秋風起，蟹癮都同時起，但「大開食戒」之前要留意有咩禁忌，食之前要三思呀～

【大閘蟹禁忌｜孕婦懷孕初期吃易出血 女士月經期間吃易加劇腹痛 胃功能差及濕疹患者都要少食】
足本睇片： http://bit.ly/32fffJx

#飲食男女 #大閘蟹 #禁忌
=============================
工作辛勞想食餐好？《飲食男女》每日為大家示範 #三餸一湯，為你的住家飯帶來一點不平凡： http://bit.ly/2OWx8va
==============================
🎊🎊真．香港人搵食台上線啦～收集各區良心食店，齊上齊落，食得安樂～🎊🎊
傳送門： http://bit.ly/2HKuHXx
==============================
【抗暴小店｜龍門冰室紅磡店遭破壞 老闆：我沒做錯 不需警察】 👉🏻👉🏻 http://bit.ly/2BHC79y
【九龍城老粥店 結業再重開 第三代傳人：有信心保持招牌】 👉🏻👉🏻 http://bit.ly/2WnUp9B
==============================
飲食男女回歸《蘋果動新聞》！ 🍎 新聞有價，用真相對抗不義 🍎 每日HK$1.68訂閱撐蘋果：
👉 http://bit.ly/2YwE3Ma 👈
YouTube： http://bit.ly/2Md5V2k
Instagram： http://bit.ly/2EA3qpR

讀者投稿《好煩好厭奶奶篇》

網上睇到話同99最好既距離係1.5小時車程既距離。。我一d都吾覺得係！我同我99正正就係坑口，上水既距離！但佢都可以好煩好討厭！未結婚既時候覺得數字人都算係咁~點知愈對愈耐既時候。。完全係2回事！

1- 結婚地點就曬佢地親戚！方便佢地親戚！完全無理會過我地女家！開頭又話我地開心就得，邊到都無所謂，咁我就好開心咁揾場地！點知我地比d場地數字人睇，比親邊到都吾ok，最後變左係數字人揀，係火炭火車站個邊！原因？近佢地親戚囉！

2- 發現有bb，之前睇過婦科e生都叫我要小心，我比較易小產，個陣已經知99龍野，第一個話佢知，廢事我老公要翻去食飯時我無啖好食！點知講完，成個懷孕期翻親99屋企食飯一樣無啖好食！懷孕第二個月仲煲清補涼叫我飲！我知佢吾係老馮煮埋比我，我亦可以選擇吾翻去食！但為免老公難做，我亦會跟埋翻去！而且老公話想翻下去！但古吾到翻親去都係西洋菜湯，清保涼， 枸杞湯，蝦，等等懷孕初期吾食得既寒涼野。。。

3- 擺酒時長期霸住個台要影相！事後原來我老公都無同朋友影過相！我亦都係要走去同mc講我要同女家親戚影相，mc幫我開咪再拉阿99落黎，我先有得影下女家親戚！但老公出聲係比62罵，講鄉下話我吾識聽，但語氣係差的。。搞到成晚好似佢2老結婚咁。

4- 大住個肚迫我翻大陸見佢d親戚朋友，我已經成日肚痛又出血，e生已經叫我要臥床休息，但數字人依然鍥而不捨煩，好喇，最後我係屋企去到上水又再肚痛頂唔順先吾洗再翻大陸，但係休息下都無，阿99即刻叫我call車自己翻屋企，佢地自己翻大陸。

5- 生完同我爸媽都話黎探我，但我想休息，叫佢地分批黎，而且每次只可以2個人探，咁多人黎都無用，竟然係數字人黎先，吾係讓我爸媽黎先！黎到係無理會過我！眼中只有bb。。吾緊要，我預左！叫佢地洗手永遠答洗左，但行埋去掂一掂水就叫洗左？！完全吾理衛生問題！

6- 生完翻屋企已經不停打黎煩我老公話要黎睇bb！我老公亦有講話遲小小先，因為想比我休息下。。點知發翻我老公脾氣！我見我老公咁樣，我話比佢地黎啦，一日半日吾緊要。。點知成村人上黎！一樣完全無理會過我！亦嘈到我根本休息吾到。

7- 99要幫bb沖凉！其實我吾想！我同我老公講，佢咁耐無幫d咁細既bb沖涼好危險！我老公話吾怕！好！我又放手比99去！當然我有跟埋入廁所睇住！果然不出我所料！反轉bb洗背部既時候，完全無理過bb個頭同頸，我睇住bb個頭fing來fing去，嚇得我即刻扶住bb個頭， 然後同阿99講，要扶實阿b條頸，好危險，但換來一句：吾怕。

8- 抱bb永遠吾扶實條頸同個頭，每次都講：吾怕。我好想同阿99講句：初生bb條頸同個頭係最緊要，咁都吾怕，請問有咩怕？

9- 我係房餵人奶，門鎖壞了，阿99走入黎望住我餵奶同bb講野：哎喲…傻豬豬，食奶奶呀
我真係好嬲！係咪要咁急同bb講野呢？有無諗過我吾想比你望住我個胸餵奶呢？可吾可以尊重下我呢？我媽黎到都只係企門外同我講野啦！點解阿99你就要衝入黎企定定牛咁眼望實呢？9-個個星期日日都要走上黎，又要一早黎！bb訓我就訓，如果吾係無得訓，我相信好多媽媽都明，但阿99永世上到黎，就算見到bb訓左，佢亦會死入黎企係到望住！我同阿99講，我想訓陣，佢答我：哦，你訓啦！其實有無諗過你成個人棟係到人地係訓吾到呢？

10- 我屋企吾係大，但都吾算好細，都有2房，一家三口。。我覺得都ok啦～阿99上親黎就會話我屋企又細又迫！晾衫窗口吾夠大！廚房佢地大d，我呢到好細。總之就左彈右彈！

利申：99都係住公屋,我吾明佢咩心態？點解要咁嫌三嫌四？

11- 本身諗住生完翻99到坐月，99要求的，但閒談間阿99話要同bb同床訓，我話吾好，好危險，阿99話：吾怕，我生左咁多個。我對眼反到去後腦，你生左咁多個又點？三十幾年前同而家分別已經好大，再講，我老公同佢d兄弟姊妹都吾係99一手帶大，所以嚴格黎講，我99得個生字。。。完全係無經驗~跟著仲要同我講要煲燕窩比bb食，問我咩燕窩好？我話bb咁細吾食得住架，bb1歲前都係以奶為主架~阿99只話哦，係咩？

跟著我99仲好好心，用左好多佢自己都吾知係咩葯材黎浸酒話比我補身，我睇住樽酒由透明浸到變咗黑色。。。。最後我都係好堅決同99講我吾翻去坐月

12- 好多bb出世後都係成日訓，阿99都知bb成日訓。。有一日阿99又同62，阿妹，阿妹男朋友，上我屋企睇bb。。但bb係房訓緊~坐左一陣，阿99話要走~第二日，同我老公講，話吾開心，睇吾到bb！我同翻老公講，平時99點都會等我地一齊晚飯，點解阿妹佢係到先吾等？仲要講吾開心？佢咩動機？仲有bb訓左，想點？係咪99黎到無論bb做緊咩都要即刻抱出去跪安參見佢？

仲有好多好多未能一一盡錄~得閒再同大家呻過。

#退一步海闊天高
#我的極品四大長老

《港式執媽x銀杏堂歐陽醫師》第二篇

好耐好耐之前執媽咪邀請左一位靚仔中醫師一齊寫左篇文章，關於產後上奶食療既🤱🏻🤰🏻🤱🏻🤰🏻🤱🏻🤰🏻

今日再一次多謝歐陽醫師不嫌其煩，又再幫我解答一d產後常見問題呀！

因為上次個post有媽媽提出左一d問題，
而呢d問題都係我成日聽到而西醫只會hea過咁答🤦🏻‍♀️🤦🏻‍♀️
因為始終西方醫學冇做過research,📈📉📈📃📄📑冇evidence base佢地就覺得個問題not significant,即係冇証據顯示兩者有關，但中醫就會有解答喇

以下，睇下執媽加歐陽醫生又解唔解答到你地既問題喇

👱🏻‍♀️=港式執媽 👨🏻‍⚕️=歐陽醫師

👱🏻‍♀️：好多媽媽都會有產後周身痛既問題，腰骨痛喇、手指關節痛喇、膝頭哥痛等等，係西醫既角度就覺得係懷孕時身體分泌Relaxin (鬆弛素），去幫媽媽既軟骨、筋腱等等鬆軟少少，可以比bb出世時順利通過產道，所以有時關節會覺得鬆軟，唔知中醫又點睇產後骨痛既問題，同可以點保養呢？

👨🏻‍⚕️：產後周身骨痛這個情況其實並不少見，中醫稱為「產後風」🌪。
原因係產後媽媽多數處於「多虛多瘀」的狀態，即氣血虧虛或伴有瘀血未清，
此時很容易外感風寒，導致身體各關節氣血不足或氣血不通，而產生關節疼痛。
所以中醫強調媽媽產後要保養身體，避風寒，調暢心情，注意飲食。

產後初期可以煲姜水🍯或溫性的中藥湯液🍵清潔身體，注意保暖，穿著足夠的衣物🧣🧤🧢，避免赤腳在家中走路👠👟🧦或長時間吹冷氣及風扇；切勿進食生冷食物，如凍飲、冰凍和寒涼的蔬果、壽司、沙律等等。🍣🍱🥗
另外也要注意保持愉快正面的心情，氣血通暢，自然就會擁有良好的健康！


👱🏻‍♀️：另外，好多媽媽都話產後甩頭髮好嚴重！甩到好驚變禿頭！點解會咁既？關唔關個腎事？可以點做呀？

👨🏻‍⚕️：產後脫髮係非常常見既情況，多數係產後3-4個月後開始出現，現代醫學理論認為媽媽產後內分泌失調所致，不過一般只維持一段短時間，如果有足夠休息及調理， 身體逐步恢復正常狀況，脫髮情況亦隨之減少下來，所以媽媽們唔使擔心。但如果脫髮狀態超過半年以上，便要留意自己的生活細節或詢問醫生／中醫師的專業意見。

中醫認為產後脫髮與「腎」關係密切，因為偉大既媽媽係用自己的「腎精」和「氣血」去養大BB，因此產後媽媽會出現腎精虧虛及氣血不足，唔夠分配營養比頭髮，所以頭髮就好似樹葉咁乾枯脫落。中醫一般運用補肝腎健脾，益氣養血等中藥，以幫助媽媽們改善身體元氣大傷的狀態。另外，產後媽媽也要保持心情愉快，假如壓力過大，情緒不佳也會擾亂內分泌，增加脫髮風險。

如果媽媽發現自己產後脫髮，簡單的平時可以於炒米茶、飯菜或湯水入面加入黑芝麻、黑豆和枸杞子等補肝腎的中藥。飲食方面: 多進食菠菜、豆腐、海帶等食物，健脾補血，也補充鐵質、蛋白質及微量元素。🥜🍥

🍵🍵湯水方面: 烏雞1隻、 制首烏 3錢、黃精3錢、杞子3錢、熟地3錢 煲湯飲（感冒時候不宜飲用）


👱🏻‍♀️：仲有，因為餵人奶既關係，好多媽媽都唔夠訓，因為半夜上奶最多，好多人都要半夜追奶，係唔係因為呢個原因而「熱氣」呢？成日聽媽媽講會生霏之，但又因為餵人奶而唔敢飲涼茶驚會退奶，其實涼茶會唔會退奶架呢？如果唔得咁熱氣生霏之又點算好？可以食咩食療而又唔影響餵奶架呢？


👨🏻‍⚕️：無錯，好多偉大的媽媽們，因為半夜餵人奶，休息不夠，生「痱滋」，這些多數是出現「虛火」情況。
坊間「熱氣」的意思，其實包括「實火」和「虛火」兩個概念。「實火」的人一般精神狀態良好，怕熱多汗，口乾口苦，小便黃，大便不通暢。「虛火」的人則多經常熬夜、精神疲累、自覺熱但怕吹風、口乾但不想飲水。
如果過量飲用涼茶是有機會退奶的。不過如果媽媽真的「熱氣」，坐月後飲少量涼茶還是可以的，如果確實需要飲涼茶，切記少量即止，並最好於飽肚飲，防止寒涼直接影響脾胃。因為過量可能影響媽媽自己健康和飲人奶的BB。如果對自己身體狀態不了解，建議諮詢註冊中醫意見。
坐月四十朝內不太建議飲涼茶或生冷食物。如果真的是生「痱滋」，可以進食清潤的食物，如 沙參、玉竹、麥冬、西洋參、石斛、雪梨、不過最重要都係要多休息！

👱🏻‍♀️：今集歐陽醫師講左好多理論性既中醫概念，
呢d都係執媽好感興趣既知識！
因為我總覺得：西醫唔可以解釋哂所有媽媽主觀地察覺的不適，
如果唔係就唔會出現中國既「坐月和身體保健」既概念喇
不過中醫咁博大精深，好難憑一兩個徵狀、一兩句說話就解釋清楚你身體發生咩事，中醫都講求「望、聞、問、切」，如果有咩唔舒服，都係果句
「搵返專業註冊中醫親身去睇病」

重溫之前一篇中醫教坐月知識&上奶湯水分享：
https://www.facebook.com/hkmidwife/posts/525497034459714

由於資訊太多
所以仲會有下一篇架！
敬請期待👋🏻👋🏻👋🏻👋🏻👋🏻

歐陽醫師用左好多心機打呢篇文章架
Like&share支持下佢喇😉😉😉