［有錢收你都唔收？好啦，唔好收］歐盟卒之唔再迫愛爾蘭收返143億稅

FT原文：Apple wins landmark court battle with EU over €14.3bn of tax payments　（https://on.ft.com/3fsjVTM）（免費link！）（＊）

TLDR：幾年前嘅鬧劇，歐盟要蘋果交返稅畀愛爾蘭，愛爾蘭堅持唔肯收！而家卒之成功爭取，唔使收。蘋果慳返143億歐元—都等於一季嘅純利，唔小嘢。

1. FT呢張圖真係揀得好。其實埃汾都好重視揀圖，同一單新聞，我揀邊個cap，都好多學問

2. 故事望落好似幾簡單，就係蘋果有143億歐羅嘅稅可以唔使交。但成件事起因係乜起因，又有乜影響？就要講多啲。

3. 就由支旗講起，愛爾蘭（定你以為係象牙海岸／科特迪瓦？）

4. 點解關歐盟事？因為蘋果爭嘅錢，唔係爭美國，係爭愛爾蘭。而愛爾蘭係歐盟成員。

5. 蘋果爭愛爾蘭政府稅，未交咯。但成件事最好笑係：愛爾蘭政府之前一路唔肯收！是真的！（https://bit.ly/3gZsaqT）所以你唔好以為係蘋果拖數歐盟幫愛爾蘭追！而係歐盟之前一定要愛爾蘭收返啲稅！夠唔夠奇怪？

6. 成件事嘅元兇係：愛爾蘭好低稅率，蘋果近乎冇乜點交稅。而歐盟覺得咁樣有問題，一定要愛爾蘭收返，要蘋果交返！

7. 個故事就係，其實我都寫過，好多公司都將歐洲總部設在愛爾蘭（https://fbook.cc/3CJr）。並唔係市場大，而係因為，稅低！

8. 舊文舉嘅例係飛機租賃公司。而其實更重要嘅係，一大堆科技公司，歐洲總部都設在愛爾蘭！Facebook呀，UBER呀，AirBNB呢啲公司，基本上總部放邊都冇乜所謂，咪搵最低稅嘅地方。全部盈利打晒入去，至少歐洲嘅盈利係。

9. 有幾低稅？愛爾蘭原本嘅稅率，收12.5%，已經比歐洲（甚至全世界）絶大多數地位為低。唔止，畀科技公司，甚至係低到2%。仲唔止，仲要咩研發呀之類，仲有得扣稅。所以實際上，蘋果在愛爾蘭嘅effective tax rate，低過1%

10. 咁，又關其他人乜事？就關事咯。如果愛爾蘭唔入歐盟，都仲可能吹你唔脹（但應該都唔係，仲有其他盟）。入咗歐盟嘅，咁你即係搶生意啫，人人咁高稅你咁低，咁啲公司實走晒你度，人才又去晒你度（所以記住，愛爾蘭啲人才，係因為低稅先走過去，未有呢樣嘢前，唔記得勞工質素有幾高）。其他人仲得了？

11. 講白啲，其實同合謀定價一樣。唔畀減價搶生意。不過係政府帶頭。人人都要收咁高稅，唔畀收平。

12. 個理據就話，愛爾蘭收咁低稅，就等同國家補貼。而聽聞呢，呢類東西，係禁止嘅。但凡乜乜貿易協議一定嘈呢啲。但實行起上嚟就極其複雜。美國話中資銀行平錢借畀國企係補貼，之但係聯儲局直接買債又唔係補貼？中東三寶（航空公司）啲超平油超低稅又畀人話補貼。日本津貼農產品（民主嘛，要拉農村票）又係補貼。有排拗，亦益咗好多律師。

13. 最搞笑係，其實最初歐盟判蘋果要交稅返畀愛爾蘭，美國係出嚟鬧的！就梗係唔係維護企業。而係蘋果長年將啲錢泊在海外—你交咗畀愛爾蘭政府，我咪冇得等你調返嚟時抽稅？！（順手講埋，當時係奧巴馬。反而後來侵侵上台係減咗呢啲嘢，所以啲科企有掉返錢返美國）

14. 講到尾，其實你低稅，就等同樣Beggar thy neighbor　以鄰為壑（到底有冇人用呢個中文詞？）。不過愛爾蘭當時包裝係吸引人材，就梗係好多人讚好。同樣地，美國加關稅就梗係Beggar thy neighbor，不過亦好多人讚好。

15. 而當然，愛爾蘭都係計算啫。你入歐盟，咪又要跟呢個玩法。唔順超嘅，可以脫歐的（當然我懷疑脫歐都係可以照搞你，例如你見波音同AirBus都係互鬧足幾十年）。咁你有冇見愛爾蘭話脫歐丫？留低，咪要跟規則

16. 一個關鍵係，愛爾蘭早早用歐元，而英國唔係。當然你好多戀英網友會話歐盟左膠呀歐元區崩潰咁。但事實係，2010咩歐債危機時已經咁講，事隔10年，你見咩意大利希臘，有冇放棄用歐元？有冇一個國家放棄用歐元？反而係大把國家仲爭住入歐元區

17. 順帶一提，理論上，港紙同美國脫勾，掛歐元都得架！

18. 講多兩句，其實全世界其他政府，都會針對呢啲低稅地方。基本上tax heaven 就畀人當係洗黑錢天堂，無非亦係為咗$。除咗公司外，富豪亦都可以避稅，去第個國家做公民。早排仲有單嘢，某富豪因為封城，在某國留得太耐，結果要交足稅。

