【龔成問答信箱】（Q22681-Q22700）

Q22681：

龔老師，我一直同股票談戀愛, 聚咗唔少老婆。

煤氣9095股,
九倉2000股,
匯豐2514股,
恆地8700股,
港鐵5032股,

港交所1254股,
騰訊744股,
領展1500股,
建行69700股,
中移1333股,

友邦2200股,
九倉置業3000股,
平保3087股,
中銀香港9000股,
2382(300股),

9988(300股),
京東(100股),
2269(1000股),
981(1000股),
6060(500股),

2588(500股),
285(1000股)
241(4000股)

我想在收息同新經濟股中取得平衡，未來應該會到英國生活。打算多用約1-2球重新執好個倉。想多d股息

望指點迷津，打攪老師了。by the way. 請問老師有冇開班

龔成老師︰

最緊要分析「企業質素」，如果企業無質素，就要賣出，如果有質素，就可以長線，當然，如果個人需要，就有可能要賣出部分。

首先，你現時股票太多，你會好難定期管理。建議你長線集中翻係10-15隻，咁會較好。

我假設你短期內，都唔會去英國，或者就算去英國，現有資產都可以保留。(如果短期要走，又要清空香港資產，現時就不要投資，反而要開始分段沽貨。)

你現時48歲，投資要開始保守少少。

港交所(0388)、騰訊(0700)、舜宇光學科技（2382）、阿里(9988)、京東(9618)、藥明生物(2269)、中芯(0981)、眾安(6060)、中銀航空租賃（2588）、比亞迪電子(0285)、阿里健康（0241）這些股票，不確定性和風險較高，不宜持有太多。

你可以考慮將部份，慢慢換至以下股票。

如果你想收息之餘，維持一定平穏增長力，可較集中平穏增長股。如果想保守D，只係收下收就算，可以集中係收息股。

以下股票，現價都合理，可以分注。但由於大市未算平，你最多投入多30-50萬資金好了，餘下部份等大跌市才動用，會較理想。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

最後，我建議你定期審視組合，睇下有無出現過度集中情況。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

現時依然有開班，你可留意。

------------------------------------------------

Q22682：

阿sir 你好！本人41歲，本人嘅股票投資組合如下
( 現時市值約337萬)

股票No 買入股數 平均買入價
2 500 81
( 2 )月供 200 74.1 - 82.4
3 4515 14.94 - 15.56
12 7200 34.8 - 37.45
27 3000 44.1 - 51.1
66 9066 44.4 - 46

388 300 238.6 - 253.4
(388)月供 157 248.3 - 509.7
823 12000 59.1 - 70.2
1038 1500 51.3 - 57.4
(1038)月供 335 38.7 - 54.9
1211 1500 37.5 - 70.4

(1211)月供 776 42 - 235.6
1928 2800 32.8 - 36.7
(1928)月供 611 30.9 - 40.5
2388 2000 25.8 - 34.2
(2388)月供 625 21.9 - 27.4

2800 5500 26.1 - 30.95
(2800)月供 2119 24.5 - 28
3033 1400 7.8
9988 1400 176 - 206.2

我暫時每月可儲蓄$7000, 其中$4000係...喺今年8月份開始月供兩隻新加入嘅股票 , 分別係...1810 & 1177 各月供 $ 2000

另外4年後即係我45歲這年，便可增加儲蓄至每月2萬

我想問我選了以上這16隻股票作長線投資ok嗎 ?

資金比例合適嗎 ?

需要改變比例嗎 ?

我最想問現在這 337 萬嘅股票組合比例...及我 41 - 45 age 其間，每月可儲蓄 $7000 & 45 age 開始每月可以儲蓄 $ 20000 , 這種情況

其實我需要用幾多年嘅時間，才能增值至 1000 萬呢 ?因為本人想每月有 5 萬現金流

本人與另一半 2人一同於今年9月份，已成功報讀了成哥你嘅投資倍升股基礎班課程。

本人買了成哥你六本書
50優質潛力股 2017 - 2018
50優質潛力股 2020 - 2021
大富翁致富藍圖
80後3百萬富翁
80後千萬富翁
年報勝經

不過年報勝經好深，唔係太明白，還要多加研究

一直去閱讀成哥你嘅書獲益良多，現希望上完投資倍升股基礎班課程會有更多嘅得著

龔成老師︰

你現有持股，係適合你長線投資。但16隻其實有少少多，最好長線維持係10-15隻水平，否則你會好難定期管理。

月供股票中，比亞迪(1211)現價偏貴，建議回到$180左右，才重新開始月供。此期間，可以用GX中國電車(2845)暫時代替。

現時大市在合理區，你保留太約3-5成現金左右，去等大跌市機會出現，咁就可以。

我假設年均回報率有10%，以你現時計劃，大約50歲左右，就可以增值至1000萬，當然要視乎到時大市實況而定。

其實書本上，<<年報勝經>>係深少少。如果你係初學者，我比較建議先睇我架《80後百萬富翁》、《財務自由行》和《股票勝經》。這幾本書，對你吸收上堂知識，都會有幫助。課堂上見!

