------------------------------------

Q19212：

龔sir,我早排起交友app識左個男仔，跟住比佢呃左賣曬手上所有既股票，用曬所有錢跟佢玩數字貨幣。

本身賺左好多錢，但最後要拎錢既時候先話要交中國所得稅，我先如夢初醒發現係一個騙局。

而家所有錢無曬，好彩我突然醒左無比個騙子說服去借錢/用信用卡套現交稅，無欠任何債務，但呢幾年辛苦儲落既錢全部付諸東流。

報左警，但相信d錢都無咩機會拎得返。

我份工受到疫情影響，呢九個月基本上收入已經大不如前，每月大約萬五蚊左右。十二月保就業完左，人工只會得返一萬蚊左右。

我四月有幾份保險要交，總共年繳約五萬左右，而家會努力用之後果幾個月既人工儲起交保費既錢。

而家一切清零，我想問我之後點部署先最適合？

本身預左我五年後可以儲到六七十萬左右買樓，但而家咩都無曬，又要重新來過。

我諗我都可能要多額外三四年先真正上到樓。
好sad呀，只能怪自己蠢。

之前跟呀sir建議月供比亞迪，賺左既錢都比人呃埋，係一個好昂貴既教訓。

龔成老師：

報左警，就由相關方面處理。

事情已經發生，這都無辦法，只有當學習，令你之後投資等各方面都小心D。

雖然這刻由零開始，但你已經有知識、經驗，因此情況已經不同。

你由基本的儲蓄開始，到一定備用現金後，就開始投資股票，月供盈富（2800），如果想高增長，就月供安碩恒生科技（3067），可長線的。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

現時只有一步步做。

或者你可以想方法增加收入，例如做小生意，做佣金類工作，都是方法，要相信，方法總有的！

------------------------------------------------

Q19213：

成老師，可惜遲左接觸你嘅page，我原本係$198有買入港交所，但係$29X就放曬。如果早小小認識你個page我或者唔會放

我依家861嘅持股平均價大約$6.6，你覺得我應該賣出，還是等回本先？麻煩曬

龔成老師：

這都是學習的一部分，只要之後持有優質股，長線，就得。

我想教翻你少少概念問題，我地持有一隻股票與否，關鍵位是企業質素、前景，不要被買入價影響。買為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

因此，股票持有與否，重點不是買入價、賺蝕。

神州控股（0861）主要從事大數據運營、物聯網及人工智能業務，業務領域包括智慧城市、智慧產業鏈、金融科技、智能製造、智能農業、智能運維、量子通信等。

都是有前景的行業，長遠有發展，不過，業務就有較大的不確定性，始終行業結構不穩，變數大。

過往盈利增長不差，不過就有少少波動，這是企業的風險所在，股本回報率不高是扣分的地方。

整體來說，業務長遠仍有發展，不過現時估值唔算平，投資投資值博率只是中等。長線投資都可，但就唔值得佔組合比例太多。

------------------------------------------------

Q19214：

你好阿sir, 唔好意思又要打攪你，最近試用你上堂教的程式篩選優質股方法，搵到一隻初步睇唔差的股 海螺創業 （0586）,想問下你意見。

我用企業分析表頭兩頁分析，5年財務數據合格，其中ROE同盈利近2年快速增長。但有個問題係，海螺創業主要盈利不是來自主業務，而係聯營公司海螺水泥

海螺創業的環保業務比較新，市場仲係初始階段，如果有海螺水泥呢啲發展成熟的企業支持，其實係咪可以視為一個優勢？

因為我都簡單分析過海螺水泥，絕對是一間不錯的優質企業，海螺水泥有規模、網絡、現金流強，負債不高，雖然預期增長力會減慢，但平穩增長相信仍然可以。

而海螺創業的主業務，近年發展出最賺錢的兩個項目為固廢處理和爐排爐垃圾處置，2項都在高速增長中，建設中及待建項目都唔少

日後營運收入會改善，年報中亦都指出以上兩項將會是未來核心發展項目。海螺創業有投資研發技術，現有垃圾處理、垃圾發電等技術水平亦不錯，相信可以提高行業競爭力。

我亦用光大國際 （0257）作比較，從年報中得知光大國際業務中有多項環保項目，而最賺錢的正正是垃圾焚化發電，海螺創業專注發展爐排爐垃圾處理可以更有力搶佔市場。網上資料顯示

