足本睇片🎥：https://bit.ly/3nu62aS 不經不覺我在《飲食男女》拍片分享菜式原來已經一年了！一直為大家示範的都是家庭菜。今次轉一轉口味，為大家示範三個派對小食，做法真的非常簡單，材料去任何一間超市都買得到，真的太好味，價錢比在街外吃平太多！反正限聚令大家都要留在家中吃飯，睇多啲Son姐煮場，就唔怕冇煮意啦！ 記得當年小時候，牛油果在香港非常極之罕見，價錢亦貴到嚇親人，因為我父親喜歡食，幸運地我細細個就有機會食。至於牛油果醬Guacamole因為冇人識整，所以只能去餐廳食，配Tortillas chips，整番杯啤酒 cocktail 或者白酒，真係人生一大樂事，正到冇得彈！我最喜歡和老友們去怡東酒店Dickens Bar，除了每日的咖喱自助餐還有Guacamole同埋Melted cheese nachos非常極之正，可惜怡東酒店拆卸了，此情不再只能成追憶！ Egg mayonnaise 其實非常容易整，呢個我細細個就識，只不過以前唔識得加芥辣，大家不妨試試，沒有加芥辣的口味非常寡，芥辣加蛋黃醬真的有magic! 不過一般人用來夾麵包，我喜歡用來做沙律及appetizer，配Tortillas或者薯片都得。不同牌子不同產地的蛋黃醬及芥辣做出來都有不同的效果，大家不妨試試。而且做法簡單和小朋友一起做，不失為一個有得玩有得食，有益有趣味的親子活動。 香港人可能比較少接觸的應該是sour cream吧？Sour cream以前很難買得到，即使今日只有大型超市有機會買得到，畀個貼士大家，佢專門買整餅材料的地方很多時候都會有。加sour cream焗蛋糕，焗出來的效果特別moist，完全不會有酸味。至於配食物，和焗薯還有薯仔皮是冇得輸的配搭，簡簡單單加一些小香葱chives，就是一個冇得輸的派對小食。 所以今次一次過和大家整個派對三寶，買幾包tortillas甚麼口味都可以自己喜歡就得，我的心水推介牌子是M&S，平靚正！想嘗試一下新食法的話，亦可以配Pita bread或者baguette，更加飽肚！ 每次為大家寫食譜介紹對我來說都是一個大挑戰，因為我份人最為食一定越寫越肚餓，偏偏我是一個飲水都會肥的人，豁出去繼續寫真的是捨命陪君子。希望大家多多支持捧場，等我肥都肥得有價值，功德無量！ 牛油果醬 材料： 牛油果4-6個 芫荽1紮 番茄2個（大） 檸檬1個/檸檬汁1小碗 做法： 1.取出牛油果肉，用叉壓碎，加入檸檬汁拌勻 2.芫荽洗乾淨抹乾水切碎 3.番茄切碎 4.全部材料加入牛油果醬中拌勻 5.加入適量黑胡椒及鹽調味 Egg mayonnaise（蛋沙律） 材料： 雞蛋10隻 蛋黃醬1大碗 芥辣1湯匙 胡椒粉、鹽少許 做法： 1.雞蛋烚熟後，浸凍水去殼切碎 2.加入蛋黃醬及芥辣 3.加入黑胡椒及鹽調味 香葱酸忌廉 材料及做法： 酸忌廉1盒 香葱1小紮切碎 可加入黑胡椒及鹽調味 示範：Son姐 攝影：陳秉謙、葉天榮、魯雋華 #飲食男女 #飲食 #小食 #食譜 #香港 #香港美食

《The Captain’s House🦞-Part 2》 上一個post#草根食在尖沙咀 講咗呢一間服務好好嘅西餐廳，循例又係出兩個Post介紹埋餘下嘅食物。 . 📍墨西哥芝士醬粟米片（$115） Nacho of BBQ Chicken or Taco Beef Nacho焗得香脆，表面加上大量肉醬🍝、芝士🧀及蕃茄粒🍅，加上本身調味適當，食落非常惹味。份量不少， 適合與朋友分享😆。 . 📍路易斯安那特色蟹餅（$108） Louisiana Crab Cake 蟹餅焗得脆身，中間有滿滿蟹肉🦀，量多而且味道鮮甜，加上表面唧上蛋黃醬，不錯👍🏻。 . 📍Seafood Platter（$398） (卡薑蒜蓉汁 Cajun Garlic Sauce) 這次點了最Basic的海鮮包，內有3款海鮮，蜆肉、青口及鮮蝦答10件，自選醬汁點了卡薑蒜蓉汁。海鮮包內還配有薯仔🥔、粟米🌽和腸仔，醬汁蒜味非常香濃，而且帶辣味🌶。店員會在食客前將醬汁同海鮮搖勻，打開後熱氣騰騰🍲，視覺效果非常滿足🥰。蝦肉彈牙有鮮味🦐，而其餘2款貝類體積較細，不太突出。價錢上的確頗為進取🧐。 . 📍墨汁鮮魷魚·八爪魚意大利飯（$118） Squids & Octopus with Ink Risotto 意大利飯吸滿醬汁，調味適當。飯中加上洋蔥🧅增加咬口，另外配上半生熟八爪魚🐙，有咬口之餘味道非常新鮮，好食😋🤟🏻。 . 📍New York Cheese Cake ($78) 芝士蛋糕味道濃郁🧀，同坊間嘅cheesecake 唔同，蛋糕中間混入餅底碎🍪，口感非常creamy而且非常實在🍰，值得一試❤️😆。 . 📍Mid Summer Dream （$58） 📍Sugar Kiss （$58） . 全晚店員嘅服務態度都好好❤️令人食得非常開心，抵讚啊！ . The Captain's House (尖沙咀) 尖沙咀厚福街8號H8 18樓 . #草根食在尖沙咀 . . . . . . . . . . . . . . . . ________________ #sweet #pizza #bread #cheesecake #seafoodplatter #Risotto #prawn #shrimp #junkfood #尖沙咀美食 #food #yummy #hk #hkig #hongkong #香港 #meat #love #尖沙咀 #seafood #nachos #potatos #curry #crabcake #dessert #beef #cheese #burger #thecaptainhouse @the_captains_house

【Lost Stars Livehouse Bar & Eatery】坐落大角咀利得街利奥坊，是一家結合本地音樂人現場表演及多國菜餚的餐廳。店名取自講述音樂人逐夢電影《一切從音樂再開始》之主題曲《Lost Stars》，寓意香港未被發掘之樂星，可在餐廳舞台上展露光芒。 餐廳佔地3,000呎，擁超過100個座位，樓底高又沒有柱位，空間感十足。正門採全落地玻璃設計，高貴華麗。店內裝潢時尚優雅，設計蘊含音樂元素。晚餐時段燈光柔和，充滿浪漫氛圍，很適合情侶約會慶祝。 餐廳侍應誠懇有禮，甫坐下便細心介紹餐牌，講解個別食物供應情況及簡述期間限定酒品。 餐牌由法國藍帶國際學院的廚師設計，"Lost Stars精選小食拼盤"分量十足，有啤酒漿炸車打芝士粒、單骨棒棒雞、墨西哥脆片、蛋黃漿炸牛油果條及精選沙律。伴以清邁辣醬、蛋黃醬及千島醬。 單骨棒棒雞以雞翼拆骨捲成球狀，吃起上來惹味又方便。車打芝士粒外脆內裡呈流心，芝香味濃，只有2粒有點不夠喉。炸牛油果口感厚滑，質地軟綿，與蛋黃漿脆皮帶來雙重口感。 墨西哥脆片雖不算特別，不過蘸些集酸、甜、咸、辣味道的自家製清邁辣醬，風味立即大大提昇。吃罷大量炸物，來些新鮮清爽沙律菜平衡一下剛好。 主食"黑松露烤農家鮮三黃雞 佐黑松露雞油"乃主廚得獎菜式，當然不能錯過。烤雞一客半隻，雞皮內釀了一層麵包糠，滲透濃濃香草氣味。雞肉脂香味濃，嫩滑鮮美，外皮香脆，帶淡淡黑松露香氣。 麵食點了"瀑布芝士配素肉白菌雅支竹手製寬條麵"，海量芝士完美掩蓋著蕃茄醬寬條麵，驟看起來還以為是白汁意粉。茄醬酸香濃郁，與芝士拌勻吃也不覺太膩。 配料用上Impossible植物肉，食味和質地與牛肉碎幾可亂真。雅枝竹爽腍清甜，配合大量菇類及茄粒，口感豐富。寬條麵如可煮得更有咬口，定更美味。 Lost Stars精選小食拼盤 ($238) Lost Stars Snacks Platter 黑松露烤農家鮮三黃雞 佐黑松露雞油 ($278) Grilled Fresh Chicken with Black Truffle & Breadcrumbs 瀑布芝士配素肉白菌雅支竹手製寬條麵＠Impossible ($198) Homemade Fettuccine with Waterfall Cheese, Mushroom & Artichoke ＠Impossible Lost Stars Livehouse Bar & Eatery @loststars.livehouse 地址: 大角咀利得街11號利奥坊一期地下506號舖 電話: 23376728 #coffreestains #咖啡痕 #chicken #チキン #치킨 #truffle #fettuccine #cheese #チーズ #치즈 #mushrooms #artichoke #snack #nachos #avocado #salad #loststarslivehouse #loststars #livemusic #livehouse #hklivehouse #hkmusic #livehouserestaurant #taikoktsui #黃店 #黃色經濟圈 #yelloweconomy #hkfoodie #foodblogger #hkfoodporn