------------------------------------------------

Q22683：

我以前買了2888 和 698 揸了很久，跌左好多，都唔知點算好？
想請教下

龔成老師：

渣打集團（2888）質素只是一般。

雖然未到劣質，但質素不高，但本地銀行股中，賺錢能力算是較弱。加上銀行業近年的環境不及過往，賺錢能力不及以前咁好，相信佢之後，都只是好基本增長，不要對股價有太多期望。

投資價值只是一般，如果持貨不多，就當守住先。

如果持貨多，我會建議考慮將部分貨，轉其他更有質素的銀行股，或其他優質股。

至於通達集團（0698），算是不過不失。

佢主要從事電器產品（包括手機、手提電腦及其他電器產品）零部件生產；為電子產品及電器提供金屬外殼及其他五金部件；及提供塑膠機頂盒及生產體育產品。

現價合理，勉強可長線。但就唔值得持有太多，始終質素唔算好高。如果持貨多，就減。

------------------------------------------------

Q22684：

老師，純收息，及有增長收息，邊個風險度會高啲？應該投資那一個？

龔成老師：

其實好睇你的投資目標，如果單是收息，佢股息一般會高d同股價穩定d。而增長，雖然佢潛在波動會高d，但股價增長，以及往後增長，長遠會好d

------------------------------------------------

Q22685：

龔成老師，我想請教你，之前放了大部分股票。 只剩下9988 200股 平均價$258， 3手ibond 。 另外手上還有一堆美股 市值大約5000美金。

對於9988 我應否耐心持有或在合理價位再加倉？ 謝謝老師

龔成老師︰

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？即是你想設計一個怎樣的投資組合？長期、優質、平衡、適合你。

因此，係你已沽出大部份股票前題下，阿里巴巴(9988)相信佔你組合比重唔細。

個別企業和行業，不要佔組合15%和30%以上，銀行業更加不要高於組合20%，否則會有過度集中性風險。所以，我建議你唔好再加持住，反而你加入其他不同行業股票，去進行平衡配置。

另外，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

如果你係年青至中年人士，阿里巴巴(9988)這類潛力股，係適合你。但如果你係退休人士，這股就風險太高，只宜好小注。

而ibond則是現金流產品，增長力唔高，同樣只適宜近退休人士。

你要因應自己人生階段，去作出相應的配置。

------------------------------------------------

Q22686：

龔Sir，你好！ 我現在52歲，剛剛賣走了一個車位，所以有一些現金在手，經過一輪的研究準備 買入以下的股票作長期持有，到退休時把這些股票轉再為收息股。

請問我選出來的股票組合對我這年齡的人來說是否風險過高？ 或者對以下的組合有什麼改善的建議。當然我唔會即刻買晒下面的股票，要等好價才會入貨。 謝謝！

招行(15%)，石藥(5%)，騰訊(15%)，港交所(15%)，比亞迪電子(10%)，完美醫療(15%)，信義玻璃(15%)，舜宇光學(15%)

龔成老師︰

先增值，到退休時慢慢換成收息資產，去幫自己創造現金流收入，支援退休生活。這個方法，係正確的。

但由於你年紀，係比較近退休之年，係增值組合的選股上，不宜過份進取。

你現時選股都有質素，但潛力股佔比重太高(0700,0388,0285,1830,2382)。佢地雖然有增長潛力，同時風險都較高，不宜持有過多，大約佔2成好了。

你應以平穏增長股，作為你組合主力。佢地增長力不及潛力股，但都有平穏增長，而且有若干股息，整體穏定性較強，相信會較適合你的情況。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)。如果有投資美股，可投資VOO。

------------------------------------------------

Q22687：

龔成老師你好，現時持有：

4400股 00005 平均$65
1100股 00012 @$47
100股 00700 @$505
900股 00939 平均$7.8

4000股 01177 @$7.5
7000股 02628 平均$27.7
200股 09988 平均$273

以前只懂買銀行股收息股,之後先開始買其他股票。最近打算買樓,想賣咁D股票,係咪應該賣5,939,2628

請指教一下,謝謝

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時組合，算係一個有偏向增長型組合，若你係年青至中年，係適合。但當中匯控(0005)、建行(0939)、港燈(2638)是收息股，無太大增長力，若你較年青，就不宜持有太多。

另外，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

你現時銀行股、匯控(0005)、中國人壽(2628)明顯係超標，你要調整一下個比例。其實中國人壽(2628)近年增長力都明顯弱左，本身都不宜持有太多。

若果你需要套現買樓，而你又係年青至中年人士，你可以優先沽出匯控(0005)、建行(0939)、港燈(2638)，順便調整埋個組合比例。

未來時間，你可以加入多一些平穏增長型股票，去令組合更平衡。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

------------------------------------------------

Q22688：

請問平保2318 仲有冇前景，收購方正之後股價一直跌

龔成老師︰

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

近期佢股價下跌，除了因為大市氣氛較弱外，其本身數據都唔係太理想。

但我地審視一間企業投資價值時，會睇長線。只要中短期因素，對佢長線投資價值無影響，這些中短期波動，我地就唔需要太在意。

這股有長線投資價值，是平穩增長型。現價算係合理區中間至中下位置，分注投資就可以。

------------------------------------------------

Q22689：

hi成哥，我打算在股災時動用15萬買這些股票.
A .3738[30%]
B. 2013[30%]
C. 708 [20%]
D.1585 [20%]
我不怕高風險，點睇這組合？

