《生科大包圍》
近日大家最關心既就係美債既孳息，咁係因為孳息上揚，對高估值既股份（尤其係科技同生物科技）都有不利既影響。之不過咁，十年期美債既孳息都去到1.74厘喇，亦都係創左近月既新高，但你有無見到美股納指、恆生科指創近月既新低丫？無丫嘛，點解呢？因為「高增長」始終有價！買股票唔為高增長既為咩先？

科技股既部署我就講得多喇，今日同大家搞搞新意思，講生物科技既板塊。咁岩華夏基金又有隻新產品，又順便介紹埋。生物科技，响我既認知當中，大概可以分成三類：第一係藥物，第二係器材，第三就係技術。頭兩樣唔洗講啦，你地都熟；第三樣就例如係CRO，即係研發外包，簡單黎講，搵人黎做好過自己做。

係人都知道藥明（2269）過往既股價有幾勁，上市至今升左十倍，而佢亦都係CRO既其一要角。只不過咁，一般散戶响投資呢個板塊既時候遇到最大既問題就係唔識揀：响云云51隻相關股當中，有盈利既有，無盈利既（B仔）都有，每間公司研發既藥不同，醫乜病又唔理解，就算係做器材既都有幾種，都唔知點揀。

如果你都有呢個煩惱既話，大包圍囉，無疑係一個理想既選擇。剛剛响尋日，華夏推出左一隻華夏恆生生科（3069），佢追蹤住恆生香港上市生物科技指數黎做買賣，頭五大既持倉包括藥明、京東健康（6618）信達（1801）中生（1177）同阿里健康（241），其餘仲有翰森（3692）藥明康德（2359）同微創（853）等。

買ETF既好處唔洗我講，一句講晒，就係大包圍，係用2400蚊就可以捕捉晒所有既機遇。而且，由於基金分散投資响51隻股之上，升升跌跌、風險同回報基本拉匀，你唸既野又會少好多。操作既策略方面，市場既陰霾未全清，不過股份已經自高位整體回落一兩成，價值逐步浮現，肯定唔係高追，分注儲貨就岩喇！

基金詳情睇呢度：
https://www.chinaamc.com.hk/ETF/Biotech/tc/

🧬

#生物科技股 #恆生香港上市生物科技指數
#華夏基金 #無槓桿 #分注儲 #冧把係3069

【環球財經消息簡報】6.8.2020

今晚夜左少少，唔好意思。

今日好多股值得留意下，內地CRO龍頭公司泰格醫藥今日暗盤表現算不錯，國配超額20倍，值得長線持有一下; 物管公司藍光嘉寶即將公佈業績，今日成交金額極大，接近2億成交金額，配合盈喜預期，股價應該仲有得上; 美國晶片公司英偉達 (NVDA) 即將公佈業績，相信其數據中心的盈利能力會持續向好; 美國遠程醫療服務公司 (TDOC) 股價昨晚因溢價併購而急跌，市場不受落，看看是否有吸納機會。

照舊，需要每日有200likes及10位讀者留言才會繼續，覺得有用，希望大家支持!

1. 美國上周首申領失業救濟人數為118.6萬人，好過市場預期的140萬人，為3月14日以來最低；持續申領人數為1610.7萬，同樣好過市場預期1690萬，亦是自4月11日以來新低。雖然申領失業救濟人數有所回落，但仍處於相對高位。另外，持續申領失業救濟人數減少，或是由於上一輪紓困方案中每周額外600美元的失業補貼在月底已到期。

2. 多位美國共和黨參議員呼籲美國政府加大對美國航空公司的援助; 而美國總統特朗普則表示，將支援再向美國航空公司提供250億美元的聯邦援助。

3. 有卡車界特斯拉之稱的Nikola (NKLA.US)公佈的二季度財報顯示，季度營收3.6萬美元，同比增長177%；淨虧損8664.3萬美元，去年同期虧損1676.6萬美元，同比擴大4.17倍；經調整後，Nikola每股虧損達16美分，分析師預估Nikola第二季GAAP每股虧損爲13美分。