中國垃圾焚化發電行業近年開始技術成熟及加快增長，成為最主要的垃圾處置方案，而行業可處理垃圾能力遠遠未達實際需求，反映行業仍處於增長期，加上近年中國愈來愈注重環保，國策大方向支持下有利行業發展。

綜合以上分析，海螺創業財務狀況、行業前境大致不錯，負債近2年增加較快，但應該係因為投資增加所致，暫時還是可接受。

由於行業始終較新，未來能否保持高增長，或者會否有新技術令行業改變是未知之數，而且行業的賺錢能力能否達預期亦是風險之一，可以講係有危有機。如果投資呢一刻唔會太大注，現價估算應該約處於合理區中上部，回返10-20％先分注入會更有吸引力。

唔知阿sir對此股點睇，有無潛力成為倍升股呢？有啲長編，先謝過阿sir！

（另附上企業評估表）

龔成老師：

你的分析不差，都講出了企業的重點，當你分析到海螺創業（0586）憑著海螺水泥（0914）而得到盈利貢獻，你就要同時分析海螺水泥，了解翻這公司的業務情況，是否本身的生意不差，是否對你現時分析的海螺創業有正面影響。

從本質未說，0914有質素，有增長力。佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

雖然增長力未必好強，但整體不差，所以，0586都會因此而利好。

我見你的分析及企業評估表都算做到分析，但就未夠深入，例如你要同時分析0914，以及從非財務數據方面，去了解這企業之後的發展。

評分大致正確，方向無問題。定出的投資策略都可以進行。

整體來講，海螺創業（0586）前景正面，佢整體的發展不差，生意與盈利都有理想增長，財務數據理想，負債不多。

佢係一家節能環保解決方案的綜合供應商，主要集中運用於水泥行業，並計劃提供具有節能環保特點的替代型綠色建材，雖然股價升左唔少，但由於盈利有實質上升，因此仍未算貴，只算合理區中上部。都有長線投資價值。長遠倍升都有機會的。

希望你可以更深入分析這股，等自己更了解後，才買入。

------------------------------------------------

Q19215：

龔sir,想問6988 ,1566點睇 ?
同打算入 9988 ,823,1810長 放 合理價可幾$入啊?
謝謝!!

龔成老師：

樂享互動（6988）是中國的效果類自媒體營銷服務提供商，利用商業智能技術為行業客戶及自媒體發佈者提供服務。

睇翻近年的財務數據，佢增長力是有的，但上市前的數據參考價值較低。

相信佢長遠，業務都有增長力的，公司話佢自己能盈利高增長。但就唔平，小注持有可以。

華夏文化科技（1566），投資價值則不高。

至於另外3隻，都是優質股，阿里（9988）$250以下較合理，小米（1810）$20以下較合理。領展（0823）現價在合理區，已經可以分注。

------------------------------------------------

Q19216：

點睇春立醫療？呢排回左好多

另外都想問埋愛康，成哥點睇呢兩隻股?現時是否兩隻股入市既好機會?

龔成老師：

春立醫療（1858）長遠有發展的。

佢主要從事以自有品牌「春立」研發及產銷植入性骨科醫療器械，產品包括：

（１）標準關節假體產品：主要包括髖關節假體產品及膝關節假體產品，用於治療骨關節炎、類風濕性關節炎
及其他疾病。

（２）定制關節假體產品：分為傳統定制關節假體產品及組配式定制關節假體產品，主要用於治療關節骨折及
其他原因所致的關節損傷或骨缺損。

（３）脊柱產品：包括頸椎前後路固定系統、胸椎固定系統及腰椎固定系統，產品適用於退化性疾病、脊柱疾病、畸形、骨折及其他病理原因所致的背痛。

佢係關節醫療器械技術有一定經驗，受惠於未來人口老化對醫療用品需求、醫療器械納入醫療保障等因素下，此股有佢架投資價值。

集團盈利由2015年4000萬，升至2019年2.4億，升近數倍。但主要升幅來自2019年，所以盈利增長唔算係平穏，同時間也推高了近期股價水平。

現時比之前合理翻D，但仍未算平，此股雖然有投資價值，但都有不確定性，不宜持有過多。不過近期有不利消息，醫療材料降價超預期，相信會影響佢一段時間，要觀察賺錢能力會否持續有影響。

