有咩學校邀請我去唱一兩首歌個d我成日personally覺得浪費時間（整concert算）同埋大學生唔應該因為咩「星」唱歌而好開心like d錢不如做翻d有意義嘅嘢所以我e兩個月係咁講talks/seminar（奇怪嘅堅持）

but then尋日同prof 傾計發現大家都係好想見到d「celeb」輕鬆下，唔通次次要反思文化研究同埋文學鑑賞，返學已經好疲倦。omg我可以考慮下😂但係大家唔可以pay我少過林dooddood唔係我說服唔到自己係一班陌生大學生面前唱～旋轉with me* MMO 🧘🏻‍♀️

#樹日自省

【如何誕生 劉威煌 Rebirth 音樂會 2021】

長話長說：

我想慢慢講番呢一年既經過，一世人有一次，心滿意足了。

心路歷情Part Two 『小小的突破』『心理障礙』

2020年5月

轉左去專頁到玩，真係多人左，我過左100大關喇，好興奮，好多朋友入到黎對我第一印象就係"不離不棄"有D就話係"情越雙白線"，有D就歌名唔記得，記得"的士"，唔緊要啦...都叫做記得嘛...😂

第二日我就好開心同阿中夜晚去左慶祝食車仔麵😊，同佢傾話我覺得幾好玩，又可以練歌，最重要係有人肯聽，不如我定每個星期一日玩，我又唔辛苦，同埋感覺定到時間大家想追睇都會容易D。

我好記得大家都鐘意我唱Beyond，我就猛咁唱，我得閒就叫朋友們覺得好就share比其他人，我就繼續唱，唱到瘋癲左，深2:00...3:00，我都覺得自己痴左😅😅

因為人唔算好多，可以清楚睇到大家寫乜，點下歌，識唱就即刻搵音樂，都幾攪笑，有時D名容易讀D都會讀下，有D名同留言除左睇唔到，就係唔多識讀，你知D網名咖啦...😐

老婆話背景太單調幫我加左個大相架，我就仲係覺得D聲未夠好，後來發現完來FB會將聲音壓縮，所以點整都唔會係最好...😌

我上網都係用Wifi，正常上下網當然無乜問題，但直播要順唔好中間斷同窒既話，Wifi一定要穩定，我即刻走去換D勁既Wifi機，又話穿牆又快又盛，感覺好似好少少。😎

好多人會之後問，點解無得睇重播，主要原因係重播都無用，因為我用MMO玩，所以會涉及到版權問題，FB查到就會刪除D聲音，咁留黎都無用啦...😐😐

新增左點歌環節，星期四點，星期五唱，我以為好輕鬆，點知原來咁做時間好趕，唉唔緊要啦，乜都試下啦又唔駛死既😅

開始經常出現FB警告我，話我播緊其他歌手既歌涉及版權，唔理佢唔知幾耐就會cut，唉啊...辛苦儲落黎一齊睇既人，一cut就煙消雲散，無奈...不過我次次都忍唔住，再開😆

突然開始有好多inbox同Mail，話佢地平台好全面，可以唱歌又可以賺錢，一D又話我地直播平台好勁秋，可以幫你搵到數十萬粉絲，全部一律回覆唔好意思，我玩下咖咋，無諗到咁大，日後有機會再合作啦...😄

我心諗人多無乜用，我寧願有一個真知音都好過千個假AC，而且我又無話要用黎賺錢，要做我一早街頭賣唱啦，同埋真係唔夠資格，唱得未夠好囉😒

所以我就鐵定心我既Live絕對不能收錢，咁樣我就無壓力，唱得唔好都唔會比人鬧嘛😅😅

係咖，我唔鐘意比人鬧，人開始多，開始好多不知名AC入黎鬧我，我唔知係唔係殺左佢地父母之類，又食屎又收皮，幾難聽都睇過，我多次講唔鐘意就唔好睇嘛，我又無逼你，我記得我有次都好似發左火...用左我成5分鐘定10分鐘去講...

