《物理治療師係香港其實係做啲咩既？》

上次同大家分享完藥劑師的工作不只是派藥，今日請來物理治療師朋友分享佢地嘅工作。以下由OH MY MYO提供

【首先，乜野係物理治療？】

物理治療直譯自英文 physical therapy ，就係 「物理」 同「 治療」。物理治療呢個字最多人以為係指用係一啲物理形式(而非化學形式: 藥物或侵入) 去作治療效用：一般諗到既電療，熱敷/冰敷， 手法治療等。

但其實physical 唔係淨係解作物理, 亦可解作「 身體的」。而另一個官方字詞 Physiotherapy，Physio- 字頭源自古希臘文, 中文意指「 自然 」。所以嚴格黎謂物理治療先至係真．自然療法。

根據組織 World Physiotherapy，物理治療既定義係提供服務予個人和民眾，以在其一生中發展、維持和恢復最大的活動和功能。

"Physiotherapists provide services that develop, maintain and restore people’s maximum movement and functional ability.......maximise their quality of life, looking at physical, psychological, emotional and social wellbeing.“

所以係醫療系統入面，物理治療師係一個不可或缺既存在。

物理治療可以從我地既身體結構分三大類

【1. 肌肉及骨骼科/ 骨科 Musculoskeletal】

大家對物理治療認識最多既一面，因為不論你踢波拗柴定訓"黎"頸或者跌斷骨，你都可能會接觸到既範疇。透過動作檢查及觸診，診斷病人既痛症問題。然後透過各種方法治療，例如:
- 電療 : 超聲波、干擾波 等
- 針灸 (其實已經係當侵入性)
- 運動治療
- 手法治療 (肌膜治療、關節活動手法等)
- 動態矯正

【2. 心肺科 Cardiorespiratory】
透過運動治療、呼吸訓練、呼吸回復姿勢(recovery position)、及呼吸機等協助病人改善心肺功能，從而改善日常生活活動(ADLs)。

長期病患如心臟衰竭、慢阻肺病 (chronic obstructive pulmonary disease, COPD) 呢類患者可能連最簡單既活動: 刷牙洗面都會氣喘。

另外就係病人係大手術後/昏迷長時間後甦醒，佢地既身體長時間訓平加上冇肌肉活動/ 因為手術後影響，由訓平到坐起身呢個動作，心臟都未必可以加大功率(增加血壓)去支持，所以有D人做完手術後起身會暈，因為心臟根本負荷唔到。

(所以個啲劇情: 昏迷兩年後….(手指郁)醫生！醫生！佢醒啦！然後下一幕就係女主角用輪椅推男主出花園透氣，男主角可能要一兩星期先可以唔暈咁坐輪椅出去)

【3. 神經科(Neurology)】

透過運動治療、機器輔助治療(robotic training)、肌肉電流刺激、鏡像治療等協助神經系統疾病病人改善活動及自理能力。
中風、柏金遜、甚至係因為早幾前因為ice bucket challenge 大熱既漸凍症 ALS 都係例子。

另外物理治療亦會從服務受眾黎分類

【兒科 Pediatrics】
為大腦麻痺、唐氏綜合症 、發展遲緩、自閉症或其他各類先天疾病等病童提供復康計劃黎協助佢地發展。

【運動科 (sports)】
球隊軍醫: 駐場應急STANDBY(你睇英超有球員受傷後第一時間拎住個袋衝出去既職員)
場外運動訓練黎減少受傷機會及提升運動能力，以及受傷後既復康計劃。

【老人科 (geriatic )】
主要服務對象係比較衰弱既老人家，運動及防跌訓練以強化身體能力及減少跌倒而引起既嚴重後遺症。

【婦科 (woman's health)】
提供產前、產後既痛症治療、保養運動等。

物理治療師在醫療體系中是不可或缺的一部分，近年極力提倡holistic care，醫生護士配合Allied Health為病人提供最全面的醫療服務。

《同業們一齊睇睇呢份人生教練的consultation note》

承上個post，人生教練Winnie Leung係網上讀完一個自然療法online course之後就conveniently幫自己冠上了一個「博士」名銜然後開始幫病人進行「量子」及「自然療法」咨詢。

有位患有自體免疫系統疾病-類風濕關節炎的病人，被人生教練遊說不要做手術（自然療法博士話係換盤骨，但盤骨係無得換，換的是髖關節(Total Hip Replacement）。

見完個病人之後，人生教練upload咗呢份疑似自己寫的consultation note的文件，背後係一份養和醫院風濕科門診的？信/？報告(HKSH, Rheumatology SOPD)
————————————
首先，文科生必須稱讚人生教練有學到醫護人員的精髓，寫字寫到鬼畫符咁。不過都可以清楚見到以下

1. Gluten sensitivity
2. High dose vitamin B9 (folate) & B12
3. Vitamin D +B1

在自然療法裡，我們常常會見到佢地話要食多d supplement，要多d維他命，唔可以食西藥。

其實我地要明白，高劑量的維他命同supplement某程度上都係藥，除非你打算淨係食菜同肉去吸收「高劑量」維他命。

好啦，我地一齊睇睇人生教練的high dose folate & B12係咩一回事。 首先如果一個人無貧血或服食特別藥物或者患有腸胃的疾病的話係唔需要補充folate/B12。

