🎈Doubleshot by Cupping Room (中環) 🔍中環蘇豪荷李活道49號鴻豐商業中心1樓 ----- 💫中環大館最近有新嘅藝術展「墨城」，放假過去參觀完之後就順道到附近食晚餐🍽 呢間Cupping room旗下嘅Cafe and Bar糅合文青元素及蘇豪獨有嘅野性於一身。180度嘅大片玻璃窗裝潢，令餐廳採光度甚佳，餐廳內有Bar檯亦有靠窗嘅開揚座位，加上🌿啞綠配白嘅雅緻色調，隨手一影都可以影出滿滿嘅高質打卡感。 ✨Suckling Pig Lettuce Cups ($178) 西班牙乳豬🐖皮薄香脆，肉質扎實中不失嫩口，油脂感低，加埋底下嘅醃蘿蔔絲同秘製酸汁，整體有少少似青木瓜沙律嘅味道，係西式與泰式交融嘅特色菜餚，幾開胃。 「🍸推薦配搭嘅酒品：Hampton water rose」 ✨Cold Cappellini（$248） 首次食凍嘅天使麵冷盤，感覺有趣，混合橄欖油後，麵質彈牙細膩中又帶點滑溜油香，表面有魚籽同紅蝦增添口感，整體味道行小清新路線，係偏向地中海菜嘅調味，中意濃味嘅B仔個人唔係特別鐘愛，但貌相精緻，打卡角度著實不錯。 「🍸推薦配搭嘅酒品： Esterlin brut」 ✨Boston Lobster Roll 2.1 ($298) 好耐之前食過佢哋嘅Avocado on Toast “2.0”，印象深刻，今次黎就試咗進化版嘅波士頓龍蝦version。一如以往，多士同toppings係分開上碟嘅，客人可以隨意mix & match，擺上你鍾意食嘅食材。外微脆內鬆軟嘅蛋多士，帶濃濃牛油香氣，唔加材料單食都出色。食材方面，龍蝦彈牙，牛油果幼滑，檸檬皮帶印式香料調味，整體雖有特色，但個人更愛酸酸辣辣，味道分明，有芒果粒同辣肉腸嘅Avocado on Toast “2.0”🥑。 「🍸推薦配搭嘅酒品：Monte xanic sauvignon blanc 2017」 ✨ Double Prawn Pasta （$258） 西班牙紅蝦質感同平時港式餐廳食到嘅蝦有少少唔同，質感冇咁爽彈，但蝦味會濃dd，意粉粗身，質地軟糯，飽肚帶蒜香🍝。 「🍸推薦配搭嘅酒品： Plan de dieu haute segure 2018」 ----- 👶🏻B仔整體評價：7.8/10個👍🏻 👶🏻B仔抵食程度：7/10個👍🏻 👶🏻B仔環境評分：8.5/10個👍🏻 👶🏻B仔味道評分：7.5/10個👍🏻 👶🏻B仔回頭機會：8/10個👍🏻 ----- #swallowhongkong ☺️快D跟住B仔一齊吞食香港啦！🤤 #swallowcentral