另外,等股票升晒之後打算用150萬購買這些收息股.
A.3988
B.1883
C.1382
D.2777
E.1628
Sir,這組合如何？應該點分配資金？

再另外想問下1628點解咁高息？高息既背後有咩風險？現價1.68,但PE有成1566,姐係好貴？再問下尼隻野收息穩定嗎？佢長期都係咁高息？幾錢是便宜區？

謝謝成哥解答！

龔成老師︰

我地投資，唔好盲目追求高增長，要先知風險，才想增值。

我明白你風險承受能力好高，但你這4隻股票，不確定性的確好大。特別係恆大汽車（0708）本身母公司財政有大問題，而佢本身到現在，一部汽車都無出產過，投資風險唔細。

我地唔好成個組合，只集中係3,4隻股票身上。最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

恆大汽車（0708）、雅迪控股（1585）同是汽車相關股份，我地就不要持有太多。

我建議你調整翻4隻股票比例，再加入適量平穏增長股，去將個風險拉低翻少少。

你要明白一點，高風險唔一定係高回報。若這些高風險企業發展理想，回報當然好。但發展不似預期，損失幅度會比一般平穏增長股高好多，你要明白這個風險。

你這個組合，會不會升到150萬，要多久才升到150萬，無人知，因為不確定性好大。如果升到150萬，你是否轉至收息股，你要再用你人生階段作考慮。

如果你依然係年青至中年，建議保持投資一些有增長力股票。若你已退近退休之年，換成收息股係可以。

你收息股組合中，大體上都有質素。

富力地產（2777）業務上是有質素的，股息好高。

佢本身負債高，相信會對佢有一定的影響。股價會因此較為波動，所以唔好只睇股息。你預佢中短期都會一般，但如果只是小注投資，都可以。

禹洲集團（1628）主要於中國廈門、上海、福州及合肥從事物業開發、物業投資、物業管理以及酒店業務。

佢係新加坡、香港、上海、合肥、福州、廈門等地均設有分支機搆。

整體質素都有，但未算好強，佢在行業中，未算有好大的規模與優勢，另外，負債較高都對這股造成風險。加上業務有點波動，這股唔建議投資太多。

現價合理，但不宜持有太多，長線投資價值都有，但未去到最高質類別。

佢PE去到過千，主要係因為過去一年，盈利大幅下跌所致。如果你用翻佢上一年盈利計，佢PE係個位數，所以係正常。

雖然佢上年收入下滑，相信主要係受疫情影響。疫情過後，會慢慢回復較正常水平。但始終佢質素唔係好高，唔建議大注。

最後，希望你記住財不入急門，一個平衡和合理風險的配置，增長潛力未必最高，但對你長線投資增值，相信會係最有利。

------------------------------------------------

Q22690：

龔成老師，我一直都是你的小粉絲，默默地跟住你的教導月供股票，最近家人強力推薦重資買入2448，請教老師對2448的前景分析如何？ 十分感謝

龔成老師︰

首先，好多謝你一直支持。

恆宇集團(2448)業務主要係在澳門，以承建商身分承接澳門私營物業項目的裝修工程及樓宇建造工程。

集團於上年年末，開始想發展金融服務業務，今年7月更與總資產逾千億的國企青島西海岸發展集團就「青澳數字經濟產業園」及相關基金項目簽訂戰略合作框架協議。

市場或預期集團未來，會因為加入金融服務業分部，對盈利起到極正面作用。

但我地作為理性投資者，要學識客觀分析事實。新分部和協議框架，的確係有佢發展潛力。但問題係，佢只是剛剛開始，會發展到幾大，會否成功創造盈利，幾時才有盈利，都係未知之數。

只能說，佢潛力股係提升左。但根據現有業務和過去業績，此刻係好貴。

這代表佢現時股票，很大程度係建基於"未來"新業務的發展。若新業務發展不似預期，股價很大機會出現較大幅回調。

而且，佢雖然多年來都係有盈利，係經營現金流欲維持負數，代表佢表面係有錢賺，但實際上落到公司袋架錢，係負數。

我無仔細研究佢財務數據，有機會係正常，但都有機會係有問題，我一般見到這個情況，都會較有保留。起碼要仔細分析過當中數年數據，真係無問題，才會考慮。

所以，你投資此股係可以，現價唔平，加上投資風險唔細，你要自己衡量。佢有一定不確定性，投資時要控制注碼。

------------------------------------------------

Q22691：

你好! 本人年50 有屋(供完) 铺(供完) 收租$6500 屋企人给每月$10000 零用 〈 一半用來交保險 〉尼一 。二年 在網上才真正認識股票

伹股齡有十几年(短炒 不分析公司 跌市心驚) 近尼一年 才把蝕去 有(30萬几) 慢慢 賺回來 约20萬 持有以下股票 有部分已持3年 有的3個月

現在見有錢赚 想沽出部分 請問 那些可以長楂 謝謝解答

3993 (平圴價$4.2) 2萬4千股
716 $0.8 4萬股
189 $6 2千股
1177 $7.08 2千股(打算月供)
788 $1.52 2萬股
728 $2.33 2萬股
2198 $3.68 1萬股
451 $0.28 5萬股
520 $8.69 4千股
1357 $2.82 1萬股
769 $0.9 2萬股
1787 $15.8 2千股
1250 $0.113 20萬股
6885 $3.68 1萬股
1024 $85 1百股

龔成老師︰

我地投資股票，係希望買入一些優質企業，透過佢自然增長，達至財富增值目的。重點係長線持有優質股﹐唔係去做短炒，因為中短期走勢無人知。但長線持有，企業質素一定會反映在股價當中。

所以，你首先要改變自己過往十多年錯誤的投資方法，改為以長線投資作為策略。

投資前，一定要知道該企業質素、行業前景、財務狀況等，才去投資。如果你連間公司點賺錢、行內有乜優勢、點解未來有發展和增長潛力，都答唔倒自已，咁就要停一停，唔好投資住。

同埋，你唔好停留係「賺差價」的想法。當你一直持有這股，企業長期價值向上，就會帶動我地的財富有最大增長。成個效果，一定比你經常出出入入好。

你現時財富組合當中，已有一個住宅物業和一個收租舖位，比重都幾偏重左係物業類。故未來時間，應較集中累積優質股，令財富組合更平衡。

以你50歲年紀，都可以進行適度增值，但由於較近退休之年，選股上要保守少少。

中國電信（0728）係有質素收息股，可持有。

洛陽鉬業（3993），中國三江化工(2198)、協鑫新能源（0451）、呷哺呷哺(0520)、美圖公司（1357）、山東黃金（1787）、北控清潔能源（1250）、金馬能源（6885）質素較中等或波動性太高，唔建議持有太多。

中生(1177)、中國鐵塔(0788)、快手(1024)都有質素，但係是潛力股類，你可以照持有。但這類潛力股風險較大，以你年紀計，佔組合最多2成好了。

其餘無提及之股票，建議沽出較好。

未來時間﹐你可以以「平穩增值股」+「收息股」作為投資目標。若你想保守些，或預期自己距離退休年期不遠(5年內)，可以較集中收息股。

相反，你依然有一定時間增值，想進取少少，可以集中在平穏增長股上。

但緊記，要隨著年齡增加，慢慢增加收息股的比例。到退休時，你收息股比例，應提升至100%。

平穩增值股，例如指數基金、金沙（1928）、長建（1038）、中銀（2388）、港鐵（0066）、恆基（0012）、平安(2318)、粵海(0270)、領展(0823)。如果有投資美股，可投資VOO。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