19. 做銀行做稅務嘅，會知咩係CRS Common Reporting Standard，亦係為免你走稅。因為而家（至少早幾十年係）全球化，你要走嚟走去太易。

20. 亦都所以，如果真係好小心呢，去咩台灣嗰啲，我就建議你唔好開匯豐　星展　花旗　之類嘅戶口。原因？台灣收稅都唔少，利息要收稅，好似仲有資本增值稅。你在香港啲東西，畀銀行見到，可能幫你報去台灣。所以識玩就搵啲最十九嘅銀行，咩彰化銀行　土地銀行　嗰啲就perfect．咪撚貪台灣星展啲台妹靚呀

21. 你睇，又塞錢又你袋，真係幫你慳返唔少錢。快啲去訂片啦。今次好似冇乜人訂！問嗰時又個個話一炮過！唔係200蚊嫌貴嘛？但時間長一個開喎。

22. 最後講股價，你見嗰143億歐羅嘅稅唔使交，咁蘋果講緊一季嘅盈利都係咁上下數，無啦啦多返一季盈利，都幾好。不過你見股價都只係升少少，一來呢舊數係one off。二來科技股近日都弱。三來之前股價都升咗唔少了，一度挑戰400蚊但未成功（399.8就跌返落嚟）。而家講緊係17000億美金市值嘅公司—有幾誇張？舊年咁上下時間，先寫緊　four comma club（ https://fbook.cc/3CJq），10000億市值（1 trillion，1,000,000,000,000，咪四個comma），嗰刻只得微軟一間係會員，但其實蘋果更早入會，只係嗰刻跌出咗。

（＊）拿，真係賣大包手快有手慢冇。FT當然要錢訂，埃汾都有訂，但當然唔少人覺得貴，或者又驚畀咗錢未必有好多時間睇。明白嘅。作為訂戶呢，FT容許埃汾一個月免費share 20篇文，咁我可能留返幾篇畀公司同事。其他得閒我就會貼呢度．不過，掃興在，條link只可以開三次！所以只有最快嗰三位先可以（咁你可以一條友開三次咁仆街嘅）。另外，嗰個月用晒免費link，我就唔會再免費link三隻字，免得你入到去又見到係科水（但當然，如果有3個人快手過你就冇計，所以記得mon實）

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

這家以色列公司,正在徹底改寫'全球貨櫃運輸'

因為貨櫃重量之虛報而造成的海難,以及在全球貨櫃場(碼頭)所造成的事故”:
(1)2006年一月,P&O Nedlloyd Genoa在裝船中造成甲板貨倒塌
(2)2007年二月,MV”Limari”在Damietta港,裝船中貨櫃倒塌
(3)2007年一月,MSC Napoli在英倫海峽航行中船身折斷
(4)2011.2.25在澳洲達爾文港,超重貨櫃墜落,2個工人死亡
(5)2011.6月貨櫃船Deneb在Algeciras甲板貨因船隻傾斜入海
(6)2013年6月17日MOL Comfort在葉門外海船身折成兩段

2016年7月，國際海事組織（IMO）發布了一項強制性要求，要求所有的貨櫃要提供”秤重”及準確的VGM" VERIFIED GROSS MASS",並於2016.7.01實施. 新修訂的SOLAS 公約規定貨櫃必須稱重，並將經核實的重量（即VGM）報給船舶經營人及碼頭運營商。VGM為託運人,船舶帶來大幅成本支出,及額外工作.然而最近這一切可能因為一家以色列實驗室的專利而為貨櫃運輸帶來”革命式的改變”

Contopia Labs，由以色列內蓋夫本古里安大學工業工程和管理系的Rami Pugatch博士領導，該實驗室的業務部門將由Loginno創始人Amit Aflalo擔任主席。
Loginno的專利技術，是它將利用傳感器在貨櫃通風口中的位置，將貨櫃的聲學和振動結合在一起。來測量重量,當然,這種傳感器也可同時結合GPS位置並藉由網路上傳至各有關單位.
有人預測,這即將成為“運輸業的Google”, “這是關於改變遊戲規則並為整個多式聯運物流鏈提供價值。使用托運人到港口，碼頭，保險公司，海關和國土安全局，每個人都可以使用智能貨櫃更加有效地運作。”
該中心將把研究重點放在”實時”貨櫃庫存管理，港口和船隻連接以及數位貨櫃密封的新技術上。

此計劃的一部分，他們於2019年6月通過競賽選擇巴西Log-In Logistica作為世界上第一家將其全部20000個貨櫃船隊 轉換為完全智能的支持IoT的航運公司。 。
Log-in Logistica擁有這項最新專利的稱重技術，也將是第一家提供Loginno獨特的SOLAS VGM稱重服務的運輸公司，從而為其客戶和合作夥伴帶來更多價值。Loginno目前正與行業領導者（例如Navis，勞氏船級社，以色列航空太空工業，微軟和Marlink）合作開展多個項目。

利用密閉空間中的聲波與共振,來計算貨物之重量,對海運界來說,其功能不僅僅是重載船的應力安全性,對於虛報謊報貨物,也可藉重量之比對而使其”現形”.物理,數學等”理科”的威力,還真不止於”理科太太”.