【提防盜賊】疫情促使美國網上情緣騙案創下歷年新高 上年全球受肺炎影響，好多國家都實施社交距離措施，唔少人都留喺屋企避疫及work from home，從而造就更多機會被騙子乘虛而入。根據美國聯邦貿易委員會 (Federal Trade Commission)最新統計資料，上年美國網上情緣騙案創下歷年新高，共錄得3萬多宗騙案，總共有3.04億美元被網絡騙子呃走，受害人金錢損失中位數約2500美元。 隨著大家被迫留喺屋企，心思思咁打開交友Apps或其他網上社交平台搵人吹水解悶，騙子就有機會乘虛而入。據了解，騙子經常喺網上搵張靚仔/女相加個假名就開始招搖撞騙，利用網戀之名再呃受害者錢，通常同受害人傾咗一排之後，就會同佢講自己有緊急醫療情況需要錢，又或者會講因為肺炎搞到財困需要錢應急等博同情說話，從而騙取金錢。 美國好似好遠唔關自己事？其實近年香港網上情緣騙案都有上升趨勢。據RTHK報導，上年首10個月裸聊勒索及網上情緣騙案，較去年同期分別急增3倍及5成。有唔少騙子會假扮成靚女喺網上搵人同佢玩裸聊，從而錄低受害人畫面繼而勒索，要脅受害人如果唔畀錢就會Send條片畀曬佢親朋好友及同事，當中最大一單案件呃咗成33萬港幣。 除咗男士衰咸濕中裸聊勒索外，亦有女士被假扮成專業人士嘅騙子呃。通常呢啲騙子就會假扮成係商人、住喺外國嘅專業人士，用曬英文同受害人傾計，取得受害人信任後就開始推銷各種投資計劃，當然啲錢就一去無回頭。都係個句啦，網上交友要小心，關乎到錢銀問題切勿掉以輕心。 資料來源：美國聯邦貿易委員會、RTHK #romancescam #網上情緣騙案

由默書零分到演講冠軍 學好英文有三樣嘢好緊要（三） 有讀者問起，我係點樣學好英文。自問英文唔算特別好，叫做見得下人。今次就同大家分享一下，個人認為學英文最重要嘅三件事。 1️⃣第一，要知道自己想要啲咩； 2️⃣第二，要下苦功； 3️⃣第三，要夠厚面皮。 之前講頭兩點，今次講第三，想學好英文一定要面皮厚。 ➡️面皮厚除咗幫你學英文，亦都可以幫你渡過好多難關。 本身唔係咩國際學校出身，又唔係直資名校；雖然中學係「英文中學」，但大家都明只係教學上用英文，平時大家傾偈都係用返廣東話。係呢個情況之下，平日講英文嘅機會真係少之又少。但係我真係好厚面皮（笑）。細細個每次出街，見到外國人，就會搵機會同佢傾偈。仲記得有一次，喺書局度見到一個鬼佬媽咪推住個BB，想埋去傾兩句計練英文，嚇親個媽咪。😂 中學嘅時候，又難得有幾個同學英文唔錯，肯住面皮當住好多人面同我講英文。而家諗返起，都唔知當其時係那來的自信，啲同學一個二個望住晒，心諗我哋幾個做咩喺度曬英文。但當時呢幾個「怪胎」，一個喺英國教書，另一個做醫生，然後我就喺歐洲銀行做小薯仔，幾個人嘅發展唔太差。 高中嘅時候，想練英文Oral，但又冇得去聯校Oral practice，見到網上面有人約一齊練英文Oral，又真係唔知驚緊，自己一個女仔由馬鞍山走咗去南區同另外三個男仔練（其中一個後來成為大學同學，仲老友鬼鬼添！）。 ✅學語言，如果你唔練習，就唔會學得好。但好多人會因為「怕醜」唔敢講/練，驚講錯。但無論做咩都好，好時事情都要經過trial and error 先會有進步。 偏偏，就係憑着呢一種厚住面皮去練習嘅精神，我除咗唔怕講英文，都唔怕台上講嘢。後來好多無論係入大學、獎學金、見工嘅面試等等，都係靠呢一種厚住面皮嘅自信，換來多次嘅Offer。 回頭一看，咁多年來學英文嘅道路上，我都得到唔少人嘅幫助。但更加重要嘅係，嘩，我當年真係學落咗好多苦工。 ❗️唔好俾自己嘅短處限制自己。所以，如果想學好英文，記得啱啱講三個重點，要知道自己學英文嘅目的，要肯下苦功，同埋一定要厚面皮。 最後，我想講嘅係，就算到左今時今日，我覺得自己嘅英文依然有進步空間。希望大家都唔好輕易滿足，不斷增值自己。 今次講到呢一度，歡迎大家留言討論一下學英文嘅心得。喜歡的話，記得儲存同埋分享俾朋友！加油！ 又：出左呢幾篇之後不時有讀者私信學英文嘅問題。唔好怕醜！有問題/疑難即管開聲😊 #移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #學英語 #英文

