【@girlstyle.mag 】鄭州水災中港台明星「捐款數目」掀熱議！ .
 中國河南近日因持續大暴雨而爆發「超千年一遇」的嚴重水災，鄭州市更成為重災區，無論是地鐵、商舖、住宅都被洪水淹沒，災情相當嚴峻。不少明星亦紛紛慷慨解囊為河南提供善款及物資，不過Angelababy、黃曉明夫妻竟然因為捐款太少而被內地網民炮轟？ . 富婆阿嬌、楊千嬅僅捐 30 萬？網民：直播打賞小鮮肉都4萬！ 不少香港明星亦相當關注鄭州的災情，更紛紛熱心帶頭捐款。英皇旗下藝人謝霆鋒、以及在內地爆紅的陳偉霆就各自捐款 100 萬人民幣；而容祖兒（Joey）、蔡卓妍（阿Sa）亦分別捐款 50 萬人民幣緩助河南水災。而近年專注內地發展的鍾欣潼（阿嬌）、李克勤，楊千嬅則各捐款 30 萬人民幣，令網民大呼：「阿嬌直播打賞小鮮肉都4萬喎？」而在台灣方面，演員張庭捐出 500 萬人民幣，目前暫時是捐款最多的明星；台灣天團五月天捐款 300 萬人民幣，而深受內地愛戴的彭于晏則捐款 100 萬人民幣、歐陽娜娜則捐款 50 萬人民幣。 . 擁百億遺產！黃子韜暖心舉動卻被大讚？ 身處內地的明星們則被形容為最大方闊綽，目前捐款最多的是言行相當出位的黃子韜，雖然他曾經一度被指愛土豪式炫富、揮霍他爸爸留給他的過百億遺產；不過黃子韜今次不但捐出 300 萬賑災，而且更吩咐員工全線下架旗下服飾店的衣服、褲子捐往災區及救援隊！後來黃子韜服飾店的員工將其對話擷圖曝光而引起熱議，有網民認為只是形象工程，不過不少內地網民依然十分受落。 . 而內地不少明星夫妻檔如鄧超孫儷夫婦、汪峰章子怡夫婦、羅晉唐嫣夫婦、吳奇隆劉詩詩夫婦、李榮浩楊丞琳夫婦、趙又廷高圓圓夫婦、張杰謝娜夫婦、郎朗 Gina Alice 夫婦等，都紛紛以聯名名義捐款 100 萬人民幣救災。 . 明星善款數目成熱話！ 10月7日生日的張藝興（Lay）捐款107萬，陳冠希秦舒培夫婦則捐出 50 萬，無綫電視首席創意官王祖藍、李亞男夫婦合捐 50 萬元，網民亦認為大嘆不少明星的捐款與名氣不成正比，令人失望。 . Angelababy、黃曉明夫婦成箭靶！ 雖然說「多多益善，少少無拘」，不過卻不是每位明星捐款也會受到感謝！因為作為內地一線頂流女星的 Angelababy（楊穎），以及丈夫黃曉明就被內地網民炮轟「捐款太少」！Angelababy 以個人名義捐款 50 萬，而黃曉明則以自己的名義向河南捐出 20 萬瓶礦泉水以及 1 萬支消毒用品，兩夫婦不但是當日唯一沒有聯名捐款的，而且就連捐贈的方式也「貌合神離」！ . 而且當並列的一線女星楊冪、佟麗婭、張雨綺、趙麗穎等都是捐款 100 萬時， Angelababy 的捐款數目就惹來網民不滿：「一部劇下來也幾個億了」、「8000萬片酬，就只捐了50萬？」、「一線捐50萬？一個婚禮就一個多億了，好意思嗎？」 . 不過亦有網民認為有心已經值得欣賞，更指不應「道德綁架」，以金錢衡量善心。大家又有甚麼看法呢？ . #女生gossip熱話 . ✨ GirlStyle 女生日常 App ✨正式登陸 App Store 及 Google Play 📱 想隨時接收最新美妝時尚資訊及女生人氣熱話⁉️ 立即Click入@girlstyle.mag Bio連結下載！🤳🏼 . 陳凱琳【維持幸福婚姻的秘訣】 Cover story vol.13 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover

兩代所累積落黎😢而又延續下去既悲劇😭好文學同埋藝術feel咁去表達左呢份寫實既藍本😍呢套戲係首部劇情電影計劃既電影黎☀️有咩咁值得鄭中基零片酬演出🤩係因為劇本真係好細緻🤪簡單既情景加上演員既超級演技🥰每一秒都感受到個份對生活不斷重覆既掙扎😇最感動既係呢套2019製作既電影中既多個字句深深觸動每一個年輕人既心💖 . 一套講述兩個被遺棄既下一代未婚懷孕既遺憾故事🌹原生家庭既問題真係會代代延續🍃大概係人總尋著一份永無止境既愛😊衝出國際既高質港產片🌻一定要入場支持下haha🐒記得戴口罩同注意消毒😷🤤🤤🤤❤️ . @elisa.s.day @gh_cinemas @alanfoxmulder @tinyeyes39 @tsztungtonywu @hannachanx @carolto0201 . Thanks @bonistravelling⭐️ @tuesday.movie 🪴 . #hongkong #visualhongkong #instameethk #discoverhongkong #explorehongkong #unlimitedhongkong #hkig #hkgirl #blogger #hkblogger #snapshot #photography #遺愛 #elisasday #鄭中基 #香港電影 #年輕人 #hkgirls #film #movie #劇情片 #影評 #優先場 #謝票場 #港產片 #discover #filmreview #跟著愛麗絲去睇戲 #香港遊記 #愛麗絲夢遊香港

有睇四台聯播嘅你，唔知有冇同我一樣有啲感動熱血嘅感覺呢？⁣ ⁣ 戴返個頭盔先，因為我今日要RN interview，所以琴晚睇埋試當真條片就去咗温書，温到點幾兩點。今朝起身第一件事就係追返小薯茄同FHproductionhk嘅片，睇完之後有種莫名嘅感動，覺得成件事真係好正好熱血呀喂！特別係聽到熊仔頭話「希望香港攞套野出去係可以同全世界嘅片打」，我完全唔覺得係天馬行空嘅幻想，反而真係睇到香港電影，又或者話香港創作嘅未來係充滿希望。⁣ ⁣ 唔知由幾時開始，睇港產電影變咗係一件好奇怪，完全唔合乎主流嘅事。唔計近幾年多返人支持返香港嘅創作，至少由我有記憶以來開始，每次聽人講去睇戲，都係睇啲荷里活猛片呀雲集國際巨星嘅大製作⋯如果你話去睇港產片？聽得最多嘅回應可能係「下，最近有上呢套電影咩？」、「未聽過嘅」、「冇見過有賣廣告嘅」、「啲明星全部唔識嘅」⋯但明明周星馳嘅電影好多香港人都睇到可以背返啲對白出來，又或者王家衛嘅電影係深受世界各地嘅觀眾欣賞，點解由唔知幾時開始，港產片連香港人自己都唔太留意，更加唔好講支持呢？⁣ ⁣ 其中一大原因一定係資源問題。一直以來，好多創作人都好努力去製作可以代表香港本土文化嘅電影，但咩都要錢，演員要錢拍攝要錢；經費有限，政府又咁「重視」香港嘅創意產業，唯有用有限嘅資源盡力拍最好嘅野出來。請出名嘅明星要好高片酬，不如索性發掘下啲新人，但觀眾見啲演員個個都生面口，新晉導演嘅名又未聽過，又可能冇咗想睇嘅意欲⋯搞完一大輪，付出好多心機，最後可能換來淡薄嘅票房收入。喂，下下都蝕錢，仲點繼續拍香港電影呀？不如退而求其次，同下大陸合作，加啲普通話對白，至少揾到啲巨星撐下場，劇情唔係最重要，有畫面有特效就得架喇⋯呢啲電影出到來可能受歡迎啲，但仲係唔係純粹嘅港產片，仲係唔係本土嘅創作，就真係唔知道喇。⁣ ⁣ 不過喺近幾年，好似開始見到曙光。⁣ ⁣ 開始多人支持返港產片，睇到有啲香港電影爆晒場，票房收入破晒記錄，啲人茶餘飯後嘅話題會圍繞住啲港產片，甚至好似睇avenger咁一刷二刷再刷⋯⋯我諗唔止係因為香港人喺中共嘅壓迫下好想捍衛、支持返本土嘅創作，當中都一定因為呢啲創作都係高質嘅創作。好難食好難食嘅黃店，再黃都唔會留得到一班會再回頭嘅食客；如果係粗劣嘅創作，我諗香港人都唔會願意俾錢入場一睇再睇。所以香港嘅電影絕對有閃閃發光嘅地方，有好多好好嘅創作，有時可能只係差咗你冇俾佢一個機會呈現喺你睇前。⁣ ⁣ 講返四台聯播，我諗有睇四台聯播嘅你，可能本來都唔係四個台嘅觀眾，可能會特別鍾意某一個台。我自己本身都唔係追晒四個台：熊仔頭我由中學開始鍾意，睇到今年大學畢業，每條片都有睇（加埋我係杜以辰忠粉）；試當真我都係開咗台冇耐先開始追，愈追愈欣賞佢地（豪腎世界第一）；小薯茄我就間唔中會click入去睇一兩條片（最鍾意阿冰）；啱channel就好少睇，都係youtube彈出來見到有啲興趣嘅片先會禁入去（我細佬好鍾意阿gi🤣）。但我覺得今次四台聯播最正嘅位就係，你唔駛鍾意晒佢地四個台架，佢地就只係想一齊創作，做好一件事俾香港人睇。每個人鍾意嘅野都唔同，有人可能鍾意熊仔頭嘅星爺式幽默加細緻劇情伏筆style，有人可能好欣賞試當真嘅看似無厘頭但要自己領會其中嘅意味嘅創作，有人可能鍾意小薯茄嘅清新活潑正能量style，有人可能鍾意啱channel嘅靚畫面加集浪漫搞笑於一台嘅全面性⋯但今次四台聯播唔係為咗令多啲人鍾意睇佢地，唔係為咗吸納多啲觀眾咁簡單，而係想透過呢次合作，保留各個台嘅特色，再喺呢個基礎上一齊創作啲新嘅野，擦出火花，將佢地各自吸引人嘅特色發揮到最大，而結果出來我自己覺得好正。喺香港呢個偏向踩人多過讚人嘅社會風氣裡面，我會話佢地第一次就搞咁大壇野實會有不足嘅地方，但我睇到嘅係佢地好用心去構思、拍片，不眠不休咁剪片，最後出來嘅片都有好多驚喜，好多新嘅火花。剩係有接近三萬人一齊睇住好多人眼中只可以叫做網片嘅直播，宜家點擊率已經成唔知幾多十萬（揾唔到實質數字又懶得計），仲被各個傳媒報導咁大件事，已經係一個好大嘅突破，一個好值得紀念嘅歷史性時刻。四台聯播俾香港人睇到本土創作唔係流架，仲有一班人默默堅持創作，仲有一班人喺香港本土特色被逐漸沖淡嘅時候，仍然堅持捍衛本土嘅文化，拍香港人先睇得明嘅片，屬於香港人嘅片。可能喺好多人眼中，呢啲業餘嘅小製作同喺戲院大銀幕上映嘅正式電影仲有一段距離，但我覺得電影某程度上都係由一個構思開始，再將零碎嘅鏡頭、畫面、片段湊合成一個故事，再用配樂、聲效加以裝飾，將完整嘅一個意念呈現於觀眾眼前，由觀眾自己去思考、領略⋯而我地今日喺youtube睇嘅呢一段段以分鐘計嘅片段，雖然時間短啲，但當中創作者所花嘅心思，絕對唔比任何一套電影少。所以我相信香港嘅電影，香港嘅創作，香港嘅未來，係絕對有希望架。 最後，我畫咗呢幅畫來紀念呢個咁特別嘅日子。今次四台聯播就好似一舊有晒佢地四個台嘅元素嘅串燒咁，同平時嘅咖喱魚蛋串、燒賣串唔同，呢串野唔係將一樣野重複幾舊，而係集合晒幾個台嘅特色，係特別版來架，係百分百香港製造架。畫咗省略號係想表達，希望呢個唔係一個句號，而係一個開始，以後仲會陸續有來。 香港電影已死？就係要繼續做繼續做，你撐我撐你，24小時一定起死回生，再攞出去同全世界嘅所有片打。#staycuteprocreate