【阿根廷🇦🇷 阿根廷冰川國家公園】尋晚講到烏普薩拉冰川（Upsala Glacier）係阿根廷冰川國家公園裡面一個冰川景點，你唔會見到好似莫雷諾冰川（前一個post提及過）嗰種氣勢磅礡，但係當一塊塊百萬年巨型浮冰響湖面上同你差身而過時，興奮之情難以言喻。 我當年響El Calafate市中心嘅Viva Patagonia辦公室訂呢個百年老字號旅行社Estancia Cristina (始於1914年！) Upsala冰川獨木舟一日團。乘搭雙體船到達阿根廷湖，換上dry suit (為安全著想幾難著都要著，因為湖水真係冰水嚟，跌落去濕身會低溫症，好大鑊)，聽埋briefing (圖二) 就落去甲板攞獨木舟 (圖三) ，落到黑沙灘導遊都要囉嗦講多次響冰川湖獨木舟嘅注意事項 (圖四、五) ，終於出發。自由划獨木舟響百萬年巨冰之間穿梭，真係既爽又震撼 (圖六、七、八)，仲可以伸手摸一摸 (圖一)，頓時穿越。好明顯我開心得滯，面露魔性笑容👹 我一條友去，所以其實後面個鬼仔我唔識嘅😅 2小時後，所有獨木舟要上岸。但係旅行團好正，既然都着住dry suit，就俾我哋落水浮一陣 (圖九) 。雖則話包到冚晒，雙手同條頸掂到冰水嘅時候都頂唔順，嗱嗱臨上岸。 點解有咁多巨冰響度浮呢？烏普薩拉冰川出咗名因為全球暖化Global Warming而正在極速融化中，呢啲巨型冰塊就係從冰川剝落跌入湖嘅。欣賞呢個冰川嘅方法就係乘搭雙體船遊湖，或者好似我咁，參加獨木舟團落冰水同藍冰近距離接觸。 但係2018年Upsala出咗一單意外，有冰冧咗落嚟（唔知有無傷亡😰)，於是阿根廷政府就規定以後船隻一定要與Upsala冰川距離至少15公里。所以而家啲大冰可遠觀而不可褻玩，再無獨木舟呢支歌仔唱。 當年呢個tour盛惠AR$1,780, 折合HK$1,730左右，響阿根廷來講好高消費。但係阿根廷銀紙貶值，今日要報呢個團就要俾AR$20,760啦... 係呀，阿根廷靚還靚，佢哋嘅經濟真係好fucked up。 . . . . . . . . . . ***我好乖響香港。Latergram嚟嘅 . . . . . #阿根廷 #布宜諾斯艾利斯 #南美 #莫雷諾冰川 #埃爾卡拉法特 #阿根廷湖 #冰川國家公園 #獨木舟 . #周圍移 #旅遊日記 #旅遊 #旅遊攻略 #hktravelblogger #旅遊資訊 #女遊人 #女遊神 #香港人 #豁出去漫遊不通知親友 #旅女 #背包客 #背包客棧 #深度遊 #遊記 #環遊世界 #ilovehongkong #hkig #hkigers #hongkonger #hktraveler