【@girlstyle.mag 】英國跳水王子Tom Daley奪金！ .
 東京奧運掀起全城熱話，當中不少香港運動員如張家朗、何詩蓓等的出色表現更令人相當鼓舞！不過除了一眾香港運動員值得留意外，今屆更有不少大受歡迎的明星選手參賽，其中 27 歲英國跳水王子 Tom Daley 就再次因為驚世靚仔樣而再度成為熱話！
. Tom Daley 每年驚世靚仔樣都成熱話！ . 奧運跳水項目一直是最受全球觀眾矚目的其中一個比賽項目，跳水選手們的精壯肌肉線條更是一大亮點之一！而當中無論是顏值、身材都受到熱議的英國跳水王子 Tom Daley 幾乎每次出場都能惹起每場迷妹尖叫。從 14 歲起就開始參與奧運的 Tom，首次登場已經令人驚豔，今年更是他第四度出征奧運。 . 零死角跳水男神已成爸爸！計劃東奧後再添一子？ Tom 自 6 歲起便開始接受專業跳水訓練，年紀小小已經成為英國跳水界的新秀，14歲更手握 2008 年北京奧運的入場券，後來於 2012 年、2016 年奧運的男子雙人 10 公尺跳台項目中獲得銅牌，戰績相當輝煌！被譽為「零死角跳水男神」的 Tom Daley 2013 年正式宣布出櫃，雖然令不少少女心碎，不過依然無損他的高人氣。Tom 更與大他 20 歲的編劇男友 Dustin Lance Black 於 2017 年完婚，2018 年就透過代理孕母的方式產子，過著一家三口的幸福家庭生活！他更透露，將有計劃與老公 Dustin 在東奧後再添一子，認真sweet！ . Tom Daley 以同性戀身份站上奧運台：「我非常自豪！」 今年東奧對於 Tom Daley 來說更是意義非凡，因為今次不但極有可能是他最後一次出征，而且更是首次以同性戀身份站上奧運頒獎台，而且摘下的更是他多次擦身而過的跳水男子10公尺雙人跳台奧運金牌，絕對是個最完美的結局！ . Tom Daley 在得悉賽果後表示得相當激動，更一度像樹熊般跳上拍檔 Matty Lee 的懷中，超可愛～其後他更在頒獎台上感動落淚表示：「我可以非常自豪地說，我是一名同性戀，同時也是一名奧運冠軍，當我年輕時，我以為以我的身分無法成就任何事，但現在成為奧運冠軍，就代表無所不能。」 . Tom Daley與丈夫相差 20 年的童話式愛情故事！ 雖然在跳台上的 Tom Daley 散發著懾人的自信魅力，不過原來他自少已經受過不少人的歧視、欺凌。Tom 自言自己從小已經在校園受到不少白眼，更是同輩們的欺凌對象。他更曾經因為欺凌而情緒崩潰，一度想放棄跳水；2012年出戰倫敦奧運後，Tom 更患上了壓力創傷症候群，甚至更一度萌生退役的念頭。即使是在 Tom 選擇勇敢出櫃後，面對的壓力、爭議聲音亦不少，令他曾經一度覺得孤獨無助。幸好後來遇上丈夫 Dustin，才讓 Tom 在陰霾中慢慢走出來，他亦曾經說過：「Dustin是他繼續跳水的原因！」 . Tom Daley原來仲係編織高手！網民：超賢慧 除了跳水技術了得外，原來 Tom Daley 更擁有一門相當有少女心的超強技藝？外表佈滿肌肉的 Tom Daley，心裡藏著一顆細膩溫柔的心。他在奪金後就在 ig 分享了自己為保護獎牌而編織的英、日國旗小外套，被分享至 Twitter 後旋即吸 like 8萬！甚至更有同行運動員捕捉到 Tom Daley 在今次比賽期間也忙著編織的畫面，令一眾日本網民大讚「超可愛」！Tom Daley 更有一個專門分享自己編織作品的IG「＠madewithlovebytomdaley」，他不時亦會為丈夫 Dustin 以及兒子 Roggie 織衣服，不少網民更大讚 Tom Daley 的作品「靚到可以賣」，超賢慧啊！ . 不少香港網民亦被 Tom Daley 徹底融化，更將他與丈夫 Dustin 的經歷譽為英版《大叔的愛》，大讚他勇於做自己以及追尋自己所愛！原來這位跳水男神竟然收藏著如此不為人知的一面，大家又有沒有被他驚豔到呢？ . #女生gossip熱話 . ✨ GirlStyle 女生日常 App ✨正式登陸 App Store 及 Google Play 📱 想隨時接收最新美妝時尚資訊及女生人氣熱話⁉️ 立即Click入@girlstyle.mag Bio連結下載！🤳🏼 . 陳凱琳【維持幸福婚姻的秘訣】 Cover story vol.13 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover

十個住荷蘭嘅理由 （更多歐洲/荷蘭生活資訊，立即到https://www.patreon.com/allyblahblah） 1. 治安好 世界上應該好難搵到100%安全嘅地方，相比起唔少發達國家（如英美等地），荷蘭整體罪案率低，監倉空置率高，有啲市政府更會將監獄改造成房屋添！ 2. 普遍英語程度高 語言溝通係一般人移居海外嘅重要考慮因素。荷蘭人普遍英文程度高，有啲人更自稱英文比 native speaker 更好。事實上，大部份本地人可以輕易轉做英文溝通，連平時喺街市買餸都冇問題！ 3. 普遍教育程度高 除咗英文好，唔少荷蘭人教育程度非常高。「閑閑哋都有個碩士學位」。一嚟係因為當地高等教育費用低、質素高，二來唔少大公司早已將入職門檻提高至碩士畢業。 4. 到歐洲各國超方便 無論係本地定係國際交通，荷蘭呢方面都做得非常唔錯。如果上到鄰近嘅英、法、比、德等國家，坐飛機/火車/自駕遊都好方便。阿姆斯特丹嘅Schipol Airport 即係歐洲重要國際機場之一，基本上飛去邊都冇問題！ 5. 文青福地 荷蘭全國有接近440個博物館，唔少梗係國際知名嘅重點博物館，例如 Van Gogh Museum, Hermitage, Rijksmuseum 等等。各個地方亦都經常有唔同嘅文化藝術活動。 6. 多元化社會 荷蘭係歐洲裏面有最多國籍/種族嘅國家之一。無論你來自邊一個國家，呢度總會有你嘅「同鄉」社群。荷蘭亦都有唔少華人/香港人，海牙更係唔少華人聚居嘅地方！互相照應都容易啲呀嘛。 7. 自由度高 早係2000年，荷蘭已經將紅燈區、吸食大麻、同性戀婚姻等具爭議嘅議題合法化。好多人覺得「新奇」又或者會遭人側視嘅，係呢一邊一早已經見怪不怪。基本上只要你唔好影響到其他人，做咩都冇咩人會理。 8. 健康生活模式 荷蘭人大多數以單車代步，而且差唔多人人都會去健身室鍛鍊。足球、草地曲棍球、划艇等亦係荷蘭人熱愛嘅群體運動。喺呢度受到身邊嘅人耳濡目染，不自覺自己嘅生活模式都健康咗好多！ 9. 生活質素高 Work life balance係荷蘭社會非常重視嘅元素。唔會好似香港咁，工時長、生活壓力大。好多當地人都非常重視運動、社交、娛樂等可以促進身心健康嘅活動。社會整體對心理健康嘅重視同埋意識到比一般亞洲地方強。喺呢邊生活絕對好寫意！ 10. 可以做自己 講完以上九點，其實荷蘭最寶貴嘅地方，就係你可以做自己。相比起傳統亞洲社會，對於唔同嘅人有好多規範、枷鎖，生活喺荷蘭唔會感受到呢方面嘅限制。 今次講住咗多先！下一次就講吓「10個唔住荷蘭嘅理由 」😏 冇地方係完美嘅，有美好嘅嘢，就當然會有令人髮指嘅事情啦！ #荷蘭 #荷蘭生活 #歐洲 #歐洲生活 #海外職場 #香港人在歐洲 #香港人在荷蘭

自由「無價」嗎？ 早前做咗一個非正式嘅統計，如果有兩個選擇：一，係交好重稅，但係就有好多自由；二，係交好少稅，但係有好多「掣肘」。你會點揀？超過九成人都會選擇一，只有小貓三幾隻會選擇二。 稅率同「自由」冇必然嘅關係，但係喺唔少世界上出咗名「自由嘅國家」要交稅都好高。例如2020年「最自由國度」排名裏邊，頭四位包括係新西蘭，瑞士，愛爾蘭同芬蘭，荷蘭同丹麥、盧森堡、加拿大同澳洲並列第五，其他北歐國家如瑞典同挪威，都係排頭十名。 不時會聽到有朋友講，如果可以去呢啲國家生活，寧願交多啲稅。但當喺「自由」旁邊擺一個價錢牌，你會願意俾幾多呢？ 以荷蘭為例，當其他西方國家仲係爭議緊紅燈區、同性婚姻、吸食大麻、墮胎同埋安樂死等話題時，荷蘭早喺2000年頭已經將呢一啲議題陸續合法化，名副其實係一個非常自由嘅國度。 其中主要城市阿姆斯特丹，雖然地方唔係好大，人口亦只有二百幾萬人，但係無論你來自邊一度，呢個城市入邊總有你可以融入到嘅角落。仲有呀，唔似得香港咁，呢度放狗唔用狗繩唔會犯法、狗仔隨便大小二便又可以；甚至帶狗狗去商場/公共交通工具都冇問題。 雖然係非常自由，但係沈重嘅徵稅亦都會令一般打工仔，又或者係中產階層感到「有啲壓力」。假設你一年收入係48000歐元（阿姆斯特丹中位數 ；亦係一般大銀行/跨國公司MT起薪點），平均月薪係4000歐元。假設你冇外國人嘅稅項優惠（30% ruling），稅後每個月你會得返2850歐左右（大約交咗三成稅）。如果冇咩家庭負擔，加上識理財，呢個數都仲夠用。不過，同其他福利國家一樣，荷蘭係用累進稅。如果你人工好啲，一年收入有70000歐元，平均月薪係5830歐元，稅後淨收入得返3780（接近四成稅）。收入再高一啲，就分分鐘有一半俾咗政府。身家超過百萬歐元嘅人，更要額外交多1-2%嘅稅。 我哋成日話自由無價，但當你要交好重稅先至可以享有自由嘅時候，你會點揀呢？又或者，當實實在在喺「自由」隔離放一個價錢牌，你又會點揀？ （呢個排名嘅「自由」定義為the ability for the individual to live their lives as they choose, as long as they do not infringe on the rights of others to do the same，即係喺唔侵犯其他人嘅自由生活權利之下，個人擁有任意生活嘅權利） #移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #自由 #交稅