#就係香港2021秋季號 #現已出版
#中環街市PopUpStore率先上架
#歡迎大家過來先睹為快！

搶先試閱：012.beinghongkong.com

這個秋天，疫情仍未完全遠離，我們要學習和病毒共存；除了行山，也不妨重拾在市區行街的滋味，重新體驗香港城市文化的複雜多元及趣味。Let's rediscover together，香港街道。

#REclaim REmap RElive// 香港街道演義
過去百多年來一步步生成的香港街道，像是一道道仍然未被完全馴化的城市空間，總有那麼一點一滴的故事或痕迹，令人意料之外或者喜出望外。當一條街道有了自己的名字，蓋了一些樓房，住上一些人，有些人又開了一些店，或成為街坊，就像一個生命有了期許，並隨著年月長成、積聚、沉澱。如是，每條街都有了自己的故事，並成為人們腦內心中重要的身份及集體記憶印記。

#REvisit// 180年來，攝影師鏡頭下的香港街道
十九世紀時最先前來遠東地區進行影像記錄的John Thomson、曾效力Magnum圖片社的 Ed Van der Elsken、1970年代起在香港留影逾50年的Keith MacGregor；三位不同年代和風格的外籍攝影家鏡頭下的香港街道，展示城市一路以來的轉變。還有攝影大師何藩在五十年代留下來的經典畫面，景觀以外更記下了香港人堅忍的面貌。

#REdiscover// 德輔道中，時空徒步旅行
由十九世紀一路走到現在，由銀行街走到南北行，由西方殖民走入華人社區，由古典建築走到唐樓和現代商廈。德輔道中，從來都不止是一條商業街或電車路。而路上的環球大廈除了是香港「小馬尼拉」，八十年代時因為興建地鐵中環站而開車站上蓋發展物業先河，成就李超人傳奇之外，在這個異度空間內，也藏著三個鮮為人知的創業故事⋯⋯

#REgion// 九龍塘、大角咀、新蒲崗，有街就有區
充滿英倫味道的九龍塘、以樹木命名街道的大角咀、用數字去為工業區帶來好兆頭的新蒲崗，擁有完全不同的街區氣息。林建才、UUendy Lau和Pen So三位不同風格的香港創作人，因應這三個擁有不同歷史背景及氛圍的街區，演繹他們對街區的思考和感受。

其他精彩內容：
#REplant// 香港時菜Season Hong Kong
隨著八十年代末本地農業式微，農夫棄耕，技術未能承傳，不少名物已絕跡於香港。川龍西洋菜及鶴藪白菜卻是難得分別能傳宗接代及「復育」的香港名物。從一棵白菜或西洋菜，不但透視出本地菜的盛與衰，還有香港城鄉在過去數十年的變化。

#REcord// 鬧市街頭，每當變幻時
城市規劃師Peter Cookson Smith(施培德）在千禧年後十多年間，不斷前往香港多處舊區進行街道觀察，並以素描仔細繪下香港街頭多元混雜的生命力；設計學者郭斯恆以本地霓虹招牌、字型和花園街為研究對象，建構出香港街道文化的重要元素。

#REmap// 是誰建構了中環山城
曾花長時間研究深水埗「棚仔」生態的民間自發組織「知築常落」和「草民軼誌」，嘗試帶我們走入中環山城，走入城市第二層面貌，看看除了規劃師和建築師外，是誰塑造了中環山城？

#RElive// 摩羅街，不止是遊客的
摩羅街其實不止有遊客，也是一個有歷史的生活社區，內裡有著各式各樣的人，以及多種一直被遺忘的本地工藝。在疫情後遊客絕迹的摩羅街，能否以另一種方式重生？

