每年嘅中秋節，都係家嫂廚房嘅生日！
做完庇護工場女工就總結下三歲生日嘅感想啦😂

今年家嫂廚房嘅目標，就係要開團整野俾大家食~搵咗新嘅共享廚房，地方大啲設備好啲，做嘢的確係爽手啲！超開心大家都鍾意食我嘅曲奇、芝士蛋糕、月餅、蘿蔔糕同埋糭，雖然開團比出食譜或者教班更加辛苦，但知道大部份嘅朋友仔都欣賞我嘅嘢，滿足感都係最多嘅😭❤️

好鐘意Turbo哥嘅金句: 每次開團會整唔同野，會遇到唔同嘅技術問題，但係一定會重複面對嘅，就係自己嘅缺點。

我真係一個超級冇記性、好唔細心嘅人，所以做admin嘢我係極差，要同大家講聲唔好意思，之前嘅團可能出現過入錯貨、漏單嘅情況，今次中秋團呢兩樣嘢都改善咗好多啦，要讚自己嘅 (雖然進步空間仲係好大好大) 希望我會經一事長一智，同埋要學仔細啲，唔使下下錯完先識改返啱啦😩

另外因為寄賣店始終唔係自己地方冇咁free，大家遲咗去攞貨真係要收返存放費㗎，我會再諗吓可以點樣改善，都希望大家早啲去拎嘢食，早拎早享受啊😚

第二就係發現自己嘅抗壓能力都幾低🙈
研究呢個生酮月餅嘅時候，遇到好多問題，
大豆渣版本嘅月餅要由零開始研發啦，個皮一開始好油好濕，起碼改咗10次先做到而家咁微脆乾身！ (要多謝 HM Gnap建議我可以點樣加快研究嘅速度! )
奶皇餡口味嘅配搭、用咩牌子嘅茶粉，又實驗咗一大輪。 (每粒月餅有多過10克茶粉㗎，試食譜嘅時候都用咗好多粉。。真係好揼本，多謝每一個試味嘅你❤️)
月餅印模，一開始嘅時候不停印爛，當我以為要用周街都係嘅兔仔模，超傷心嘅時候，turbo哥俾咗建議我，令我可以用返字模，但係追求完美嘅我，訂月餅模都訂咗三次先滿意😂
到finalise 咗食譜，試大量製作嘅時候，又再崩潰🤣流心好容易溶要不停開雪櫃拎啲流心出嚟包，包完印模可能印得唔靚，靚嗰啲拎去焗，焗又可能會焗爆咗或者啲字唔出，每整衰咗一個月餅都好心痛(有整過流心月餅嘅人就會明白🙃😂)

咁多問題同時出現，令到我個人超大壓力，覺都瞓唔到，勁想偷食carbs，加上次次整完失敗咗嘅月餅我都會自己食咗大半，所以呢幾個月肥咗勁多🥲🥲🥲

嚟緊呢幾個月我真係會好好休息吓，同努力改善自己嘅缺點，諗吓啲物流行政野點樣可以再smooth啲，咁個人應該就冇咁緊張㗎啦！！

年尾會有新project，會出我自己嘅低醣食譜書，希望可以幫到大家享受生酮🥰所以如無意外應該新年先會再開團，到時再整多啲又好味又健康嘅嘢俾大家食！
𝗕𝗲 𝘁𝗵𝗲 𝗯𝗲𝘀𝘁. 𝗡𝗼𝘁 𝗷𝘂𝘀𝘁 𝗮 𝘀𝘂𝗯𝘀𝘁𝗶𝘁𝘂𝘁𝗲.

#多謝睇哂全文嘅你❤️
#多謝支持家嫂嘅你❤️

Congrats to Corefitness_Andy
終於完成12星期的網上訓練及私人教練Mentorship 計劃

我非常滿意他的進度及成績
從他的身型改造過程
我看到他的潛力
我相信他是一位非常優越的健美運動員及教練

以下是他的個人分享

昨天終於完成我嘅第一次photoshooting📸，睇返4個月前自己既相，有啲唔敢相信🤦🏻‍♂️

我想係依度多謝Coach Kenneth對我嘅教導。

最記得今年三月尾係gymknockdown後，我既脂肪比例黎到個人既新高30%😅之後望到鏡裏面既自己，問左自己三個問題。

究竟自己仲適唔適合做教練？
如果繼續做教練，想要啲乜嘢嘅 Achievement?
自己到底願意付出幾多去做一個好既教練？

之後下定左決心揾Kenneth訓練，佢既online coaching 唔單止為我寫training program& nutrition plan.
最重要既係，我係佢身上學到自律，要對自己有要求。做教練要以身作則，自己都未減過最lean又點樣幫人減肥呢？
第二，係記得Kenneth話過training你要識得earn your carbs，但作為你既學員earn your respect 我覺得更加重要‼️

最後我想多謝我一班好同事，琴晚阻到你哋教堂真係萬分唔好意思🙏🏼佢哋每一個人都好正面，大家推大家前進，幫我揾到一個更好既自己🙇🏻‍♂️

📸 @keithl.fitnessphoto

#AskKenneth #TeamKenneth ⁣ #mentorship #onlinecoaching #VancouverPersonalTraining⁣ #HongKongPersonalTraining⁣⁣⁣ #VancouverFitness #HongKongFitness #香港健身 #溫哥華健身 #香港私人教練 ⁣#溫哥華私人教練 #健身教練 #PersonalTrainers #gym #fatloss #hypertrophy #bodycomposition #transformation

