《春光乍洩》1997 越來越喜歡以悲傷為基調的愛情片，更能襯托片刻甜蜜的難能可貴。電影開頭是雙男主角決定重新開始，一起到阿根廷生活。溫柔堅強、感情中的照顧者黎耀輝（梁朝偉飾），燦爛自由、水一般難以捉摸的何寶榮（張國榮飾），注定要相愛卻不會幸福的故事。  #只能相愛不能相惜 阿輝和榮仔總無法自拔的靠近彼此，但每每潮起潮落、分分合合。雖然離開的都是榮仔，看起來是拈花惹草的他拋下忠心耿耿的阿輝，但感情裡絕對是都錯也都對，兩個人都有問題才能糾纏不休。  我們可以從阿輝的行為看出他的控制慾，像藏起榮仔的護照、買大量的菸只為了讓榮仔沒有藉口出門，無微不至的照顧很容易貶值，對愛好自由的榮仔來說，過度保護壓得他喘不過氣💨所以才會說「跟你在一起好悶」，最後轉身離開。  🙈吹不散的親密依賴最可怕，榮仔雖然流連於不同男人間，但每當受了委屈，他知道只有阿輝會無條件擁抱他。對阿輝來說，即使知道留不住他，還是熬不過他的軟磨硬泡，一次又一次接受他的幼稚任性，哭斷腸也想不出自己錯在哪裡，終於連最後一片靈魂都受傷以後，把悲傷放在燈塔、淚水留給瀑布，決心放下。  #斑斕的色調和晃動感 王家衛導演個人風格強烈，常被用浪漫來形容，這部也不例外。鏡頭大多曖昧不明、搖搖晃晃，彰顯這段關係的不安定與脆弱，危險的平衡搖搖欲墜。  #全片在三種色調間轉換 ⚫一開始的黑白，象徵他們感情中的低谷，兩人之前的火苗又一次燃燒殆盡，彷彿所有美好都被抽離，只留下枯燥乏味的灰燼。  🔴接著在榮仔受傷以後，照顧和被照顧的需求回來了，替這段感情找到了重心，所以破爛的租屋處是美麗的、繁忙的工作是值得的，他們的感情再次升溫，把回憶都染成暖洋洋的橘紅色。  🔵從快樂的日子裡，穿插輝仔獨自一人時的藍色調，隨著相處的問題再次浮現，冷色的畫面也越來越多，最後不論兩人在一起或分開，都是深藍的孤單寂寥，關係降到冰點，再也沒辦法融化彼此心上的霜。  #張國榮和梁朝偉兩百分的表現 他們之間的化學反應太勾人了啦！把各自角色的魅力發揮到極致，榮仔鬼靈精怪、可愛地讓人癡迷，阿輝溫柔體貼、給人安全感還有點反差萌，兩個我都愛上(இωஇ )  倒是張震，口音、氣質和演技純熟度都和主角有落差，每次一到他就小小出戲，也有可能是因為帥到出戲啦（開玩笑ㄉ🙈）  93/100 #春光乍洩 #影評 #電影

我嘅職業係：扮賊（上） . 好多時，一個人搵到終身職業，開端只係一件微不足道嘅小事。 . 當年，我仲係一個內向嘅小男孩，奈何身材高大，滿臉橫肉，所以話「相由心生」係呃鬼嘅。 . 讀中學果陣，我參加咗話劇團，識咗個老友叫阿輝，佢追緊女仔，出盡法寶，都久攻不下， 於是佢就叫我扮賊，畀機會佢英雄救美。 . ， 我口都窒埋：「下，做......做賊？仲要拎刀？我唔識。」 . 阿輝拎出一把刀，反手就捅落自己心口，我嚇到面無人色，先發現佢無流血。 . 阿輝得意揚揚：「伸縮刀嚟架，根本唔利，就算唔小心捅到人，刀刃都會縮。」 . 我半信半疑咁接過把刀，同阿輝排練好台詞，「此路是我開，此樹是我栽」之類。 . 最後我忍唔住問：「萬一我穿咗煲，搞到你追唔到女仔，咁......點算啊？」 . 阿輝答得輕描淡寫：「你令我無咗個女朋友，咁咪你做我女朋友囉。」 . ， 喺呢種「不成功便成仁」嘅威脅下，我好努力演出。 . 應該話，我一拎把刀出嚟，個女仔就嚇到花容失色。 . 阿輝就擋喺佢面前：「你要殺就殺我啦。」 . 我望吓我手上果把小刀，如果要殺人，我諗都要千刀萬剮先得。 . ， 然後我同阿輝就開始搏鬥，拳來腳往，虎虎生風， . 但係個女仔已經捂住對眼，蹲喺地下尖叫，所以呢場精彩嘅武俠片，居然係無觀眾嘅。 . 結果阿輝一招「黑虎偷心」，成功打退咗我，個女仔好感動，阿輝抱得美人歸。 . 跟住落嚟果三個月，我嘅中午飯都係阿輝請，都算係創造咗一筆收入。 . ， 畢業之後，我搵咗幾份工都唔岩心水。 . 呢個時候，又有朋友向我抱怨，話追唔到女仔。 . 我嘅做「賊」事業，就咁樣開始咗。 . 其實都要感謝愛情小說、浪漫韓劇，總係講男主角要不顧生死，拯救女主角，先夠浪漫。 . 但係現實邊有咁多生死關頭，最多係打緊機果陣，不顧全隊生死，去聽你電話，已經好難得架啦。 . 我嘅責任，就係創造一個生死關頭。 . 工作過程都算順利，除咗我「敗走」之後，有啲女仔話要報警，要個客千勸萬勸先放棄。 . ， 我一直以為，我做嘅嘢係岩嘅，女人鍾意浪漫，咪製造浪漫囉。 . 反正浪漫本身就帶住幾分虛偽，唔通對住支蠟燭，晚餐會好食啲咩。 . 直到有一次，我接到一單生意。 . 個客同女友拍咗幾年拖，女友平時都對佢好好，但一講起結婚就支吾以對。 . 所以，個客想整一場轟烈啲嘅戲，去打動女朋友，然後求婚。 . ， 我嘅伸縮刀，亦應佢要求換成真刀。 . 劇情嘅設計係，我拎住刀衝過去佢女友度，個客就大叫：「唔好傷害佢！」 . 然後個客會幫女朋友擋一刀，當然係用手臂擋啦。 . 我做咗咁耐賊，連雞都無殺過。 . 依加仲要我見血，我真係好緊張，不過做服務業，顧客就是上帝，都要照做嘅。 . ， 但跟住落嚟嘅劇情，我同個客都估計唔到。 . 我照拎住刀，衝向佢女友，個客亦移近兩步，準備幫女友擋刀。 . 但話未講出口，佢女友突然伸手一拉，將個客推向我刀口，然後轉身就跑！ . 好彩我閃避得及，差啲成把刀插咗落個客身上。 . ， 我望一望，佢女友已經消失咗，影都無埋。 . 「佢好似......賣隊友喎。」我望向個客，見到佢已經蹲喺地下喊緊。 . 我拍吓佢肩膀：「呢次失敗咗啫，我地諗個新劇情，下次我免費補番畀你。」 . 「你覺得我仲應該娶佢咩？」 個客抬起頭苦笑：「點解拍拖，由追求到求婚，都一定係男人討好女人？」 . 咁哲學嘅問題，我只係一個賊，我答唔到。 但果一刻，我心中充滿咗共鳴。 . ， 自此之後，除咗英雄救美之外，我開多咗一項新業務：試探。 . 工作內容差唔多，都係製造恐懼。 . 呢項服務，比英雄救美更受顧客歡迎。 . 原來無論男女，都會好奇，生死關頭，果個話「愛你愛到海枯石爛」嘅人，到底會唔會賣隊友。 . 我飾演一個變態嘅賊，追住個客嚟斬，再睇吓佢另一半咩反應。 . 呢場戲比英雄救美大陣仗，所以我請咗個助手，係我鄰居小芳。 . 待續... . #短故 #短篇 #小說 #陳美濤 #廣東話 #粵語 #tomatochan #我嘅職業係扮賊

女友話要畀新鮮感我（上） . 聽日係我生日，今日女友蚊蚊就同我講，話聽日要畀啲新鮮感我。 . 唉，都拍咗拖七年，仲有乜野新鮮，最多咪換套性感睡衣。 . 點知蚊蚊話：「我表哥發明咗個『樣貌轉換器』，可以完全變成另外一個人，佢肯借畀我試下。」 . 樣貌轉換？我個心呯呯跳，真係好有新鮮感，我揀咩樣貌好？ . Model娜娜、明星雪雪、定隔離屋個靚女Gigi？ . 「聽日你就知。」蚊蚊神祕一笑，轉身瞓咗。 . ， 我懷住激動嘅心情，第二朝睜開眼，就見到隔離屋個靚女Gigi！ . 蚊蚊真係識做，我正要撲埋去，突然發現，間房唔同咗。 . 「Daniel，做咩呆咗？快啲起身煮早餐啦。」 . 咪住先，我明明叫阿輝，Daniel...... 係我同事，亦係Gigi嘅男友，我一向羨慕佢嘅艷福。 . 我即刻衝去廁所，果然喺塊鏡度見到Daniel個樣。 . 嘩，蚊蚊做到咁盡？ 唔係自己變身，而係將我變成Daniel，等我有得同Gigi拍拖？ . 咁真正嘅Daniel去咗邊？ 唔理啦，飛來艷福，要我就係禽獸，唔要就連禽獸都不如。 . 突然我耳仔一痛，Gigi扭緊我隻耳仔：「煮完早餐就番工啦，蠢材。」 . Gigi睇落溫溫柔柔，原來咁惡嘅。 . 我死死氣氣去煮早餐，心諗，今晚我就大展雄風。 . 但出門口前，我一直俾Gigi鬧，煮得唔好食、著衫樣衰、行路慢吞吞...... 好似連呼吸都係錯， . 短短一個鐘，我已經有度日如年嘅感覺。 . ， 好不容易番到公司，我坐落Daniel個位， 好彩Daniel職務同我差唔多，我都應付得黎。 . 扮工到放工，我躊躇滿志咁番屋企， 喺門口遇到蚊蚊，我忍唔住感嘆：「蚊蚊妳真係大方。」 . 「你講乜野？」蚊蚊退後兩步，眼裡有對陌生人嘅戒備。 . 使唔使咁入戲？ . 呢個時候，Gigi一手將我扯入屋：「Daniel你想死啦，喺門口溝女？仲要溝隔離條醜女？」 . 我忍唔住幫蚊蚊辯解：「蚊蚊唔係醜女。」 . 「仲駁嘴！」Gigi一巴車埋黎。 . 唔好以為我唔打女人，反正我依加唔係阿輝，我正想還手，就被Gigi打到眼冒金星。 . 我仰起頭，見到牆上掛住Gigi嘅空手道黑帶證書。 . 佢下下都往最痛而無傷痕嘅地方打，簡直係家庭暴力專家。 . 結果唔好話艷遇，我不斷被精神上、肉體上虐待。 . ， 終於趁Gigi出咗街，我敲響咗蚊蚊道門。 . 「蚊蚊我知錯啦，世間始終妳好，我唔應該幻想其他女人，快啲將我變番阿輝啦。」 . 壞男人得到教訓，浪子回頭，應該大團圓結局啦？ . 點知，蚊蚊個樣好迷茫：「邊個係阿輝？」 . 待續... . #短故 #短篇 #小說 #陳美濤 #廣東話 #粵語 #愛情 #女友 #新鮮感 #女友話要畀新鮮感我