愛康醫療（1789）本身不是無質素的，只是之前炒作太多。

這股經常處於少少貴的水平，這是最大風險，就算現時，都成30倍市盈率。

睇翻最近情況，自2018年「4＋7帶量採購」開始後，令醫療材料開始降價，降幅基本在50%左右，甚至更高，預計未來3年帶量採購在醫用耗材領域會持續，會常態化，影響佢的賺錢能力。

從長遠發展，這股仍是正面，但就算現價仍唔平。

------------------------------------------------

Q19217：

睇你你的Post，我開始月供5000蚊盈富，明白應該要長線投資，但我想知道如果我月供5年盈富，平均成本5年後跟那時的價格沒有太大分別

那這5年資產就沒有增值（只是收左股息），如再過10年都沒有太大分別，那起不是做不到財務自由？
求解，謝謝你

龔成老師：

如果目標為財務自由，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你這刻可集中在「平穩增長類」的股票，著重「增值」，盈富（2800）你預每年的回報，升幅連股息約8%-10%，因此都能平穩增長。

當然，這仍是未足夠的，你最好月供盈富的同時，留翻基本的現金，而這刻現金就是給你自行選股，以及把握時機進行投資，這樣，你的財富先有更強的增值效果。

------------------------------------------------

Q19218：

Hello 唔好意思唔個有冇人問過，想問老師點睇機械人行業的發展？

龔成老師：

相信長遠行業正面的，就算我屋企，都有用掃地機械人，我相信機械人可以做到的事情會愈來愈多，這可以有效減省了一些人力及時間，絕對有市場需求。

長遠正面，技術應用會更加廣泛。

------------------------------------------------

Q19219：

想問下，23年會開始供樓，居屋150萬，手上有50萬現金，有無高息股幫補下供樓？謝謝你

龔成老師：

你可以投資收息股，建立一個組合，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q19220：

龔成老師，你好，想問下

我26歲，月入萬九，因為俾人呃所以借左屋企一百萬，同兩條銀行貸款 一條17萬 一條6萬，銀行個啲會係三年內清還

想問下我想還完銀行個啲之後五年內還埋屋企個一百萬，我應該點樣做好？謝謝

龔成老師：

你要一步步由基本開始，第一，儲蓄，要設定一個好的收支模式，每月都要有儲蓄。目的是累積「初期資金」。

第二，投資，這方面要睇你有幾大信心，如果你實力只是一般、投資經驗不多，就投資一些較穩健的股，如盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果較有實力，就可投資一些較高增長的股。

第三，你要盡力增加收入，你要開發不同的收入來源，兼職、小生意、做佣金收入工作等，要大膽試，可能會有突破。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

臺北漢唐經方論壇醫案實錄三集

臺北漢唐中醫診所承續倪海厦老師在臺北的臨床醫療，並創辦漢唐經方學堂，傳承倪老師的經方教學，多年來已教導了數百位中醫學子，許多位已經從中醫藥大學學生成長為口碑優良的臨床中醫師。臺北漢唐中醫診所連續幾年舉辦漢唐經方論壇，邀請臨床經驗豐富、療效卓越的倪老師學生及學生的學生與會，解說他們真實的臨床病例，每年皆有很多中醫師、中醫學生及中醫愛好者參加聽講。會後工作人員辛苦地把每位講師的演講內容一一逐字轉為文稿，整理出版書籍及 DVD視頻，目前已經出版了兩集，第三集也即將出版。在此特意表達對所有工作人員的感謝，並為「臺北漢唐經方論壇醫案實錄」大力宣傳，有意購買的讀者請直接聯絡臺北漢唐中醫診所。簡體中文版正在協商討論，期待在中國大陸出版，讓大陸數十萬的倪老師粉絲了解真正的倪老師學說，不為網路上紛紛擾擾的虛假宣傳給誤導。

臺北漢唐中醫診所，臺北市信義區忠孝東路五段242號4樓，（02）8786-2058

漢唐經方學堂，臉書頁面 https://www.facebook.com/NiHT100/

下面是主編的書籍介紹：

第三屆臺北漢唐經方論壇醫案實錄

臺北漢唐經方論壇是漢唐經方學堂最重要的學術交流、醫案研討發表的場域，講者皆為倪師親傳及再傳弟子，將具有重大參考價值的醫案整理後發表，內容詳實，將診斷病人的思路、治療方向和病程演進，鉅細靡遺的講述，讓喜愛經方的同好能一同參與和學習。第三屆論壇歷經兩年的籌備，共有13位醫師與會報告，會中影像及投影片已印製光碟發行，會議中演講內容以逐字稿形式出版，兩者同時收藏即可重現論壇當天活動風采。