4. 美國國家過敏症和傳染病研究所所長福奇預計，新型肺炎的疫苗最快會在明年初面世，到明年年底的時候，估計可以推出十億劑。福奇接受路透社訪問時表示，未有收到來自白宮的壓力，要求要在今年11月的大選前研發疫苗成功。外界相信，成功研製疫苗的消息，將有助總統特朗普連任。福奇表示，監管當局承諾疫苗的研發及批核，不會受到政治干預，強調疫苗的安全及效用將是首要的考慮因素。

5. 優客工場終止在美國IPO計劃，2017年至今虧損超13億。

6.美國遠程醫療服務公司Teladoc Health (TDOC.US) 與Livongo Health (LVGO.US) 合併。Teladoc Health盤前突然宣布以現金加發新股方式，收購Livongo Health，涉及185億美元。Teladoc Health形容，是次舉動是「高度互補組織（highly complementary organizations）」間之合併，認為這將降低營運成本，並可改善技術。

7. 彭博社報道，波音 (BA.US) 首席財務官Greg Smith表示，目前沒有必要通過新債務籌集現金，以補充流動性，又指會以修補資產負債表為首要任務，公司會審慎監控現金流以應對可能出現的極端情況。

8. 英偉達(NVDA.US)將於8月19日公佈其2021財年第二季度的業績。對分析師而言，若第二季度英偉達的營收超過華爾街預期，也並不是一件出於意料的事情。因為它歷來表現優異，在過去19個季度中，該公司有17個季度的營收超過預期。

【龔成問答信箱】（Q13781-Q13800）

Q13781：

我想請問下呢 潛力股佔成個組合既一半係咪已經太多？如果較進取大部分錢買入潛力股會唔會得不償失？

龔成老師：

潛力股要佔股票組合多少，好睇3大因素，第一，你的年齡情況，如果是年輕的，可較多，年長的，當然不會多。

第二，風險承受能力，每個人不同，能承受較多風險者，當然潛力股的比例可較多。

第三，你本身的投資實力。因為分析潛力企業，要求你有較多的投資知識，因此，若果你的知識較高，潛力股比較較多無問題。

如果你較年輕，本身都有知識，懂得分析企業質素、企業估值，潛力股佔你組合一半，可以的。

------------------------------------------------

Q13782：

我想問強積金個都我應該點樣分布，因為我之前一直都係填100%保守

龔成老師：

強積金，其實模式好簡單，你只需要用你的人生階段去分配就得，唔會炒炒賣賣，唔會成日轉。即是年輕時進取，中年時平衡，到接近退休時就保守。

強積金唔洗轉來轉去，只要簡單分配左，然後慢慢按年齡而調整就得。我自己過往多年，都是100%恆指。

過度保守，會令你輸比通賬，以及輸比手續費。

------------------------------------------------

Q13783：

老師你好，懇求指教

手上持有
#5 800手 $59.95買入
#52 1000手 $25.51買入

請問你點睇#52 跌了很多，應該守著嗎？
另外，#1177 應幾多錢買入是合理區
謝謝

龔成老師：

我地繼續持有一隻股票與否，重點是企業的質素，買入價只是心理因素，因此不要被買入價影響投資決定。

見你投資的股票，都是優質的，基本上可以一直持有。

匯豐（0005）有質素，但賺錢能力的確比過往年代減弱，現時只是一隻收息股，你可以長線收息，但就唔好對股價有太大期望。暫時可以守，但唔好加注。

至於大快活（0052），都可以持有，不用擔心。但香港的社會運動，以及員工等成本增加，會對佢有一定的影響，所以中短期會一般，長線則仍正面。

至於中生製藥（1177），有潛力，但現價略貴，$10以下才是合理區。

------------------------------------------------

Q13784：

龔成老師你好，本人27，希望30歲儲到50,60萬結婚用，今年一月開始月供股票。

現在月供
0823 $3000
1211 $2000
另外持有
1手2318
3手0003
2手0405
仲有5,6萬現金

到時結婚會賣出部分股票套現，以持有3年來說，請問依家投資既股票正確嗎？

另外長遠黎講我知道複利息 需要利用埋股息滾存，但現在月供股票出既股息唔多，只有幾百蚊，不足以買1手，咁應該點做？

先謝謝龔成老師

龔成老師：

3年算是一個中長期投資，勉強都可以。

因為我地投資的原理，就是將資金投入企業，然後等企業成長，但企業成長要時間，因此長線投資會更好。

你上述所選的，都是有質素的企業，比亞迪（1211）是潛力股，但我擔心3年佢未必能見到真正的前景，因此，你要自己衡量翻，如果3年後要繼續持有比亞迪，未能套現，資金上是否無問題。

