喂黎嘉駿 想同你講多次野呀okay呀可 未呀未接受到，好似好近，又好似好遠 「其實佢真係好錫你」 我知呀我真係知，冇人比我更清楚你點對我 啲cap圖只係好少好少部分，我就係要同所有人講 你對我幾好 但我係憎你鬧我呀我係唔想比你話呀吹呀！ 我嬲呀好嬲呀，但你話你會無限次原諒我 仲有呀，我都唔多喊 你搞到我喊晒幾年嘅quota，你真係好黑人憎又樣衰又瘦到魷魚咁又鐘意埋啲騎呢衫又唔知點解鐘意著綠色衫搞到自己成條wasabi咁，仲有果頂黃色小學帽，真係好醜樣 你飲醉酒真係好好笑，party醉到稀巴爛都爬過嚟跪左系我隔離同一滴酒都冇飲打緊衛生麻雀嘅我講「我冇醉！uncle harry要睇實你架！」我答左一句「你睇實你自己先啦」 然後你就唔知爬左去邊，笑到我痴線 真係仲好意思成日驚我點點點咁😂 之後你又飲醉，凌晨4點send一堆唔知乜鬼錄音嚟，我都費事睬你，「你知你架啦，好易嬲加嘛」，仲話我係angry bird cls😂然後叫我唔好講咁多粗口啦，唔好學壞啦，唔係冇人要架皓瑤。 丫頂你丫你估你真係我老竇咩！🙄 我排戲果陣好洩，唔聽教，西你面，發你脾氣 但你打左好大段野比我 「想你好呀」，「為左皓瑤」，「好擔心皓瑤呀」，「皓瑤你太單純喇咁唔得架」，「想皓瑤幸福」 好似係你口頭禪咁，唔知你係咪個個都咁講架呢🤢 不過我都係繼續同你鬥氣🤣 睇到你啲舊post，哈哈哈想聽我玩灰熊山谷9叫咩，我隨時奉陪架，下次去玩，留個位比你系我隔離叫比你聽又點話 仲有你寫緊個唔知咩日本妹劇本呢，講到係威係勢咁，唔知你完成左未呢 我答左你咁多問題，成本手帳你都逐頁睇過晒 你話，我好似你寫緊個女仔 咁你又唔比我睇？你講晒啦？你話乜都得架啦？ 喂黎嘉駿，其實我成長左好多架你知架可 whatsapp最後一句 點先可以令皓瑤幸福 我冇覆你，唔知係仲同你鬥緊氣，定其實我都唔知答案 如果到我搵到嘅果一刻 你一定要睇住我呀 我講真架，我雖然唔知咩先為之幸福 但我真正感到幸福果日，你要係第一個知呀 我仲要還番張單身狗席入場券比你 好掛住你呀唔cut你線喇唔嬲喇 我咪成日話 你係我迪士尼嘅得著top3嘅 我真係咁諗架 你很好 亦都夠好了🕊 得閒嘅話，排隊排到我嘅話 話我知你仲痛唔痛，做緊咩 剩係同我講聲你過得好唔好都得掛 無盡歌詞唔打喇，你熟過我九萬倍啦 佢依然係我最update嘅一首廣東歌🤣搞到我果陣日聽夜聽，驚唔記得歌詞比你鬧呀🙄 不過至少，你冇嫌我唱得難聽🤣我跳舞架！識鬼唱歌咩 依家原首歌送番比你喇，下次聽到踏上這無盡旅途嘅時候，你諗起我，我又諗起你就perfect喇 要講應該永遠講唔完 再諗到我再同個天講，你再揀聽唔聽啦 不過你試下唔聽？我又嬲架會🙄 給我老竇陳大衛 daddy harry 你個女陳翠絲 愛你的皓瑤敬上