足本睇片👉🏼：https://bit.ly/2PBJZnT 今年5月9日是母親節，限聚令進一步放寬，更方便和家人齊齊去慶祝，一家大小都適合的自助餐當然是首選。不過近年在Staycation熱潮下，不少酒店都傳出因住客太多，餐廳做到踢腳、質素不穩的問題，因此更要精挑細選。 今年多間酒店都推出母親節自助餐，在失業率高企下，價錢較以往母親節下調起碼一兩成，而且大部份在截稿時(4月27日)都仍然有座位。以下12間自助餐，遍佈港九新界，可以和親愛的母親大人吃頓美味自助餐。 九龍母親節自助餐 1. J’s Bar Bistro 地址﹕尖沙嘴東部麼地道69號帝苑酒店2樓 供應時間﹕2021年5月8及9日早午餐時段 電話﹕2733 2088 收費﹕5月8日(成人$588小童$358)，5月9日(成人$688小童$418) 註﹕首10名顧客有85折優惠、可於餐廳電視向母親留言、每位母親可享無酒精飲品一杯及心形朱古力脆皮雪糕一客 如果偏好歐陸菜或不想晚餐吃太飽，就可以試一試這家館的半自助Brunch。每人一份凍海鮮盤，包括緬因州龍蝦尾、鱈場蟹腳、蝦、青口、海蜆，任食多款頭盤、沙律、法國芝士、現場即切的西班牙伊比利亞5J黑毛豬風乾火腿，以及甜品如血橙焦糖布丁、柑橘柚子白朱古力蛋糕及招牌鮮果拿破崙。主菜4選1，包括法式寶雲酥羊柳、煎帶子意大利粉配香辣蒜片汁等。選擇多、味道好，環境是歐陸小酒館的摩登設計，很適合愛拍照打卡的媽媽。 2. 雅苑座 地址：尖沙嘴麼地道 69號帝苑酒店 3樓 供應時間﹕2021年5月8及9日午餐(12nn-2:30、3pm-5:30pm)晚餐(6:30pm-9:45pm) 電話：2733 2030 收費﹕5月8日午餐(成人$468 小童$368)晚餐(成人$748 小童$568)，5月9日午餐(成人$558 小童$458)晚餐($748小童$568) 註﹕每位母親送一份椰汁金箔燕窩燉蛋白、每位自助晚餐客人加送一份帝苑軒紅燒鮑魚併金蒜上湯龍蝦、與媽媽一同發放祝福氣球、可透過電視螢幕表達對母親的愛意 (需3天前致電餐廳) 位於酒店中央的雅苑座環境開揚，向來是不少人光顧客自助餐的熱點。雖然沒有折扣，但敬送優惠多，每位母親獲贈一客椰汁金箔燕窩燉蛋白，每位客人又會送帝苑軒蠔皇鮑魚併金蒜上湯龍蝦一客。 母親節期間提供限定熱盤，包括一口煎鴨肝配無花果醬、各款焗蠔、法式田螺、大蒜紅花煮蜆、金銀蒜蒸扇貝、鮑魚龍蝦海鮮焗飯、炸蝦天婦羅等，比平時豐富。平時自助晚餐的冰鎮海鮮如波士頓龍蝦、法國麵包蟹、加拿大蟹腳、翡翠螺、凍蝦、藍青口會繼續提供，另有即切魚生、特色火炙壽司、由師傅於現場即點即做的日式爐端燒牛舌、雞軟骨、甜薯及南瓜等。還有頭盤如鮑魚海鮮凍批、柚子海鮮沙律及蟹肉海鮮沙律等；廣東燒味檔供應燒腩仔、燒鴨、叉燒及馳名海南雞飯等。20款精緻甜品不可錯過，因包括餅店的皇牌蝴蝶酥及雜果拿破崙。藍莓芝士餅、冰皮朱古力卷、Haagen-Dazs雪糕、意大利芝士餅、即制班戟及鮮甜水果等。價錢已包括任飲果汁汽水。 3. Café East 地址﹕尖沙嘴東部麼地道72號千禧新世界香港酒店 供應時間﹕2021年5月8及9日午餐、下午茶及晚餐 電話﹕2313 4222 收費﹕自助午餐(成人$468，小童（3-11歲）$328)；下午茶(成人$388，小童$238)；自助晚餐(成人$698，小童$468) 註﹕光顧7天前於酒店官網https://bit.ly/2W1Os2s 免費登記成為會員，有75折 環境闊落，客人不多。成人原價$468至$698，以如今市道而言是中上價位，但光顧前7天上網免費登記成會員，就有75折，成人加一後不用$500，尖東一帶而言相當化算。 食物有無限量供應的冰鎮海鮮，包括波士頓龍蝦、鱈場蟹腳、麵包蟹及青口；新鮮刺身如甜蝦、北海道帶子、油甘魚及象拔蚌。熱盤就有猴頭菇海螺燉竹絲雞湯、香檳芝士白汁焗波士頓龍蝦、泰式鮮胡椒炒肉蟹、蒜香豆豉蒸蟠龍鱔，算多元化。甜品就以滋潤的椰汁燉燕窩及桃膠椰奶布甸為主題，美中不足是沒有母親專享甜品或菜式。 