------------------------------------------------

Q22692：

老師9618 9988 長線仲值得投資嗎？ 感覺冇咩起色
手上冇咩貨 9618只得2手 均價$328

9988 4手 $240
要點應對宜家嘅情況？

龔成老師：

仍值得長線，有兩點你要注意，第一，唔好太著重短期股價，你預科網類仍政策影響，中短期仍弱，要平常心面對。第二，都唔好太集中在同一行業，因此，要睇你持貨佔組合比例%，如果不多，就無問題，可長線。

就以阿里（9988）來說，佢有質素，中短期一般，但長遠仍有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，預佢現價約合理區中間，長線持有就得。

------------------------------------------------

Q22693：

老師點睇隻百度同B站？
內地科網股 一直探底
應否換股投資？

龔成老師：

你預中短期因政策風險，股價表現仍會弱。但本身仍有質素，只要耐心持有就得，除非你持貨過多，否則不用減。

以百度（9888）來說，有質素，有獨特性，長遠發展不差。

佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。

業務上，佢擁有好強大互聯網基礎的領先AI公司。自2010年起一直投資AI以提升搜索及變現能力，並使用核心AI技術引擎「百度大腦」開發新AI業務。

我睇翻一些報告：

1. 佢擁有中國最多的AI專利數量以及AI專利申請數量。

2. 按累計拉取請求計，百度的深度學習框架飛槳居中國深度學習框架榜首，全球排名第二，僅次於Facebook Pytorch。

3. 按開發者數目計，百度開放式AI平台擁有超過數百萬名開發者，係中國最大的開放式AI平台。

4.按開發者數目計，係百度雲基礎設施上運行的Baidu OSChina是中國最大的開源活動開發平台，全球排名第三。

百度核心業務（唔包括愛奇藝）由AI驅動，為其貢獻超過70%的總收入，主要提供基於搜索、信息流及其他在線營銷服務，以及來自AI新領域的產品及服務。

並廣泛使用AI技術開發創新營銷服務（例如動態廣告），為各搜索用戶推薦最適合的營銷客戶產品。

現時佢坐擁不少資訊和客戶群，就可以利用佢地去發展很多不同業務，可以話係一個好大的優勢。佢收入不差，長遠有發展，但由於本身有相當規模，因此，未必是高速增長型。

百度在規模和質素上，一定係有。但近期科網股波動，風險高左，同時到上市一刻不確定性高左。如果持貨多，先要減，否則可守。

------------------------------------------------

Q22694：

想問下，维他奶的管理層令我失望，就是一間大企業，危機意識管理没理由那麼差，由於問題出自管理層，所以長遠好難返到身。

维他奶根據購股權計劃發行43萬股，每股發行14.792,較上一个營業日的每股收市价21.45,折讓约31.04%

另外，龔sir, 我好明白2800對散户最安全，出面啲人成日話你叫人買2800。

龔成老師︰

其實維他奶(0345)能否返身，都係言之尚早，要觀察。因為消費者，好多時都係好善忘。

至於佢發行新股，其實不少公司會發放一些購股權給員工作獎勵，如果該員工行洗權利，就會發行新股給該員工。

由於發行了新股，所以現有股東每股盈利會被分薄左。但這些購股權未必一定會行洗，所以你係年報會見到，每股盈利有2個。

一個係"基本"，另一個係"攤薄"。前者係當期的實際每股盈利，後者係假設這些購股權(除了購股權，都仲會有其他金融產品，會影響這個數)，全部被行洗後，每股盈利會分薄至那個水平，給投資者一個預算。

現時维他奶已發行10.6億股，43萬股只係一個小數目，對股東影響唔大。

而盈富(2800)係一個唔錯組合，所以我經常推介，特別係推比一些投資初學者。

因為如果你係一個數學教援，對著一個小學生，你會刻意教微積分嗎？有需要為表現自己的知識，教他不明白的方法嗎？

當我比理財意見時，最重要是「適合」，如果強行叫網友買風險過高或他不明白的工具，我認為有點不負責任。

其實好多年前已經有評論話我只懂叫人供盈富（2800），但我咁多年都照樣叫人買盈富。

其實我一直都明白，盈富（2800）並不是最高回報的投資，但這是一個組合，當中有58隻質素不太差的股票，對本身不懂選股的投資者來說，是一個很好的選擇，加上有平衡組合風險的效果。

就算對無乜選股能力的投資者，提供一個穩健，收息及平穩增長的組合。

至於我叫人月供，都是同樣道理，對於不懂掌握買賣時機的投資者來說，月供股票是最好的方法。

------------------------------------------------

Q22695：

Thank u!! How about 2828 vs 2800 le?

龔成老師︰

恒生中國企業ETF（2828）是追蹤恒生中國企業指數之表現，即是中國的企業，當中不少都有一定的質素。只要中國經濟長遠增長，而這些企業合理增長，就能帶動價格保持上升。

由於這些國企的股價較為波動，你最好以長期的模式去進行月供，每次供的金額不用太大，以較長時期去平均價格，自然能減少風險。

長遠來說，中國仍不差，你可以進行月供。但就要每月留些現金，因為這刻未到平宜區。

盈富(2800)是包括58間質素不錯上市公司股票的組合，這些股票有升有跌，但長期計，都有不錯的回報。

買入盈富主要有兩個回報(分別是股價升幅，加上股息回報)，股息不多，大約只有3%，而股價升幅，其實有升有跌，每年都會波動，但長期平均計，都有5%-10%，當然，這是不一定的。