本書內容分為兩部分：前半為第三屆臺北漢唐經方論壇醫案發表逐字稿全文，後半為倪師海厦公生平介紹。此次論壇發布之醫案包羅萬象，首先是何依純醫師對甲狀腺癌經西醫治療後的經方術後調養；徐光佑醫師不為病名所綁的眼科案例；李宗恩醫師的兩例重症醫案分享，MLL-AF6 Leukemia及類風溼性關節炎；陳雅香醫師詳實的艾灸傳奇；王建富醫師續前年的肝癌末期危症搶救、老年失智照護，及首度出現的中獸醫治療四肢癱瘓的吉娃娃驗案；陳又新醫師治療經西醫治療缺血性腸阻塞後無法行走的退化性關節炎患者；朱筱琪醫師以經方治療富貴手速效的經過；李孟蓉醫師的胸痹治療；張宸鴻醫師的柴胡龍骨牡蠣湯、溫經湯、吳茱萸湯的比較和醫案解說；羅美惠醫師治療皮膚癢疹及急性膽囊炎針藥並施的過程；范陞豪醫師的大青龍湯醫案及僵直性脊椎炎施治效果；劉堯欽醫師的IgA腎病全治經過；最後是陳宇輝醫師介紹貝西氏症的來龍去脈。醫師們詳盡的解說病情的進退和用藥施治的結果，在臨床醫學上極富參考價值與意義。

後半部為倪海厦恩師的生平介紹，倪老師年輕即通五術，山醫命相卜皆有極深厚的造詣，在紫微斗數解盤、陽宅風水都運用易數和象推演解釋，開創易派象數宗，以天紀教材傳世；醫學上以經方為主幹，御繁為簡，陰陽學說貫穿辨證及用藥，傳承古法針灸並納各家之長，結合天紀將醫學做到難以企及的高度，教材以人紀為名，傳世行之以年，我們能從此書窺見倪師浩瀚淵博的知識體系，真正完整了解倪師的生平梗概。經方能夠傳世，自是因其療效顯著；經方的復興，倪師貢獻極大，二十年前並沒有談論經方的聲浪，網路搜尋經方二字，幾無結果，倪師言簡剛中，抨擊時政，加上療效驚人，人紀教材問世後，經方終於成為中醫界不可忽視的派別，華人世界中，經方儼然變成講邏輯、重科學思維的知識份子的最愛，擺脫落伍無稽的刻板印象，我們受師恩感召，自當延續香火，為恩師所學尋覓傳人，漢唐經方學堂成立六載有餘，持續傳遞經方思想，北高教室先後成立，漢唐分院也在今年陸續開設，高雄漢唐、民生漢唐皆為學堂直營的分院，年底中壢漢唐也即將問世，我們設教室、開分院、辦論壇的腳步會持續下去，經方的火炬會代代相傳永續經營。

恩師仙逝後，我們戰戰兢兢前進，現在能有些許成績，有賴諸位師兄的大力協助，學堂師長徐光佑、陳宇輝、劉堯欽三位醫師功不可沒，陳又新、陳雅香、王建富醫師年年義氣相挺，李宗恩醫師半夜跨海視訊報告，並協助恩師傳記的編寫，諸位學堂畢業的醫師群也提供質量俱佳的醫案，是漢唐經方論壇的英雄人物，你們的貢獻自當流傳後世，成為歷史的一部分。

第二屆臺北漢唐經方論壇醫案實錄

第二屆臺北漢唐經方論壇在2017年九月順利閉幕，與會發表的十三位中醫師，皆為恩師倪海厦親傳及再傳弟子，將過去一年內的醫案和心得做有系統的整理和講演，漢唐經方學堂及漢唐經方推廣協會按慣例將論壇活動內容分為DVD光碟和演講逐字稿出版發行。