好啦，如果你患有pernicious anemia （惡性貧血）的話，係要打維他命B12針，人生教練係無資格處方及注射。

係呢個個案，類風濕性關節炎常見控制病情的藥(Disease modifying anti-rheumatic drug DMARD) 為 Methotrexate (MTX)，這種藥物(Dihydrofolate reductase inhibitor) 在服用後需補充folate。但重要的是，folate不能每日都高劑量服用，否則會令MTX無效。人生教練的高見(High dose folate) 其實可能會令病人服用的藥物失效，病情惡化。

另外，人生教練亦寫低咗Vitamin D + B1

首先，除非你瘋狂飲酒，否剛不需要補充B1，而Vitamin D在眾多風濕科病人來講的確是會處方的藥物。但在長期需要服用類固醇或長期active發炎的病人來說，Vitamin D就未必足夠，Vitamin D & calcium只能在骨質密度減低(osteopenia)的情況下才會用。

風濕科醫生在個別情況下或會處方抗骨質疏鬆藥例如Bisphosphonate/denosumab等等。Again, 人生教練係無資格處方和注射的。

最後，gluten sensitivity係咩事？Celiac disease? 但無論係邊一種investigation/確診的檢查都好，例如腸鏡biopsy、抽血驗Anti-tTG antibodies等等，人生教練都係無資格去安排同進行的。

—————————————
一個專科醫生要6年醫學院+1年實習+6年專科訓練。一個人生教練自然療法博士只需3個用online course，到底邊個可信，一目了然。

文科生明白大家生病時會好擔心，好vulnerable，但要記住好好保護自己，不要成為無良斂財商人的肥豬肉。錢失去了是小，延醫診治引來永久後遺症是大啊。

***btw, 好想教人生教練點take history，完全無structure, long case實死硬

#知唔知點解自然療法成日講supplement
#因為佢地唔可以處方藥物治療
#因為佢地唔可以進行任何醫學治療
#因為佢地得個3個月onlinecourse係
#你返去讀introductiontoanatomy先
#盤骨唔係hip
#你換個盤骨俾我睇

《同業們一齊睇睇呢份人生教練的consultation note》

承上個post，人生教練Winnie Leung係網上讀完一個自然療法online course之後就conveniently幫自己冠上了一個「博士」名銜然後開始幫病人進行「量子」及「自然療法」咨詢。

有位患有自體免疫系統疾病-類風濕關節炎的病人，被人生教練遊說不要做手術（自然療法博士話係換盤骨，但盤骨係無得換，換的是髖關節(Total Hip Replacement）。

見完個病人之後，人生教練upload咗呢份疑似自己寫的consultation note的文件，背後係一份養和醫院風濕科門診的？信/？報告(HKSH, Rheumatology SOPD)
————————————
首先，文科生必須稱讚人生教練有學到醫護人員的精髓，寫字寫到鬼畫符咁。不過都可以清楚見到以下

1. Gluten sensitivity
2. High dose vitamin B9 (folate) & B12
3. Vitamin D +B1

在自然療法裡，我們常常會見到佢地話要食多d supplement，要多d維他命，唔可以食西藥。

其實我地要明白，高劑量的維他命同supplement某程度上都係藥，除非你打算淨係食菜同肉去吸收「高劑量」維他命。

好啦，我地一齊睇睇人生教練的high dose folate & B12係咩一回事。 首先如果一個人無貧血或服食特別藥物或者患有腸胃的疾病的話係唔需要補充folate/B12。

好啦，如果你患有pernicious anemia （惡性貧血）的話，係要打維他命B12針，人生教練係無資格處方及注射。

係呢個個案，類風濕性關節炎常見控制病情的藥(Disease modifying anti-rheumatic drug DMARD) 為 Methotrexate (MTX)，這種藥物(Dihydrofolate reductase inhibitor) 在服用後需補充folate。但重要的是，folate不能每日都高劑量服用，否則會令MTX無效。人生教練的高見(High dose folate) 其實可能會令病人服用的藥物失效，病情惡化。

另外，人生教練亦寫低咗Vitamin D + B1

首先，除非你瘋狂飲酒，否剛不需要補充B1，而Vitamin D在眾多風濕科病人來講的確是會處方的藥物。但在長期需要服用類固醇或長期active發炎的病人來說，Vitamin D就未必足夠，Vitamin D & calcium只能在骨質密度減低(osteopenia)的情況下才會用。

風濕科醫生在個別情況下或會處方抗骨質疏鬆藥例如Bisphosphonate/denosumab等等。Again, 人生教練係無資格處方和注射的。

最後，gluten sensitivity係咩事？Celiac disease? 但無論係邊一種investigation/確診的檢查都好，例如腸鏡biopsy、抽血驗Anti-tTG antibodies等等，人生教練都係無資格去安排同進行的。

—————————————
一個專科醫生要6年醫學院+1年實習+6年專科訓練。一個人生教練自然療法博士只需3個用online course，到底邊個可信，一目了然。

文科生明白大家生病時會好擔心，好vulnerable，但要記住好好保護自己，不要成為無良斂財商人的肥豬肉。錢失去了是小，延醫診治引來永久後遺症是大啊。

***btw, 好想教人生教練點take history，完全無structure, long case實死硬

#知唔知點解自然療法成日講supplement
#因為佢地唔可以處方藥物治療
#因為佢地唔可以進行任何醫學治療
#因為佢地得個3個月onlinecourse係
#你返去讀introductiontoanatomy先
#盤骨唔係hip
#你換個盤骨俾我睇