【龔成問答信箱】（Q22281-22300）

Q22281：

龔成老師你好，我現有[email protected]大概佔我45%既股票
呢排再跌因為其下衞星場鑽石娛樂場停運
長遠黎講係咪都唔需要太擔心?

而家再跌,應唔應該再吸納呢?
先多謝你既意見!

龔成老師：

對佢會有中短期不利，但長遠，仍是有質素的。澳博控股（0880）有質素的，雖然中短期有點弱，但長遠無問題，仍是一間不差的企業。不過，你單一股佔佔45%，是高風險！

你要在反彈時減持，去翻佔股票組合比例15%以下較穩健。

------------------------------------------------

Q22282：

老師，請問建設銀行仲值唔值得長揸？

我6.07買入，萬咗2萬股，打算收息，但佢最近不斷跌，，目前應該係繼續持有定止蝕？ 應唔應該趁依家低位再吸納？謝謝

龔成老師：

建行（0939）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價，但唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。不過，初步已好轉，但不是高增長型。

而長遠，會慢慢穩定的，不過，增長力不強。

你有貨可持有，如果目標是收息，可持有。但如果你想增長，就未必適合。至於是否加注，要睇這股佔你組合比例多唔多，以及你的投資目標。

------------------------------------------------

Q22283：

請問522同6869, 285 那一隻值博率高的，6869已經就快52週低位，請問此刻價位是便宜區嗎？

請問2158醫渡科技幾錢可入，現價都是略貴嗎，幾錢為合理區，因上年都要3x ,現在已接近

請問1833同2158比較，邊隻優質的呢

龔成老師︰

唔好用"52週低位"這種短炒分析，去決定一隻股票平貴。我地應從佢質素、行業發展、財務狀況等，去做估值。

因為過去股價，未必有效反映今天狀，特別係企業本質已經有改變，或者行業已有一定變動。你用過去股價作評估，好易出問題。

現價值博率計，現時長飛光纖光纜（6869）會較高，算係合理區。但佢質素有少少質轉弱的情況，唔建議大注。

而質素上，比亞迪電子(0285)會較好，但現價偏貴，回到$40以下，才好考慮。

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價算是略貴，最好回翻多D先考慮。

至於質素上，平安好醫生（1833）會好少少。現價算合理區頂位，最多只宜小注，或可以用月供去儲貨。

------------------------------------------------

Q22284：

老師，如果買樓，以下地區應該選那一區，我打算自住:

1. 荃灣區
2. 元朗YOHO series
3. 屯門瓏門
4. 將軍澳中心
5. 康城
6. 深水埗四小龍

Burget大约700-800萬, 想買較新樓齡, 地鐵上蓋/交通方便, 未來1-2年要BB, 所以希望有400-500呎, 以上選擇那區較好? 或另有建議嗎？

如考慮借按揭, 借幾多成會較好? 你建議男友將所有積蓄放晒落首期, 之後月供較輕鬆(但就冇$再做其他投資), 你建議借幾多成?

龔成老師︰

地區上，其實現時投資價值差唔多。但將軍澳這個典型的住宅區，雖然現時缺乏就業機會，投資價值較中等。

但未來交通配套會日漸完善，如將軍澳跨海連接路日後落成後有助改善交通，利用跨海連接路及將藍隧道，10分鐘便可到九龍區，會提高了這區的價值。

一般來說，市區的長遠價值會好D，荃灣區、四小龍算是這類。

但由於係自住樓，我建議你從生活角度做主要考慮。你要睇下邊個地區和單位，較配會你餘下幾年生活需要，又有一定投資價值(至少同大市同步)，就可以考慮。

現時按揭息口低，我建議盡借。用空出來資金，做投資增值，效果會較好。

------------------------------------------------

Q22285：

老師老師

7.8入1177
$28入1810
$44入左941

近日跌左我應再入D貨定唔理佢？？因我聽你講睇長線的

我仲有0001都係想長線收息的，現在佢又係跌左，其實現在咁嘅時世，應該點儲錢？？？唔通儲金？？

龔成老師︰

只要佢地長線投資價值不變，你照持有就可以。但是否加注，要睇佢平貴水平。

中生(1177)和中移動(0941)現價合理，但你已有貨，再等回多10-15%左右，才再加注會較好。

而小米(1810)現價依然略貴，回多1,2成才加注，值博率會高一點。

長和(0001)都有質素，但已經好大間，增長力唔會太高，但用來收息係無問題。現價算合理區中上部，可分注入貨。

但再提你一次，我地投資選股，會因應年紀和風險承受力去做決定。

中生(1177)和小米(1810)係潛力股，若你較年青，持有這類股票係可以。但若你較近退休，這類波動性大的股票，就不太合適。反而中移動(0941)這類收息股，會較適合。

而長和(0001)有平穏增長力，再加一定股息，基本上你是任何年紀，都可以考慮。

------------------------------------------------

Q22286：

1. 龔老師，收到你的回覆，好感動啊！我因為股市下跌好擔心提早退休的計劃受影響，心情極差。我這個人比較重感情，買香港寬頻，不買香港電訊，

是因為之前個女在那裡上班。太傻了，對嗎？現在，她剛轉工了，哈哈！

請問老師我現價應該加注嗎？我上次入了10000股。

我放工去港島可能太趕，請問上課地點會去九龍嗎？

2. 當然，退休後就不是問題。老師，我擔心的原因是公積金1半放股票，而且2成是2星期前才加碼的。其實，因為我從未投資，所以目前計劃是一半錢留俾基金經理繼續投資，

選均衡組合，其中一半全球股票，另外債卷等。一半由自己購入本港的收息股，當然分段購入，以候理想價格。

請問老師認為以上計劃可行嗎？基金經理JP Morgan, Fidelity 之類收費年息1.25%，你覺得我應該花這筆錢嗎？

靜候老師的寶貴意見。非常感謝！

龔成老師︰

1) 明白，但投資唔好太感情用事，我地真的要理性分析。可能你個女從工作角度，係一個好公司。但從投資角度，又可以能另一回事。

當然，香港寬頻（1310）投資價值都不差，你照保留用來收息，係無問題。現價合理，但若佢已佔你組合一定比重，就唔好加注住。

個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

至於上課地點，暫時都係香港島個邊，但我間中都會開星期六班的，通常一年開1、2次，星期六下午時間。

下次可能在今年年尾。你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

2) 其實你已快要退休的話，所以投資都應該係相對保守。股票上，我之前提過的收息股，係適合你的選擇。

基金方面，都係一些收息型保守基金會較好。但由於基金有一定管理費，所以我比較建議係自行買收息股。

如果你唔識選擇，你可以買一籃子收息股的ETF，X恒生高股息率（3110）。它是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合。

而債券，都係可以，但必須係一些A級債券，才好考慮。

------------------------------------------------

Q22287：

呀Sir～ 我沽出了0968～我相信佢係潛力股，我本人對太陽能發電有好大興趣，但佢價位太浮動，我年紀係大，但心智未夠定，所以用呢筆小資金準備購入一手2800

好彩得你鼓勵，我身邊有好多人都覺得女性一到左32歲就年紀好大，潛移默化都令我覺得到左呢個年紀又結唔成婚，事業又無起息好失敗⋯⋯但自從過左期之後

（好多凡人都定義女性過左30就是過期，所以我初頭都咁諗，所有野都想趕在這條線完成）過左期後，好多野都看開了，其實仲有好多路可以行……天無絕人之路，

(現在首要做的就是養活好自己同我屋企人）但我相信根據你的方法⋯⋯就算係無咩天份⋯⋯都可以從衣食住行裏找到優質股，當初就是睇中中電公用股的特質，係價位74左右買了，

令我生活質素改善了。現在都堅持番工帶飯，不知不覺都帶了十年飯，就算比人笑我寒酸也不怕，都好過貼錢買難受，係咁嘅時候都仲帶到歡樂比人……哈哈

好彩我樂天，仲練到我面皮厚左。我一定要努力，就算感情上我是個失敗者（其實係我問題，男方對我都算唔差，係我當時太任性，同比左太大壓力大家

我仲衰花心，同其他男性傾計，係我唔啱）能夠找到可以相守的人很難，大家一齊加油!

Sir ~ 我成功購入一手2800! 好野

Sir 的書成功入手你本80後。

龔成老師︰

現在已經是2021年，唔好再比D固有舊思想影響。好多事情，其實唔會因為年齡，而出現限制。有時個限制唔係人地比，而係你比自己。所以，放開點，好多事件自然可以做到。

同埋，有時我地做野，係為左對自己有個交代。所以，有時唔好太介意人地點睇，因為只有你自己，才最清楚自己做緊乜。

信義光能(0968)係有質素，但佢波動性係較大。若你風險承受力較弱，換成盈富(2800)都係可以。

就算再優質企業(包括2800)，中短期股價都會有機會波動。原因不一定是本質出問題，可以係一些與其本質無關的因素。只要長線質素無變，中短期波動我地唔需要理會，長線持有就可以。

至於感情，是一個需要終生學習的課題。過去的就過它過去，吸引經驗，保持正面，自然就會有好事來。

還有，多謝你支持我本書。睇完之後，你可以先睇埋《財務自由行》和《股票勝經》。因為這3本，會係較適合初學者。加油!