4. The Market 地址﹕尖沙嘴科學館道17號唯港薈2樓 供應時間﹕周末早午餐、星期五至日晚餐時段及公眾假期供應 電話﹕3400 1308 收費﹕周末早午餐（星期六日及公眾假期）(成人$638小童(3-11歲)$408；星期五至日及公眾假期晚餐(成人$848小童$578) 一向有口碑的唯港薈The Market雖然價錢不便宜，但最近新增設生蠔吧，有廚師即席開新鮮生蠔，包括來自法國諾曼第（Normandy）、布列塔尼（Brittany）的出品，包括芬迪奇四號、布列塔尼四號及諾曼第金牌四號生蠔等等。生蠔皮薄肉厚，蠔味及海水餘韻悠長，可配搭經典雞尾酒醬、紅醋汁及檸檬汁等。 平日供應的海鮮、日式刺身、星洲叻沙至正宗印度咖喱，港式片皮鴨到招牌榴槤甜品亦繼續提供⋯⋯ 足本詳情👉🏼：https://bit.ly/2PBJZnT #飲食男女 #香港 #香港美食 #美食 #852food #hkfood #instafood

🔅【鱔稿不會告訴你的事】 - 深圳無印酒店1月開幕 睇過好多報導 最後喺年初二入住🏨 掛著無印良品嘅牌頭 比較深圳一般酒店已屬中上價錢 房間暫時只供官網預訂 聽講係為避免第三方網站抬價🤔 酒店位於深業上城 商場面積大 店鋪十居其空 冇咩好行 交通不便 唯一慶幸有大家最愛而唔洗排隊嘅喜茶 聞說兩年後先有地鐵站 暫時最近蓮花村站 都要行十幾分鐘地理位置零分 與其行路 只好出入都係的士🚕 作為參考 福田或者皇崗過去都係廿蚊左右 - 酒店大樓全幢5層 一邊酒店 一邊就係無印旗艦店、餐廳 分5種房型 定價由RMB¥950-2500/晚 每房包一份早餐  我地訂左最平嘅A房型 加左一位早餐 共1010人仔 未夠‪兩點‬ 職員見有房就安排check in；原本印象很好😶 - 💬即使喺官網預訂 已經輸入信用卡資料並收到確認信 於checkin時仍然需用現金/信用卡支付房費 仲要預備一千蚊人仔作按金 (最後經理幫我地豁免左) 聽職員口吻就知道we are not alone；相信都有人誤以為 喺官網預訂時已被直接過數🤷🏻‍♀️官腔話視乎信用卡公司做法 有機會過 亦都有機會未過 要自己跟進～ - 🔸房間一眼望哂 睡床較小 4呎左右；梳化椅廉航size 🔸浴室狹小 (啊 有浴缸嘅房型要C房以上 可睇番鱔稿介紹) 🔸基本用品：牙刷牙膏、棉棒棉花、浴帽、可帶走嘅拖鞋 🔸連基本嘅核突梳都冇；如果主動問職員 會提供自家梳🙂 🔸沐浴露、洗頭水、護髮素係自家品牌 原裝補充 🔸窗簾、廁所自動、有CD player、sony電視；香薰機要借 🔸電源部分可以放心 有5、6個三腳插加10個USB 方便👍🏻 - 黑仔王認第二都冇人認第一🙄房間冷氣壞 搞左50分鐘  最終換房 換左大啲啲嘅B房 調到最低16度都冇冷風出 是咪開左中央暖氣🤢？直至瞓覺前 我地都係打開房門😂 - 3樓健身室細到冇朋友；圖書室空間很大 書架裝B一流 但早上一陣尿壓味🤮 - 以無印良品牌頭 價格還可以接受 拖鞋、牙刷呢啲夾埋 其實都二百幾蚊人仔；職員態度很好 特別係經理😀 可惜硬件達唔到水平 只係維也納咁嘅質素 (人地最少有冷氣) 同一樣價錢 喺深圳有大把選擇 性價比很低😌 - FYI：圖1係B房；圖3係A房 - MUJI HOTEL🍥 ‪📍：皇崗路5001號深業上城‬ 🔻#吃貨の深圳 🔻#吃貨住酒店 - #20180216#深圳#深圳美食#無印酒店#深圳無印酒店#muji #mujihotel#酒店#無印良品#hotel#深業上城#伏味濃#中伏#性價比低#冷氣#大眾點評#鳩假期#鱔稿#早餐#mujidiner

一直以來的短髮、染髮和之前的電髮都是在Mikami salon剪的，最近幾次都是由啊shine執刀，他是很有親和力的髮型師，通常我都是拿著想剪的髮型的大概的照片再跟他溝通～不會是那種你不敢開聲的那種。🌝價錢絕對不貴的，想轉髮型或是純粹修剪下都很推薦你們找他！ 地址是銅鑼灣駱克道514號1樓，建議先打去預約因為這條友是不定期放假的！電話是：2573 9901 p.s 這不是廣告也不是鱔稿，是無私分享啦我沒佣也沒回扣的～！🌚🌝 @shine_tsang @mikami_salon