我後來就特登禁入去睇睇佢Profile，點知全部都係乜野都無post過，有D連頭象都無，明人不做暗事，用假AC齋鬧，都真係要去到幾無聊先做得出？知道自己行為低劣要穩藏自己？😓

但我諗呢個問題一直在網絡存在，亦唔係我一個人遇過，可能佢地覺得好過癮，諗諗下其實都幾可憐，因為毫無說服力，我其實好想問係唔係對我有乜誤會？我樣衰你可以睇第二個，我難聽立即轉台，好多選擇啊😐

當時我完全未學懂放下，有時開live之前都真係怕D假AC又出現，我唔知點算，又怕我自己又發火，我明知越發火佢就越開心，我感到好矛盾同無奈。

我因此苦惱左幾日，有日我突然想起一句前輩同我講既說話(我唔記得左邊個講)，《你浪費時間去應酬一D唔了解唔鐘意你既人，點解唔放時間去關心一下你身邊對你好既人呢？》

跟住呢句話就一直係我心入面，每次遇到呢D我都會提醒自己，起碼舒服少少啦....

待續...

【劉威煌 Rebirth 音樂會 2021 如何誕生】

長話長說：

我想慢慢講番呢一年既經過，一世人有一次，心滿意足了。

心路歷情Part one 『疫情下之"決定"』

2020年4月

疫情嚴重無乜得出街，就黎發霉突然之間諗，自己練歌好悶，不如試下直播玩啦....😁

屋企有套幾年前既設備但無深入去研究，我想FB直播唱歌，又唔想勞師動眾但又要好聲應該點攪？😒

反正都有D時間，一於研究下玩下，就係咁樣就開始左我既FB直播。

用既係MMO，唔駛煩，好似唱K咁，自己點自己唱。

個調音器應該點攪只好上網搵資料，得好少人分享又唔明佢講乜，自己逐個掣去摸去試啦唯有。

支咪又係四年前買落既產物，應該夠做掛？😓

都無得出街，自己書房都乾淨既，背景乾淨到得一面白牆(見人地直播個背景好靚)，唔緊要啦，簡潔啊嘛...😂

直播軟件，好多功能都唔知點用，集中聲音個Part去試啦。

就係咁，摸索到覺得都應該ok，4月7日第一次係我個人FB玩左直播唱歌，高峰40人，大部份係老朋友撐場，唱左都有兩個鐘左右，完左。

感覺都幾好玩喎，唱既時候都幾好Feel，仲有得自己聽番重溫，一聽完...我即刻Del左佢...唱乜野啊大哥，出黎D聲古古怪怪唔係我想要既野。😒

繼續摸索再摸索，一星期後覺得又可以試試喇，又黎，今次多左人，高峰差唔多有50。

有進步喎，睇見好多人都有玩直播，一於入去偷下師先，呢個唔識既一睇200人、第二個又唔識既300人...

我都好想過百人睇啊，好玩D嘛，於是我決定要試一試，首先唔好係我個人FB玩直播，試下係專頁玩先，反正我都想加強我唱歌既功力。

第一個目標！我要過100人睇💪💪💪💪

待續……

2018年我很欣賞的其中一位新人 :)
伴奏是他給我升Key的﹐哈哈哈!
謝謝你把珍貴的MMO 無私的分享

《有夢要想》Happily Ever After Cover - 香港迪士尼樂園十週年慶典粵語版 主題曲－非官方版本

Cover 主唱 : Jacky
原唱 : 謝安琪
作曲：Andy Dodd & Adam Watts
填詞：林夕
編曲：張人傑

從來摘星者 腳踏地殼 競賽
從來夢中花 不醒覺了 不會開
找到繩 攀上山 不夠精彩
將那海 用來沐浴先要喝采
過去有險要探 所以路存在
這一刻可決定未來
從前是荒島 成就舞台
不必等觀眾坐下來
門可以打開 全賴你在 我在
去掌握所愛 世界那會是障礙
(Happily Ever After)
不信 過去已注定未來
敢信 每秒也鑄造未來

從來夢想家 信就自信 愛便大愛
誰會妙想天開 原先只有你 敢期待
可以改 所以改 不算精彩
將妄想 改變現實先要喝采
過去有險要探 所以路存在
這一刻可決定未來
從前是荒島 成就舞台
不必等觀眾坐下來
門可以打開 全賴你在 我在
去掌握所愛 世界那會是障礙

敢愛 每秒正創造未來
敢信 Happily Ever After

＊本歌曲純粹翻唱作用，並無任何宣傳效果。

JACKY Facebook 臉書專頁 :
https://www.facebook.com/jackyjkhui/

JACKY IG :
https://www.instagram.com/jkjuntaro/

JACKY 新浪微博：
jkjuntaro