------------------------------------------------

Q22288：

我係澳門既粉絲呀！對你既課好感興趣，唔知你會唔會考慮開網課呢？

我都想問下老師呀，因為我係有私人因素一定要賣左依家既自住樓，咁我賣左之後假設我會拎100萬去投資，咁剩低既錢我係咪可以買番間細樓做自住樓呀？

但會唔會供唔到呀？因為我人工唔高，還是租住屋先？謝謝老師喔～

龔成老師︰

網上課程，我暫時唔會考慮。因為只前都試過有人盜錄，比較麻煩，所以暫時只會開辦實體課程。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

每個都有自主需要，由於你終極目標的物業(900萬)，相較你現沽出物業(480萬)係有一段隔離。你可以先買入較細物業自住，另一邊用優質股增值，再去細屋換大屋。

至於會不供唔起，你要睇翻你個新物業價錢。你比較年輕，人工未算好多。可能你要預留較多資金，去比首期。

當然，另一個方法就係先租屋，再用套現物業的資金，去投資優質股增值。但這個方法，會令你財富組合，偏重晒係股市，風險會略高。

我會較建議用細屋+優質股的增值，因為這個方法會較平衡。

但緊記，這個細屋係用來將來換大屋，所以必需有投資價值，最少要做到跟大市同步。而且個呎寸唔好太細，少於300呎的單位，最好不要考慮。

------------------------------------------------

Q22289：

老師想請教你，如果我層樓7年前以$340萬買近屯市附近約460呎單位，依家升值$580萬，呢層樓近兩年放租每月收租$11500

我最近諗過因為層樓舊了27年樓齡，想賣咗出去攞d錢換另一層一手樓，資產增值潛力會否高d?定係一賣一買所花嘅費用更唔化算？

計唔計意比些意見我作參考

龔成老師︰

27年樓唔算話十分舊，但主要擔心會係到30年，會出現需要樓宇大維修時，這個成本上的風險。

係香港做物業買賣，成本絕對唔細。除非你現有物業，真係好有問題，否則你應維持現狀，保持以租養樓會較好。

另外，我一直都唔係太建議讀者去買一手樓。因為好多時都有溢價。變相令你買貴左，影響長線回報。

------------------------------------------------

Q22290：

龔sir你好，我26歲的，岩岩上星期7月5才開始真正開戶投資，係一個新手，之前有供一份儲蓄保險（供5年，岩岩今年1月供完，大約30幾萬），

大約一個月一萬三 人工左右，現在開了一個富途牛牛（入左18500）玩港股，sofi（入左25000）玩美股

以下是我持有既股

富途牛牛(18500本）
00451 2000股 0.355入
01725 200股 41.0入
01771 2000股 3.45入
Io. 美金25股 1.83入

sofi（25000本）
voo 美金5股 400.78入
apple. 美金3股 142.81入
dis. 美金2股。173.66入

因為之前唔識，左買右買已經蝕咗3000左右，想問我現持有股的因有d都虧損緊，我需要止損沽空，重新制定方向嗎？

還是應該再等這些股升？因現在比較迷惘是否需要將全部股賣走，重新制定下才再買？感謝

龔成老師︰

我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

協鑫新能源（0451）、恒達科技控股(1725)、新豐泰集團(1771)唔係全無投資價值，但質素只算一般，而且風險會略高，長線不宜持有太多。

Ion Geophysical Corp (IO)為技術中心的公司，其業務主要為全球石油與天然氣行業，提供地球物理技術、服務和解決方案。

本身規模唔算大，而且過往股價都好波動。佢這去數年，一直處於未有盈利狀態，加上近年營業額持續倒退。

可能佢面臨一些不利情況，佢唔係完全無投資價值。但不確定性好大，投資時最多只可以少少注。

其餘股票，都係有筆素，你照持有就可以。

其實你除左選股上經驗不足，令到買入一些較弱的股票外。我見你買入價都好多時係偏貴，這反映你定平貴能力，都係有所不足。

因此，我建議你未來時間，先利用月供模式，去建立一個股票組合，以減低買貴貨風險。

你26歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰VOO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰QQQ、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

如果你對這些股票，未太了解。我建議你先供一些指定市場的ETF，美股可選VOO和QQQ(後者風險較高)，港股可用盈富(2800)。到你有一定經驗，才買入其他股票。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

另外，"保險"只係理財中防守部份，買足夠保障就可以，增值可以留比優質資產(如優質股、物業等)去做。現有儲蓄保可持有，但唔建議再增加這方面的開支了。

------------------------------------------------

Q22291：

你好，龔sir：本人今年35歲，之前都只是持有現金，關注你的F&B和買了你二本書，今年才初次投資股票。

現金：2百萬

儲蓄保險：20年期已供11年，一次領取可領40萬

一層樓：月供8千，貸款剩約1百萬

每月收入：8萬，二夫妻二個小孩。公司退休金：累積左50萬。每月需供養双方父母，所以能存3萬左右

持有股票26萬：
27 @61.6 *1000
1177 @7.38*4000
[email protected]*1000
[email protected]*1000
[email protected]*1000

[email protected]*67 月供2千
[email protected]*1000
[email protected]*2000
[email protected]*300

目標，50歲財務自由。 打算再投資20萬股票，應該如何配置，感謝關注。

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

現時你已經有物業類資產，現有資金，可以較集中在優質股，去做財富增值。

你35歲，應以增值為主，建議你用「平穏增長股」 + 「潛力股」作組合，去創造一個增值平台。2者比例，大約各一半。若你投資經驗較淺，潛力股佔比要下調至2-3成。

你現時持有的股票，都係有質素，你照持有就可以。但當中融創中國（1918）業務不差，有規模、品牌、銷售網絡，但同時有一定風險。

首先，中國樓市如果逆轉會有很大打擊，另外，這股的負債超高，無事就無事，有事大件事。

因此，投資這股不是不可，因為不是完全無質素，但要明白背後的風險，同時明白這一定會令股價較波動，自己最好控制注碼。

現在你每月可儲$30000，但只月供$80000，有點少。我建議先用5成儲蓄做月供(即$15000)，其餘先儲起，用一邊月供一邊儲蓄的策略。

現時大市只是合理區，你現有200萬資金，如果無特別用途，我建議用來投資增值。

你可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於"保險"，其實主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

------------------------------------------------

Q22292：

老師你好，我今年35 ,有17200 股滙豐係手，帳面都蝕緊40 萬，最近考慮緊要唔要放左一半或全部，等跌市再入其他做長線投資，如買其他想問有咩建議，謝謝，不勝感激。

龔成老師︰

你現時狀況，存在2個較核心問題。

首先，匯控(0005)都算係有質素，但佢只係收息股，增長力唔會明顯。

而當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你35歲年紀，應該先做好增值，而唔係儲收息股。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

因此，從資產配置角度，你係需要沽出部份匯控(0005)，將佢地換至其他增長股上。唔係佢質素有問題，而係佢唔適合你，同時佢佔你組合比例過重，而造成了不必要的風險。

以下是一些適合你的增長股，你可以沽出部份匯控(0005)，轉至這些股票身上。

平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、粵海(0270)

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

平穏增長股，現處於合理水平，可分注入市。現潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22293：

成哥你好，非常讚你的資產配置網上課程。學到很多，特別是買樓置業個chapter.想請教一吓操作。

現時我自己的生意前舖後居，所以住方面的租金己包括在租舖的租金內。打算5,6 年後再買一層自住物業。

非常深刻你講過用資產追資產，所以我最近買了一個出租物業325萬，做了7 成按揭。首期90萬左右，租金回報每月1萬2千。

利息方面可以只供息不供本。年利率1.95% ，定息2 年，之後視乎市場息率而定。打算前三個月交給經紀管理，當交學費學做業主。之後自己管理。

這收入要交税20%，末計每年維修之類雜費。請問這個操作時可行嗎？

風險上，我明白如果無人租和利率上升的話，可以會由 "資產"， 變成 "負債"。

買原因是同區差不多的單位要差不多350萬。這區租盤比較短缺所以放租能力尚算高。

想請問成哥有其他風險或地方要注意嗎？這供息不供本可行嗎？

謝謝！

龔成老師︰

其實物業只要有質素，都是資產。就算因為加息，或者無人租，令到你短期負現金流。但只要佢長線有升值能力，我地都會視之為資產類。

現時計，租金回報率算可以。但你要留意2個問題，首先你個按揭只係頭2年定息，之後個息口跟市場。但所謂跟市場，到底會係幾多? 會唔會令你月供大增，造成財務壓力。

到時如果大增，你要轉按，會唔會有大問題? 你要計清楚。

第二，你現睇翻個單位，呎寸會唔會太細。一般我建議投資物業，只好有300呎以上，即一個家庭的最低要求，咁個投資價值會較好。

------------------------------------------------

Q22294：

老師你好. 這幾年一直有關注你, 叫做小有所得. 亦很感謝你於2年前的回答

大學畢業快2年, 目前有26萬存款, 5000股 1177, 1600股 3067, 月入17k. 預計10月後月入23k

1. 本身計劃約2年半~5年後結婚, 現在白表單人身份抽中居屋. 由於基本肯定只會有粉嶺皇后山的300呎以下單位, 老師覺得應否袋住先?

a) 想買的理由是樓價近年升幅太誇張, 300萬的樓用了5年時間就變成近600萬... 如果私人市場繼續用此幅度上升. 再過3年說不定就完全負擔不到了

b) 不買的理由是皇后山居屋並不算太優質 (雖然相比之下真的便宜) 目前一刻並沒迫切需要, 如果樓價升幅不算誇張, 將來完全有能力用購買地點和大小較為理想的物業

c) 個人想法是現在先購入, 將來有需要時一定有地方住. 而有能力的時候可考慮換樓, 雖然失去短時間內買入更佳物業的機會, 但似乎較為保險

2. 想知道老師對2182天長集團有何看法? 上市後很快就能派息. GP較高, 現金一直維持高水平, 口罩業務得到政策支持. 但同時擔心

a) 為買新廠房而作出的借款會拖累公司發展,

b) 太依賴單一顧客,

c) 市場流通小, 股權有點集中.

