我嘅職業係：同性戀治療師（下） . 我開始諗，同性戀未必係激素問題，可能係心理病。 . 就好似有啲人受咗刺激，從此陽痿一樣。 . 我決定利用「巴甫洛夫的狗」嘅理論，巴甫洛夫每次餵狗前，都會搖吓個鈴鐺，後來即使佢冇準備食物，隻狗聽到鈴鐺聲都會流口水。 . 按照呢個理論，如果患者每次諗起同性戀，都有痛苦嘅回憶，咁佢就唔會再敢去諗同性戀。 . ， 於是，我安排咗電擊治療。 . 方法好簡單，除咗同性戀患者條褲，將佢綁起嚟，之後畀佢睇同性戀嘅影片同圖片，一旦佢有生理反應，就電擊佢。 . 呢個方法幾成功，患者會對同性戀產生條件反射式嘅厭惡，一睇到同性戀相關嘅嘢，就會諗起被電擊嘅痛苦。 . 如果戒唔到同性戀，就再拎番電吓。 . 我嘅療法取得咁大成功，迅速得到政府嘅支持，將呢個療法普及化。 . ， 不過，呢個療法要好多人手，要搵工作人員觀察住患者，及時電擊佢。 . 於是另一位醫師改良咗療法，直接用藥物代替電擊，注射藥物後，會嘔同覺得極度噁心。 . 所以，醫護人員只需要喺患者睇片前，直接打一針。 . 睇片嘅時候，患者自然會好痛苦。 . ， 我以為我已經成功咗，但過咗一段時間，問題漸漸出現。 . 有啲被電擊過，以為「康復」咗嘅患者，喺出院後自殺。 . 亦有一班人權人士，認為即使係精神病患者，都應該有人權，唔應該被咁樣虐待。 . ， 有見及此，我改良出「愉悅療法」。 . 方法係畀同性戀者睇正常嘅男女AV，然後不斷刺激大腦掌管快樂嘅地方，令佢哋記得異性戀嘅愉悅。 . 嗰一年，我嘅病人係一個叫阿斯嘅後生仔。 . 我將電極植入阿斯腦裡九個唔同區域，然後從後腦駁條電線，接通電源。 . ， 我準備咗好多正常嘅AV，阿斯第一次睇嗰陣好唔舒服，我馬上撳電掣，佢即刻感受到難以想像嘅愉悅。 . 梗係啦，人點解會沉迷毒品，都係因為毒品可以刺激到腦裡嘅某個區域，令人感到愉悅。 . 依加我直接刺激嗰個區域，比性高潮爽無數倍，仲唔爽到爆？ . ， 自此之後，阿斯每日都接受治療，佢直情迷上咗治療嘅過程，會自動拎AV嚟睇，希望我快啲撳電掣。 . 有一次，喺佢嘅強烈要求下，我畀咗個掣佢自己撳，結果佢喺三個鐘內，足足撳咗1500次。 . 我驚佢出事，先搶番個掣。 . ， 阿斯唔再抗拒睇正常AV，主動承認同性戀係精神病。 . 佢出院後，仲搵咗個女仔，拍咗十個月拖。 . 雖然冇長長久久，但都證明呢個療法係成功。 . 正當我想推廣呢個療法，政府居然宣佈，將同性戀從精神病列表中剔除。 . ， 同性戀唔係病？ . 我一生都努力醫緊呢個「病」，如果呢個唔係病，我一生人，到底做咗啲乜？ . —完— . 真人真事改編自20世紀至今的「同性戀治療史」，所有治療方法均為事實。 . 英國曾把數萬個同性戀或雙性戀男子定罪，「人工智慧之父」Alan Mathison Turing亦因性傾向而被迫害，最終服毒身亡。 . 直到2017年，Alan Turing law生效，赦免英國歷史上因反同性性交法律而被定罪的男性。 . #短故 #短篇 #小說 #陳美濤 #廣東話 #粵語 #tomatochan #我嘅職業係同性戀治療師 #我嘅職業係

