【#BF財經資訊】近日環球市況波動，市場氣氛轉趨審慎，開立外幣定期存款亦是一個可考慮的選擇，儲蓄亦可享有較高利息。而選擇短期的定期存款，更可兼享靈活優勢。⁣
⁣
恒生銀行最近推出外匯優惠，兌換指定貨幣同時設立一星期定期存款，可享優惠年利率高達10%⁽¹⁾，交易金額更低至HK$10,000或等值⁽²⁾。在目前的市況下，收取固定利息不失為一個儲蓄選擇。⁣
⁣
優惠詳情： https://bit.ly/2Vvk3NO
查詢電話： 28228233 ⁣
⁣
註：⁣
(1) 優惠至2021年9月30日。上述年利率優惠乃根據恒生銀行於2021年6月30日公佈的年利率計算，僅供參考。⁣
⁣
(2) 每次交易上限為HK$2,000,000或等值。如實際兌換金額超出兌換金額之上限，該實際兌換的金額只可獲一星期定期年利率之牌價。⁣
⁣
優惠只適用於身處香港人士。外幣兌換涉及匯率風險。優惠附帶條款。⁣
⁣
#外匯 #儲蓄 #存款 #外幣 #外幣兌換 #外幣定存 #外匯優惠 #年利率 #恒生銀行

【龔成問答信箱】（Q12321-Q12340）

Q12321：

成哥，唔係想擦你鞋，但真係要多謝你。我、我媽媽、我細佬都真係受惠於你的股票投資教育。

聽左你講，我細佬係上年港交所$200蚊以下買入持有至今。同時佢亦有一手煤氣，月供緊盈富基金。

至於我媽媽，我以用優質股票資產配置開始幫佢策劃十幾年後的退休。

平均$10.5左右買入香港電訊，$15.8左右買入煤氣，呢兩隻佔比重較多。其餘港燈、置富、建行、金沙、中銀香港各有少量，做左一個平衡風險之選。

而我亦挑選左你50隻優質潛力股裡面的8隻做月供，發覺效果真係好過我曾經得炒炒賣賣。

你的書真係教育左好多新一代香港人，無教壞人。我係你忠實fans

龔成老師：

多謝你的讚賞，我只是將正確的投資知識，分享比更多人知。

我投資股票20年，頭幾年都不懂投資，輸多贏少，後來不斷增加投資知識，明白「長線投資優質股」，才是投資的王道，之後我就贏多輸少。

由於我經歷過，同時過往做銀行，見證了大量散戶的買賣狀況，好明白知識是大家最需要的野，所以近年盡力分享知識！

可以幫到你地，實在太好！但我地投資，要長期進行，唔好太比中短期表現影響，同時以規律地保持投資，長遠會有更大的收成！

大家加油！

------------------------------------------------

Q12322：

你好，想問一下強積金投資，我有永明及匯豐強積金戶口，主要追蹤港股，但回報只有1至2%。

我明白屬於長期，但唔想白白浪費呢筆錢，有冇心得可以分享？

龔成老師：

強積金是長期投資，所以，你可以投資長期增長力較強的項目，你可以了解下，該基金現時追蹤港股，是追蹤恆指還是甚麼？

如果是恆指的話，你可以持有，如果其他的話，不如轉追恆指。另外，如果你想提高回報，可以將部分資金，轉成有主題基金，例如醫藥類、科技類的基金，這樣會增加回報，當然，潛在風險都會略有提高，所以你要取平衡。

------------------------------------------------

Q12323：

龔成先生:你好! 想請教你對太陽城 (1383) 的看法? 本人持有180,000 股 (均價2.12 買入)

是否可長期持有, 博成長升值?
謝謝!