謝謝老師的意見!

龔成老師︰

1) 香港長線樓市，我預都係會保持上升。你可以先買入此物業，用以資產追資產，去保持增值。

我地買居屋，都有一個好處，就係可以比市價較平的價錢，買入單位。從而空出較多資金，作投資增值。

但你要明白，這居屋單位，位置唔算吸引，投資價值一般。加上你將來轉手，你係要補回地價(除非賣翻比綠表或白居2)。而且，都有一定買賣成本。

到底係先購入居屋，定先用優質股增值，等遲些買較理想單位，其實無一個必然答案。

但現時從投資角度，股市會比樓市較有值博率。你可以從投資角度、未來收入估算、長線生活所需去作考量，估算出一個較適合自己的決定。

2) 天長集團(2182)我未仔細研究這間企業，有派息表面上係利好，但實際上，都要睇佢派息原因和長線政策。

此股派息因素，對我地判估佢投資價值，影響唔大。此企業規模細，盈利和股價都幾波動。

投資價值係有，但唔算十分高，而且都有一定風險。若你投資係可以，但不宜大注。

a) 用供貸買入廠房，唔一定壞事，只要佢產出價值較高，咁就可以。

b) 佢5大客戶佔收入近9成，主要客戶近6成，的確係有過度集中性風險。

c) 都算可以，未到話十分集中。如果你想知邊D企業有這問題，可以上證監會個"股權高度集中公布"網頁，裡面有列出相關企業。

------------------------------------------------

Q22295：

感謝你的回覆，我女友其實仲有一堆銀行股，不過他最近看了你的股票勝經，已知不能在銀行及科網再加碼，她現在每月月供5000，慢慢平衡返個組合。

不過我也留意到公平值變動，其實我不太明。（如進階班有講到我到時再學習）

另外，我真的覺得你太好，明明沒收我們咨詢費，但每次回應的質素很高，內容十分詳盡。

我希望你打造的品牌越來越有認受性。

龔成老師︰

多謝你支持，我希望可以透過這裡交流，去分享一些正確的投資觀念和知識。從以令一般散戶或者新投資者，可以有個更明確的方向。

其實公平值，我係初階都有講。主要係一些會計上數字(非真正現金收入)，好似物業類股票，你會最常見到。

每年當物業升/減值時，都會反映在公平值上，而這部份會計入盈利當中，令我們估值時出現偏差。

因此，我地去做估值時，要先排除這些數字，才可以得出一個貼近實況的結果。

------------------------------------------------

Q22296：

龔成老師，港交所新CEO攪重組，對港交所有咩影響？

你好龔成老師，請問晶片股中哪一隻相對穩陣小小值博較高？

早晨龔成老師，中國平安$73買，有冇買貴左？

龔成老師︰

港交所(0388)新政策，暫時唔見佢對集團優勢，造成重大改變，依然係一間好優質的企業。

如果晶片股，其實我較建議台積電(TSM)，佢係一間有質素架企業，在全球半導體業界有領先地位。

集團專注生產由客戶所設計的晶片，現時已經是全世界最大的專業積體電路製造服務公司。

如果你睇好半導體發展，可以月供，並長線持有。

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型。現價算係合理區中下間位置，分注投資就可以。

------------------------------------------------

Q22297：

老師你好，最近見中慨股因為反壟斷法都紛紛回調

As at而家︰
阿里： $196.5
騰訊： $527.3
美團： $285
小米：$26.35

老師覺得可以點部署？而家價位合理值得入嗎？

另外，啲內銀股都除哂淨，呢排睇緊建行同工行，現價分別係$5.57同$4.48，老師又覺得現價入手長揸好嗎？

唔該哂老師

龔成老師︰

中央近期推出不少政策，一眾大型企業股價，都因此而受壓。但我地分析時，重點都係會睇翻企業長線質素。

暫時未見，這些股票的長線盈利能力，有明顯變差，你有貨可照持有。除了小米(1810)要回多1,2成才算合理外，其他已在合理區較上部，若無貨，已可入小注。

建行(0939)和工行(1398)都在合理區，可以分注。但你年紀較年輕，這2隻都係收息，增長力麻麻，唔係太適合你。

------------------------------------------------

Q22298：

成哥有d人話錢小就唔好分散咁多投資，唔係就賺好小，咁長期唔賣，回報率一樣多，仲要冇咁集中風險，咁講岩唔岩。

如果我月供︰
1000巴巴
500小米
500中國平安
1000眾安
500金沙
500新鴻基
500中生製藥

會唔會太散?但我中意呢d組合。

同埋諗深一層，唔知仲投資舊經濟股有咩用，雖然仲有質素，用黎平衡組合，但我小錢直接全部潛力增長股咪仲好？

龔成老師︰

唔係因為資金少，就唔應該分散投資。只係資金少，會較難去做分散投資。任何情況，其實我地都要盡力做一個平衡的組合。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

你現時月供組合中，股票都有質素。但眾安(6060)不確定性較高，我不太建議用來月供。

建議你將佢換成指數基金，去提升你組合的平衡性。

至於舊經濟股，雖然佢地增長潛力不及潛力股。但佢地勝在穏定性較高，唔似潛力股咁高風險。

你要明白風險高，不等於回報一定高，這是一個錯誤想法。如果成功，回報當然可觀。但由於佢波動性大，失敗時，損失也會較慘重。

所以，「潛力股」不宜持有過多，要平衡。若你係偏年青，可以佔5成。但若你較年長或投資經驗較少，要下調少少至3成左右。

------------------------------------------------

Q22299：

龔sir, 我有以下股票，我現在43歲，想問我的組合會否太多潛力股？我想增持平穩增長股，你有什麼建議？或者對我組合有何意見？

0823 領展 $60.58 有3手
1038 長建 $41.65 有1手
1177 中國生物製藥 $8.0 有I手
1810 小米 $25.7 有1手
1830 完美醫療$4.8 有8000股
6823 香港電訊$10.54 有1手

謝謝

龔成老師︰

以你43歲計，潛力股大約可以佔你組合3-4成，若你投資經驗較淺，只宜佔1-2成。

你現時潛力股比重，的確係有點高，但主要係完美醫療(1830)近年大升所致。你現時持股，不變都係可以。

但未來資金，要優先投入平穏增長股，去令組合平衡翻。

------------------------------------------------

Q22300：

你好龔成老師, 我32歲, 儲蓄有50萬 (其中有30萬剛剛做完一年定期), 月薪3萬5, 每個月用1萬2做月供股票, 儲1萬3,

有朋友提議我把剛完定期的30萬全部買中銀(2388)收息, 請問你覺得這樣可以嗎? 或者有沒有更好建議? 謝謝!

以下是我持有的月供股:

00823 (188股) @$75.6
00066 (306股) @$44.7
02800 (471股) @$28.52
00700 (7股) @$556.5

09988 (25股) @$205.0
01177 (847股) @$7.06
01928 (393股) @$31.35
02382 (33股) @$222.4

龔成老師︰

你現時月供組合，係可以。

但正如我之前所講，我地投資除了選股要有質素外，你都要留意組合平衡性。

個別行業唔好佔組合3成以上(我見你地產類問題，已經修正好)，但個股都不可以佔高於組合15%，否則都會出現過度集中性風險。

中銀香港(2388)係適合你，但不要30萬全數買佢，你要平衡分配在不同行業優質股上。

大市現處於合理水平，那50萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22041-Q22060）

Q22041：

Hello 龔sir 我係你股票班初班既舊生 最近睇緊12號恒基既年報 有d問題想問下

請問本年度盈利後面點解仲有一個本年度收益總額？唔係好睇得明 除稅及重新分類後之本年度其他全面收益淨額 即係點？

仲有佢既基礎盈利14899係點計出黎呢？我嘗試將公佈盈利10192 加 "投資物業及發展中投資物業之公允價值（減少） / 增加" 2413 都計唔到 14899

聯營同合營公司既盈利需要剔除嗎？

最後就係buffolio顯示既恒基 PE係用基礎盈利定公佈盈利計算呢？我需唔需要加減其他數字去計算正確既PE?

唔好意思 有好多問題

龔成老師︰

這頁"綜合損益及其他全面收益表"，係分析估值時，我都唔會特別去參考。因為佢主要係一些非營運性變動，無太大參考價值。

至於基礎盈利，主要係扣除左"物業公平值變動"，所造成之影響。

你可以參考翻2020年年報P.226，你用"本公司股東應佔盈利"，再加翻所以公平值數字(因為當年公平值，都是負數。若當年公平值係正數，你就要倒轉，扣除翻佢。)，就會計到14899個答案。