歡迎訂閱 https://bit.ly/3Ew9eN1



#2021就係香港秋季號 #香港街道 #BeingHongKong #HKStreetIssue #精彩內容sneakpeek

阿妹，想食乜！同你介紹返咩係菜！

亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！

1）是日任務，賣菜！地點，屯門新墟街市，下午時段

2）政府街市，非領匯，檔口係兩個連位，目測菜品種類超過三十款，每款都唔算多

3）第一單生意，菜芯，一斤，廿蚊（覺得貴？咁要睇埋落去）

4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史

5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人

6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點

7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重

8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假

9）付出咁多，你得到咩？養妻活兒，買樓唔太大既樓絕對無問題

10）睇到呢度，想入行做店主？請睇後面，會講晒所有條件比你聽

11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔

12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤

13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）

14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你

15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過

16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好

17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二

18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣

19）幾點前買菜最好？中午前啦，中午後就開始有野賣晒，當然你食大路野都會比較易買到

20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）

21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）

22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜

23）有機菜係咪會多d蟲，係，因為用少左農藥，整體會「樣衰」過無機菜

24）點樣洗菜最好？浸，然後洗兩轉都夠晒

25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌

26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下

27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存

28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份

29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值

30）冰菜上面既冰係咩？鹽份，所以冰菜有咸味

31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……

32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？

33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）

34）點解每種菜唔同價錢但收幾錢就咁快計到？店主話當你日日都計，計足十年，你都可以

35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾

36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳

37）平均一斤菜有幾多利潤？唔定，愈大路既菜利潤愈少

38）有冇人收陀地？無，最多都係舞獅派財神，十蚊打發走個種（佢係政府街市）

39）老老實實賣菜係咪生存唔到？係，答案太長，下回分解

40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多

41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）

42）有關點揀菜……篇章太長，我會之後再解釋，今日記野都記到我頭都暈

43）是日進貨成本，1052；是日銷售額（只計紙幣）3800

44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！

作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！

所以讀者們如果有問題想再問既，請留言！！！！！！！！！

如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！

賣菜系列將會下周再來！而我亦準備做圖文版本，需要較長，敬請留意我既更新

【中環街市．保育活化】作為服務大眾市民多年的地方，中環街市是不少香港人的集體回憶。18年後以舊貌新顏重開，中環街市不但吸引了許多年輕人到訪，其外貌與內部建築更讓上一輩得以重新感受昔日在這裏的時光，好好懷緬一番。縱然中環街市再不是一個街市，活化後卻成為了一處承傳歷史、人情味的多元化地標，有了新的身分。

如今市民既可於中環街市購物和飲食玩樂，亦可進行文化教育活動。在延續街市本身的角色之外，新規劃也帶來了促進本地文創藝術發展的空間。每個到訪中環街市的人背景年齡縱然不同，卻總能在這裏找到適合自己的位置。

（資料由客戶提供）

#中環街市 #CentralMarket #華懋集團 #市區重建局 #活化 #保育 #中環街市保育 #香港保育

倫敦的Natural History Museum，讓人久久難忘，至今一直記得踏進那五層高的拱形維多利亞式建築時，由衷的在心裏「嘩……」了一聲，回音也仿似被寬大的禮堂吸進去一樣。抬頭，天花垂下一組25米長的巨型藍鯨標本，復修人員特意將牠的身體由上而下置放，背部彎曲，模仿鯨魚潛水的動作，有助我們想像，一百多年前，牠在大海裏拂動背鰭，張開大嘴覓食的姿態。這裏有過去400年從五大洋七大洲收集的8,000萬件藏品，30多個常設展廳，分植物、昆蟲、礦物、古生物和動物學五大範疇作展覽，從史前、已絕種的到現代動植物都有，讓你穿梭領域、歷史、物種，來一場「進化論」之旅。盡皆死物，卻又與我們息息相關。了解世界，了解其他物種，也有助了解自身吧。給你一個小貼士，如果不滿足於常設展覽，可參加博物館的Behind-the-Scenes tour，有專人帶領，參觀平日不對外展覽的生物標本，有點詭異，但值得開眼界。



足本訪問： https://bit.ly/3fiWQ8r




===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#倫敦NaturalHistoryMuseum #倫敦景點 #倫敦博物館 #拱形維多利亞式建築
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

【失傳行業】兒時窮人恩物豬油渣麵　堅持自己炸仲有呢間
https://bit.ly/2HjeZVr

豬油渣麵本是上世紀六、七十年代街頭的流行小食，因價錢平民又飽腹，很受貧苦大眾歡迎。但隨着香港經濟起飛，香港成為美食天堂，選擇多樣化，各國美食都有，加上現代人注重健康，覺得豬油渣不健康，這等不起眼的小吃幾近淘汰。

老三油渣麵王
地址：土瓜灣新山道4號長城大廈地下1A鋪
電話：6736 2623
營業時間：12nn-11pm

末代蛇王靠蛇羹吊命 行家被毒蛇咬救唔返：做地盤都無咁危險 (05:06)
https://bit.ly/3l8URmL

成叔十三歲就跟着當蛇王的父親工作，自小就不怕蛇，邊撕着蛇皮，他邊緬懷過去劏蛇的盛況。在九十年代以前，每間蛇店都擺着一個放滿蛇的蛇箱，客人會來店前買走一副副劏好的新鮮蛇肉：「嗰陣時煲個蛇湯係一日人工，啲人都叫負擔得起，而家？五、六百蚊買蛇肉，加埋啲材料，成千蚊一煲湯，唔係個個食得起。」如今，蛇店購入活蛇數量大減，從東南亞購入的蛇肉，都已經是半製成品，用作煮蛇羹。幸而，蛇羹依然有大量的捧場客，成叔估計，冬季時分一天賣上過千碗，勉強補貼了夏天的虧損，「蛇王呢一行根本就應該列做高技術人士，不過而家落後啦，冇人欣賞。」

蛇王業
地址：深水埗南昌街139號地下
電話：2728 8675
營業時間：11:00AM - 10:00PM

地址：旺角廣東道1076號地下
電話：2771 4898 / 2771 4998
營業時間：11am-8pm

是菜是茶？小店賣汕尾家鄉菜茶 老闆：好嘢唔想佢失傳
https://bit.ly/2Tr4VQ7

就如汕尾海陸豐人的菜茶，就列入了香港非物質文化遺產之一。對汕尾人棉姐而言，菜茶就如太陽般，自小就曉得它的存在。她興高采烈地表示，菜茶其實還有別名，就是「開丁茶」，取其好意頭。每逢過年、有客人到訪或是添丁之喜，都會製作菜茶慶祝。所謂菜茶，就是把多種蔬菜切條，正切着椰菜的棉姐開口道：「咩菜就要睇時令，菜要逐樣炒好再撈埋粉絲同大地魚粉一齊。」

粿然好味
地址：太子界限街41C號鋪
電話：2295 0959
營業時間：10:30am-11pm

獨門柴火燒肉皮脆肉香 香港最後一家地爐燒豬 師傅每朝四點半開工：退休的話就成歷史
https://bit.ly/3fBtUH8

榮興儀記的地爐，屹立至今已逾六十年。踏進工場，內頭共有三個爐，每個直徑五呎，深八呎，由磚和瓦片砌成。火爐看似尋常，但其實是座歷史遺跡——鑑於環保條例，政府於1986年已停止發牌，地爐因而漸漸絕迹。加上太空爐盛行，沒有人願意花時間燒柴做豬，店家全都轉行。沒老字號堅持，沒後來者接力，最後只剩一家，全港僅存。今年53歲的李權新，是字號第二代傳人，於火爐前工作了28年。他亦笑言：「行內我應該最後生了。」乾笑聲中，聽出行業如何青黃不接。


榮興儀記
地址：屯門藍地桃源圍1號

季季紅風味酒家
地址：屯門藍地大街1號
電話：2462 7018
網址： http://www.redseasons.com.hk
註：地爐工場已易手至季季紅風味酒家。如欲享用地爐燒豬，可到訪他們旗下酒家。

【失傳行業】香港仔35年魚湯艇仔粉 64歲檔主一腳踢燙傷也堅持：全港所剩無幾 (4:35)
https://bit.ly/3fi7cnm

流叔1980年代初開始做艇仔粉，他不是水上人，但見親戚做得有聲有色，遂頂手一隻艇試試，就這樣，靠一門小生意，養活了一頭家。一艘艇，麻雀雖小，但五臟俱全，他在此煲湯、淥粉、斬燒味，由早上六時開始準備，忙至傍晚五時做完清潔才回家。只他一人，凡事一腳踢，對六旬老人來說，也算辛勞。

流記 香港仔艇仔粉
營業時間：10am-4pm
電話：9140 2628
Facebook：流記 香港仔艇仔粉
註：平日可致電給流叔，約實位置吃艇仔粉






===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#豬油渣麵 #蛇王業 #菜茶 #粿然好味 #榮興儀記 #艇仔粉
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

【#老店結業】大南街近年多了很多型格小店及文青cafe，同一條街走入街市，專賣床上用品的瑞記，業主也大幅加租，令他們無奈決定這個月底結業。老店結業，其實還代表一種人情味的消逝。

61歲的老闆易生，平時會親力親為幫年老的街坊送床褥，最辛苦試過扛着床褥走上唐九樓。他說：「我們不收錢，全部都街坊，怎收得下手？」但因為年紀大了，托着一百多斤的床褥，有時也會感到吃力。

瑞記最初其實在黃大仙起家，賣顧繡亦會租龍凰裙掛。遷至深水埗後，主力售賣床上用品，包括不少少見的傳統貨品，如馬辰蓆，及加入油柑子葉或決明子等的枕頭。舖面的手寫大招牌、舊式拉摺式鐵閘都會隨着結業拆去。易生最後唏噓說道：「今日不執明日也要執，不是自己舖，始終都有一日要結業。」
-----------------------------------------------------------------------------------------
立即訂閱《明周》電子版：
https://bit.ly/3t1Jmmx

明周娛樂 Web/ https://www.mpweekly.com/entertainment/
Instagram/ https://www.instagram.com/entertainment.mpw
Mewe / https://bit.ly/39s8vgS
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner