熱門Ptt文章

[爆卦]專題報告開頭是什麼？優點缺點精華區懶人包

雖然這篇專題報告開頭鄉民發文沒有被收入到精華區：在專題報告開頭這個話題中，我們另外找到其它相關的精選爆讚文章

在 專題報告開頭產品中有7篇Facebook貼文，粉絲數超過0的網紅，也在其Facebook貼文中提到， ［呃飯食之王］早排同舊同事食飯，講返呢位仁兄，真係我做咁多年嘢認識最經典嘅人物。佢自己都話唔識寫research report，但居然畀佢做到幾間大行。 ＝＝＝＝＝＝＝＝＝＝＝＝＝＝ 月頭訂最抵！2021比別人知得多。subscribe now（https://bityl.co/4Y0h）。Iva...

　同時也有1部Youtube影片，追蹤數超過75萬的網紅志祺七七 X 圖文不符，也在其Youtube影片中提到，本集節目由「窩窩及台灣石虎保育協會」贊助播出 【拯救石虎募資計畫2.0】 👉🏻 擴大保育熱點，化解雞舍衝突！全民共同響應，替石虎守住珍貴棲地！ 👉🏻 立即加入拯救石虎的行列：https://wuo.pros.is/3my2et #拯救台灣石虎募資計畫 #現正進行中 -- ✔︎ 成為七七會員（...

「專題報告開頭」的推薦目錄

專題報告開頭 在 口一口 ? Instagram 的最佳解答

2021-04-04 15:48:10

＼今天見面的人是蔡想想的媽咪🛵／ 想好好記下難得隻身北上的今天 騎著goshare沒有董老沒有蔡老 見了許多位只在電視上見過的大人們 帶著圈圈的領巾給蔡想想、蔡阿才跟他的兄弟姐妹Bella、Maru、Bunny（好感謝前晚接下這個緊急任務，趕工繡上名字的圈圈）在中常會裡分享了小蝸牛市集的故事：在...

專題報告開頭 在 ?媚 Instagram 的最佳解答

2020-05-02 00:23:53

我們畢業了 四年這之間的我們好像還在眼前徘徊 剛上大學時 因為參加了迎新 遇見了一群最溫暖最真心對待我們的學長姐 在我們眼裡室設是一家人般的相處 後來的啦啦隊比賽使我們更懂得原來室設系延續傳承的是什麼 因為超出人數本來第一的我們被扣分到沒有名次 沒有得到第一但最後我們贏得團結 那時的我們總是常...

  • 專題報告開頭 在 Facebook 的最佳解答

    2021-05-06 15:10:14
    有 247 人按讚

    ［呃飯食之王］早排同舊同事食飯，講返呢位仁兄，真係我做咁多年嘢認識最經典嘅人物。佢自己都話唔識寫research report，但居然畀佢做到幾間大行。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折

    TLDR：此人係真係完全唔識嘢呃飯食的！呀Jens就係金融界嘅卡路士凱撒。最後迫佢交功課，你估佢點應對？

    1. 我做金融都做咗十五年，都見證唔少歷史，做過唔同公司。我見過好多奇人，有人在公司扑嘢（在我個位添，當然事後先有人話我知），有人在公司捉鬼（唔係搵二五仔，係真係叫道士嚟捉！），有人貼錢返工自己畀錢在自己個位裝部Bloomberg，有人在公司打交畀人炒埋，有人畀美國通緝，有同事上娛樂版頭條，乜人都有。我甚至同幾個明星做過同事（又有出奇呢？蔡安蕎都做金融啦，但佢唔係我同事）

    2. 但講經典程度，我諗呀Jens真係第一。此人係真係完全唔識嘢呃飯食的！唔係出面啲人恥笑埃汾唔識寫文嗰啲唔識，而係你想像佢真係文盲亂寫一堆字母，「波斯密語」咁。有冇聽過有個足球員叫 卡路士凱撒 Carlos Kaiser，冇嘅Google 下，卡路士凱撒十幾廿年，冇落場踢過一場波，但踢過好多間大球會，呃咗唔少人工！呀Jens就係金融界嘅卡路士凱撒。可惜畀人踢爆咗。