至於其他股，無問題的，你可以保持投資，到時賣出相對較貴的股票套現。

但你都要留意，股市始終有風險，因此唔能夠全部投資股票，你要有部分持有現金，否則有可能影響了你的計劃。

至於複息問題，累積財富初期，股息少是正常的，你可以先儲起這些股息，到一定的數量後，再投資股票，咁就得。

------------------------------------------------

Q13785：

你好，唔係好識野，想請教下，我睇六福的股價圖，佢2008年個陣個股價係-8蚊，其實係咩意思？

龔成老師：

一般的股價圖，都會因除淨而作出調整的。

例如現價$20，佢派息$1，明天除淨，佢明天的股價會自然地調整至$19。

股價圖為左一致性，會將過往的股價，都下調$1。因此，經過多次派息，就有可能出現負數的情況。

------------------------------------------------

Q13786：

成老師你好 現在我月供兩萬蚊 分別在以下股票 騰訊8000 煤氣4000 地鐵4000 港交所4000

已經持續了超過一年 我打算會供多起碼三至五年 你認為這個比例合適嗎還是作新部署

我不想講供太散 四隻為上限
請指教謝謝你

龔成老師：

上述都是有質素的股票，你可以保持月供。

騰訊（0700）增長力無過往咁強，但長遠仍有質素，你可以保持月供。雖然現價唔算特別平宜，但以月供作策略，長期進行，是可以的。

其實，比較平衡的策略，就是減$4000騰訊，然後加上一隻盈富（2800），唔會特別散，但就能令組合更為平衡。

保持供上述的股，基本上無問題，5年以上較好。

------------------------------------------------

Q13787：

我有努力工作10多年現有太約2,000,000現金，應該如何部署投資能夠早日財務自由，希望老師能夠指點迷津

本人還有持有一個港島區車位，大約1,000,000，但沒有物業在手，應否現在入市買樓收租，還是作其他投資比較好請老師給些專業建議，謝謝老師用心分析。

龔成老師：

現時你有車位，算是有固定資產，因此不用太心急去追物業。

之前政府出招放寬左按揭，會令樓市短期向上，但不建議高追，香港的社會運動，將會影響經濟，這會令樓市在短期升完後，回歸基本面，即是會向下，你等這時，見到有較平的盤才買，見唔到就算。

長遠來說，當香港社會運動過去，樓市又會慢慢向上，所以你都有投資物業的價值。

所以，你這刻可以留有一定的現金，部分資金可分注投資優質股，平穩增值類就得，盈富（2800）等類別適合你的，同時等上面的策略。

------------------------------------------------

Q13788：

Sir,大吉利是但同時係投資嘅問題，早前有親人離世，才發現了骨灰龕位都會升值，請問這算不算投資的一項？算是資產嗎？

因為香港的大部份骨灰龕場要重新發牌，獲正式發牌的位又是貴一倍以上，而且又算是「有需求」的東西。

龔成老師：

骨灰龕當然是一個資產項。

其實，土地是一種重要的資產，這點由古至今都是，因為有土地就可以有不同的用途，並能因此而為持有者，產生經濟價值。

現時，土地產生了多種模式，都是有一定的資產價，所以，你上述的方向正確。

但再一類資產，都有當中的需求、發展，你一定要仔細分析。投資骨灰龕並不是我的強項，你如果投資，之前一定要經過仔細研究，唔好單單從過往的價格就認定這刻一定有投資價值。

------------------------------------------------

Q13789：

Sir，分析完最新六福年報，見到佢今年經營現金流負數，由於佢大量買入存貨，但咁岩今年遇正貿戰，好既係睇得出佢好進取，壞既係可能令佢有存貨積壓，不過都見佢將來都想發展供應鏈解決依個問題你點睇？