我嘅職業係：同性戀治療師（上） . 「踏入嶄新嘅20世紀，醫學發展一日千里。希望在座各位，都可以為現代醫學盡一分力。跟住落嚟，我哋要解決嘅世紀難題係：同性戀！」 . 導師講完呢段說話，在座嘅學生紛紛鼓掌。 . 我都好激動，我哋嚟緊要研究嘅課題，居然係近期最熱門嘅「同性戀」。 . ， 同性戀，有人話係精神問題，有人話係生理問題。 . 總之，出於一啲好奇怪嘅因素，居然有人唔鍾意異性，鍾意同性，數量以男人居多。 . 呢種奇怪嘅傾向，對家庭、社會都造成嚴重嘅負面影響。 . 好多家人都會帶同性戀嘅人嚟求醫，但現時嘅科學，仲未有一種可靠嘅療法，可以醫治到呢種被惡魔詛咒嘅疾病。 . ， 最近期嘅研究指出，同性戀嘅病因係激素異常。 . 所以，我哋參與嘅第一個項目，就係要幫同性戀患者注射激素，並且記錄佢哋嘅身體變化。 . 我參與咗幾個case，暫時未有咩成果，我都好努力咁去做，希望可以幫到病人。 . ， 直到我見到一個新嘅病人，阿倫。 . 阿倫係一個天才，佢喺劍橋大學畢業後，負責海軍密碼分析，期間研發咗一啲破譯密碼嘅重要技術，又搞人工智能之類。 . 而且，佢運動都好勁，係世界級長跑高手。 . 咁犀利嘅天才，偏偏患有同性戀。 . ， 阿倫嘅同性戀病實在太嚴重，嘗試過同男人發生關係，被判以「明顯的猥褻和性顛倒行為」罪，需要進行化學閹割，即係注射女性荷爾蒙。 . 阿倫既係國寶級人才，亦係一個好好嘅實驗對象。 . 我哋嘅團隊去咗觀察佢，睇吓化學閹割可唔可以幫助醫治同性戀。 . ， 因為注射女性荷爾蒙，阿倫嘅身體出現咗好多變化，佢嘅乳房不斷發育，亦冇辦法再參加賽跑。 . 我本來就好敬仰阿倫，所以我成日去安慰佢：「你比心機接受治療，好快就會變番正常人，唔會再對男人有性慾。」 . 阿倫總係搖搖頭，唔出聲。 . 突然有一日，阿倫服毒身亡，震驚成個國家。 . ， 我好唔開心，又覺得自己好無用。 . 如果我勁啲，搵到醫治同性戀嘅方法，阿倫就唔駛受咁多折磨，唔駛搞到自殺。 . 所以，我發誓，我一定要搵到醫同性戀嘅方法，拯救眾多同性戀者。 . 再試咗幾年，我確定，激素治療係無效嘅。 . ， 除咗被判刑嘅同性戀者外，都有唔少人係發現自己有同性戀傾向，主動求醫。 . 梗係啦，邊個唔想光明正大咁愛一個人，邊個想成世俾人歧視，仲會俾人拉。 . 所以，我有機會實驗好多唔同嘅方法。 . 呢個時候，我已經係一個獨當一面嘅醫生，經過多番考慮，我決定嘗試手術移植。 . 我閹咗一個男同性戀，移植咗另一條男屍嘅睪丸落去。 . 由於唔係成日都有壯年男性嘅屍體，我仲試過移植黑猩猩嘅睪丸，反正黑猩猩咁man。 . 可惜，即使睪丸移植成功，同性戀依然係同性戀。 . 又一個方法，失敗。 . ， 我開始諗，同性戀未必係激素問題，可能係心理病。 . 就好似有啲人受咗刺激，從此陽痿一樣。 . 待續... . #短故 #短篇 #小說 #陳美濤 #廣東話 #粵語 #tomatochan #我嘅職業係同性戀治療師 #我嘅職業係

總之，我現在於 #嵩馥性健康管理中心，為有性功能障礙困擾的人們服務啦!​ ​ 其實已經在這裡工作好一陣子了，只是現在才跟大家說（甚至有人已經順利解決問題，進入有能力性福一輩子的領域了！）​ ​ 蛤?沒聽過嵩馥是做什麼的?幾本上大多數的性功能障礙都是嵩馥在處理的範圍喔，像是：​ ​ ▶男性的​ #早發性射精 ​ 俗稱 #早洩​ ​ ▶#勃起功能障礙​ 俗稱的 #陽痿 或 #不舉 ​ ​ ▶女性的 ​ #陰道痙攣​ ​ ▶或是其中一方的​ #性交疼痛​ #做愛會痛 ​ #性慾低下​ #性生活不協調 ​ ​ 諸如此類跟 #性生活 或 #做愛 有關的問題或障礙，都屬於嵩馥性健康管理中心的協助範圍喔！​ ​ 雖然我平常變態變態的，但是我可是很用很認真以及專業的態度在協助每個人！​ ​ 你知道的嘛~網路上跟真實世界的反差萌也是一大魅力(自己講​ ​ 總之未來也務必多多指教啦~