水牛網顯示，會係用用"本公司股東應佔盈利"作計算(即包含公平值之影響)。

------------------------------------------------

Q22042：

龔成老師你好！好想同你分享個好消息！我同丈夫成功買到第2層樓啦！難得睇中啱心水地區尺數既低水單位，所以決定賣哂所有股票同埋加按少少層樓俾首期

首先 我好想多謝老師你強調儲資產呢個概念，雖然我啲股票唔係大賺，不過起碼不經不覺已經儲到一筆可以靈活套現既資產，全靠呢筆錢 今次先有機會入市。

不過宜家手上已經冇哂股票 現金亦唔多，要供2層樓亦都令少左現金流去儲股票

再加上黎緊首要目標係可以儲到筆錢裝修新屋，想請問老師我應該如何分配長線同短線既投資方向？

現階段應該全部保留現金用黎裝修？還是繼續以月供方式儲貨？

謝謝老師建議

龔成老師︰

先恭喜你，又成為業主。

我地財富組合除左要有增長力和質素外，平衡性都好重要。你現時資產明顯係偏重於物業類，長線你應集中加回一些優質股，以免過於集中個別資產類別，而產生風險。

因此，你新資金建議優先投入股市，去令成個組合更平衡。

至於先裝修，定投資，你要從生活所需和財富增值，2者之間去取個平衡。

但我建議，點都要每月做番少少月供，唔好完全係零。因為你現時係零股票，而大市又只係合理水平，這個狀態唔理想。

另外，由於你要供2層樓，令每月可投資金額減少。你最好盡快將另一層樓放租，去提升自已可投資現金流，咁會較好。

當然，你現時現金太少，都要留一定的現金先。

------------------------------------------------

Q22043：

老師你好，我又有問題想問。看完"80後千萬富翁"後，有一個疑惑

假設我辭職後，以全職股票投資者創富，之後希望分散投資，買入一間物業，問題就來了：

1.沒有工作，全職股票投資者，可申請按揭嗎？

2.同時，過到壓力測試？

3.成立空殼公司，買入物業是否更好？

龔成老師︰

1) + 2)你可以利用「資產方式」申請按揭，而非一般有收入人士，所用的「壓力測試方式」。

或者你可以加入擔保人，都有機會可以提升你成功申請按揭機會。

但坦白講，無收入要做按揭，一般都會較難。

所以最好在你有穩定收入時，處理好物業這部分，之後先辭工。

3) 成立空殼公司買入物業，係可以節省不少稅項。但空殼公司本身，都有不少營運和買賣成本，例如要會計師每年核數、買賣時需要律師評估資產等。

加上公司買物業要支付「買家印花稅」15%，因此否則未必值得咁做。

------------------------------------------------

Q22044：

1:假設，本金10萬，每月再投入1萬。如果比自己目標係每年升15%,咁應該點計，因為以年計

1月資金可用12個月，但12月資金只用1個月。咁我應該用22萬乘15%,定應該點計好?

2：老師，想請問下，假設如果雙方同意，我冇任何牌照既情況下，可以幫人做投資嗎

3:老師想請問下，假設現在有1百萬資金，用了5年時間儲錢加投資得來，有買樓需求，可選擇用來買樓首期或繼續用股票滾下去，

但如果買左首期後就變左股票果邊滾落去既速度慢左，面對咁既情況應該點做好

4：老師，想問如果抽到居屋，又比左首期買左之後，可唔可以出租？

龔成老師︰

1) 唔好諗到太複雜，我地唔係要一個好精準架數字，因為投資中間會有好多變數，未必一切如你估算一樣。

但係你要知一個大概數字，係有意思，可以作參考架數字。

以你情況，可以簡單點，當你當年每月資金，係年尾一次過投入。咁樣計算，簡單之餘，出來結果都會相對保守。

第1年回報︰22萬 x (1 + 15%)
第2年回報︰(第一年回報 + 12萬) x (1 + 15%)....如此類推

2) 如果是《證券及期貨條例》規管範圍，基本上就要有牌照。如果你只係幫下屋企人手，當然另計。其實，當中好講有無「利益」在其中。

3) 如果你係有實際需要，去置業的話，你係可以動用這筆資金。其實物業都係一個資產，都算係一種投資。

但最好，係你置業之餘，都有一定資金，用投資優質股，令成個組合唔好偏左係物業個邊，咁就最理想。

4) 根據正常程序，係要補左地價，先至可以成間居屋放租。

而且，投資物業放租，在香港現時法例下，是不能以高成數按揭進行的，金管局定明，如果要投資物業收租，最高的按數不能高於5成，高於5成者，只能自住。

當然，這是政府的規定，但坊間的做法，往往是另一回事。但你要明白佢地的做法是犯法的，因此一定有風險，做與唔做，自行決定。

坊間不少投資者，就算高成數揭揭都會照放租，其實你照去地產經紀同你講你想這樣，佢地就明，會照同你做，當然，細節位不便在這裡講太多，有機會你上堂見到面，我分享坊間的做法。

記住，所有事情都會有風險的，這是一個值博率的問題，我只可以話，坊間不少人都會照做。

------------------------------------------------

Q22045：

龔sir，你好!多謝你一直耐心回覆讀者的提問。我都其中一個支持你的讀者，你的著作特別是年報勝經，寫得很好。我亦因此開始學習睇年報。

最近我投資左百度(9888)，現價大約210蚊左右。投資原因主要是看好雲業務同智能駕駛的前景。我相信這兩個範疇能配合中國未來的大方向。

配合本身網上廣告業務收益穩定，有利百度發展新增長點。

百度最大的擔心是競爭者多，在今日「全民製車」的時期，百度的賣點只是研發時間比同業長，比同業更早開始投入研究。講到這裡，就引伸出另一個憂慮，就是巨大的無人駕駛投資能否變現。

我明白股價反映公司價值，同時亦反映了市場的對於公司的期望值。但在這裡，我唔識判斷「市場期望值」這件事。

不知我的看法是否正確，百度目前的市盈率大約9倍左右，應該是屬於健康水平。 未知老師的看法如何? 現價應否再加注?謝謝!

龔成老師︰

多謝你的支持!

百度(9888)為全球最大的中文搜索引擎，是內地用家搜尋資訊主要對口，2019年百度用户規模突破10億，而百度App日活潑用户2億，信息流位居中國第一。

當你坐擁不少資訊和客戶群，就可以利用佢地去發展很多不同業務。

雲和無人駕駛，都會係有業務當中較有潛力部份。百度的無人駕駛技術，其實唔錯。雖然越早研發，唔代表一定可以越早市場化。

但百度在無人駕駛技術，無論研發和運作，都累積左一定經驗，有助提升佢成功市場化機率。若無人駕駛技術成功市場化，相信會成為集團盈利的新增長點。

由於無人駕駛市場未算成熟，就算有較多競爭者進場，都未必會造成較大影響。加上集團有一定技術，係競爭上相信會有優勢。

這些部份發展雖有潛力，但都存在很多不確定性，我地好難完全掌握將來發展狀況。因此，係估值時，對這些不確定性較高的分部，要保守少少。

百度現時收入，主要來自在線營銷服務。這部份，集團有一定優勢，預期長線發展正面。

百度在規模和質素上係有，但你預佢中短期會較波動，不宜持有太多。若你資金好充裕，要價加小注係可以，否則等較大回調才加注，會比較好。

------------------------------------------------

Q22046：

龔sir你好，我對於股票買賣只是初哥，之前都是有少少人云亦云既心態作買賣。而我丈夫曾經上過你既堂，從他口中得知你的FB page，最近經常睇你既page增加投資概念。想問下你嘅意見。

本人37歲，已婚未有仔女。月入$58K，丈夫月入$20K多少少，收入算穩定，已購入一層自住物業，仲有17年需要供樓。

之前一路只保守地作儲蓄，大約有流動資金$100萬，扣除供樓，生活費同雜費，每月可儲蓄$24K，想可以好好分配同計劃點樣做好投資理財，為將來有小朋友及退休生活作計劃。

之前買入一些收息股票為主。如下：

0005 匯豐 70.5x1200股+46.2x2000股
1398 工商銀行 6.41x 15000股
2800 盈富基金 28.72 x2000股

1. 睇了你的FB page 後想嚐試月供股票，考慮緊每月用一萬蚊月供0002，2318，6823。這些組合適合嗎？

2. 現在持有既股票組合適合繼續長期持有？定放售？

3. 如果買潛力股，你會建議買邊隻？

期待老師的回覆，非常謝謝！

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你37歲，應以增值為主。平安(2318)係可以，但其餘2隻只係收息股，增長力較弱，唔係太適合。我建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$12000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有100萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

但我建議，在你實行以上計劃前，先儲起半年開支(若你預將會有小朋友，都要預留埋這部份開支)，作為應急之用，咁會較穏當。

2) 你持股雖然都有質素，但匯控(0005)和工行(1398)都係收息股，你年紀不宜持有太多。建議沽出部份，慢慢換至上述股票，會較好。

3) 我上述潛力股，都適合你，但你投資經驗較淺，要控制個比重，唔好佔多過組合3成。

另外，大部份潛力股現價都略貴。現時只有安碩恒生科技(3067)、ＧＸ中國電車基金（2845）、比亞迪(1211)、阿里（9988）、中生製藥（1177）、福壽園(1448)勉強算在合理區頂部，可分注入貨，其餘想買就要等一等。

------------------------------------------------

Q22047：

龔成老師，你好，最近睇左幾本理財書，當中都有一個對沖概念，但睇返sir的書，或fb的對答，好似都好少呢方面既資訊，是否同你理念唔一樣？

另外我本人都買左d科技股，例如阿里巴巴和小米，都諗住有排都唔放，但又唔想繼續供落去，想供d其他行業的（你話同一產業不是多過30%)，

睇左眼科藥物公司兆科眼科，或者是德視佳，一個造藥一個行醫，你會點睇？

龔成老師︰

我主要係建議透過創建一個合適、平衡、有質素的財富組合，去做到在合理風險下，爭取最大回報。

跟一般對沖，去平衡風險有所不同。而且對沖唔易玩，唔適合一般投資者去操作。

兆科眼科（6622）係一間眼科製藥公司，致力於療法的研究、開發及商業化。通過自主開發或許可引進已建立起包含25種候選藥物的全面眼科藥物管線，涵蓋影響眼前節及眼後節的多數主要眼科適應症。

集團初步將策略重心放在中國五大眼科適應症上，包括乾眼症(DED)、濕性老年黃斑部病變(wAMD)、糖尿病黃斑水腫 (DME)、近視及青光眼。

佢已建立起由13種創新藥及12種仿製藥（按國家藥監局的《藥品註冊管理辦法》分類）組成的眼科藥物管線。創新藥管線包括8種候選藥物，若獲批准則有潛力成為中國市場領先產品。

仿製藥管線包括6種潛在中國首仿藥。集團擁有8項已頒發的中國專利及一項已頒發的歐盟專利，並提交6份中國專利申請。

佢已於廣州市南沙新區建造的生產設施，根據中國、美國 及歐盟cGMP標準設計及興建以用於生產眼科藥物，其生產能力完備並可用於商業化規模生產。

由於未有盈利，風險度會較高，加上企業規模不大，因此投資值博率未算高。

當然，由於規模不算好大，若果企業之後成功，可以好勁，但失敗對股價都有很大影響，因此是有潛力，有風險類。

只可以話，這類股，唔建議大注，當小注投資下好了，同時要明白當中的風險。但用作月供，就不建議了。

德視佳（1846）主要於德國、丹麥及中國以「德視佳」品牌提供視力矯正服務。

佢的服務可大致分為屈光性激光手術（包括全飛秒激光手術及飛秒激光聯合準分子激光角膜原位磨鑲術）、後房型人工晶體（ＩＣＬ）植入術；晶體置換手術（包括單焦點及三焦點晶體置換手術）及其他（包括用作矯正眼晴屈光不正的ＰＲＫ／ＬＡＳＥＫ及角膜基質環段ＩＣＲＳ植入手術）。

見佢的財務數據都不差，生意與盈利都有穩定增長，現價算是合理，但不是高增長類，同時由於規模未算好大，可小注直接買入，但不宜月供。

另外，我地月供係一個長線計劃，最少供3年，並持有5年，才會有較佳效果。因為月供可以拉平均個買入價，減少買貴貨風險。

若你經常供一陣就轉，會影響到平均價格效果，令最終回報不確定性增加。

------------------------------------------------

Q22048：

我想請教一下，你覺得應該怎樣教育兒童理財？因為看過你的文章/書本，你都提及學校缺乏理財教育！謝謝！

（期待可以在澳門上課的澳門讀者）

我兒子8歲，有時會問我供樓借貸，公司借錢，點解麥當勞可以咁成功等等，我自己本身不是商科，所以都係google咁簡單講俾佢知

龔成老師︰

我建議你同佢玩「大富翁」、「現金流」這些遊戲。

如果佢8歲已經有這些問題，我相信佢對這方面好有興趣，好有潛質，日後可以好有成就，你可以找一些成功的名人、商人傳記之類的兒童書比佢睇。

書本和遊戲，都係教授小朋友理財的理想方法。好似大富翁遊戲，小朋友可以從享受遊戲同時，也會學到不少經濟理論和操作模式。

另外，書本可以令佢從前人身上，學到一些經驗。當然，佢年紀比較細，較難理解我們成年人睇架書籍。

最好先選擇佢年紀水平，和他有興趣的書籍入手。之後才慢慢加入一些，未必是他有興趣，但又對他理財知識有幫助的書籍。

家長在遊戲和閱讀時，要多加讚賞，對佢學習會有激勵作用。

如果你本身無太多理財知識，就係教授小朋友同時，自已都要增進一下，甚至一齊學習。可以作親子活動之餘，都可以提升雙方學習的樂趣。

------------------------------------------------

Q22049：

老師：我在重整現時持有的股票組合，由於未到8月上課時候，唯有再麻煩老師，唔好意思。想請教以下幾隻股票是否優質和他們的合理價範圍。謝謝！

405
939
2822

此外，以上三隻股票是否都屬於平穩增長股呢？謝謝！

龔成老師︰

這3隻股票，都係優質，同時現價都在合理區，可以分注入貨。

越秀房產（0405）和建行(0939)係收息股，增長力較弱，主要係收下息。以你年紀，收息不用佔太多，大約2成左右好了。

南方A50（2822）算係平穩增長股至潛力股之間，有一定波動性。此股適合你年紀，可以考慮。

------------------------------------------------

Q22050：

老師你好！我居住在澳門，今年45歲，自住房屋市值約900萬還欠貸款400萬，每月供17000。

另有一間市值約600萬已供滿收租約9000（澳門租金較低）

因疫情上年失業，現新工作每月薪金只有18000再加上9000租金，每月收入共27000，每月供樓保險加上生活開支剛好月月清，另有60萬積蓄想投資股票市場。

現時手頭沒有揸股票，想問應唔應該賣咗收租樓，還清400萬貸款，剩餘200萬用來買平穩收息股？還是只用60萬積極蓄投放股市？

另外想買老師你的書，我是股票初學者，適合先看那一本？

龔成老師︰

其實物業都係一種資產，除非你收租物業升值潛力真係好弱，或者質素好差，否則持有用作收租，咁會較好。

至於增值，你可以先用這60萬去做。由於你已經有2個物業，故你新資金應先集中係優質股類，以免出現過度集中風險。

以你45歲，可以選擇一些「平穩增值股」+「潛力股」作投資目標。

由於你現時無太多投資經驗，潛力股這類風險較高的股票，你就不要持有過多，最多維持1-2成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-4成，到時要視乎你投資經驗多寡，和了解這些股票程度而定。

大市現處於合理水平，那60萬資金，你可以先用20-30萬，以"分注"形式慢慢入貨。餘下資金，就等大跌市機會出現，才大力度掃貨，並長線投資。

你可以先睇我架《80後百萬富翁》、《財務自由行》和《股票勝經》，都適合初學者。

------------------------------------------------

Q22051：

龔成老師你好，剛開始月供股票3個月，其中一隻月供2382 平均價179，佢今個月升左好多

我係想長線持有，但遇著咁大升幅，平均價就會拉高 變貴左。心態上係繼續月供 還是停供一個月先？

龔成老師︰

舜宇光學（2382）係有質素和潛力的潛力股，若你係年青至中年人士，月供這隻股票係可以。

現時此股已經偏貴，但由於未到好貴，我地係唔需要停左個月供。短期成本價，係會有被拉高情況，但係月供係一個長線計劃，長遠個價都會拉平衡。

除非佢再升到一個好貴水平，我地可能要減少股款，甚至停供。但大前題係，你有無定平貴的能力。若果無，我建議你不理價值升跌，一直去供。

因為你自行調整供款，如果時機不對，反而大大影響左你平均價格的效果。所以，若你投資經驗較一般，我建議你選好優質股後，唔好理個價，一直供，反而對你最有利。

------------------------------------------------

Q22052：

龔老師你好，我今年31歲，月入二萬五，月存二萬，手持8份儲蓄保險，有啲五年期，有啲十年期，有啲三十年期（大約150萬左右），

有七十萬流動資金，另外有三十萬買咗股票，但坐緊艇包括:

9988（200)$280買入
175 (2000)$31.5買入
1810 （1200）$29.5買入
0066（2000）$38.9買入
1801 （1000）$90.6買入

龔老師我二年後想買樓，想用呢70萬用二年時間滾到100萬，請問有咩建議。麻煩指點迷津

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你持有股票，都係有質素，長線持有係無問題。但信達生物（1801）仍處於燒銀紙的狀態，不確定性好大，暫時唔建議加注。

我地投資股票，其實等同投資一間企業。希望透過其自然增長，以達至財富增值的目的。所以，我地投資一定要較長時間。而2年只算係一個短時期，股價好易出現波動，增加回報的不確定性。

因此，你這70萬不宜作太高風險投資。我建議用盈富(2800)，再加收息股作為組合。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

大市現處於合理水平，那70萬資金，你可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

但這個組合增長力，未必足以2年內由70萬滾到100萬。但佢勝在穏定性較高，在只能投資2年的情況下，這個配置會較為穏當。

另外，"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

你現時持有儲蓄保險，實在係太多。如果佢了一定時間的，你可以保留。但你還很年青，我建議你長線計，應該取消部份，將資金轉至優質股去做增值，會較好。

------------------------------------------------

Q22053：

龔sir，你好！有幾個投資問題想問。

1. 投資黎講，係咪唔應該買保險，或者唔應該買有儲蓄成份保險？

2. 按回報計算，應該買50年樓齡二手樓，還是一手樓？

3. 未來咩房型或者尺數更適合投資？

龔成老師︰

1) 答案係不一定。

我地理財，要做到「攻守兼備」，保險、備用現金等是防守，但防守部分不用太多，餘下資金就應進攻。保險最大的作用是「保險部分」，反而投資作用一般不大，即是買保險，最大作用是醫療、人壽、財產等的風險轉移，將你不想承受的醫療費用等不可預測支出，轉嫁比保險公司。

儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

2) 一手樓，好多時都會有一定溢價，變相令你買貴貨，影響長線回報，所以我一直都唔係好建議買一手樓。

至於50年樓齡二手樓，由於已有一定樓齡，除了本身保養成本會較高外。向銀行貨款也較困難，因此投資價值都較一般。

2個選擇，其實都唔係咁理想。除非50年樓係好平，租金回報率又高，而且係一些大型屋苑，才值得考慮。

3) 房型其實無特定，尺寸最好至少有300呎，可以附合到一個家庭的最低限度需要，投資價值會較好。

其實我地投資一間物業，最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

另外，你再要審視其升值潛力，未來地區上、交通上、生活等等的配套發展，才去下一個結論，咁會較好。

------------------------------------------------

Q22054：

你好 龔sir，Follow左你嘅post都有一段時間 我亦都睇左你嘅著作「財務自由行」「80後2百萬富翁」「股票聖經」「50隻潛力股」最近4月中更參加左你加「投資陪升股課程」剛剛都畢左業

其實我一直都想理財 覺得你講嘅理論好實用及貼地，好有循序漸進嘅思維。

老師你所教嘅方法都係由你經驗所堆積出黎嘅結論 炒股散戶10個有9個都輸 你教嘅長期持有優質股其實先係最快嘅捷徑！

我雖然開始理財或接觸真正理財只有半年多啲 但思維上我確實改變左 而我起碼已每日記帳已維持左大半年 而每月月尾也會檢討 (先發現原來自己成日駛好多無謂錢 !) 多謝阿SIR!