同樣地，若你以月供股票，買入的價格就能平均，不用擔心一次過在高位買入的風險。

2隻ETF都係有質素，但風險度2828會高少少，你要自己衡量。

------------------------------------------------

Q22696：

你好，本人月可儲5-7萬，積蓄因買了可購公屋只剩30萬，沒有投資經驗，有可能在1年後買到樓嗎？因看見一個粉嶺心儀地盤，

想盡可能在建築完成前，即2022年底有可能上車，而穩定女友又可夾大約50萬，本人做貨運收現金的，女友開鋪的，又大概要預多少做首期可過壓測呢？謝謝

龔成老師︰

如果從投資角度，其實1年係一個好短時間，就算再優質股票，都會有波動，令最終回報不確定性大增。因此不宜做任何投資增值﹐最多只可以做定期。

以你現時可動用資金，1年後大約150萬。若以你7萬收入計，買800萬以下物業，做9成按揭，供30年的話，應該都可以。

但當然，這個只係好初步計算，實際按揭是否批出，要視乎相關銀行準則。加上你工作係收現金，而且可能相對不算穏定，銀行計算你供款能力時，或會有調整，你最好向銀行問清楚，以免失算。

------------------------------------------------

Q22697：

請老師看看先父的股票，有沒有兩三隻可保留，謝謝

00536 貿易通 20000 股
00687 泰昇集團 70000 股
00737 灣區發展 12500
00889 連達科技控股 20000
00927 富士高實業 70000

00987 中國再生能源投資 88000
01080 勝利管道 21000
01123 中港照相 50000
01165 順風清潔能源 10000
01222 WANG ON GROUP 300000
01265 天津津燃公用 20000

01395 強泰環保 50000
01560 星星集團 100000
01685 博耳電力 20000
01900 中國智能交通 30000
02014 浩澤淨水 30000

02389 北京健康 54000
03332 中生聯合 20000
03882 天彩控股 20000
06161 泰加保險 10000
00596 浪潮國際 8000

00723 信保環球控股 3125
01041 林達控股 1000 (停牌)
00261 ＧＢＡ集團 400000
00575 壽康集團 97379
00612 中國投資基金公司 8000

00831 利亞零售 10000
01142 西伯利亞礦業 50
02222 雷士國際 50000
87001 匯賢產業信託 15581

市值大約50萬

以上乃先父留下的股票，應該大部份是劣質股，我不知買入價位 ，現打算沽出，換入優質收息作媽媽養老之用，老師可否幫忙看－下 ，以上有沒有兩三隻可以留低不賣，謝謝你

龔成老師︰

其實買入價位，係你買入股票後，已經唔重要。持有與否，最重要係睇佢有無長線質素。

貿易通(0536)、灣區發展(0737)、匯賢產業(87001)、利亞零售（0831）係質素的收息股，適合你，你可以保留。

連達科技控股(0889)、富士高實業(0927)、中國再生(0987)、星星地產(1560)質素較一般，保留係可以，但最好只留下小注。

其餘股票，都係質素較弱，或者係不適合你這類退休人士持有，你可以沽出。

------------------------------------------------

Q22698：

日日已習慣係fb閱讀老師文章分析,遲來的學習。

我想入2800盈富,港燈,,價合理嗎？想各入5手,月供定現價入貨？用老師分析用1/5現金放入股票上,慢慢買入。勞煩老師百忙抽空教導。

另外開富途牛牛買賣,安全嗎？

龔成老師︰

富途牛牛做買賣，無問題。

除了盈富(2800)和港燈(2638)，其他我之前講的收息股，全部現價都合理。但由未到平，所以投資股票的1/5資金，都要再拆細。

現價先用大約一半，分注慢慢入貨。餘下一半，等大市有明顯回調，就再慢慢加大入貨力度。

另外，唔好只加這2隻股，可以再加入多少少不同行業收息股，去令組合更平衡。

只要個別企業和行業，不要佔組合15%和30%以上，銀行業更加不要高於組合20%，以免出現過度集中性風險，咁就可以。

------------------------------------------------

Q22699：

龔sir,想問下澳門規管賭業既政策(吾俾資金向外流)，對銀娛，金莎會係正/負/冇長遠影響？我地要點分析好呢？感謝老師

龔成老師︰

這個情況，相信主要係想限制一些人，利用貴賓廳便利，去轉移資金。

長線計，貴賓廳收入有機會因此而少左，但影響程度有多大，就要再觀察。

中短期，貴賓廳佔收入比重較高企業，會較受影響。銀娛(0027)和金沙(1928)都並非好集中係貴賓廳，故影響唔算係嚴重，同時近年已減少貴賓廳比重。

------------------------------------------------

Q22700：

老師，可以問下你對騰訊的睇法嗎？是否長遠來說都機會大升返$650左右呢？數碼人民幣會唔會取代它的電子錢包呢？

龔成老師︰

騰訊(0700)依然有投資價值，最近受中央政策和大市氣氛影響，出現較大回調，但整體質素唔見明顯轉差。

但集團已經好大隻，發展唔會好似以往咁快。要回至$650唔係無可能，但要點時間。

至於數碼人民幣會唔會取代它的電子錢包，係一個未知之數，2者有可能係並存。現時數碼人民幣都係試驗階段，好多野都未清楚。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

我今日又要入樽啦！

橄欖油種類知多少❓❓❓

由於收到很多留言
詢問橄欖油的資料
所以特別跟數個意大利歷史悠久
特級初榨橄欖生產商請教
亦在網上找到一些用心分享
希望為大家解開謎團

一般講究飲食的🇮🇹意大利家庭
不會在超級市場買橄欖油
就算價格貴一點
都會直接跟一些品質有保證的油生產商購買
多數是買5公升經濟鋁罐裝
自行在家分成1 公升小樽

在意大利住了22年
99%🇮🇹朋友煮食都是用
特級橄欖油🇮🇹Extra Vergine di oliva
除了炸食物時
會用其他油
因為比較實惠
用一次便倒掉
～～～～～～～～～～～～～～

特級初榨橄欖油適合高溫煮食嗎⁉️
什麼是🇮🇹Estratto a Freddo
「冷壓初榨橄欖油」❓🤔
Product of Italy? 100% Italiano ??
Imported from Italy ??? Packed in Italy ?