    3. 事情係咁的，當時我已經係研究部嘅副主管（十丁八丁友嘅副主管），主管係我直屬老細兼師傅兼伯樂馬生。後來公司賣盤，新人事新作風，一朝天子一朝臣，當然睇舊人唔順眼。有啲同事一早閃人，有啲就被人炒，極少數嘅被留用。咁我老細個位當然都不保，聽聞當年如果佢肯降格做二號就有得留，但當然佢老人家有骨氣唔會制（佢話：以後仲使出嚟行嘅？）。然後搞一大輪後，公司可能念在佢多年貢獻，又或者有啲剩餘價值，就另外開個small task team畀佢。咁仲有乜水？就係佢馬仔，區區在下我本人。當然呢個small task team都不長久，好似兩年貨仔就收埋皮，齊齊失業。但至少我再呃咗兩年人工。

    4. 但講返轉頭，呀新官上任嗰條友，就真係極品。真係唔好誤會，我同佢冇仇冇怨，唔係因為佢坐咗我老細個位而乜乜—事實根本我都未有時間怨恨佢，佢就極速自爆咗。

    5. 呀Jens，金毛鬼佬一名，之前做過幾間大行，真係好大嗰啲。勉強稱得上官仔骨骨，唔係靚仔到才俊feel嗰種，但又唔係大肚腩阿叔嗰啲。個人好似有啲怪怪地，introvert，唔係一般投行鬼佬咁aggressive 或 smart ass，似教大學多啲。

    6. 咁而此人呢，就真係朝8晚4出現，十分神奇。看官，我做analyst嗰時，高峰一個星期可以返100個鐘（你話吹水一日返唔到20個鐘？邊個詁你知返5日？），比較得閒嘅日子都朝8晚7。而呀Jens就好多時4點幾走人—事實如果唔係要同倫敦鬼開會，我估佢3點走人都似。加上佢呢，就終日閂埋門在房唔知做乜的，呢個亦唔係常見嘅文化，一般都門常開嘛

    7. 講到呢度，明明我去咗small task team，點解知呢啲嘢？因為我前任嘅assistant哈利簡話我知，哈利簡應該係第二代嘅assistant，我親手請，好嘢嚟的，不過講真實在太內向，比我更introvert，未必啱做呢類工種，後來哈利簡轉咗去某大非金融企業搞公司自己嘅投資，就啱晒佢。咁講返，當年呢，我畀人踢走去small task team，亦有人接手我個位，咁哈利簡咪support新嗰個咯。而因為我同佢關係都算好（呢篇文都會畀佢睇），哈利簡有啲咩八卦嘢都話我知。

    8. 然後呢，研究部嘅嘢，朝早開早會啦，好似8點定7點半，唔記得。咁啲Sales更會嚟聽，好多時就乘機批鬥你地班友（佢地做唔到生意當然係話你地廢）。咁當其時班新Sales，都相當之harsh嘅，開頭就試下水溫，盤下呀Jens．點呀，平保建行（當年仲係熱炒呢啲）出咗業績，評兩句丫？

    9. 然後呀Jens話：係咩？我返去睇下先 （當然係講英文）

    10. 然後班Sales就知道，此人真係一個北京大災難 北京大笑話。

    11. 後來呀Jens繼續朝8晚4在房自閉，嚟咗幾個月，報告都冇一份出過。Sales當然屌到佢開花，當然同大老細投訴。大老細就叫佢，拿，ultimatum，你月底前好出份中國金融業sector report啦下，死都死掂佢。

    12. 如是者，呀Jens繼續自閉，去到月尾，又真係畀佢嘔到份嘢出嚟喎！咁佢仲隊咗畀我嘅assistant 哈利簡幫手執（留意，哈利簡理論上唔係support佢，但主管叫到）

    13. 然後呀哈利簡有一日就好神秘咁嚟搵我，話我知，喂，Houston, we have a problem．有啲嘢唔對路喎。

    14. 點唔對路？我望下份嘢嘅Draft，正正常常丫，「寫得好過我」（埃汾正係睇金融股出身的）。What’s the problem？

    15. Problem就係，if something seems too good to be true，it probably is

    16. 份嘢梗係寫得好啦，因為係搬字過紙照抄 另一間大行嘅報告呀你老母！

    17. 嘩，咁撚樣都得？係，就係咁撚樣都得！！！否則佢點成為經典。

    18. 我點解知？因為哈利簡話我知。咁哈利簡點解知？咪證明佢勤力，平時有睇晒其他大行嘅報告。佢望下Jens份嘢，丫，咁熟嘅，然後搵得返個梳屎出嚟對照。你老味，差不多一隻字都唔改。只係人地公司嘅graphic format變返我地咋。（亦證明呀哈利簡真係一個上心又勤力又醒目嘅人）

    19. 咁哈利簡遇到呢件事，就話我知啦。我遇到呢件事，當然唔係第一時間貼上Facebook，而係同我老細馬生講，我開頭都仲當笑話。但馬生當然做嘢分寸在我之上，諗咗10秒唔夠，都知好撚大鑊，就捉埋我同埋哈利簡，直接去搵大老細。

    20. 大老細聽完，覺得事態嚴重，咁固然叫咗我同哈利簡走先，做得好，「但冇你地嘅事啦」（低級員工嘛）。然後就召咗呀Jens過嚟，問佢有乜解釋。（馬生仲在房中，以下呢啲嘢係佢話我知）

    21. 呢Part亦都經撚典，你估呀Jens點答？

    22. 佢話：咁我唔識寫嘛！你係都迫我要月底前交，我咪唯有抄！

    23. 你老味四十幾歲金融才俊講呢啲呀，可惜我唔在場。

    24. 打後，十分簡單，呀Jens即時起咗身，我估一個仙都冇賠畀佢。往後冇再佢有SFC掛牌紀錄，亦唔見佢LinkedIn有更新。至於「邊條天才請佢返嚟」呢啲問題，當然就唔方便討論了。

    25. 但我最後想講一樣嘢：正如文首講 卡洛士凱薩一樣，呀Jens明顯乜都唔識，點解可以呃到咁多年飯食？然後望下，其實佢之前啲工都唔係做得長，雖然間間都名牌。

    26. 我個人嘅估計係：第一間行把關不力，發現呢條友超級大伏，但又唔好意思認自己柒到一個點，於是唯有叫佢自己走。然後第二間心諗，嘩，呢條友都大公司出身喎，冇問題啦，點知之後又知中伏，但又係唔好意思同人講自己公司咁柒。如是者，就畀佢昆咗幾份工。

    27. 所以呢，雖然作為見工者嘅你覺得好煩，但HR都真係要做下reference check（當然上手可以刻意跣你：呀Jens？叻仔嚟呀。梗係推薦！啱晒你地公司），甚至乎都真係最好要佢落場猜兩板。

    28. 雖然，你對HR唔好有乜期望，但你求其搵個Sales，或者搵個做Research嘅，都唔使搵馬生搵我，你搵哈利簡去盤佢兩句都知佢乜都唔識啦。但偏偏成個過程就冇啲紅褲子嘅人去猜佢兩嘢。嘻嘻。咁即係，要呃HR 要呃大老細，未必好難，特別係OK靚仔嘅鬼，之前啲公司又有，你可能都唔好意思叫佢猜兩板。但行家一出手，就知有沒有啦。

    29. 事後諗返，公司其實好應該大大嘉獎哈利簡，因為佢醒目，先制止一場大災難。唔係講笑，如果份嘢出咗街畀埋客，你估下有乜後果？畀人抄嗰間行又會點？敝司一定成為全行笑柄。

    30. Jens份大作，同埋佢抄嗰份嘢，我而家都keep住（睇留言嘅圖），耐唔耐就同新同事講下呢個故事。叫佢地唔識就唔該早出聲，唔好好似Juno套「疆屍」鍾發咁，自己閂埋門煉屍，到隻鑊爆到大一大先一句「隻嘢我搞出嚟架」然後叫你執手尾。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

  • 專題報告開頭 在 Facebook 的最佳解答

    2021-04-05 10:54:42
    有 177 人按讚

    ［點解業績好股價反而勁插？］好簡單，你肯定份業績真係「好」？有冇望過下半年同上半年有乜分別？

    TLDR：就算你當下面呢堆係廢話都好，至少出業績後我極有信心話你知，股價必然大插，冇馬後炮。記住，股票係炒未知嘅嘢，就唔好飛機乜嘢「全年轉虧為盈」。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
    ＝＝＝＝＝＝＝＝＝＝＝＝＝＝

    1. 有人問，出完業績，都跌咗兩日（第一日11%，第二日5%）先嚟講，做乜？唔見你之前講？事後孔明。差矣，首先，點解唔之前在FB出Post？因為忙，同埋第一日插完11%，咁驚第二日彈返嘛，到時篇文又 「過時」。到跌完兩日，就放長週末，咁唔使趕啦，都未開市。