老師 就我個人情況 我有幾大重點想請教 先講我背境

今年34歲 未婚沒有仔女 每年有年終雙糧及花紅 年薪為一百萬多啲

換左樓 樓價700萬多啲 做按揭9成 月供約24k 每月可儲到16k 左右 當中10K放左係月供股票

1. 現金約有450k 放左係買樓是「高息戶口 」約 1.4% PA – 都係聽阿SIR教導 留番D現金當做BACKUP 及緊急用錢 – 見戶口又有少少息 所以暫時放係度

2. 股票約有 450k 全部都係2-3月入
788 - 10000股
823 - 400股
1177 - 4000股
1448 - 2000股
1833 - 400股
1928 – 2800股
1972 - 5600股
3067 - 6000股
3918 – 2000股

3. 月供股票 每月10k – 由本年3月先開始供
00175 – 2k
00700 – 2k
01211 – 2k
02800 – 2k
09988 – 2k

4. 沒有其他兼職及副業

問題：

1. 目標 40歲前有1000萬 以上咁樣執完條數好似都未有咩FEEL 想請教阿SIR有咩建議可達到我目標?

2. 計過月複利息回報 上堂提到10-15% 已叫做好理想 但依個都係參考% 點可以令自己既增長穩定D？見住自己D投資上上落落 我連唔蝕都無信心 應該點好

3. 調整緊股票係6:4 水桶1 vs 水桶2 - 一直都賣咁D 1972 而放入D水桶1度 但見住D水桶1好似都無咩升 無咩信心做到阿SIR講既每年10-15%增長 想請問應該點調整好?

4. 因為我工作時間都叫自由 亦都放星期六, 日 但我問題係真係無咩特別興趣及嗜好 點樣先可以令自己多D興趣 從已令自己多個機會有個副業或兼職 我依家只有打工一份收入 好似好危險咁

5. 自己打算2022年結婚 係緊急用錢度預算300k黎用做結婚 都打算結完就生小朋友 如結左婚及生小朋友 應該點調整以上所有策略?

6. 年年交稅都10幾20萬 好肉赤 有咩方式可以減少 或更好處理方法

最後想問阿sir你係咪真係有開到糖水鋪？哈哈 我要去幫襯一下 ! 謝謝

龔成老師：

我不會公開你的名，不過問題會放上網，等更多人能學習。

1）你現時的理財不差，配置平衡，同時配合你的年齡情況。但如果要去到$1000萬，就要再加努力，因為你現時每月儲到$16000，一年約20萬，就算計及投資回報，以及你現時持有的資產去增值，要滾存到$1000萬都不易。

除非你之後用一些較進取的方法，例如集中投資潛力股，以及自己發掘潛力股，早市場一步找到，投資並得到數倍計的回報，就有機，但這要你付出較多，你要每星期花大量時間去尋找潛力股。

2）我地最重要睇長期回報，目標一年有10%-15%，但不用每年睇，而是睇長期的平均，你已經方向正確，保持進行就得。

只要你多做功課，全面了解企業，以及其增長力，就會好有信心。

3）你要睇長期，你的思維仍停在短期股價。其實你要睇「企業成長及價值」先得。

4）你要多了解自己。如果唔知自己想發展D乜，就「試」，有時試試下，你就會更了解，例如試下做小生意，找一些你平時不會想過做的兼職，唔好浪費左你的時間。

如果無野做，就花多D時間去研究企業，睇年報。

5）最重要是你預留$30萬以上的現金，餘下先投資，由於2022年與現時已接近，因此這$30萬不宜投資。

只要預算要結婚的資金，準備好。餘下資金就算進取少少，都無問題。

6）如果有需要，就開公司，當然你最好問翻會計師佢地的意見，現時公司頭$200萬的盈利，交約8%稅，比高薪打工仔交的稅仲少，你可以上網了解下。

------------------------------------------------

Q22055：

龔成老師你好，我想问下7522只股，当时听朋友介绍买下7522，平均价为3.75买入8万股，这股现在一直向下，我应该怎樣处理，是否应该溝貨，还是走货？请賜教。

这只股會否會跌倒变费纸的

我不憧买股，这段时间看了你的视频，知我买的股亂七八糟，有909、9888 全部虧損。我有一百万來投资，现在用了一半，我应怎樣重新组合，麻煩晒。

龔成老師︰

你先要緊記一個好重要的概念，我地買入一隻股票，一定要知道佢質素、行業前景、財務狀況等，才去投資。

唔好聽朋友講、或者聽消息，就去買貨。如果你連隻股票背後買什麼、公司如何賺錢、行內有什麼優勢、點解未來有發展和增長潛力，都答唔倒自已，咁就要停一停，唔好投資住。

ＦＩ二華夏納一百(7522)投資目標是提供在扣除費用及支出之前，盡量貼近納斯達克100指數每日兩倍反向表現（-2x）的每日投資業績。

如果納斯達克100指數跌1%，你就會獲利2%(另扣管理費)。但若然納斯達克100指數向上，你就會虧損。

我對這類產品有保留，納斯達克100指數在過去一直反覆向上，所以長遠計持有這股對你"不利"，一定多於"有利"。

建議你長遠就算不全數沽出，也最好沽出大部份，換碼至其他優質股較好。

其實，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

明源雲(0909)和百度(9888)都係偏向潛力股類型，都係有長線投資價值。若你係年青至中年人士，只要唔係持有過多，可以守。但若佔你佔合較多，最好沽出部份，去平衡一下風險。

若你對投資知識不多，我建議你先用月供去儲貨。現在你每月先用5成儲蓄做月供。其餘先儲起，用一邊月供一邊儲蓄的策略。

大市現處於合理水平，餘下50萬和每月儲蓄，就等大跌市機會出現，才大力度掃貨，並長線投資。

若你現時組合，只係得1,2隻股票，我建議你都將部份股票，換碼至上述優質股，令組合風險可以更分散，整個組合也會較健康。

------------------------------------------------

Q22056：

老師，我近期抽到白居二，想購入沙田愉翠苑，為小孩的校網作準備。

問題1. 三房盤唔多，呢期成交量又高，價錢有的癲，三月至今升了12.3% 有的單位價亦企得好硬，心怕而家唔安排，睇定啲遲下連盤都冇！借問一聲，你有何看法？

問題2. 看新聞明年會加息，我究竟用H息口好，定用P息口好呢？

人生第一次 去選擇買樓 這麼重大的決定，真想跟老師分享

有睇中到盤, 但價錢不到位,預700-720萬, 睇中單位為740萬，在想要不要去馬, 怕錯過左, 之後就冇合心意的盤...

老師...求你指引我...

龔成老師︰

1) 本身三房這類大單位，供應係較少，故價格較敏感都係正常。雖然佢近期升左唔少，但由於白居二始終跟市價，有一定拆讓，故有一定吸引力。

加上這個是你自住房，考慮重要主要係是否配合「你長線生活需要」和能否做到「供得起」。如果係無問題，你都可以考慮入市。

2) 明年是否加息，暫時都係一個問號。以現時狀況計，H息會較好。但政府規定，居屋只能用P按，故你其實無得選擇。

------------------------------------------------

Q22057：

老師你好！我係你股票學生，完最後一課，感受到老師的愛心同努力，一星期兩晚3-4小時站立不停講課，課程內容非常豐富，非常感激, 辛苦你了。

另外，想請問之前不懂股票，自己又想穩健及有利息，買了：

恒生銀行 。3500
匯豐銀行。4400。
領展。$2000。（月供）
盈富基金。$3000 （月供）
小米。200
瞬宇光學。300

其實之前買匯豐恒生作收息，其他是認識你後才購入。我知道要減持銀行股，請指教應該怎樣保留。謝謝

龔成老師：

你現時較大的問題，是銀行股較多，你不要再增持這類，你應該溫翻第2堂的筆記，慢慢調整翻一個適合你年齡及風險承受程度的組合。

我會建議你過1年後，經濟好翻D，匯豐（0005）上翻D，減持部分，餘下就慢慢減，直至去到適合你配合配置的比例。

至於恆生（0011），質素比匯豐好，因此留低的比例不較匯豐多。

至於其他選股，其實無問題的，都是一些有質素的股票，你持有無問題。至於月供部分，你可以長期進行。

------------------------------------------------

Q22058：

老師 我抽中白居二 但而家二手樓市都好貴

但唔利用今次機會又怕再抽唔到
你覺得其實買公屋（eg 華貴邨）有你升值潛力？

樓齡29年 - 但好似有地鐵2026年華富有地鐵。

另外一係買私樓 要承擔有機會租唔出時 要俾供費 ，心目中係天水圍wetland seasons bay.

主要都想升值 搵到錢 可以財務自由！

你點睇呢兩個選擇，我知都幾大分別.....

龔成老師：

從自住的角度，你好好運用白居二會較好，公屋在投資角度的價值不及私樓，但從自住角度，其實可以考慮，因為你能以較少的現金流支出，解決了自住方面的問題，你就可以有較大的餘下現金流，去進行其他方面的投資。

華貴邨在地點不差的，港島區始終近中環，但地鐵相信有排先起好。因為佢要拆左華富邨，安頓好原本的居民，之後先用地鐵一整發展，相信要10年時間先落成。

華貴邨在公屋裡，算是有質素的，但不是大升類，只是平穩增長。如果你從自住的角度考慮，不是不可。

------------------------------------------------

Q22059：

龔 Sir，現時持有：

1000 股 9988 @$213
4000 股 1928 @$36.9
120,000 股 728 @$2.58
2000 股 941 @$48.7
30,000 股 3033 @$7.9

請問對此組合有何意見?建議加入金股，車股到組合?