龔成老師：

太陽城集團（1383）其實我有保留。

佢最大的問題在新核數報告，佢近年的財務數據，核數師報告都出現「修定」報告，即是核數師對一些賬目有疑問，最後與這公司算是處理並無事，但這已反映當中有一些「古怪」的地方，在我地投資者角度，已經要小心。

同時，這企業的盈利十分波動，有時會出現大額的虧損，都是令人擔心的地方。

這類股你當小注玩下可以，太大注就唔建議。

------------------------------------------------

Q12324：

成哥你好呀！我想問你，我朋友最近聽人講期權，類似XXX的投資法則，風險不高又可賺期權金，你點睇期權呢個工具呢？

同埋呢排吉利壞消息不斷出，咩位係便宜位可大手掃貨呢？感謝

我還想買d金平衡下個組合，想問下除了實金，仲有咩選擇呀？

龔成老師：

我對這類玩期構的手法，有所保留。

因為我過往都做過經紀，其實見證真實客戶的炒賣數據，我所見，玩衍生工具的散戶，最終都會輸比大戶。

表面上風險不高，但當出現一些突發事件，就會有較大的問題，這類是「無事就無事，有事可出事」的情況，因為出事的機會率不算高，因此令人以為安全，但若真的出現這些情況，問題就不能睇少。

至於吉利（0175），這是有質素的股票，長線的投資價值仍在，相信中短期仍弱，分注可以，但未到大手時機。

你可以投資黃金的ETF，例如ＳＰＤＲ金ＥＴＦ（2840）。

------------------------------------------------

Q12325：

我有一個疑問，月供股票，每次交易都會收手續費，這些都是成本，會否影響回報

龔成老師：

會影響的。會影響的。

所以，我地都要考慮成本因素會否過多，如果成本佔金額去到1%以上，就開始多。

如果資金少，而成本去到咁高，就可能要自行分注投資。

------------------------------------------------

Q12326：

龔成老師，請問你如何看待創科的長線前景？以及9厘息的互太？

龔成老師：

（0669）有質素，業務有增長力，是很理想的股票，不過現價有少少貴，小注投資可以。

互太（1382）本質不差的，業務穩定，不過就無乜增長能力，賺錢能力算是中等，收息股可以，但就不要對股價太有期望。

如果你想增長，就創料，想收息，就互太。

------------------------------------------------

Q12327：

老師，請問你如何看待巴群B股

龔成老師：

巴郡當然可以投資，你可以視為一個穩定增長的基金，不過，巴菲特年紀唔細，這是當中的不確定因素。雖然往後的接班人，都會以價值投資法作核心的投資方法，仍能保持增長，不過增長力一定不及巴菲特。

------------------------------------------------

Q12328：

請問而家先開始供388 會唔會有點遲，長線仲有好大的向上空間嗎?

龔成老師：

港交所（0388）是好優質的股，但這刻的確有少少貴，但由於市場認為佢貴得有道理，所以，要佢股價大跌不易。

這類股，你可以月供，但由於這刻貴，因此不能大手入，以月供模式，分注，長線去入，長遠仍有上升空間。

------------------------------------------------

Q12328：

老師，我709 x20000股4.3入股息$4000，現價3.X放唔放?如換股那隻比較好

龔成老師：

佐丹奴國際（0709）業務不差，生意算是不過不失，但無增長，同埋早排因香港零售市道而發盈警。

佢派息比率高。這類股適合投資作收息股，但就不要對股價有太大的期望。

相信佢要上翻去可以，但不是短期的事，你可以守，當收住息先，不過，如這股佔組合太多，就賣出部分。

------------------------------------------------

Q12330：

一般大跌市時是再買入月供的優質股嗎？

龔成老師：

一般來說，月供是一個長期的策略，所以無論大市升跌，只要是優質的，都可以保持長期進行月供，重點是「優質股」。

當然，我地會因應大市平貴，而可以調整金額，所以，就算大市下跌，你再買入月供的股，是可以的，只要這股佔你總財富的比例，不過多就可以。

------------------------------------------------

Q12331：

龔sir，小弟43，有兩小朋友。按揭仍欠$190萬。

一年半前已月供005 $3000 和 1928 $3000。有$60萬現金可用，請教如何運用才最有效益，謝謝

龔成老師：

你現時供的都是有質素的股票，基本上可以保持進行，不過，匯豐（0005）增長力不強，金沙（1928）算是平穩增長類，你應該加強翻組合的增長力。

你可以將$60萬中的$20萬，分注投資盈富（2800），同時，你可以加大金額在月供，例如加恆基（0012）、港鐵（0066）各$3000，保持進行。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q12332：