    2. 最重要係，邊有馬後炮？有圖為證，一出業績嗰晚我就在Patreon講啦。咁當然係嗰邊啲讀者優先。寫明估大插的，有冇點你？

    3. 但，除咗用嚟鳩威，亦都有其他嘢。至少呢個例子好見到啲股票嘅基本嘢，示範下初級嘢畀你睇，順手等你訂Patreon學埋中級班。

    4. 首先費事啲盲人唔知，本人稱得上係王維基嘅瘋狂fans，舊文寫過我20年前去佢公司見工之類。然後，我亦曾經好睇好呢隻股票，Exactly 一年之前嘅4月6日，我在明報寫過《匯控已死　維基當立》（不過匯控冇死到，所以都係唔好短倉，後話），當時疫情已「遍地開花」，HKTV（下稱1137）已炒咗轉，仲趁高批埋股（醒目！），網友係咁鬧，明顯連公司上司係為乜，股市係用嚟做乜都未知。而當時本人力推公司，當時股價係5蚊，之後見過17蚊，而家都仲有11蚊。但，我有碗話碗，出完業績，覺得唔得，咪話唔得。唔通死頂？因為鍾意佢所以係咪都會話會升？因為覺得佢掂所以係咪都會話升？咁寫嚟把撚咩。我錄段音畀你每日聽得啦。

    5. 咁但，業務不等於佢個人（雖然好大程度都一樣），股價亦不等於業務。冇錯股民係短視的—但，可以一秒N咁多個交易，梗係短視啦。你有冇買其他嘢會一秒鐘個價變咁多次？記住，股價唔得又未必等於業務唔得，業務唔得又唔等於CEO唔得（你睇Jack Dorsey同時做Twitter同Square CEO ，股價爭幾咁遠）。最重要係，你地做呢啲比較時，要搞清楚個time horizon。股價反映乜？視乎你講幾耐嘅股價啦，呀畢菲特師傅話齋，短期係 Voting Machine（即係你啲識兩句網友講嘅「供求」，講咗等於冇講，點解升？因為升咯），長期係 Weighing Machines -（拿，「供求」呀。但點解長期有需求？）。

    6. 順帶一提，嗰啲成Q日講咩「股市同實體經濟表現脫節有問題」嘅，亦係犯呢種錯誤。已經寫過十幾廿篇文恥笑。我好奇怪，2020年後仲有人可以拎呢句嘢出嚟講。股價每秒鐘咁變，你啲乜七經濟數據N咁耐先出嚟，我使唔使等2010年9月NBER出嚟宣佈衰退結束，然後大家先好似香港重光咁爭相通報「嘩衰退結束啦」然後股票先升？你覺得個世界係咁運作嘅？

    7. 但由呢點去開始討論都可以，股價反映嘅係乜？經常我都講一句（實情好多人都講，對行家嚟講呢啲真係常識），股票係炒將來炒前景嘛。但，真係要做哲學家，咩叫「將來」？冇你諗咁簡單

    8. 上星期在小炒王嘅節目講開，好多觀眾奇怪，點解好多時啲業績好反而股價跌，業績差反而升。咁除咗股票有時就唔講道理，或者有啲人都識講嘅「好消息出貨」外，有冇諗過，咩叫「業績好」，咩叫「業績差」？

    9. 有啲人以為，哦，盈利升100倍就係業績好，轉蝕錢就係差。真係？不如諗下，好多公司（例如國泰），係咪出業績嗰日先知轉蝕錢？如果一早知道蝕嘅，點會出業績先插？一早就大插啦。

    10. 你見鬼佬台（叫你睇少啲垃圾評論架啦）報業績，都必要會講收入升幾多，同埋，分析員預期幾多。呢樣先緊要嘛！另一金句：只有好過同差過預期，冇好壞。但1137可能都冇乜分析員跟，不過冇所謂，照解。

    11. 嚟啦喎，我見1137出業績，有啲仲喺度飛機，包括飛機王維基親自寫嘅主席感受（係好睇，可惜，無助股價嘅，除非佢開個Patreon寫文），或者飛機公司改名（同上）

    12. 但最不知所謂，莫過於飛機公司「轉虧為盈」，修成正果。好啦，要爆粗啦，我仆你個街，早兩日偷渡落嚟的（歧視是不對的，我阿爺都係偷渡）？人地半年己經一早轉虧為盈啦，鳩唔知全年賺錢咩！除非你覺得下半年會輸錢，仲要輸突（咁就多災多難）。

    13. 實情，即使係舊年上半年，都唔使去到出業績先「發現」，因為公司一早出咗盈富。拿，炒將來呀。到出業績時，已經人人都知。（又話實，做乜今年全年業績冇出盈喜？）

    14. 頭先講個，股價係反映將來。正式啲講，係反映「未知嘅嘢」。股價，就係incorporate 所有人人已知嘅information，同埋所有人嘅期望（當然有唔同權重，你以為公司賺100億最後佢冇，係唔會影響股價，除非你係大基金），亦即係類似「人類智慧總和」　嘅概念。

    15. 你話，扯，「未知嘅嘢」，咪即係「將來」。差矣。以前講過，鬼頭老細對於某啲用字好執著。例如我地報告寫2021嘅純利（預估），咁就2021F啦，forecast。但例如2021年2月，我估間公司嚟緊出業績，2020呢，就不能F，要E，係Estimate．因為當時2020年已過去，只係你未知盤數

    16. 我要講明，呢個係佢個人嘅強迫症，我見好多其他行都唔會咁。但呢個例子話你知，「未知嘅嘢」同「將來」未必係同一回事。例如港交所咁，日日你睇到有幾多成交，根本佢啲收入就冇咩好大秘密。又或者，1137咁，個個月都話你知啲生意數，咁生意一差，股價即插，唔使等開業績先知。

    17. 但同樣地，所以你話「股價炒來將來」，「點解出啲舊績績又會影響股價？」。就係以上嘅原因。因為「業績」雖然係舊嘢，但真係未知嘅嘢。

    18. 好啦，哲學咗一輪（但很重要），講實際嘢啦，反正呢啲好簡單。上半年公司賺1.1億，全年轉虧為盈，多撚謝喎，但邊個唔知？全年純利1.8億喎，即係下半年純利7000萬。

    19. 用你嘅常識，覺得呢個業績得唔得？仲唔明嘅，話多兩句你知。Suppose呢隻係疫情受惠股，咁疫情都叫做2月先全面爆發。正常期望，都覺得公司下半年好過上半年吧。再加埋，公司會有自然成長嘛，仲要cap咗舊錢嘛。（再講盡啲？我話你知，下半年日數係多過上半年的！7月大8月大！）。

    20. 點知，上半年賺1.1億，下半年先賺7000萬。其實成個Post幾千字，講呢句已經講完啦。你飛機嘅，係「全年轉虧為盈」，但現實係「下半年盈利大跌」，你話觀點與角度半杯水？Nonononono，你「全年轉虧為盈」呢個資料係廢嘅（除非係全年賺10億），完全零價值。咪講撚咗半年賺錢咯。

    21. 唔止，細心啲睇，睇埋政府補貼（希望我冇睇錯），上半年佢收咗1630萬，下半年就收咗5460萬。好啦，當然不能就咁減，但大約，扣走呢舊。上半年就賺9370萬，下半年就賺1540萬，你覺得點？

    22. 所以，你飛機「全年轉虧為盈」，我就話「下半年唔計政府補貼近乎冇錢賺」。是有點偏頗，但肯定呢個先係有用嘅資訊。（同樣地，寫TVB我都寫過，佢全年蝕錢唔係重點，下半年轉賺先係）

    23. 細節可以好多講，但個業績真係唔多掂，其實你睇舊年下半年啲訂單數字都麻麻地，甚至今年出嘅數都麻麻地，要達到佢地自己嘅目標，都有啲難度（舊年就輕易達到，仲中途上調的，時勢做英雄）

    24. 業績最大亮點就係公司財政好穩健，唔好再以為咩「爭人好多錢」，如果我冇睇錯，銀行貸款係……零。Net cash 9億幾！唔怪得王維基都吹話有機會派息。拿，咁又唔同講法。9億net cash，一股派1蚊呀！十厘息呀！（但當然唔會發生）

    25. 好，講到呢度，真係要講返，呢啲只係case study，同公司嘅前景，可以係全無關係。首先公司總會有順境逆境，另外，就算公司一路都順境，股價都可以大上大落，咁而家呢兩日，就反映個業績啫，咪話股價炒前景，好快就會睇另一啲嘢。例如乜？例如公司3月嘅數，應該呢幾日會出。亞馬遜2000年都高位跌九成幾啦，然後咪又升返幾百倍！王維基當然係有計之人，一次業績唔掂，唔等於公司之後都唔掂。但都係嗰句，有碗話碗嘛，咁呢兩日，個股價當然係睇你業績啦。唔明嘅，將呢篇文由頭睇多次啦，time horizon嘛。

    26. 最後一個可能好多人睇到四份一已經想問嘅問題：喂，咁知呢啲嚟，有乜意思呢？又唔係有錢賺到。

    27. 的確，正常呢啲，係唔會賺到錢嘅。冇錯，我係業績後已經話大插，但已收市嘛。第二朝就即時低開架啦。等於你睇完個業績知道勁，多數都賺唔到錢，因為第二日已經大高開啦。你估得你一個知咩（但，如果啲股票冇乜人睇，個股東／莊家又唔太狗嘅，就有機會）。你話除非我業績前兩日就知，就有用啦（好似犯法的說）—　不過即使係咁，都未必有用，好消息都話可以入定貨。壞消息呢？散戶好難做沽空喎。

    28. 咁但，仲知嚟做乜呢？就真係都有用嘅。首先，你會知道個世界係點運作的。行家當然恥笑我咁嘅嘢都寫幾千字，但，大佬，有好多人真係唔知架。證據？咪就係仲有好多人出嚟問「點解個業績咁勁都會跌」（唔止呢個case）。咁你至少，而家知道咩叫好嘅業績，咩叫差嘅業績，同埋股價反映緊啲乜。

    29. 第二，有時真係有用的。因為可能隻股票真係冇乜人睇，或者明明個業績好但因為其他嘢忽然無啦啦跌，咁你咪可以有信心買。但如果你連業績好定差都唔識分嘅，邊敢買？你仲以為因為業績差而跌添

    30. 不過啦喎，中級班話你知，有時呢啲嘢真亦假時假亦真。真的，股票可以升／跌到你Literally懷疑人性。就舉一個例，你以為個業績好勁，點知出嚟股價勁插，開頭你可能諗其他原因，「個market 睇錯」，你仲係咁叫人買（做分析員的話），甚至自己係咁買（做基金經理的話）—然後隊多幾日，我包你懷疑人生，一定覺得自己最初分析錯，或者有啲嘢係其他人知你唔知。See？就係咁矛盾，同一單嘢上面，幾日前你覺得「個market 睇錯」。但隊多幾日你就覺得「個market 唔會死錯人」。情況同人生好多嘢都相似的，好似避開人群行捷徑咁，開頭你梗係爽，見到少人更加爽　—但，如果一個人都見唔到，你反而驚，係咪自己先係錯嗰個？

    31. 仲有，都未講另一樣重嘅嘢（留返下次講）：你個股價在咩位，都影響股價反應。殘到仆街嘅，往往百毒不侵，出點爛（真爛）嘅業績都冇事甚至升，貴嘅就相反，明明業績勁，都頂唔住。現成例子兩個，首先，一樣係嗰日出業績嘅中銀香港2388，我一樣話大插，原因亦差不多，但留意中銀香港股價都在高位，更加脆弱。例子二？過去兩三季堆大型科企，FAANG　同阿里巴巴騰訊都係，明明業績好過預期，股價都照跌的，因為炒得太衡了。

    32. 拿，咁又醒咗4000字畀你，抵訂Patreon啦。我啲讀者當晚就已經知呢啲嘢。我仲寫埋中銀香港.，仲寫埋其他嘢。

    33．搵日得閒寫埋王維基啲option，但會唔會too personal？

    ＝＝＝＝＝＝＝＝＝＝＝＝＝＝
    2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
    ＝＝＝＝＝＝＝＝＝＝＝＝＝＝

  • 專題報告開頭 在 Facebook 的最讚貼文

    2021-03-15 04:50:51
    有 113 人按讚

    ［Catch me if you can］今年嘅攻擊路線圖。當然subject to 買到飛，買到飛亦唔包唔會封戲院。買到又唔封，亦唔包我一定會出現。隨緣

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

    1. 開個Excel都真係有必要的。免除好多問題，特別係睇得多戲，點樣避免撞時間，又點樣安排到唔好一日四場一日一場都冇。而家我砌得幾均勻的。又，好似好多都係華語片日本片。