本書內容共分兩部份：前半為第二屆臺北漢唐經方論壇醫案發表逐字稿全文，後半為倪師海厦公生平介紹。臺北漢唐經方論壇的舉辦，是要提供經方醫案發表、交流和研究的場域，以及擴大經方學習和接觸的人口。此次論壇發布之醫案包羅萬象，首先是李宗恩醫師開場介紹倪師醫學思想中最重要的陰陽學說和水的循環模型，並輔以醫案解說；王建富醫師的肝癌和淋巴癌醫案分享；陳雅香醫師詳實的艾灸實驗錄；劉堯欽醫師對經西醫手術治療肝癌後的症狀處理；陳又新醫師對肝癌末期患者的治療歷程及如何判斷病進病退的重要發現；施合一醫師以肺癌肝癌口腔癌說明經方治療的攻守進退以及飲食建議和禁忌；陳宇輝醫師治癒西醫不治之症的紀錄和解析；最後是漢唐經方學堂訓練的五位醫師醫案分享。醫師們詳盡的解說病情的進退和用藥施治的結果，在臨床醫學上極富參考價值與意義。

恩師倪海厦手創漢唐經方一派，為了彰顯恩師行誼和紀念恩師德澤，協會花了三年時間，向倪師家人友人和學生們進行多次訪談，拼湊倪師生平和編年紀事，將倪師生平做公正客觀的描述，讓後人得以認識恩師，相關文字內容會附在每屆出版品中，以示學生不忘本之意。

第二屆漢唐經方論壇的順利舉辦，首先要感謝願意分享的每位醫師，成功的醫案分享對中醫的發展和推廣有最直接的貢獻和助益，還有要感謝辛苦籌備及參與活動的工作人員，包含日夜連續加班的臺北漢唐中醫診所同仁以及漢唐經方學堂的同學們，另外倪師早年的學生，也就是我們資深的師兄師姐們願意熱情參與，對我們不啻是一大鼓舞和肯定。倪師生平資料的蒐集上，首先要感謝師母的大力協助，我們才得以接觸許多早期的師兄姐，諸多疑問也都有賴師母的佐證和說明；感謝學堂三位師長：徐光佑、陳宇輝及劉堯欽師兄，隨時提供即時的回覆和協助；感謝李宗恩師兄還原矽谷損友團的成立始末；感謝李翠婷師姊回憶深圳漢唐中醫館成立到分岐的種種原由和倪師真正的遺願，我們也要感謝所有受訪的師兄姐和前輩，沒有你們犧牲時間配合，斷然不會有倪師生平的問世，由於受訪者眾多，在此不一一致謝，另外倪師在扶陽論壇和史丹佛演講內容參考了李宗恩師兄在網路上的著作，在此一併致謝，在這過程中提供協助的所有人們，我們都心懷感激。

感謝您購買此書，希望這本書在經方的學習路上能給您帶來些許啟發、些許助益，而倪師的事蹟和思想能流傳後世，那就是我們出版此書最大的期待和盼望。

第一屆臺北漢唐經方論壇醫案實錄

第一屆台北漢唐經方論壇集結了十三位醫師，包含倪海厦中醫師的親傳弟子和再傳弟子，對外公開醫案研討，為我們演示了經方治病的種種，小至下痢，重至癲癇和各種癌症，醫師們仔細的講述病情的來龍去脈和施治結果，並且無私的說明治療思路和用藥施針的要點，在臨床醫學上極具參考價值，不管是專業中醫人士或是一般民眾，都可以從中獲得許多啟發，在中醫重症治療上，也留下寶貴驗案供人研究。

出版品有論壇活動錄影檔DVD和醫案逐字稿，醫案逐字稿後半部有倪海厦醫師的生平介紹，歡迎大家訂購。

（http://andylee.pro/wp/?p=8423）
#當張仲景遇上史丹佛

不少年紀大的寵物，都會有關節炎或腎功能衰退等毛病。這類病症過去被視為不治之症，而近年獸醫引入幹細胞治療法，令不少受此病患困擾的動物得到改善。

2000年起開始在灣仔獸醫診所執業的Dr. Paul，在診所收養了兩隻被人遺棄的安哥拉貓，因年老問題，牠們同樣患有第三期腎衰竭，其中一隻更有退化性關節炎問題，但早前接受了異體幹細胞療程後， 腎功能及活動能力都有明顯改善。

幹細胞是一種，可以再生成為各種器官組織的細胞。科學家過去一直研究，如何利用幹細胞，去修復因疾病而受損的器官。幹細胞療法已經證實可以用來，治療人類一些以前沒法醫治的病症，而近年亦成功可以用來治療寵物。

Dr Paul指，貓慢性口腔炎、貓腎衰竭、貓慢性腎病及狗關節炎等疾病，都可使用幹細胞療法去醫治。

如果你們想知更多有關寵物接受幹細胞療法，可以向你們的獸醫或獸醫診所查詢。

#毛城城 #MoCity
#寵物 #pets
#################
一站式寵物資訊平台-【毛城城MoCity】，想睇更多有關寵物嘅猛料? 記得上 www.mocity.com.hk 喇！