現時買 7299 定2840 會較好?

龔成老師：

你現時持有的股票，基本上都是有質素的，其實問題不大，你持有就得，部分股雖然略有回落，但長線有得守的。

但你長遠，最好建立一個更平衡的組合，同一股票，最好佔組合比例15%以下。

你可以加入ＳＰＤＲ金ＥＴＦ（2840），這是一隻追蹤黃金價格的交易所買賣基金，當金價上升，佢都會上升，當金價跌，佢都會跌。

睇翻佢過往的價格表現，基本上都追蹤到黃金的價值，因此都可以成為投資黃金的工具。

只要佔組合比例不過多就得。

------------------------------------------------

Q22060：

想問，其實如果我長揸6666，唔會會可以上番去呢？

好驚佢會爆煲啊，到時渣都冇

龔成老師︰

若母公司出事，的確有機會出現，母公司要沽出恒大物業(6666)股權套現還債的情況。如果真係出現，的確會令股價受壓。

但你要記住，我地投資係睇長線，和企業本質。恒大物業(6666)負債情況，無母企咁差，加上物管行業，預期未來會發展得唔錯，因此有投資價值。

不過，集團大部份物業，都係來自母公司。故母公司出問題，令發展減慢，有機會會影響到集團發展。

當然，這些都是未知之數。以現時狀況計，恒大物業(6666)都有投資價值。如果你真係較擔心佢前景，你可以沽出部份，去平衡風險。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

來了來了本週星相

*8月8日為獅子座新月，戀愛、小孩、寵物、娛樂圈、創作、慶典……等相關的事務會有一個新的開始，或是某些事件因為新月能量引發軒然大波。
*海王星與金星呈現對分相位，注意「水」方面的災害。
*火星與木星呈現對分相位，注意「火」方面的災害。
*水星與太陽呈現合相，注意「交通」「網絡」「電子」相關的事故。
*新月與土星、天王星呈現Ｔ三角相位，某些事件會引發保守與改革兩股勢力的拉扯。

重要環境影響

*8月8日為獅子座新月，獅子座掌管戀愛、小孩、寵物、娛樂圈、創作、慶典……相關的事務。只要是付出愛與熱情的事務，都可在新月期間許下願望，會有良好的能量幫助。然而本次新月同時與土星、天王星形成T三角相位，這也意味著在新月期間啓動相關的事件，會引發相當大的爭議，容易激發保守派與革新派的對立與撕裂，可能會有公眾人物在此時公開戀情或是出櫃，引發兩種極端性的反應，或是有名人在此時殞落，但評價兩極。獅子座新月與在水瓶座的土星與在金牛座的天王星呈現Ｔ三角相位，有些事件會觸發人權與資本兩方的矛盾。同時有些慶典會在新月期間受到兩極化的評價，或是因為在現實面上無法獲得支持，引發改革聲浪。親子關係、兒童福利、寵物、毛小孩的生命權益……等相關的問題會被許多人關注，生命教育成為人們所重視的議題，特別是對於孩子生存的環境與人權，應該被保護，然而人們會看到許多怵目驚心的事件，才會檢視自己是否做得還不夠。
*海王星受到金星影響，要特別注意「水」方面的災害，除了暴雨、洪水、海嘯、乾旱、水源污染、水源不足等問題外，也要注意傳染病與精神疾病的問題，酒精、毒品、毒物、化學製品……等的濫用也正腐蝕人類的健康，特別是火星與金星都落在處女座，與在雙魚座的海王星以及退行回水瓶座的木星呈現對分相，這段時間會是人們特別重視生老病死，以及身心靈健康的時期。許多人在疫病的陰影下失去了過去享有的人權與自由，人們的精神層面也會顯得更為鬱悶，會是精神疾病好發的高峰期。此外，海王星與金星的對分相，會是詐騙事件特別多的時期，詐騙手法翻新，大家要特別警覺。
*在處女座的金星與海王星呈現對分相，有關勞工權益相關的問題也會面臨檢視，特別是在不景氣的情況下，勞工保險的議題會再度浮出台面。許多人失業、放無薪假，生計受到影響，平日所付出的勞工保險是否會回饋到勞動者身上，成為重要的議題，在處女座的火星，本週尚未脫離退行回水瓶座的木星對分相位的影響，有關工作、勞工權益、外籍勞工、健康、運動、動保……等事務，若是無法好好處理，容易形成大規模的民怨，同時勞動環境的安全會成為大眾熱議的焦點。人們也會十分關注健康、運動相關的問題。尤其體育競賽選手的權益，會受到許多關注。疫苗與傳染病相關的問題，仍然是世界各地的隱憂。
*木星與火星呈現對分狀態，需注意「火」方面的災害。除了各種火災、爆炸事故之外，也要特別注意火山爆發與地震相關的災害。同時人們的情緒較為焦躁，某些區域容易發生軍事衝突，社會上有許多議題會造成不滿的情緒，大型抗議事件較多，甚至引發大規模的流血事故，同時要當心無差別攻擊事件。
*太陽與水星呈現合相，並與土星、天王星呈現T三角相位，須注意「交通」方面的事故，某些區域甚至因為一些事件而被封鎖。使得有些人受困在當地。輿論、網絡、社群軟件、新聞媒體也會特別紛亂，真假消息難辨，有些群體會在社群平台或媒體里不斷帶風向，歪曲事實，因此該如何辨別真假消息，考驗著人們的智慧。這段時間不要隨著一些煽動性的言論起舞，需維持著客觀、冷靜的心態以及獨立的思考，才不至於受到任何的欺騙與煽動。

總結

*有些事情看似表面光鮮亮麗，卻可能建立在別人的痛苦或是人性的陰暗面上，既得利益者不惜以說謊的方式，不斷地抹煞身而為人的基本權益，我們會看到很多令人義憤填膺的事情不斷上演。然而，若我們在面對世界時，能保持著孩子般的赤誠無邪之心，就能遠離成人世界的利益與複雜，在獅子座新月時期，才有更多的能量來幫助更多弱勢與幼小可愛的生命。

備注

在金牛座的天王星與在水瓶座的土星以及在獅子座的太陽呈現Ｔ三角相位，市場波動十分劇烈，某些事件會造成交易市場恐慌，糧食、能源、資金呈現短缺，有些物質即便再有錢也買不到，並可能必須以物易物交換重要資源，甚至是權利。某些物質會替代貨幣與貴金屬交換許多資源。許多人在經濟環境受到衝擊的情況下，失業、窮困的人越來越多，「貧窮」會成為嚴重的人權問題，人權問題會改變全球經濟版圖，許多人的生存權益被剝奪，自由也被剝奪，族群歧視問題會越來越嚴重，重視人權，才能保護弱勢，因為你我都可能是被壓迫的一員。

白羊座

整體運勢
工作運方面，金星與火星齊聚工作宮位，在志業宮位的冥王星相位良好，事業正在上升階段，在職場中的表現出人意表，對於目前的工作感到榮耀。某些白羊座接受了重要的任務，會是十分忙碌的時期。
感情運方面，水星與太陽合相在戀愛宮位，是桃花旺盛的時期，有許多人會向你釋放好感，甚至大膽告白，然而水星與太陽相位皆不佳，爛桃花也特別多，其中不乏有非單身者的追求者。

本週須注意的部分
人際關係方面，在人際關係宮位的土星與木星相位皆不佳，情感關係方面要特別理性，如果處理不當，會使你的工作也受到影響。某些白羊座陷入職場戀情，但對方風評不佳，連帶連你也會遭人非議。
健康運方面，在健康宮位的金星與火星相位不良，當心血光之災，容易發生意外傷害，罹患急性疾病的機率也比較高，喉嚨使用不當，或受到感染，有發炎、失聲的狀況。

金牛座

整體運勢
感情運方面，金星與火星齊聚戀愛宮位，與喜歡的人正在熱戀狀態，每天都渴望親密的接觸。不過由於金星與火星相位不良，因為工作的因素，或是周遭有許多反對的聲浪，必須克制著自己的行為，不想讓戀情見光死。
海外運方面，在海外宮位的冥王星相位良好，會藉由一些管道交到異國的新朋友，這些人都十分友善，使你嚮往那樣的國度。某些金牛座則是會有機會到海外出差或外派，體驗不同的人文氣息。

本週須注意的部分
工作運方面，土星、木星齊聚志業宮位，事業處於巔峰狀態，有許多資源可讓你實現夢想，但由於土星相位不良，工作有過勞的傾向，造成免疫系統變差，容易生病。
家宅運方面，在家宅宮位的太陽、水星受到土星與天王星影響，和家人溝通不良，會為了自己想做的事情而冷戰。某些金牛座則是因為工作必須搬家或離家一陣子，在異地或新的居所會感到不習慣。

雙子座

整體運勢
金錢運方面，在財務宮位的冥王星相位良好，會獲得一筆賠償性的資金，使你生活不虞匱乏，有投資習慣的雙子座，以小額投資的方式理財，在不經意中發現資產增加了許多。
感情運方面，在慾望宮位的冥王星相位良好，與喜歡的人在親密關係上十分和諧，在彼此的互動中就可以感覺到對方對你的渴望。某些雙子座則是與曖昧對象有許多肢體觸碰的機會，心中小鹿亂撞。
工作運方面，在志業宮位的海王星相位良好，雖然卸下重要的任務或職務，但榮耀與成就收穫了不少，這段時間會稍作休息，做好下一次挑戰的準備。某些雙子座正在工作收尾階段，比前陣子輕鬆許多。