【@girlstyle.mag】7位講英文出事藝人 . Janice Man文詠珊日前就在社交平台po出與老公吳啟楠結婚一周年的相片，並以英文寫上文字，怎料卻被網民發現她的文法全錯，紛紛留言笑她「英文差就找人校對吧！」其實除了Janice Man，過往也有不少藝人因英語出錯而引起不少笑話，以下就為大家盤點7位曾因講英文出事的藝人，看看他們又製造過甚麼的笑料吧！ . # Janice Man文詠珊 Janice Man（文詠珊）8日迎來了與老公吳啟楠結婚一周年紀念日，本身開心的發了張與老公婚禮當天甜蜜切蛋糕的相片，以英文表達出喜悅的心情。怎料網民就把焦點放在Janice Man的港式英語上，其中一句「remembering today last year」的文法全錯，被大批網民留言直指：「何解英文差d人都喜歡寫英文？」、「咁有錢可唔可以出少少錢去學好好啲英文先？」 . 受到網民的嘲笑後，Janice Man才把錯誤的字句刪掉，變成了：「That moment in time when two become one.8 September 2019.Time flies! Can’t believe it’s been one year already.」 . . # 鄧麗欣Stephy 說到講英文出事，相信令大家最印象深刻的一定是Stephy（鄧麗欣），2009年Stephy出席活動接受英文媒體訪問時，當時為答謝品牌Vivienne Westwood贊助格仔裙，她就表示：「I am very thanks them」，此話一出，當年已在網絡被瘋狂被恥笑，更被形容為「英文程度不如小學雞」 . 不過多年後Stephy似乎有在英文上下苦功，曾2018年時出席「第17屆紐約亞洲電影節」，更親自前往紐約領獎，當時她以英語致辭兩分半鐘，當中沒有嚴重文法錯誤，亦受到網民大讚！ . # 連詩雅Shiga 喜歡大曬英文的歌手還有Shiga（連詩雅），當年她發文悼念陳僖儀和Paul Walker時，因誤把Rest In Peace的「Peace」寫成「Piece」，而被網民笑足多年。 . 後來Shiga出席《One Piece》海賊王的嘉年華活動，在IG興奮發帖文打 hashtag就錯把「One Piece」寫成「One Peace」，反省過後，就決定在Facebook直播罰抄這個字詞1000次，以提醒自己不要再犯錯。 . # 薛凱琪Fiona 於國際學校出身的薛凱琪（Fiona）向來中文不是特別的好，即使Fiona本身英文不錯，但是都文法上還是會有犯錯的時候。2007年Fiona以英文寫blog時就曾被網民大鬧其英文錯漏百出。 . 2014年Fiona上載過一張全黑照片時，配文稱：「Who’s afraid the dark」，有網民就表示「在文法上應該喺『afraid』 後面加『of』！」有網民就認為有不少外國人都會犯下這些文法的錯誤，所以這不代表Fiona英文差。 . # 陳展鵬 藝人陳展鵬於2014年因錯用英文而爆出笑料，當時因他微博的社交帳號被人盜用，於是就留言稱：「我微博有人head左.我要先關閉」雖然不少粉絲都關心陳展鵬帳號被盜用的情況，但是有眼利的網民就發現到陳展鵬誤把「hack」打成「head」，事後陳展鵬就澄清是自己一時手誤才打錯字。 . # 陳偉霆 在內地為一線當紅男星的陳偉霆，上年受到時尚品牌Chanel邀請拍廣告，當中引起話題的是陳偉霆的港式英文咬字及發音，就連在片段中的表情也遭到圍攻，網民也留下狠評：「不如講返中文啦！」、「這英語的腔調完全上不了台面」 . # 吳卓羲 最後一位，不得不提的就是吳卓羲，在2005年吳卓羲曾經拍攝泰林電器公司廣告，在片尾因以說出了「Tai Lin, My favourite」，網民就直指他說的英文口音非常港式，「My favourite」這字會令人聽成是「賣飛佛」，後來也令「賣飛佛」成為網民間的冷笑話及潮語。 . 2006年吳卓羲出席電影宣傳活動時，曾把偶像「Johnny Depp」名字讀成「 Johnny Deep 」，引發了不少笑料。 . 但是有網民再重看回吳卓羲當年這個廣告，都認為當年吳卓羲的發音沒有問題：「冇咩問題姐讀得，冇野呀！」、「其實唔係真係咁差...」、「根本讀得冇問題，D人自已幻想出黎」，紛紛替吳卓羲感到不值，替他平反。你們再聽這廣告，又覺得如何呢？ . #女生Gossip熱話 . 李幸倪「用自己的步伐走自己的路」 Cover story vol.9 👉 link in bio 👈 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover