【旺角CP值高火鍋放題🔥】 #阿祖食盡旺角 呢間火鍋放題至少幫襯過4-5次，質素滿意keep住回頭，雖然位於劣食之塔兆萬但一點也不伏❤️️餐廳更聘請聾啞人士，完全唔影響服務水準。阿祖一行3人幫朋友慶生、帶蛋糕亦不收切餅費🎂星期一夜晚去到人山人海，記得提早訂位，book枱記得表示想坐卡位，就更闊落舒服！以下詳細為大家介紹 。 💛 #香港人在心中推薦 💁🏻‍♀️ #阿祖_火鍋店 。 💕價格及用餐時間 只有一個套餐選擇，任食2小時原價$288/位，星期一至四7折、星期五至日8折✨計埋收加一、部分湯底加錢，阿祖嗰晚埋單三個人$774，平均每人$248 。 💕湯底 提供14款選擇，基本湯底有沙爹、胡椒豬肚、麻辣、芫茜皮蛋、豬骨湯；升級湯底+$20為黑松露雜菌、蕃茄牛、冬陰功、喇沙等；頂級湯底+$50有清酒卜卜蜆，麻辣雞煲🍲揀咗四川麻辣+蟲草花雞，雙拼+$20！四川麻辣麻香適中，辣度大約譚仔五小左右唔會食得太辛苦，內裏有不少豬皮、豆卜，少許油膩🌶蟲草花雞雞件份量不少，但藥膳味不重，比較清淡。之前試過沙爹、卜卜蜆也不錯 。 💕肉類及海鮮 點湯底後會送上一碟頂級牛肩脊及海鮮盤。牛肩脊肉質嫩滑重牛味🐮另外肥牛滑牛、黑毛豬腩片、豬頸肉、雞件都係任食，肥牛不算太肥但較為薄切。海鮮並非任食、海鮮盤包括海蝦、海蜆、帆立貝、鯇魚等，份量跟人頭俾。海蜆質素非常高，肉質爽口冇沙、飽滿有汁，海蝦同帆立貝也算新鮮🦐 。 💕炸物及手工餃、丸 比起牛肉及海鮮，呢度更注重手工火鍋配料！魚皮3款口味包括金沙鹹蛋、避風塘及蒜蓉，必食「金沙鹹蛋魚皮」，每次點都新鮮熱辣炸起，香脆不硬身，鹹蛋黃甘香夠多入味，反而避風塘就只係味粉、唔太香口🐟「即炸手工紫菜響鈴卷」也是必點！另外手工餃也色彩繽粉、不少有新鮮蝦肉在內，丸亦爽彈真材實料，推介：芝士紫菜蝦蟹餃、黑松露蝦蟹餃、鮮蝦水餃、芝士墨魚丸、蝦丸、梅菜豬肉丸🥟👍 。 💕其他火鍋配料、飲品、甜品 大路嘅配料、豆品類同蔬菜都有，自己用ipad點，能夠半份半份咁嗌～可以試下佢地嘅蝦滑，食落幾爽。飲品方面都係普通嘅罐裝汽水、紙包飲品，就冇自家樽裝泡茶嗰啲。甜品有維記雪米糍同不知名牌子杯裝雪糕，叫做有少少甜嘢食下 。 總括來講，如果你好鍾意食肉、特別係靚牛同任食海鮮，呢間放題就未必好適合；但假如你肉未必食得太多，又鍾意精緻嘅手工火鍋配料，佢就真心不錯😊 。 📍點鍋 旺角西洋菜街1號兆萬中心3樓301舖 ⭐️人均消費：$288七折再加一 。 #joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hkig #hkfood #hkgirl #香港美食 #旺角美食 #旺角黃店 #黃店 #阿祖黃店地圖 #點鍋 #火鍋放題 #任食放題 #雞煲 #雞煲火鍋 #麻辣火鍋

渝味曉宇，算是艾小姐吃過較一分錢一分貨的火鍋，完全不會令人失望！！😍😍😍 . 這裡的湯底應該算是全城最抵，只需 $38 一個人，兩個人 $76 就有一個高質鴛鴦鍋，一邊選了重慶麻辣湯底，另一邊選了山珍菌湯底，兩邊各有特色，真材實料，超好味道！！麻辣湯底易入口，唔會過辣；山珍菌湯底，好飲到停唔到，真心抵到難以置信！！！！🥰🥰🥰🥰 . 食物方面，非常出色，品質絕對超越價格：稻田毛肚同鮮鵝腸，非常新鮮爽口彈牙；美國桶肥蠔同鮮活海蟶，勁新鮮勁大隻；美國安格斯優質肥牛，睇個樣都知好食；鴨血滑溜口感一絶；韭菜豬肉水餃，連水餃皮都好食過人；手打蝦滑爽口彈牙；西洋菜乾貢菜，爽口新鮮；曉宇苕粉，粗粗的好 Q 好彈牙；重慶炸酥肉，份量多又有地道特色！！！！🤤🤤 . 呢度裝修又新又靚，兩個人坐卡位非常闊落，而且工作人員服務態度非常好，絶對值得一讚，會主動同你加湯底，上菜速度亦都非常快，真係好想再 Encore！！！！😋😋😋 . @xiaoyu_hotpot #xiaoyuhotpot #hotpot #渝味曉宇 #吃貨為食妹 #艾小實 #艾小姐 #foodblogger #hkblogger #blogger

🇭🇰 #深水埗 💛 #文記車仔麵 🍜 一條街開四間真係咁好食? 🥢 HK Style Noodles 🍜 -- 之前個排覺得成日都好多人，好耐無經過，原來宜家開到一條街四間。唔同材料唔同價格，所以點完會覺得比起一般嘅車仔麵貴少少，但呢個質素黎講都接受到嘅。 -- 👉🏻  👉🏻  👉🏻  餐  廳  環 境 ＆ 餐  牌  👉🏻  👉🏻  👉🏻 -- 🍜 自選車仔麵 🥢 自製西洋菜餃 HK$12 | 招牌瑞士雞翼 HK$14 | 蘿蔔 HK$10 | 河粉麵底 HK$10 自己按價錢睇餸食飯。瑞士汁雞翼，睇顏色都好似幾有味，整得夠淋，瑞士汁幾有味。💚 自製西洋菜餃，感覺幾特別。餃子好似幾大隻，不過皮偏厚，皮感覺食起黎好實個種，中間西洋菜都幾多。🤍 蘿蔔呢個價錢黎講份量可以再多少少，或者大舊啲。蘿蔔無渣，而且幾吸湯味。 湯底加咗腩汁，加辣。整體湯底唔油身，加上腩汁，整體幾有味，而且唔會油膩或者鹹個種感覺。我喜歡嘅味道，所以會繼續飲下湯。🌶 另外，加辣，淡淡香辣得黎唔油身。麵底份量幾足，河粉偏幼身少少，唔算滑身個種，就係普通正常嘅河粉底。 🧊 蔗汁 +HK$10 好少飲蔗汁，見跟嘢食加十蚊好似幾不錯。真心好甜，不過食完麵個人熱辣辣幾爽。 -- 美味指數 🌕🌕🌕🌖🌑 樣貌指數 🌕🌕🌕🌑🌑 抵食指數 🌕🌕🌕🌗🌑 服務態度 🌕🌕🌕🌘🌑 餐廳環境 🌕🌕🌕🌘🌑 -- 🏠 文記車仔麵 📍 深水埗福榮街109號地舖 📍 深水埗福榮街115號地舖 📍 深水埗福榮街121號地下 📍 深水埗福榮街123號地下C舖 -- 📎 #OS之為食深水埗 📎 #OS之為食荃灣線 -- 📎 #OS之隨便食個麵 🎗 #OS之為食真香港人店