本集佳賓

台北中醫師公會理事長 曹永昌理事長以及張仲景文教基金會的執行長 張閎運先生

第一單元 別當硬梆梆空姐

根據台灣的官方統計，每年痠痛藥布在台灣的銷售量，就高達了4億3千多片，平均每個人每個月就用掉了6片之多，但是我們知道貼痠痛藥布，它可能只是治標而不治本，等到它藥效一過，疼痛感又會起來了，長期疼痛嚴重的話甚至可能會慢慢腐蝕人的行動以及精神。

中醫上又是怎麼看這些造成筋骨痠痛的原因呢？

而「痛」這個字的意思，原來和身體通道有關！？快來看這集的精彩解說吧~

第二單元 關節疼痛如何治療

關節疼痛又有分為幾種，例五十肩、媽媽手或是網球肘。

如果用針灸治療肩頸的話，肩膀上面就有所謂的肩三針，當然腳上也有穴位，那麼針對肩頸問題要插在腳上的穴位是在哪裡呢？想解決這些疼痛問題不要懷疑繼續看下去！

第三單元 退化性關節炎怎麼吃才好

退化性關節炎在幾個部位最常發生，例頸椎的退化性關節炎、腰椎的退化性關節炎叫骨刺和大腿骨及最常見的膝蓋性關節炎。

張閎運執行長介紹比化學合成的鈣片還更好的3種食物!!小魚乾、海帶、秋葵~

曹永昌理事長說酸的東西不能吃！？跟痠字也有關！？快聽他怎麼說

第四單元 【肉桂山藥鳳爪】

本集介紹能補充膠原蛋白，又可以防止骨質疏鬆的一個料理，吃雞腳補腳，讓你走起來像飛一樣XD

〈功效〉補充膠質、預防骨質流失。

〈食材〉鳳爪6支、鮮山藥半斤、秋葵6支

〈藥材〉黃耆1兩、熟地黃3錢、茯苓5錢、肉桂5分


(NTDhealth) http://www.ntdtv.com.tw/


◆新唐人亞太電視台-網路直播：http://www.ntdtv.com.tw/live

不可小看的筋骨痠痛 醫聖張仲景特輯(10)│談古論今話中醫(NTDhealth) http://www.ntdtv.com.tw/
第一單元 別當硬梆梆空姐
根據台灣的官方統計，每年痠痛藥布在台灣的銷售量，就高達了4億3千多片，平均每個人每個月就用掉了6片之多，但是我們知道貼痠痛藥布，它可能只是治標而不治本，等到它藥效一過，疼痛感又會起來了，長期疼痛嚴重的話甚至可能會慢慢腐蝕人的行動以及精神。

中醫上又是怎麼看這些造成筋骨痠痛的原因呢？
而「痛」這個字的意思，原來和身體通道有關！？快來看這集的精彩解說吧~

第二單元 關節疼痛如何治療
關節疼痛又有分為幾種，例五十肩、媽媽手或是網球肘。

如果用針灸治療肩頸的話，肩膀上面就有所謂的肩三針，當然腳上也有穴位，那麼針對肩頸問題要插在腳上的穴位是在哪裡呢？想解決這些疼痛問題不要懷疑繼續看下去！

第三單元 退化性關節炎怎麼吃才好
退化性關節炎在幾個部位最常發生，例頸椎的退化性關節炎、腰椎的退化性關節炎叫骨刺和大腿骨及最常見的膝蓋性關節炎。

張閎運執行長介紹比化學合成的鈣片還更好的3種食物!!小魚乾、海帶、秋葵~

曹永昌理事長說酸的東西不能吃！？跟痠字也有關！？快聽他怎麼說

第四單元 【肉桂山藥鳳爪】
本集介紹能補充膠原蛋白，又可以防止骨質疏鬆的一個料理，吃雞腳補腳，讓你走起來像飛一樣XD

〈功效〉補充膠質、預防骨質流失。
〈食材〉鳳爪6支、鮮山藥半斤、秋葵6支
〈藥材〉黃耆1兩、熟地黃3錢、茯苓5錢、肉桂5分

◆新唐人亞太電視台-網路直播：http://www.ntdtv.com.tw/live