也許這是CD沒落的原因之一。 #SingingTexts #quoteoftheday #quote #高登 #hokeeyau #thoughtoftheday #何基佑字典 #hkig #hkiger #hkfunny #金句 #創意 #腦風暴 #creativity #CD #唱片 #經典唱片 #音樂 #歌手 #張國榮

【香港真係有樂壇？】 － 大文豪挽歌 2007年係我開始沉迷於流行曲既一年，八十年至到千禧年代既歌我全部都聽唔少。 果年有好多好出色既新人。 但好多人注意既唔係佢地既歌。 我鍾意洪卓立，因為佢死左，媽媽教我要尊敬先人。 陳柏宇都唔錯，因為欣賞佢係台上唱唱下歌都可以雄起。 我好鍾意小肥，因為我係高登仔而佢最近靠高登上左位。 林峯都無得輸，因為唔係個個人都可以CHOK到面癱架。 我鍾意周柏豪，因為我都成日打爛水杯同打潮文。 係呀你無睇錯，係大文豪呀，打NBA同坐時光機作曲果個呀，早幾日拎左男歌手金獎果隻比比鳥呀。 一個商台既頒獎典禮話左比你知咩野叫做假普選同真普選。 假普選會選出周柏豪，真普選會選出張敬軒。 而佢地兩個之間既差別在於一隻櫻花樹下。 千嬅嬸出左一隻歌就拎到女金； 杜志安隻勝利道只要電台一日播八次就金曲金。 原來樂壇既選舉制度係咁Amazing既！ 香港流行曲以前係亞洲地區好具代表性，但係唔知點解而家就好似沒落左咁。 以前一個單位紅，係因為實力加宣傳； 而家一個單位紅，係因為膠力十足。 出一隻膠到頂點既歌引你恥笑佢； 再出隻無咁膠既歌，話你知佢進步左三千六百倍。 失敗例子係Faith，成功例子係天堂鳥。 天堂鳥可以開演唱會。 惠康小王子可以開演唱會。 拍蠔可以開演唱會。 Twins又話要再開演唱會。 幾時到高登仔開演唱會呀？！ 咪住先， 黃宗澤身為陳奕迅接班人點解仲未出碟既？ 古巨基上我是歌手你地話佢親共； 容祖兒聽撑起雨傘唔拍手你地話佢衰格； C AllStar唱歌當得獎感受又比你地話煩； 胡鴻鈞唱功咁高你地話佢係哪吒削骨還父； 有發現而家既人根本無留意佢地唱咩野歌，出咩野碟。 你笑緊EASON單春果陣，有無聽曬佢碟入面既Side Tracks? 有人會，不過係少數咁解。 倒數果晚，台灣有林俊傑。 香港就得件Hotcha同一堆TV Buddies。 夠膽死係林欣彤唱歌果陣唔播林欣彤，走去訪問汪東成，但係根本一句野都聽唔到。 如果唔係最後幾分鐘見到JOEY唱歌，我寧轉台睇下班昏睡百年既國人醒左未。 香港真係有樂壇？以前可能有，而家我真係睇唔到。