雖然這篇願榮光歸香港原版鄉民發文沒有被收入到精華區：在願榮光歸香港原版這個話題中，我們另外找到其它相關的精選爆讚文章
在 願榮光歸香港原版產品中有4篇Facebook貼文，粉絲數超過3萬的網紅Kai Chi Leung 梁啟智，也在其Facebook貼文中提到， 收到網友投稿，有香港人在愛沙尼亞首都塔林，也就是原版波羅的海之路的起點合唱《願榮光歸香港》，結束時以愛沙尼亞語和俄語叫口號 "Vabadus hongkonglastele" （給香港人自由）和以俄語／烏克蘭語叫口號 "Слава Гонконгцам" （榮耀歸於香港人）。 感謝支持！香港人加油...
願榮光歸香港原版 在 Kai Chi Leung 梁啟智 Facebook 的最讚貼文
收到網友投稿，有香港人在愛沙尼亞首都塔林，也就是原版波羅的海之路的起點合唱《願榮光歸香港》，結束時以愛沙尼亞語和俄語叫口號 "Vabadus hongkonglastele" （給香港人自由）和以俄語／烏克蘭語叫口號 "Слава Гонконгцам" （榮耀歸於香港人）。
感謝支持！香港人加油，萬事小心。
願榮光歸香港原版 在 Kai Chi Leung 梁啟智 Facebook 的精選貼文
願榮光歸香港原版 在 無神論者的巴別塔 Facebook 的最讚貼文
唱歌抗爭呢D我唔熟，睇下專業公關點講
香港現象級歌曲《願榮光歸香港》：現象如何持續下去？
歌曲可以用嚟宣傳、團結同鼓舞士氣，無疑係社會運動中有力嘅催化劑。8月26號有網民將軍歌《願榮光歸香港》初稿放上 LIHKG， 8月31號已經有 MV 出現，然後 9 月頭已經有唔少香港人自發喺商場，包括大埔、沙田、太古等地，大聲高唱，甚至港隊喺大球場作賽，香港球迷嚟一個大合唱，由大叫「光復香港，時代革命」，變成唱出嚟，喚醒香港民主自由嘅靈魂。
呢首現象級（phenomenal）歌曲，同其他現象級歌曲一樣簡單、具創意同啱 Timing！
**最緊要係琅琅上口**
首歌啲詞好靚？唔算係；曲好聽？都唔算係。但最重要係曲風易記易入腦，歌詞亦扣連到每個香港人嘅經歷同記憶。《義勇軍進行曲》嘅歌詞同樣唔係深唔係靚，憑住日播夜播兼旋律易記而「深入民心」，同樣道理，呢個時勢，最淺白嘅字先至係最有力嘅子彈，配上莊嚴嘅古典曲風，成為最有力量同凝聚人心嘅歌。
**第一波現象級爆發**
用數字上嚟睇，原版 MV 已經有 143 萬次播放數，而最新 9 月 11 號喺 YouTube 推出嘅 管弦樂團及合唱團版 MV 一日之間已經錄得 80 萬次播放。淨係「願榮光歸香港」呢6個字，9月10號單日錄得超過 5 萬次搜尋！尋晚沙田大合唱，個個都識唱！（題外話：MV 用 21:9 格式發布，果然係班電影業人士做嘅！）話就話軍歌，其實唔少香港人都將佢當作國歌看待，而持相反意見嘅香港 / 中國人只會識用佢哋國歌「回敬」，亦變相將《願榮光歸香港》同《義勇軍進行曲》睇齊，間接地將港中區隔。
**隱憂：熱潮係咪一下就過？**
不過，唔少現象級歌曲都有個弱點：爆紅完之後就好快完，《Sing Hallelujah to the Lord》就係個好例子。加上可以預視到，中共會將《願榮光歸香港》扣上「港獨」嘅帽子，透過文宣同行政嚟打壓，要 Keep 住呢首歌持續唱落去，仍然有一定嘅未知之數。
要 Keep 住個熱度，抗爭者以至大多數香港人，必須將《願榮光歸香港》再進化，變成唔同場景都啱用嘅版本！例如細個學過牧童笛，會唔會整個牧童笛大合奏？唔同嘅電話鈴聲版本？或者喺警署門口每晚不斷 Loop 住播？或者學日本咁傍晚喺街度播歌？
當然，我哋可以將呢幾日喺各個商場同大球場嘅自發大合唱視為一個預演，喺9月15日警方仍未批准嘅遊行，大家再集結喺一齊有機會成為真正嘅 200 萬人大合唱！隨後每個禮拜嘅週末繼續遍地開花，持續爭取國際媒體嘅關注同報導，加深國際社會嘅認可。
**咁點樣宣揚開去？**
識印梗係印 Tee！唔好以為咁快個個都記得晒歌詞，著住出街去集會，後面嘅人睇住前面嘅背脊嚟唱，一次生兩次熟！再唔係就印 Folder 去派，前面標語後面歌詞，平時仲有得拎嚟用！《願榮光歸香港》究竟只係一首K歌定係一首代表新香港時代精神嘅歌曲，就睇大家會唔會堅持傳開佢。
#FreeHK #ANTIELAB #HONGKONGPROTEST #FREEDOMHK #香港デモ #反送中 #逃亡犯条例