而且佢自由現金流都因為資本開支大左令佢有負數，不過依樣係會計上既計法令佢負左，我覺得冇乜問題

依家個合理價睇佢有機會發展電商而且快速拓展中國市場，所以我預計佢合理價位約HKD 25 - 29

龔成老師：

佢今年的確有存貨積壓的問題，其實早一年，唔少零售企業都預期零售市道慢慢向好（因為之前有平穩不差的情況），所以入多左貨都是正常。

但其後發生貿戰，更因為人民幣貶值，令自由行消費力減弱，這都令六福（0590）出現上述情況。

到近期的香港情況，只會令問題更大。

上述種種因素，都反映六福面對一個不利的經營情況，中短期不會樂觀，不過，六福有能力捱得過，第一，佢財務穩健，現金足夠，流動比率合格，因此不擔心佢會有好大問題，只是中短期的。

第二，佢不少存貨，都是一些有價值的項目，例如黃金，這類存貨比起其他零售行業的存貨，有價值得多，因為不會因為賣不出貨而價值大跌，所以不用擔心。

合理區可以再調低返少少，以反映這企業面對的中短期風險。同時中國經濟轉弱，對佢中國發展都有影響。

------------------------------------------------

Q13790：

老師，問多一點，如果用加按的錢一百萬，怎樣投資較值博？本人今年已45歲了

現在連準備退休的錢都無 還好有一層已供滿的房
是正資産

我用了大約幾十萬買了了1383太陽城 平均價约1.95 点
我認為它是一隻好有潛力股票

Sir 你認為1383太陽城 假設長期持有 大約3至5年 會否
升到像3918 金界 差不多的價位 約10元 因為大概兩者業務相同 而1383 更有澳門業務支持
謝謝老師百忙抽空解答

龔成老師：

你45歲，財富仍有增長的能力，但由於資金是加按得來，因此，我會建議你投資「平穩增值股」+「收息股」，平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

如果你每月收入減支出有剩，餘下的才可以投資潛力股。

至於太陽城集團（1383），我有少少保留，因為這股多年都有虧損，加上核數師的意見中，出現了修定報告，即是說，核數最初對財務數據感到有古怪，與這企業溝通後，可以話最後無問題。

雖然這企業在財務數據上無問題，但就暗示有點古怪位，因此要小心。

考慮到上述這兩個因素，唔建議大注投資，你小注持有算了。

金界（3918）壟斷左柬埔寨金邊市場，唔好直接比較。

------------------------------------------------

Q13791：

老師，我想問3988及2388，點解你話3988收息較好？

2388收息0.545 3988 收息0.184
是否數學問題 用差不多金錢

可以買到4手 3988
派息是 0.185 x 4000? = 736
而2388 一手500 , 派息是500 x 0.545 = 272.5

所以說3988 收息比較好

龔成老師：

我地投資，不會只集中一年的財務數據。

要分析過往5年的情況，同時預測將來的情況。

上述兩股都是有質素的股票，但我地定義一隻股票是「收息股」時，佢就要有這些特質。例如佢過往的股息要穩定，派息比率、派息政策穩定。

同時，我地希望佢將來的派息都穩定。

一間企業點解能持續派息，就是由於佢的業務穩定，不斷有盈利，令有足夠的資金派息。

中銀香港（2388）都是優質股，同中行（3988）一樣，都可以投資，收息。不過在純收息的層面，我地會選較穩定的，股價較為穩定，預期派息較為穩定，因此，這方面中行略勝。

------------------------------------------------

Q13792：

龔生，小弟手上可投資的資金是36萬；已買左6110滔博（體育股）10.2買左10000股；仲想買1521 CRO方達控股（聽聞佢搵得幾多）、6826昊海好似回歸A股上市、1951錦欣生殖。

用呢四隻建倉做一年既組合，建唔建議？但好似都係估值很高？是否嫌貴？因為我覺得呢四隻好似升既機會較大，謝謝

龔成老師︰

你先要明白投資股市就如投資企業，我地要分析係企業本質和長線發展。一些傳聞消息或者與企業本質無關的事情，我都唔應該理會太多。

滔博（6110）、方達控股（1521）和錦欣生殖（1951）都是上市不足一年的新股，業務上，或許有吸引力的，不過，我一向都新股半新股都無興趣。因為真實面要慢慢先見到，加上佢股價十分波動，估值困難，只建議小注，同時你要明白當中的風險。