    2. 第一屆睇，應係2002年，第26屆。嗰時剛由英國回來，失業大半年。但好似只係象徵式睇一套，正係Tom Tykwer嘅《疾走天堂》（Heaven）。個名好熟？正係《疾走羅拉》嗰條友（「扯，抄劉以鬯嘅！」），之前仲有套《冬日戀曲》（ Winter Sleepers）．嗰幾年真係講到前途無可限量，奇斯洛夫斯基接班人咁（Heaven正係奇斯洛夫斯基未完成之作）。不過後來就冇乜佳作了

    3. 去到真係會睇十幾廿套，就係29同30屆。特別係第30屆，很有意義。因為每次開頭都有林嘉欣（應該係）講「三十之喜，重頭好戲」同埋「Happy birthday」。至少有一句係佢講嘅！而第30屆開幕兩套戲，《黑社會之以和為貴》同《伊莎貝拉》，我都係有睇嘅。唔止一次講過，《黑社會之以和為貴》，當時曾蔭權都在坐，杜琪峰開場前介紹嗰時話叫佢用心睇的，嘻嘻。

    4. 第30屆，2006年，亦係我由蕉行轉去耆英證券做嘢嗰年。當然記得，因為我仲要係揀埋電影後先返工，因為估之後都冇乜閒情睇戲，結果不幸言中。而當年2006年，耆英證券剛剛搬去太古廣場三期—留意，我見工嗰時仲在美國銀行中心的。所以當時真係全新寫字樓，太古廣場三期亦開咗冇耐，連而家地底行去金鐘站嗰條通道都未有。嗰時三四十蚊尺。而家？百幾蚊尺。故事在舊文有講（https://lkdin.io/3LES）

    5. 唔好忘記，電影節基本上仲要係撞埋上市公司出業績嘅日子。我在耆英嘅年代，開頭都仲可以七八點寫完報告然後飛去睇尾場，後期已經唔得。主要係體力下降，去到都會訓著。同埋亦真係會有追魂call．當然我會較靜音，但都係唔好玩的。有年好似夜晚場，十一點幾，都仲有英國鬼打嚟。咁呀英國鬼當然十分唔好意思咁講「我知道你嗰邊好夜，但……」。又要明白下，雷曼爆煲前嘛，狂炒港股直通車嘅年代。秒秒都係錢。咁我當然要話返你知，鬼頭做嘢好公道，年尾我香港老細話升我職加我人工，要啲sales 支持（咁先可以同大老細講），鬼頭都立即和議。後來到我去倫敦後來見返鬼頭真身時，人地都十分熱情招待我的。有NoBu食添呀。

    6. 打後好多年，都係咁上下。雷曼爆煲後當然冇咁好景，但我工時當然冇少過。然後年紀大機器壞就梗，最後只係剩返星期六日，或者復活節（以前一定連埋）嗰場次去睇。

    7. 不過再後來我已經被投閒（話說回頭算係咁，投閒都仲畀我呃咗兩年飯食，有啲同事再早啲就炒咗），有一年直頭申請咗張 VIP Pass，橫行無忌，好開心的說。但你話計「回本」，當然回唔到本啦。只係嗰時錢多，時間少，咁買個趴時，咁啱嗰日到時得閒，鍾意睇邊套咪邊套。

    8. 輾轉，去到2018年秋天，我在星展裸辭咗啦。然後2019年3月，又又正係電影節嗰時，我就入咗而家呢間公司（剛剛成為過去式，過去完成式），康宏（都唔怕開名，反正都冇人唔知）。所以2019年3月就過咗一個好嘅電影節。

    9. 之後？就冇然後了．2020當然係取消咗。轉眼間去到2021年，我又剛剛畀人炒埋。原本應該好啱做返啲玩物喪志嘢，例如返去幾個月旅行（＊），或者至少去個電影節。可惜，今年電影節規模都好似細咗。但冇關係，我揀嘅戲，都係咁多套，甚至多過以前—當然以前好多時都係揀夠廿套（有折！），但往往睇得七成，甚至有一年一半都冇。

    10. 而今年嘛，到時會唔會冇得入場睇，都係一個問題。

    11. 電影節於我而言，並唔係咩扮文青（以前要，而家唔使）。而係好似「盲盒」咁，有時會睇到啲唔知咩戲。例如我寫過嘅《陸軍與警察：二次開波》（舊文約略提過下）（https://bityl.co/5yvw）之類。

    12. 應該話，當年真係睇本書仔，而當年啲簡介真係亂Q咁寫，我懷疑寫嗰個都冇睇過套戲（例如上面嗰套）。咁就真係睇彩數，唔知畀啲乜你。

    13. 特別係我當年仲有年年去歐洲嘅習慣（而家老了，只去返亞洲）。仲鍾意玩嗰年去邊就睇邊度嘅戲。有年去北歐，就專揀入面北歐嘅戲。有年去巴爾幹，就睇巴爾幹嘅戲。

    14. 當然而家資訊發達啦，你知晒啲戲拎咩獎呀，上網會見到影評呀，Rotten Tomato IMDB呀咁。一方面係減少中伏，但正如舊朋友話齋，「電影節就係要睇中伏片」，而家揀片亦好似小心咗好多，就冇咗呢啲樂趣了。

    15. 呀，當然，聽啲古怪導演嚟講嘢，都係好好玩的。有年在圓方，睇《巴東羅密歐與茱麗葉》（https://amz.run/4OcG）（聽名都舖好嘢），睇睇下有條友坐在我側邊。有時又搖頭咁。然後完場我見佢走出去，原來係個印尼仔導演！

    16. 你話明星嗰啲我就不了，早年電影節往往有啲韓仔嚟（有年有韓仔RAIN，你想像到會有乜後果），就演變成為少女叫春大會了。係架啦，我呢啲懶撚係嘢知識份子係咁的。

    17. 同樣地，以前我會留低聽導演講嘢，而家就不了。聽聞有人話我咁唔尊重導演，但真係不了，首先好多時趕第二場，二來，真係不了，浪費時間的。以前還好，而家仲要聽埋啲香港觀眾個個做smart ass，當然何謂「stupid question」好主觀。但，即係我至撚憎演唱會側邊啲友唱埋一份—我嚟聽個歌手唱，唔係聽你唱喎。同樣地，近年電影節啲Q&A，往往出現一個好有趣嘅情況：啲觀眾講嘅，仲多過導演答嘅。做乜春？哦，你好有insight，關我撚事？我睇場刊，話完場有導演同大家交流，唔見你個名喎。

    18. 我嚟睇戲喎，唔係聽閣下講你對黑海局勢有乜撚嘢偉論—有一年真係出現過，套戲叫《俄帝的殘酷教訓》，講普京，而條友講咗一大輪佢對呢個高加索政治嘅高見，結果連South Ossetia都唔識講，仲要講中文。而大佬，你即係玩死傳譯嗰個啫。

    19. 至於翻譯，又係另一問題。當然你可以鬧我係沙文優越撚扮晒嘢。但，我是十分簡單的—普通話要譯都仲算。但我認為，唔識聽唔識講英文嘅，就唔應該問問題了。咁樣可以慳返好多時間。

    20. 當然，而家啲人係好撚惡的，「乜撚嘢呀，唔識英文冇權睇戲呀？」。答案係：你當然有權睇，咪睇咗咯。但就唔使參加埋賽後評呢部份了，係有心參加嘅，其實好多導演演員根本都唔係英文母語，佢接觸英文嘅機會點都少過你，閣下所撚謂九年免費教育（好似仲好多話係大學生喎），子宮開始學英文，係咪應該檢討下？

    21. 況且，真係要學陶傑話齋，識英文呢啲真係一度門。我見啲台仔有時都講，點解要識英文呢？點解要有國際觀呢？哦。香港做金融就話要識英文啫。哦。又真係我見有香港人移民台灣，覺得啲仔女唔識英文係冇所謂的。哦，好彩我唔係佢個仔。

    22. 現實係，我從不戀英，即使我在英國讀Master，即使我年年都交足錢續BNO，都從來冇諗過移民過去。但，英國同英文係兩回事啦下。你只睇華文嘢嘅，祝你好運。再現實啲，好多時你睇外語片戲，都只係睇英文字幕。咁你英文都唔識嘅，你咪去屌人老母去話 「乜撚嘢呀，唔識英文冇權睇戲呀？」。

    23. 話我廢老都係咁講，以前電影節呢，係冇咁多古靈精怪嘢嘅。正如以前上網呢，係冇咁多煩人嘅。民主化真好。

    24. 又講得太遠了，無論如何，呢個就今年我嘅時間表，Catch me if you can．

    ＝＝＝＝＝＝＝＝＝＝＝＝＝＝
    2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

你可能也想看看

搜尋相關網站