CirQ-Life減肥大作戰
Week 1

話説有朋友介紹咗Dr. Yue比我識，佢係美國痛症同糖尿病專家。介紹我識嘅原因係，我老公係食Keto diet，而Dr. Yue嘅飲食理論，同呢個school嘅inflammation原理一樣。Dr. Yue嘅著眼點係血糖，如果血糖控制得好，就唔會有糖尿病，亦唔會咁易餓，唔餓就唔會成日食嘢，食得唔過量就唔會肥啦！身體醣份多就易引發炎症，個人唔止老得快，好多痛都會陸續出現㗎！咁即係食咩？不是低卡，係低碳、低GI。

其實我都on and off咁做low carb，不過真係冇乜恆心，不過一星期前join咗Dr. Yue嘅三個月CirQ-Life 健康減肥醫學專業指導計劃，用好科學嘅方法keep住low carb low GI飲食加埋三款supplement，一星期冇點努力過就減咗1.7kg，而且腰仲少咗吋半啊！當然呢個只係一小步，就咁睇仲唔係太覺，希望三個月後會明顯D。

呢個計劃係點進行呢？首先係上去Dr. Yue個office，佢親自同我傾吓屋企人同我自己有咩病史，同埋簡介有關身體肥胖與細胞膜慢性發炎過程及糖尿前期(代謝綜合症)脂肪肝嘅關係。之後就即場啪手指驗血：一個係 細胞膜及血管慢性發炎測試另一個係 HbA1c 糖化血紅色素測試。細胞膜及血管慢性發炎測試嘅血液樣本會送去美國醫學院作檢測，等兩、三個星期先有報告。呢個血液測試可反映身體炎症風險，內容包括有Omega 3 Index (隱形心臟風險指標)、AA 及 EPA RATIO (細胞膜慢性發炎指標)、Omega 6: Omega 3 RATIO (奧米加食用油與奧米加 3 食用油比例)同TRANS FAT RATIO (反式脂肪比例)。而另一個HbA1c 糖化血紅色素測試就即時有結果，Dr. Yue
即場會親自講解有關指數詳情。我呢就正常嘅。

抽血測試完成之後，Dr. Yue就將一個身體血糖值嘅AbbottFreestyleLibre傳感器裝在我手臂上。呢個血糖機一般係比糖尿病病人用嘅，用嚟監測每日血糖變化。我就會先用14日，主要係比我知道每日每餐前後血糖變化，等自己知道有咩食咗係會大上大落！重點就係呢度！我老公食Keto，而我先父又有糖尿病，食乜唔會玩到血糖大上大落我點會唔知？但我為食呀！有咗呢個device(電話可以download個app用電話scan都得，好sci-if)，自己就好似要追住想個血糖curve唔好大上大落咁多，自然就唔敢食甜嘢同高GI嘅carbs，幾日之後就係因為血糖穩定，cravings都冇埋！我同Dr. Yue同佢嘅team有個WhatsApp group，每餐食乜，餐前餐後血糖指數係點我都準時報告。有乜問題又可隨時問，Dr. Yue親自會答。有人mon住唔好意思亂食呀！

另外佢哋會比三隻supplement，第一隻係CirQ-Life Suga Balanz 糖衡素，可以幫助體內糖份轉化為能量，平衡血糖及減少因血糖不穩定而引致嘅飢餓感或血糖低而引起嘅暈眩，調整遺傳基因糠尿體質，增強抵抗血糖不穩定引起嘅疲勞，同埋舒緩情緒。第二隻係CirQ-Life Plus 循血寧，可以幫助減少細胞膜慢性炎症，消除疲勞及提升活力。第三隻係CirQ-Life Omega 3 (Adult) 1,000mg 冰島深海魚油，可以延緩血管衰退及恢復血管彈性。仲有一本Dr. Yue有份寫嘅《健康人生》 1 本。就係個血糖機加呢三隻 supplements再加埋每日無間同Dr. Yue一team人嘅飲食交流，我一星期輕易咁就輕咗1.7kg(差唔多4磅)，條大肚婆腰冇咗吋半，但期間食到好飽仲食過all you can eat打邊爐！不過睇相反而最明顯係塊面尖咗？另外我仲好瞓咗，個人精神好多。

我依家就等緊大報告出，完成三個月之後會再驗一次血睇吓有咩改善咗。我下星期會繼續講我嘅進展。Dr. Yue創立嘅品牌 CirQ-Life 以 Key To Wellness 為宗旨，研製出一系列針對改善血管微循環及糖尿病嘅保健及抗衰老產品。大家有興趣可以聯絡佢哋，或者上去佢哋官網睇吓：

CirQ-Life
電話:852 2529 1197 / +852 9645 7139 (whatsapp)
Website: https://cirq-life.com/

CirQ-Life

#cirqlife #血糖 #糖尿 #微循環 #減肥 #瘦身 #炎症 #英式主婦