unsubject

unsubject 呢個 branding 究竟點來？

唔怕話畀大家知，有日，我 setup 試下新嘅 newsletter ，好似係 substack ；佢係都要我打 subject 係乜：「乜都未寫，我又點知 subject 係乜喎。」

嬲嬲地之際，unsubject 呢個字，忽然浮現腦海：「呢個 branding 幾好喎。」下一步，就係去 domain search⋯⋯

unsubject 嘛，就係諗到乜就寫乜。我知有啲朋友，例如 君子馬蘭頭 - Ivan Li 李聲揚 嘅作風，就係先有題目，然後再寫文。但我自己，就好多時就算心目中有個題目，好多時寫寫吓，又變咗另一件事；有時亦會寫寫吓覺得無癮，篇文亦都唔再存在。

好似上個月 Bretton Woods System 壽終正寢半世紀，我開始咗一篇《消失的布電頓森林》。結果，寫咗大概五千字，都未去到六零年代，自己覺得時間過去，都係等一百周年先寫喇。其實篇文想講嘅係，固定匯率制度其實背後有啲乜嘢假設，點解六十年代嘅美國，守唔到呢啲條件，最終制度點崩潰，之後嘅世界又點。五千字，都只係講到啲前設。

學愛恩斯坦話齋，如果真係好熟一件事，應該可以好簡單咁解釋得到。又唔怕話畀大家知，最初我 facebook 寫咁長嘅 narrative，本來只係鬥氣；個個都話啲人無心機睇咁多字，一定要拍片先有人睇。「係咩？我就係唔信邪。」結果我發現，facebook 嘅運算法，似乎都會睇一個 post 大家睇幾耐。以廣東話寫嘅純文字 post ，如果大家用嘅時間比同類 post 長，似乎 facebook 係會更積極去派送。

如是者，就開始咗我呢種諗到乜寫乜而且又有少少長嘅 narrative。

又有一段日子，覺得寫埋寫埋，最終都好似改變唔到啲乜，索性將一切都摺埋。好似我有個老友，佢就摺得好埋。佢段數比我高，所以亦摺得好埋。而我呢，就忍唔到幾個月。

其實封筆摺埋嘅幾日裡面，我都有繼續工作，有去吓 webinar ，有 social 嘅，不過唔係香港。自我介紹嘅時候，忽然間，又發覺自己都係話自己係一個 writer 。

但係我寫畀邊個睇？寫畀自己睇？舊年夏天，我得返自己一個讀者；但我話過，就算得返一個讀者，都會繼續寫。

「反正都寫咗，點解唔發表？」寫作其實有時只係為咗整理資訊，幫助思考。

發表言論，其實有好大責任。所以有一段日子，我都只係 Patreon 裡面發表；但人就係咁，當你開始咗做一件事，呢件事漸漸就有自己嘅存在理性：「開得 Patreon ，就要吸引更多人 sign up；咁就要做下宣傳⋯⋯ 」如是者，我又重返 facebook 嘅世界，又做 podcast。 彌敦道政交所- Nathan Road Politics Exchange #湛國揚 自立門戶，我又去撐場⋯⋯

呢啲係唔係叫做人在江湖呢？其實都唔可以話身不由己；畢竟每件事都係自己揀。

講返條路自己揀，其實 Patreon 又好 unsubject.me 又好，大家都可以揀，其實內容都係一樣，只不過 UI / UX 有少少唔同。不過，更重要嘅係，點解我繼續寫，同埋點解我希望大家會支持我嘅寫作。

話說早排寫 Niall Ferguson 本 The Great Degeneration 嘅導讀，當中有一章講到 civil society ，公民社會 ；呢個詞語，大家可能讀書聽過，又或者有時會聽到啲社會棟樑講。但係何謂公民社會？我見呢個概念，從來都無人用一句說話可以講得清楚。

不如，我又試吓好簡單咁解釋一次：「當每個人都問自己，可以做啲乜嘢令呢個世界，呢個社會變得更美好，呢個就係公民社會。」

香港人，對公民社會呢個概念，又點會陌生？過去兩年幾，我都唔知幾多次收到 message 問：「究竟仲有啲乜嘢我哋可以做？」

其實，有好多事我哋可以做，未必可以令社會變得更好，但至少可以令自己更進步。但掉返轉頭講，如果自己唔係每日都更進步，更強大，我哋又憑乜嘢可以令社會變得更好？

我唔敢話自己一定可以每日都有進步，但至少有呢個目標，亦都提醒自己。呢個小小嘅群體，我相信都係一班有呢個共同價值觀嘅朋友。真係老套啲咁講，《論語．學而》都係咁講喇。

每個我揀嘅題材，無論係政治抑或經濟，時事又或者歷史，無非都係想從中得到一啲新嘅睇法，帶我哋由固有嘅框架，走去一個更廣闊嘅空間。unsubject 嘛，除咗思想自由，有更多一重積極主動嘅意義。

抑都係呢個目的，我歡迎大家提出一啲你想睇但又未開始睇嘅書；等我又試吓去讀完然後寫一篇導讀。假如話我平時寫嘅隨筆係思想嘅 omakase ， TL;DR 系列我嘅身份就好似 sommelier ，去為大家講解同配對知識。

講到尾，經營自媒體，卑微嘅願望就係同大家一齊增進鑑賞力同趣味。畢竟，話「獨立思考」，又太沉重。

請容許我最後好似九唔搭八咁分享一個小故事。話說，我最欣賞嘅電影同角度，係 Dark Knight 裡面由 Heath Ledger 飾演嘅 Joker，係 superlative ，沒有之一。戲裡面，Joker 對面上嘅刀疤，有好多個解釋。故事嘛，如果你去認真探究邊一個講法先至係「真」，就唔明白 why so serious 嘅道理。

#是日隨筆 #廣告時間

Unsubject https://bit.ly/3CEU3iX
Patreon https://bit.ly/3zgXNF6

見吾友 君子馬蘭頭 - Ivan Li 李聲揚 咁成功，又學吓佢筆觸撩幾件字隨筆先。

話說，今日濠賭股洗倉。是咁的，所謂嘅政策市，只有一個原則，就係無原則。

剛好呢幾日我身在 Las Vegas。目測嘅結論係，除咗文武同尚氣，我應該係方圓幾百里極少數嘅 Chinese。我真係巡過啲百家樂枱，全部收晒檔。

「嘩，Vegas 咪好慘淡囉？」是咁的，如果唔係一支公可以 walk-in 去 bar 枱，我都唔會整返件 Beef Wellington 嘅。聽帶位講，正路 book 枱要早一、兩日。嘩，乜料呀，Gordon Ramsey 咋喎，兩日？

又，走到一里長街，極目之下都係人。另外一個觀察就係好多黑人；就連街上面同人影相嘅森巴舞孃，八成係黑妹。我可能睇落似十環幫，佢哋見我行過都彈開幾呎。

呢幾日其實我係出席一個叫 Money Show 嘅美版財演 conference，我嘅題目係「神奇國度的地緣政治」。同場有位朋友名曰 Saber Rock，佢真係阿富汗人，過去十幾年係美軍駐當地嘅盲公竹；講到一帶一路，佢嘅 comment 係：「塔利班都搞唔掂塔利班喎。」

另外，酒會上有人叫我留意一隻叫 FRDM 嘅 ETF；Freedom ，呢隻嘢嘅宗旨係投資神奇國度影響唔到嘅新興市場。作為分散風險嘅工具，都係一個低成本嘅選擇。其實呢隻 ETF 最重倉，一曰台積電，另一隻係三星。（補充返先，呢個資訊，不構成推介或邀約；投機有輸有贏；必贏嘅就唔係投機。）

其他正經嘢，就留返 unsubject 同 Patreon 寫；唔貼 link 喇，有心人要搵，一定搵到。

初秋微風輕輕，推開向陽的窗戶，
看見纖柔淡雅的雛菊，心變得澄澈美好，
柔軟小巧的花瓣，簡單而又清純。
雛菊也叫幸福花、延命菊、春菊，馬蘭頭花，
瑪格麗特。聽說它是森林精靈貝爾蒂絲的化身。貝爾蒂絲是個淘氣鬼，活潑、可愛。
因此雛菊代表永遠的快樂。
#雛菊花房 #十字繡 #桌布
♥您愛了嗎(*˘︶˘*).。.:*♡

「彌敦道政交所」

主持：湛國揚
嘉賓：李聲揚 FB《君子馬蘭頭》專頁

題目：《樂土不再 PROMISED LAND NO MORE---滙豐掙扎，代表香港的困境？》

逢星期四 9:00 ~ 10:00 pm

Facebook:
https://facebook.com/NathanRoadPoliticsExchange

支持城寨Patreon
https://www.patreon.com/kowloonsingjai

「彌敦道政交所」

主持：湛國揚
嘉賓：李聲揚 FB《君子馬蘭頭》專頁

題目：《樂土不再 PROMISED LAND NO MORE---滙豐掙扎，代表香港的困境？》

逢星期四 9:00 ~ 10:00 pm

Facebook:
https://facebook.com/NathanRoadPoliticsExchange

支持城寨Patreon
https://www.patreon.com/kowloonsingjai

「彌敦道政交所」

主持：湛國揚
嘉賓：李聲揚 FB《君子馬蘭頭》專頁

題目：《樂土不再 PROMISED LAND NO MORE---滙豐掙扎，代表香港的困境？》

逢星期四 9:00 ~ 10:00 pm

Facebook:
https://facebook.com/NathanRoadPoliticsExchange

支持城寨Patreon
https://www.patreon.com/kowloonsingjai