老師，有幾個問題請教：

1：2840合理價係幾多，因為我見佢價位好似有d高，現在入係唔係機會?，thank

2：請問吉利汽車最近有盈警，對佢日後生意有冇影響，因為之前見你推薦過，所以係11.4入左1手，見佢跌先入係唔係入得正確?

3：想請問，如果日後退休後，將所有現金放係收息股，會唔會有問題，當然會變成1個收息組合，但係如果全買股票會唔會有問題?

4：想請問下，媒氣現在是否下跌10%才進入合理區?，
thank

龔成老師：

1）ＳＰＤＲ金ＥＴＦ（2840）是追蹤黃金價格的ETF，而黃金是一種商品，沒有一個絕對的所謂合理價，因為只是由短期與長期的供需而決定價格。

而我地只能憑當時的黃金市場冷熱度，去分析是否合理。

長遠來說，人類都會不斷對黃金有需求，同時，現時炒金未見有狂熱情況，因此初步會分析為合理。

2）吉利（0175）本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

但中國車市放緩、外來競爭、行業競爭加劇，都成為不利的因素，相信中短期仍會對佢不利。

股價由高位回落不少，除了反映過往處貴水平，現在回落至合理水平外，同時反映市場預期中國車市的不利情況。相信這股中短期股價仍會不利。

現時價位在合理區，但股價波動，如投資要分注，同時要長線投資，車市要慢慢才好轉。

3）你可以建立一個收息股組合，但這個組合，只能佔你總財富的一部分，例如3成-6成。

4）大約跌多15%，先會到合理區。

------------------------------------------------

Q12333：

你好老師，本人同先生今年都係30歲，加埋收入大約每月$60000，因為剛買左樓開始要供樓$20000。

仲有大約20萬現金，應該放係銀行mortgage link account 還是拎去做投資呢？

另外我地每月應該可以有大約$10000至$15000儲蓄，咁希望大約放$6000去月供基金，請問咁樣可以嗎？應該月供邊隻好呢？ 2800、0003、0012嗎？

謝謝你！！！

龔成老師：

如果你地而家無股票，你可以將其中的$8萬，分注投資盈富（2800）。

另外，你可以進行月供股票，盈富（2800）、恆基（0012）、煤氣（0003）都可以，但由於後兩隻是同系，因此佔比會較少，例如盈富供$5000，恆基$2000、煤氣$2000。

------------------------------------------------

Q12334：

您好，龔成老師，請問耐世特（1316）值得投資嗎？合理價格多少，謝謝！

龔成老師：

耐世特（1316）早前公布的業績，中短期有點弱，但又唔算好差。我相信佢中短期仍會面對不利的經營環境，見佢生意並無增長，盈利都是。

相信要過一段時間，先會慢慢進入正常少少的時期。

這股現價合理，但就未必值得投資太多，因為質素始終不強，故不建議大注。

------------------------------------------------

Q12335：

你好，想問有關月供股票方面，如果想用$2000做月供，選擇匯豐定係中電會比較好，謝謝

另外想問，以下邊一組合做月供股票會比較好

1 盈富基金 $3000
匯豐 $ 2000

2 盈富基金 $3000
中電 $ 2000

3 匯豐 $ 3000
中電 $2000

龔成老師：

中電（0002）比起匯豐（0005），增長力會高少少，而匯豐則收息比例多。因此，如果你年紀比較大，同時想收息為主，就匯豐。

你可以月供盈富（2800）$3000，至於餘下供那一隻$2000，就視乎你的投資目標。

------------------------------------------------

Q12336：

龔Sir 你好 有問題想請教一下
本人現時27歲 月入20k

剛剛今年與家人購置居屋
以至現金儲備只剩下數萬元

我計過日後扣除供樓支出
每月約可儲4000

我下一步應該先儲現金?
還是直接月供股票?
感謝!