昊海（6826）主要於中國從事製造及銷售醫用透明質酸及生物製劑、生物工程及藥品研發，以及提供相關服務。回歸A股跟企業本質無關，絕對唔係買入一隻股票理由。

此股質素算是中等，佢生意有增長，但唔算強，加上盈利唔多，只有數百萬。此股只宜小注，不宜重點持有。

------------------------------------------------

Q13793：

老師您好，你覺得深水埗區40年左右的單幢大廈(有電梯)有投資價值嗎？

龔成老師：

價值當然無大型屋苑咁高，但如果樓價有一定的拆讓，都可以考慮的。

首先，深水埗區要睇翻地點，有些地點可能有少少雜，你要留意四周的環境。如果你打算投資，一定要了解該大廈，一般的租客是那些人，會否品流較為複雜。

另外，40年樓，要開始關心維修的問題，當中的成本如何，你要小心睇睇樓宇現時的通告，潛在的不利因素。同時，你買入後，如果你10年後賣出，到時已經是50年樓，下一手買家要考慮的因素更多，你的物業有貶值的可能。

你可以參考同區類低單位的市值、租金收入。以及銀行估價。要處較平的價格才會考慮。

------------------------------------------------

Q13794：

成哥, 又想問下, 美股你又點睇? 以您的價值投資法, 美國有很多世界性又穩定的產業, 近幾年亦爆升

如FACEBOOK, 微軟, apple, Neflix, VISA, 具實力又冇乜對手,長線投資好似仲吸引, 而且美股是一股股買, 不是一手, 門檻好似易D , 又點睇? 謝謝

龔成老師：

美股都有好多值得投資的企業。由於我地投資，就是要將資金投入在優質企業，因此，美股都是可選的股票。

不過，我地投資，只會投資自己熟識的項目，所以你唔可以盲目投資，一定要自己了解，分析好佢地的財務報表後，才可投資的。

你上述所講的，基本上都是有質素的股票，但你仍要仔細分析，同時了解下佢地的平貴才決定投資。

------------------------------------------------

Q13795：

我睇你本書，唔知係咪我理解問題，有錯別字，提翻你。

龔成老師：

錯別字有點唔好意思，其實我同出版社，都會翻睇本書2次以上，先會出街，但始終一本書去到10萬字，總會有D錯別字，唔好太介意。因為要去到好完美，就要花好多時間。

雖然我會盡力睇，但希望你都明白一點，如果我要為最後的1%，付出了20%時間，點解我唔利用這20%的時間，去寫多另一本書，咁樣對社會反而有更大的貢獻。

所以好多時，我都唔會太理會D細節位，寧願用時間，做多幾樣野，讀者得著會更大。

多謝你的提醒，我同出版社會盡力注意翻。

------------------------------------------------

Q13796：

其實我想問呢，我覺得你同巴菲特既概念一樣都係以價值投資，長期持有，但有一個問題我就到而家都唔係好明。

因為就算長期持有係咪應該要搵一個合適嘅價位先買入、還是系憑自己感覺？

龔成老師：

首先，價值投資法，一定是王道，我地買股票就是買企業。

我地進行的，就是「儲優質企業」，累積優質資產的過程，因此，投資優質股，長線投資，不斷累積，是大前題。

我地當然會分析企業的平貴，所以我地先要為企業進行估值，點解在我的股票班中，要用近2堂去講企業估值，就是這個原因。

因為我地要分析企業現時的平貴，去決定入唔入這股，點樣入這股。

------------------------------------------------

Q13797：

你好龔sir。我屋企人現時有60 萬，諗住2 年後攞黎裝修屋企的。想問下有無一些平穩增長/ 收息股推介？

如果想短時間內得到一筆回報，你會推介做股票掛鈎嗎？謝謝

龔成老師：

由於2年不是一個長年期，因此增長有限，同時當中存有風險，因為無人知你到時賣出股票時，市況怎樣。

我會建議投資穩健收息股，雖然回報不算強，但由於該筆資金你地本身有用，因此寧願減少回報，都不希望你冒過多的風險。

所以，唔希望你太急追求回報。

至於做股票掛鈎，其實這是變種的期權，不是不能投資，但你要明白，當中的策略，其實是回報低風險高的項目，投資價值一般。

------------------------------------------------

Q13798：

老師，1266可以入嗎？
上望幾多？

另外，3681 $ 5.4有貨
應該要止蝕離場嗎？
唔該

龔成老師：

西王特鋼（1266）業務波動，同時盈利近年有大幅下跌的情況，雖然股價跌左好多，但當實質業務轉弱時，投資價值都會減少，因此股價跌不代表平左。

這股跌好多，現時估值不高，是唯一的值博因素。這類股，你可以當小注博下，但卻是有風險的。

中國抗體（3681）這類新股，好難分析，佢係香港的生物製藥公司，從事研究、發展、製造及商業化免疫性疾病療法，主要研製以單克隆抗體為基礎的生物藥。

風險高，可能回報大，但現時市值都成幾十億，其實唔算特別平宜。如貨多，要減，這類股，當小注博下就算。

------------------------------------------------

Q13799：

龔成老師，你好：我是來自澳門的讀者，今年9月時看了你的80後百萬富翁，獲益良多。同時都開始依照著書中所說的去做，上個月剛好還清所有卡數，目前處於純儲蓄的階段。

之前見你分享了一位讀者的個案，寫道他用了10個月的時間就存到10萬；看到他的收入跟儲蓄比例，對比自己的情況，令我有點疑惑，不知下一步該如何做。

我現時收入15,000（25歲）
每月的必要支出：學貸$1,710，房貸$6,700，退休儲蓄保險$1,558.39，危疾保險$2,832.8/3 months
月儲：2,000-3,000不等
現時儲蓄：16,000

我有以下疑問：

1. 退休儲蓄保險應否取消？因為想再買醫療保險，但我認為我已無法再額外負擔一筆費用。

2. 我現時將16000的儲蓄購買銀行的短期理財產品，基本上唔會蝕本金，不過三個月最多賺幾十蚊。我應該繼續這種方式嗎？

3. 書中有說到盡可能都不要刷信用卡，刷了都要盡快還。因此我想知道，假如我今個月錢已剩餘不多，但手機已經開始失靈，這個時候應該是等錢存到夠7,000左右再買，還是這個月先用信用卡/儲蓄先買了再說？

4. 月供股票的概念：買入第一筆→每個月供(一直持有)→收息→買入第二筆→.....一直循環直到企業不再優質就賣出。

所以這個股票收的息就等於我的另一種收入，我可以用它再買入股票或者花掉或者儲夠多就可以提早退休。請問我這個理解是對的嗎？

感謝老師解答我的疑惑。

龔成老師：

1）退休儲蓄保險、危疾保險，都是理財的其中一部分，我地進行理財，要建立一個平衡組合，攻守兼備，所以，保險類產品，在我地理財中，都有一定的作用，但就唔需要太多。

當我地建立了基本的防守後，之後就要集中力量去進攻。

所以，你保持現時的金額就得，唔好再加大保險。

2）留基本的現金，作為流動資金是需要的，你預$2萬作流動，但餘下的，就要開始進行投資。

3）不能因為這原因就用信用卡。你要習慣儲蓄消費，你試試買一些較平的手機，又或試下整翻佢，要盡用你身邊的所有資源，唔好太快比籍口消費。

4）對，你可以這樣理解。

不過，你年輕，我會建議你這刻投資有增長力的股票。

------------------------------------------------

Q13800：

你好！我想請教龔老師，766中盈有意認購一間科技公司股份，我想問是否有前景和可否買一點做長線

另外，可否教我如何分析這公司的優劣。
期待你的回覆！

龔成老師：

中盈集團控股（0766）年年虧損，加上幾年前核數師的意見曾出現修定情況，反映財務數據有點古怪，這類股，本質無投資價值。

至於收購的科技公司，其實你可以上港交所的網找到資料，中盈已經出左通告。收購「互聯智慧」，這是一間提供「5G 智慧燈桿」規劃與建設解決方案的綜合服務營 運商，但由於未見有詳細的財務數據，無法分析這次的利弊。

只可以話，這公司本身要小心，至於發展，存在未知數，只可以話有危有機，唔好盲目睇好。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。