香港Busking文化崩壞，和玩不玩「願榮光歸香港」是兩件事。而依兩件事本身都好有問題！

得罪講句，香港真正有水準或者有資格稱呼自己係busker嘅樂手少之有少。唔係人人拎拎個cube amp、拎枝mic stand、拎枝結他去街邊開檔睇住份錯晒chord嘅簡譜，未經消化咁自彈自唱就等於busker。

依啲人根本連喺屋企練熟自己首歌都未做好，談何表演？談何演出？談何分享音樂？

乜野叫人血饅頭呢？你可以去尖東海旁聽吓，啲人囫圇吞棗咁睇住份譜玩其他人嘅創作，賺自己所謂「賣藝」錢。唔係話cover歌唔得，但你無自己消化後嘅編曲，只會淪為一個無自己靈魂嘅mp3播放器。

係大半年前未爆煲前，啲人係排住隊係海旁玩至少還有你，引大媽揮動電話扮星海搞氣氛。如果你覺得依啲心態嘅busker都可以係自己人，又或者覺得依個方法搵錢無問題，咁你都唔應該攻擊屯門娜娜，因為根本沒有誰比誰高尚，大家都係講錢唔講藝。

至於Wally的水準，只能講佢嘅所謂金身，全賴香港busking界池中無魚而成。惶論創作、編曲，只要手野練到基本見得人嘅程度，再加唱歌唔走音；唔駛睇譜（佢都有睇）；唔唱廣東歌等是旦一樣加乘，你已經夠打。

但審美眼光並唔係咁樣海軍鬥水兵練出嚟，你只係拎嚿無咁臭嘅屎嚟放神枱。香港人都可能因為習慣咁樣待人接物，下至娛樂；上至政治、投票都用咁心態。

之後就講下「佢都無唱願榮光歸香港，唔係自己人！」。

Wally係咪自己人並唔重要，佢只係生意人嚟，重要嘅係你服唔服佢搵錢嘅方法。佢私下有無表態，同佢有無用音樂表態，係兩回事嚟，無必要因為佢有無唱依首歌而判斷黃藍。或者對佢嚟講香港只係搵錢地方，根本對你哋政治生態無興趣呢？你與其用依一點批鬥外地人，不如批鬥下啲將「香港地係搵錢㗎咋」嘅上一代好過啦。

如果你後悔推咗依個人上神枱，咁你應該自己檢討下當初點解覺得佢正。佢只係香港人審美泡沫嘅犧牲品而已。

而且老實說話，願榮光歸香港這首歌，根本就沒有多少音樂人願意唱，包括我自己在內。

真係唔係人人都頂得順嗰份搵國歌唱嘅矯情情操。

願榮光又好、海闊天空、誰還未發聲又好，我唔反對依類「類國歌」係有團結士氣嘅作用。但當政治歌曲發展成「你唔唱就唔係自己人」嘅民族情緒時，其實你同共產黨迫人聽義勇軍進行曲時要起立落眼淚有乜野分別？

以曲論曲，以詞論詞，願榮光甚至及不上後三者。它只是在政治立場為先，審美為次的大催勢下成為潮流。而這個音樂介入政治的潮流，必然會受到美學和香港人對時事善忘程度的洗禮，而出現「政治壽命」。

若然你以此為尺，只重視政治為號的罐頭音樂，你也間接成為了幫兇，抹煞很多一直為本地文化默默耕耘的音樂人。沒有自己文化，就註定被共產黨統戰。

#黃藍是政見
#審美是必須

【#狼少 ｜#狼少製作 】#全因堅守 616 香港因你… ｜#長相廝守

這一個星期，香港經歷了大轉變
這個轉變，是來自過百萬香港人的汗水
香港人的團結
令不可能成為可能

MP3下載連結：https://www.sendspace.com/file/33turw

【#全因堅守 (原曲：#長相廝守 )】
鳴謝困厄裏因你出現
同度過失意
鳴謝再願意為衝破冷靜
熱血透支
鳴謝你風雨中去呼叫百萬次
身與心推向極緻
沿路縱是佈著刺
晝夜再熱熾
風雨吹過無數次
仍會願意

回望最初
聲嘶力竭中找寄望
無視我的像鐵幕束縛
當刻人人驚慌
城裏嗟嘆徬徨
然後某刻
不甘面對漆黑仰望
人在壓抑逆轉出堅壯
紛紛齊來抵擋
頑抗不再投降
百萬人帶著戰火
在臨敵剎那
衝上招架
去吧

鳴謝困厄裏一再出現
同度過失意
鳴謝再願意為衝破冷靜
熱血透支
鳴謝你風雨中再呼叫百萬次
身與心推向極緻
沿路縱是佈著刺
晝夜再熱熾
風雨吹過無數次
仍會願意

堅盾裏集萬人狂歌
催淚中聚萬人團火
那怕這是禍
浴血終雖會痛
亦會怯懦
天國放下璀璨離歌
你驟變墜落的希望
上路那日會換上了花火

榮幸你跟我擺脫宿命
來突破天意
榮幸今世因你衝破注定
力竭至此
無論要經過一戰千戰百萬戰
堅守的一戰 不變
無懼再面對下次
再累也願意
即使傷過無數次
仍會願意
人要逆天意去嘗試
城裏是一致
.
【更多影片↓↓黐實我哋】
Instagram: https://bit.ly/gongnedi_IG
Facebook: https://bit.ly/gongnedi_FB
Facebook Group: http://bit.ly/gongnedi_FBG