在超市貨架上林林總總的橄欖油，
如何能分辨它們的種類？
如何閱讀標籤？

1. Extra-virgin Olive Oil -🇮🇹Extra Vergine di oliva
特級初榨橄欖油/特純初榨橄欖油

最頂級的橄欖油，是選用新鮮採摘的橄欖果實，由採收、清洗、壓榨整過製作過程必須於「24小時」內進行。由於它是在室溫下(不可以高於攝氏27度)榨取，不經任何加熱處理(🇮🇹Estratto a freddo 🇬🇧 Cold extraction)，因此又稱為「冷壓初榨橄欖油」。 歐盟組織規定，特級初榨橄欖油每100克的油酸度(Oleic Acid) 必須低於0.8%，含游離脂肪酸極低，能保持橄欖的天然果香，味道有橄欖天然的苦味及辛辣味，色澤黃金帶天然的青綠色，而維生素、多酚類等營養價值也能夠保持在最高水平。

～～～～～～～～～～～～～～～～

2. Virgin Olive Oil 初榨橄欖油

優質的橄欖油，但次於特級初榨橄欖油。跟特級初榨橄欖油的生產程序大致一樣，也是經橄欖果首次冷壓而成，經壓榨的橄欖油，油酸度高於0.8%的將被分級為初榨橄欖油(Virgin Olive Oil)，而在歐盟組織規定下，初榨橄欖油每100克的油酸度必須低於2%。初榨橄欖油的味道比特級初榨橄欖油溫和，仍保留豐富的營養價值。

互聯網及坊間有資料表示Virgin Olive Oil是「次榨橄欖油」，是使用經特級初榨橄欖油壓榨過的橄欖果肉再次壓榨而成，這並不正確。Extra Virgin Olive Oil 跟Virgin Oil 的都是屬於初榨橄欖油，我們可以從其名字「Virgin」 得知，而它們最大分別，只是在於油酸度(Oleic Acid) 的含量比例。

～～～～～～～～～～～～～～～～

3. Pure Olive Oil/Olive Oil 純橄欖油/橄欖油

很多消費者都以為「純橄欖油」、「純正橄欖油」或「100% Pure」(Olive Oil or Pure Olive Oil) 是最優質的橄欖油，這是錯誤的。「純橄欖油」其實是經過精練(加熱及化學處理) 的橄欖油，己失去了橄欖果實的天然香氣、味道、顏色及營養價值，所以需要混合約10%-20%的特級初榨橄欖油或初榨橄欖油以提昇味道，特點是顏色較淺，味道較清淡，營養價值大減。「純」及「100% Pure」的字樣只是表示是百分百由橄欖製造而已。

～～～～～～～～～～～～～～～～

4. Extra Light Olive Oil 清淡橄欖油

是由精煉橄欖油與極少量特級初榨橄欖油或初榨橄欖油混合而成的。在銷售商的商業考量下，引導了崇尚窈窕、輕盈的消費者誤以為標籤「Extra Light」或「Light」的橄欖油是代表低脂肪、低熱量，事實上這跟熱量並無關係，這種橄欖油的熱量跟一般橄欖油沒有多大分別。只是因為這種橄欖油所含的精練油成份超過90%，已失去了橄欖果實的天然口味及營養成份，味道十分清淡而取名「清淡橄欖油」。 屬低質量的橄欖油。

～～～～～～～～～～～～～～～～

怎樣閱讀意大利橄欖油的標籤？

意大利在橄欖油出口、進口及消費量均是世界第一，由於需求量大，在市面上發售的意大利橄欖油並非一定百分百來自意大利，唯在歐盟組織嚴謹的規定下，消費者可透過正確的閱讀標籤認清產品詳情。學懂閱讀標籤，選擇適合自己的優質橄欖油。

Bottled in Italy? Packed in Italy ? Imported from Italy?

當你在超市選購橄欖油的時候，可留意一些大量生產的知名品牌在標籤上有否以上字眼，若有的話，你可以知道這些品牌並不是百分百來自意大利，而是精選來自不同國家的橄欖油，入口意大利再進行混合、入樽及包裝工序，再行銷至世界各地。這些橄欖油的生產地除了意大利外，通常有西班牙、希臘、突尼西亞、土耳其等等。可以仔細留意標籤的一角或背面，有否列明橄欖油的來源地。由於這些橄欖油來自不同國家，種植方法、氣候、土壤及製作工序亦有所不同，品質參差，在輸入意大利再經過混合再包裝後，質素未能得到百分百的保證。

要購買真正意大利製造的橄欖油，除了可認明標籤上的DOP產地認證外，亦可留意瓶身有否註明「Produced in Italy」、「Prodotto in Italia」、「100% Italiano」、「100% product of Italy 」等字樣。

～～～～～～～～～～～～～～～～

怎樣儲存橄欖油？

橄欖油怕光、怕熱及空氣接觸 ，為避免陽光直接照射，所以選購橄欖油時應選擇包裝為鋁罐或深色玻璃瓶裝為最優。陽光及高溫會使橄欖油的風味及營養成份流失，所以應存放在陰涼的地方。雖然橄欖油並無添加任何化合物及防腐劑，但若能妥善仔存放，保質期能達18個月之久。

～～～～～～～～～～～～～～～～

特級初榨橄欖油適合高溫煮食嗎？

一般人認為特級初榨橄欖油只適合用作調配沙律油或拌意大利麵時使用，並不適用於高溫煮食的煎、炒、煮、炸，這是一個錯誤的觀念。這是因為特級初榨橄欖油是最頂級的橄欖油，基於成本高的關係，入口商同時購入成本低的Pure Olive Oil 或 Extra Light Olive Oil，並引導消費者Pure Olive Oil 及 Extra Light Olive Oil 能夠高溫煮食，而特級初榨橄欖油只適合醃肉、製作沙律或涼拌等美食，以提高銷量。

事實上，優質的特級初榨橄欖油是冷壓而成，未經任何加熱處理，游離脂肪酸很低，起煙點達210度，高於油炸食物的理想油溫180度，因此特級初榨橄欖油是很健康及全面的食用油選擇。

資料來源：Masseria Civitella

KK香港網店

https://bit.ly/30GDTVz
目前接受Mastercard,
Visa及Alipay付款

#kklifeinitaly

你哋食出前一丁鍾意夾咩配料？日式叉燒？火腿？五香肉丁？

以前同阿媽一齊住，最怕聽到佢講：「煮個麵你食吖。」唔係唔鍾意食麵，而係佢會將食唔晒嘅餸擺晒落碗麵度，你明唔明呀，想食麵係因為阿媽啲餸失手，但你煮個出前一丁畀我，又將啲餸擺返落去，咁有咩分別呀......

突然講起出前一丁嘅配搭，因為早幾晚見到一位朋友post相，佢夜媽媽喺屋企煮咗個鮑魚出前一丁，你冇睇錯呀，真係大大隻鮑魚擺落碗麵度，搞到我愈睇愈肚餓，屋企有出前一丁但冇鮑魚，你叫我情何以堪呢！

好在打開廚櫃一睇，人生仲有希望，我有 #出前一丁北海道小麥粉豬骨湯味 同埋 #出前一丁北海道小麥粉黑蒜油豬骨湯味，呢個「北海道小麥粉」系列之前得麻油味，即刻試新嘢啦！個人好鍾意黑蒜油豬骨湯味呢款，因為佢加入咗炸蒜粒，湯底香味大大提升，另外個豬骨湯味就加入咗紅薑粒，湯底層次又係另一種昇華。

湯底掂，個麵當然要有卡士啦！同上年推出嘅「出前一丁北海道小麥粉麻油味」一脈相承，麵條採用100%北海道產小麥粉製作，色澤更金黃，口感亦更煙韌彈牙，散發甘甜麥香。

話明食麵食麵，出前一丁先至係主角，配料要乜都好，其實只係錦上添花，最緊要湯底同埋麵條高質吖嘛，快啲去惠康、百佳、Aeon、Donki同埋759等各大超市入手啦，睇下你鍾意豬骨湯味多啲，定係同我一樣大愛黑蒜油豬骨湯味吖，識唔識分北海道小麥粉系列同港版日版之間嘅分別先？好易睇㗎咋，見到包裝印有金色小麥同埋金色北海道地形圖案分列左右，兼有紅色「100%」喺中間嗰個logo標誌，呢款就係「北海道小麥粉」系列喇！

好想知大家有咩喜好，分享下你食出前一丁鍾意夾咩配料吖！

#出前一丁 #北海道產小麥粉 #豬骨湯味 #黑蒜油豬骨湯味 #紅薑粒 #炸蒜粒

上升火焰是艾克斯在洛克人Ｘ４中擊敗熔岩火龍後所獲得的特殊武器，此招會往正上方發射火焰彈，向上攻擊敵人，還可以破壞冰塊或木質障礙物。集氣攻擊則是用一發巨大火球彈包覆全身，在跳躍中以上勾拳攻擊，形式與昇龍拳類似，對於冰系敵人及幻影西格瑪可造成巨大傷害。由於此招具備高度人氣，模型公司壽屋更為此製作了１／１２組裝模型，讓玩家得以近距離把玩及觀賞。

本支影片營利模式，是遵守卡普空影音授權政策，僅限於公開且加入YT夥伴計畫的營利影片，此政策適用個人頻道，另，本頻道無使用卡普空遊戲影音素材製作「會員影片」。

除此，本頻道遵守不劇透政策，無完整劇透剪輯卡普空的遊戲，包含將所有劇情彙整成一部影片，且無加入個人操作或其他附加價值等違反政策行為。

本集根據實體模型樣態分別展演一般版及第四裝甲版之上升火焰艾克斯，喜歡麻煩點讚、分享加訂閱！

純粹介紹，無業配商品，喜歡想買請自己去搜尋購買連結

本影片著重在上升火焰艾克斯本身的介紹，本影片無法完全囊括所有關於攻略的細節，敬請見諒。

本次整理以單機系列作品為主（不包含其他衍生作品，如方塊遊戲、格鬥遊戲、手機遊戲等）

※頻道影片均為親自遊玩
※授權使用方式也清楚揭露
※希望大家都能以此為標竿，檢視自我，做人真的不要嚴以律人，寬以待己阿

聲明：影片資料是採綜合彙整及個人實測後補充，無完全取自某單一網站 相關資料可參考下方說明：
本集相關資料來源參考：
https://bit.ly/3DJeht9
https://bit.ly/3kNr8Sg


部分補充則是從遊戲中自行遊玩取得 資訊若有不完整或錯誤煩請留言指教 卡普空影像二創政策：
日文版：http://bit.ly/3pwrv4b
英文版：http://bit.ly/37rWdVU
中文說明：https://bit.ly/3dowzVy

本次各項素材使用方式：
1.翻譯使用：詞彙大部分是採用FANDOM翻譯

2.FANDOM介紹文案參考資料來源使用方式：參考後改寫、校訂或補充，以致符合影片主題。

3.音樂使用：僅使用遊戲中的BGM，並且依本次主題搭配，亦無直接擷取獨立放置。

4.其他補充：若由我個人補充的遊戲資料或資訊部分，可以CC授權條款自由取用（你可單獨擷取部分資訊，去做屬於你自己的新影片，就目前創作圈共識，遊戲資料的發現，基本上是一件既定事實，沒有人可以獨佔，而對我來說，只要能幫助下一個創作者讓他製作出新影片，也算是功德一件）。

5.真正不可以擅自引用的，是個人主觀上的心得、經驗、或編輯過後的影像內容或素材 所以如果你直接盜取影片，再上傳到其他平台，是禁止的。

#壽屋模型
#上升火焰艾克斯
#第四裝甲

00:00經典片頭
00:06片頭音樂Mega Man X4 OST - Magma Dragoon(Magmard Dragoon)Theme Stage
00:46炎龍騎兵戰敗
01:39上升火焰艾克斯一般版
02:10上升火焰艾克斯第四裝甲版
03:22片尾音樂Mega Man X4 OST - Get a Weapon
03:40商品展示
03:49經典再會片尾

喜歡麻煩按個讚，並分享給你所有的朋友~

FANDOM授權宗旨請看以下：https://bit.ly/3iqcflu
以CC-BY-SA發佈的FANDOM社區 為了增加知識與文化的自由溝通和交流，任何人在以CC-BY-SA授權的Fandom網站所貢獻的內容，都允許其他人在公眾範圍內進行以任何目的的免費重新使用、傳佈、改作，包括商業用途在內。內容歸屬權的使用是被允許的，同時，也允許對傳播內容或衍伸作品的自由版權發佈。

今日新聞: 第2625成交(堅)，成交6000萬，唔敢亂俾分?。銅鑼灣新會道4號地鋪，建築面積約1263方呎，以6000萬易手，平均呎價4.75萬，租客南山餐廳，交吉。闊約20呎，連 yard 深約50呎。

原業主鄧成波家族於2009年6月透過宏浩有限公司購入上述地鋪，作價2430萬，持貨12年，帳面獲利3570萬，物業升值1.54倍。宏浩最新股東為葉少萍及鄧耀昇。

新會路2號及4號，本來是同一間舖，現在分間中。

今日《星島報導》

鄧成波家族6000萬沽銅鑼灣鋪持貨12年升值1.54倍

「鋪王」鄧成波家族連環沽貨，最新沽售銅鑼灣新會道地鋪及住宅單位，其中地鋪作價6000萬，平均呎價分別為4.75萬，持貨12年，物業升值1.54倍。

上址為銅鑼灣新會道4號地鋪，建築面積約1263方呎，以6000萬易手，平均呎價4.75萬，該物業舊租客南山餐廳，惟鋪位以交吉形式易手。鄧成波家族於2009年6月透過宏浩有限公司購入上述地鋪，作價2430萬，持貨12年，帳面獲利3570萬，物業升值1.54倍。宏浩最新股東為葉少萍及鄧耀昇。

平均呎價4.75萬

還有，新會道4號2樓住宅，面積1000方呎，以1500萬易手，平均呎價1.5萬，原業主劉綺婷，於2017年8月以1430萬購入，以私人名義登記，持貨逾3年，帳面獲利70萬，物業升值5%。市場消息指，劉綺婷為鄧成波家族相關人士。市場人士指出，該物業雖然位處銅鑼灣二綫街道，惟接近港鐵站，物業多年來經營食肆，並多由外區客光顧。

1500萬沽住宅單位

Note: 評分基準，5分市值，10分超平，一分騙案(超貴?)

。。。。。。

盛滙商舖基金2016年成立以來，已成功買入56間街舖，賣出當中33間。目標每年派息6/7/8厘，每年基金目標回報10%，每季集資港幣6000萬，我另再加碼保持佔基金約25%。長遠基金目標買入1000間香港街舖。李根興 (盛滙商舖基金創辦人)

加入《盛滙商舖增值基金》Waitlist 可致電(+852) 2830 1111 或 whatsapp 李根興 (+852) 90361143

Note: 只限專業投資者參與 (依香港證券及期貨條例定義，持有不少於港元800萬或等值的流動資產人士或公司)

www.bwfund.com (證監會持牌法團 BBL 650)

。。。。。。。。。。

業主有舖放售，記住聯絡我。馬上出價買入你間舖? whatsapp 我 (+852) 9036 1143 或致電 (+852) 2830 1111 李根興

www.edwinlee.com.hk

想收到最即時的商舖「八八卦卦」資訊，可 whatsapp 我 (+852) 90361143， 好多事唔方便公開講。

購買李根興的【李根興的生意哲學】(最新2020年6月出版 - 定價$198)，或【買舖 要買得 PRO】(定價$198)，連親筆簽名，可 whatsapp Suki (+852) 5566 1335。

聯絡李根興 Edwin whatsapp (+852) 90361143

#商舖基金 #買舖要買得PRO #新會道舖

〔SHOEI Z-8 - 登陸頭盔王〕
〔三大限定版本矚目登場！〕
一直令人期待已久的全新型號頭盔 — SHOEI Z-8已經登陸頭盔王！作為日本領先品牌SHOEI向來獲得用家高度評價，而全新推出的 Z-8 除了會繼承著 Z-7 豐富配色選擇與輕量化，提供更好的通風效果與更好的寧靜感，並且同步開發新的鏡片與鏡座，SHOEI 最知名的 E.Q.R.S. 緊急除脫系統也依然標配在 Z-8 上，親和力極高！

對比X-FOURTEEN 系列，Z-8 系列更著重於通勤及日常使用。在設計上，Z-8 也保留空力考量而設的小鴨尾，在重量及舒適亦優勝於 X-FOURTEEN，是為更著重駕駛感受的騎士度身而設。 Z-8在通風性與肅靜性兩點上再度增強，令配戴時的舒適度得到進一步昇華。本次頭盔王更引入三款不同風格的日本限定彩繪版本，想盡顯個性化的您又怎能錯過？

而Z8和前作的一大分別是有新的鏡片系統，鏡片座和鏡片都是全新設計，鏡片外圍有些許凸出的導流設計，為的是減少騎乘時的風切聲，讓騎士可享有更升級的靜肅性。PINLOCK防霧片的鎖點也進一步往外調整，讓騎士可享有更佳的視野。


＝＝＝＝＝＝＝＝＝＝＝＝＝＝＝＝＝

「頭盔王」(Helmet King)
網購平台: helmetking.com
INSTAGRAM: helmetking_hk
用品訂購電話/Whatsapp: 63858830
維修預約電話/Whatsapp: 51122213