龔成老師：

你現時持有的$4萬，應該持有現金，不要動用。

同時，你可以做月供股票，每月$3000，如果無心水股，可以集中供盈富（2800）。

------------------------------------------------

Q12337：

龔sir 你好呀 本人今年29歲 早幾年因買細價股票而損失50萬 而家月入3萬 由2個月前開始月供股票5000蚊另外再用5000蚊只月供3號仔（3號仔打算長線不斷收息）

亦希望每月儲蓄8000-10000蚊另外本人每月支出大約1萬蚊 想請教sir點樣先可以追回之前個50萬？買牛熊證係咪好選擇？

同埋使唔使改變一下儲蓄投資方式？
月供股票有：

2000 /12 恆基
1000/ 1211比亞迪
1000/5 匯豐
1000/16 新地

Thanks

龔成老師：

如果你心理上，一直想要追回$50萬，同時心急投資衍生工具，你只會進一步投資失利，因為財不入急門，投資要求你的耐心、理性、策略，心急是非理性的行為。

因此，唔好投資衍生工具，你利用現時衛月供的模式進行已得，如果你想加快增套長，可以將月供匯豐（0005）的部分，轉去供盈富（2800）。

同時，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q12338：

龔Sir: 我有股息計算問題想問

如有一手6823佢每年派息兩次有5%以上, 是否即每年收大約一千元股息？ 謝謝

龔成老師：

不是。

其實最緊要睇你的買入價，以及所派出的股息。

香港電訊（6823），假設現價$12，如果你買一手$1000股，你就要動用$12000，而佢每年大約派息$0.6，即是你一年會收到$600，因為佢一年「合共」派息$0.6，而以「年利率」計算，就是5%。

------------------------------------------------

Q12339：

老師你好！本人28歲，股票新手，月入$20000，流動現金$200000。

我想月供股票：
AIA$1500
領展$1500
港鐵$1000
建行$1000

total:$5000 請問你覺得這個組合好嗎？有什麼改善的建議？

另外，我$220000的cash 目前應該如何分配做投資？

龔成老師：

雖然你上述月供的，都是有質素的股票，但最好加入盈富（2800）$3000，這樣會令你的組合比較平衝。

基本上，這些股票都可以長線投資的，你長期月供該就得。

至於$22萬，這刻可以將其中$10萬，分注投資盈富，餘下持有現金。

------------------------------------------------

Q12340：

龔sir，你好。我49歲，唔識股票，最近開始睇你fb，有些問題想請教一下

有現金大概40萬想試試投資，剛入左2000股煤氣$17.62
未來3至5年有穩定收入

25k/月，靠自己，女兒已出身，請問你那本書較適合我？睇長線

在此多謝你的寶貴意見與指教

龔成老師：

煤氣（0003）是有質素的股票，適合長線投資，你可以持有。

同時，建議你做月供股票，唔需要太心急一手手去入，你可以月供盈富（2800）$5000，這是平穩增值類股，適合你投資的。

你可以睇《股票勝經》、《80後百萬富翁》。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

「然而，要注意的是，很多人看到利率9.99%都相當心動，但提醒入手前先留意兩個細節，包括第一、9.99%的高利率計息為『年利率』計算；第二、此美元優利方案僅快閃1個月，因此，並非單月就享有9.99%，年利率平均下來，1個月實際收益年利率約0.86%(計算方式為：9.99% / 360 x 31)。」

一步一步引導使用Excel試算表製作多段式年利率之計算

這影片分享如何計算多段式貸款的實質年利率