本週須注意的部分
交通運方面，水星與太陽合相在交通宮位，受到土星與天王星影響，開車當心行車糾紛，或是容易被開罰單，搭大眾運輸工具通勤也可能遇到突發事故，出門在外注意交通安全。
家宅運方面，火星與金星齊聚家宅宮位，注意電器與爐火的使用，門戶也要當心宵小入侵，某些雙子座正在整修房子，家中會有一陣子過渡時期，但裝潢完成之後，空間會顯得清爽許多。

巨蟹座

整體運勢
感情運方面，在感情宮位的冥王星相位良好，對於現在的情感是無比的堅定，兩個人同甘共苦，相互信任。某些巨蟹座不自覺流露出佔有欲與控制欲，但對方的人就是喜歡你的霸氣。
工作運方面，火星、金星齊聚在面試宮位，尋求新工作會有好幾個選項，被錄取的機率也很高，但由於火星受到木星影響，薪資與待遇可能都無法盡如人意，會想再等待更好的就業機會。

本週須注意的部分
金錢運方面，在在金錢宮位的太陽與水星受到土星與天王星影響，有些開銷是可以節省下來的，但你卻白白浪費掉了。有投資習慣的巨蟹座，理財請自己好好做功課，聽信小道消息容易慘賠。
交通運方面，火星持續在交通宮位行進，受到疾厄宮位的木星影響，開車當心發生行車糾紛，或被開罰單，甚至遇上無妄之災，行車記錄器請維持正常運作，必要時可釐清一些問題。外出請特別注意交通安全。

獅子座

整體運勢
金錢運方面，金星與火星齊聚金錢宮位，由於理財得宜，手頭十分寬裕，會想買一些奢侈品，好好犒賞自己。在財務宮位的海王星相位良好，有投資習慣的獅子座，在這段時間重新做理財規劃，放長線會有不錯的收益。
健康運方面，在健康宮位的冥王星與海王星有良好連結，不惜任何代價，接種到較為先進有效的疫苗，對傳染病較有防護力。某些獅子座持續找到不錯的運動方式，會發現自己的身體狀況有所改善。

本週須注意的部分
工作運方面，在志業宮位的天王星受到命宮的太陽、水星，以及夥伴宮位的土星影響，合作夥伴與你的理念背道而馳，兩人合作的意見分歧，許多問題溝通不良，感覺工作更疲累。
感情運方面，在感情宮位的土星與木星相位皆不良，心靈過度依附在喜歡的人身上，但對方有時並不能那麼體貼你的心情，對於愛情會有些失望，也會質疑自己是否對於對方還有沒有情感。

處女座

整體運勢
感情運佳，在戀愛宮位的冥王星與海王星相位良好，此時沈浸在新戀情中，並認定對方是與你走一輩子的人。單身的處女座，最近正在迷戀偶像、追劇，容易對戲劇式的戀情過分憧憬。
人際關係方面，金星與火星齊聚命宮，幫助他人會獲得很多回饋，在人際關係中變得討喜，博得許多好感。某些處女座遇到困難會受到貴人幫助，或是獲得有錢都買不到的珍貴物質。

本週須注意的部分
工作運方面，木星與土星齊聚工作宮位，目前在職場扮演的角色十分吃重，對外看似風光，卻也有很多責任要扛，工作有過勞的傾向，許多處女座對目前的工作萌生辭意。
健康運方面，火星與金星齊聚命宮，當心血光之災，容易發生意外傷害，以及意想不到的急性疾病，代謝狀況較差，有發福的傾向，慢性疾病容易在此時急速惡化，工作太過勞是主要因素。

天秤座

整體運勢
工作運方面，在工作宮位的海王星相位良好，在職場退居二線，不需再背負過多的責任與壓力，工作相對輕鬆，並得心應手。某些天秤座已經習慣於在家辦公或接案的日子，省去很多通勤、裝扮的時間。

家宅運方面，在家宅宮位的冥王星與海王星有良好連結，討厭的鄰居終於搬家了，居住環境會比過去安寧許多，某些天秤座，若家中有生病的家庭成員，身體狀況會好轉。

本週須注意的部分
感情運方面，土星與木星齊聚戀愛宮位，受到太陽與水星、以及火星的影響，某個人的出現使你精神出軌，然而已經有穩定的關係，心靈層面上感到十分煎熬。某些天秤座，暗戀的對象會被情敵橫刀奪愛，只能怪自己太優柔寡斷。
金錢運方面，在財務宮位的天王星受到土星以及太陽、水星的影響，聽信小道消息，以賭博的心態投資，會因此慘賠，甚至負債累累。某些天秤座當心捲入財務糾紛，必須要尋求律法的管道解決。

天蠍座

整體運勢
面試運、考試運方面，在考試、面試宮位的冥王星相位良好，參加各種甄試、資格認證、或是面試新工作都可以跨越門坎，順利錄取。並可進入理想的單位服務。
人際關係方面，金星與火星齊聚人際關係宮位，因為對朋友的義氣相挺，可獲得對等的回饋，讓你感到友情的可貴。某些天蠍座在遇到困境時，會有貴人伸出援手，感到十分慶幸。

本週須注意的部分
感情運方面，在感情宮位的天王星受到土星、太陽的影響，除了對方忽冷忽熱的性格讓你難以捉摸之外，現實層面的落差、以及周遭人士不看好的情況下，都讓這段戀情難以發展。
工作運方面，水星與太陽合相在志業宮位，受到土星的影響，家庭與工作兩頭燒，感到身心俱疲。某些天蠍座因為工作的調動，必須要離家或是搬家，即便是很好的發展機會，也會想放棄。

射手座

整體運勢
金錢運方面，在金錢宮位的冥王星相位良好，留得青山在，不怕沒柴燒，目前有穩定的收入進帳，即便不算是太多，但終究可以過日子，偶而還有一些外快可賺，生活感到踏實。
工作運方面，火星與金星齊聚志業宮位，目前正承接一個光鮮亮麗的任務，相對而言也十分忙碌，常常無法回家。如果能執行完美，將會帶給你驚人的成就，身價也會水漲船高。

本週須注意的部分
交通運方面，在交通宮位的土星與木星相位皆不良，駕駛車輛當心交通事故與糾紛，被開罰單機率較高，搭乘大眾運輸工具也要當心突發事故，出門需特別注意交通安全。
家宅運方面，在家宅宮位的海王星受到金星影響，因為工作太過忙碌，無法好好整理家宅，居家環境有些混亂。某些射手座的家人過分介入你的工作與生活，使你感到困擾。

摩羯座

整體運勢
工作運方面，在面試宮位的海王星與命宮的冥王星有良好連結，目前會收到許多單位的錄取通知，但工作性質差異很大，不知從何選起。工作穩定的摩羯座，斡旋任何商務合作與廠商相談甚歡，很快就能簽約。
旅遊運方面，在旅遊宮位的海王星與冥王星有良好連結，會選擇較有挑戰性的方式旅行，像是攀登難度較高的山嶺，或是騎自行車環島，需要很強烈的意志力完成，可看到想象不到的風景。

本週須注意的部分
感情運方面，在戀愛宮位的天王星受到土星與太陽、水星的影響，在親密關係上無法獲得滿足，即便有了穩定的交往對象，內心與身體依然感到空虛寂寞覺得冷。單身的摩羯座會把錢都花在迷戀偶像上，會覺得比談戀愛輕鬆許多。
金錢運方面，在財務宮位的太陽與水星受到天王星與土星影響，家中的小孩、寵物身體狀況不佳，會花很多醫療費用在孩子身上。有投資習慣的摩羯座，千萬不要炒短線，容易慘賠出場。

水瓶座

整體運勢
金錢運方面，火星與金星齊聚財務宮位，容易被新穎的商品吸引，不惜分期付款購買昂貴卻不實用的電子產品。有投資習慣的水瓶座，小試身手就賺了不少錢，又會把賺來的資金再投入市場，沈迷於金錢遊戲中。
工作運方面，木星退行回命宮，曾經錯過的一個好機會，會再度接洽你，並願意給予更好的待遇，但相對來說壓力也會特別大，挑戰性極高，你會再三思考接下這份職務的可能性。

本週須注意的部分
感情運方面，在感情宮位的水星、太陽受到土星、天王星影響，與另一半的家人相處不來，連帶也影響兩人的關係。某些水瓶座則是夾在家人與伴侶之間兩面難為，雙方溝通不良。
健康運方面，火星與金星齊聚疾厄宮位，相位不良，當心刀火燙傷見血光，容易發生意外傷害，不要涉入危險的行動與地區，注意人身安全。這段時間當心病毒感染，使得喉嚨發炎、失聲。

雙魚座

整體運勢
人際關係方面，在人際關係宮位的冥王星相位良好，不要覺得自己是獨自奮鬥，其實有許多人脈都是你堅實的後盾，在需要資源之時，這些人都會成為你堅實的團隊。

本週須注意的部分
感情運方面，金星與火星齊聚感情宮位，相位不良，對喜歡的人常常耍任性、恃寵而驕，但最近對方情緒不是太好，容易突然暴怒，甚至因此分手，壞脾氣收斂一些比較好。
工作運方面，在工作宮位的水星、太陽受到土星、天王星影響，對於目前一成不變的工作有些厭倦，萌生辭意，想尋求有趣的產業挑戰，但隔行如隔山，想投入的領域，怎麼嘗試都不得其門而入。
健康運方面，在健康宮位的水星、太陽受到心靈宮位的土星、與交通宮位的天王星影響，當心病毒感染，引發呼吸系統的疾病。精神壓力較大，睡眠不足，容易感到憂鬱。這段時間要特別注意交通安全。