- 少少長篇配音文： 這陣子因為一個關於配音的節目，多了人討論配音這個行業，亦都多了人尊重配音員這個職業，無論節目做得好壞與否，又或者有人説節目是消費配音這個行業也好，對我來說也是一件好事，因為有人願意消費，即是代表有市場價值，而且越多人討論，就可以引起更加多人關注和了解這個行業。 入行做配音員將近二十年，每每看到一些看輕或者誤導配音這個行業，我就會有少少嬲...因為真係太多人以為配音好容易，以為有把靚聲就可以做配音員，以為配音坐喺冷氣地方睇電視，求其講幾句就有錢收好爽。真係好多人忽略咗配音員真正嘅專業價值喺邊。 另外這個配音節目出街之後，真係好多朋友對配音有好多疑惑同誤解，最多人問我配音係咪真係可以跑住配㗎？因為節目剪輯或者其他種種問題，真的好容易誤導觀眾。 對，作為普通觀眾，你可以話呢個係綜藝節目，觀眾睇得開心咪得囉，使乜咁認真，大家睇完笑下咪算。 但作為呢個行業嘅其中一份子，我真心覺得有啲嘢真係唔可以求其算。 所以點解我不厭其煩喺自己個平台上面打咁多字。 早幾日我出咗一個post，可能短短的文字交代得唔清楚，令到有人誤會，以為我喺度挑剔啲藝人配得唔好，以為配音係完全唔可以有身體郁動，又或者以為配音完全唔可以有任何語氣修改，咁我喺度又不厭其煩再清楚啲講吓。 1: 我根本唔係評論啲藝人配得好唔好，因為真係配音嘅時候，根本就冇咁多時間俾你準備一段幾分鐘嘅戲。單憑幾分鐘嘅戲，根本就冇得評論佢係咪一個專業嘅配音員。正如我配咗咁多年音，都唔會每套戲都配得好，咁係咪就一定代表我唔專業呢？況且配得好唔好，每個人心中都有把尺，你覺得我配得好，但亦都一定有人覺得我配得唔好，所以我唔會評論呢個節目裏面嘅藝人配得好唔好。 2: 我哋配音員都係人，唔係木頭造，少少嘅身體郁動當然可以，有時我配一啲激動嘅戲，我都會緊握拳頭，又或者有其他身體嘅小動作令我更容易投入角色。但節目裏面有啲環節，係叫個藝人要投入角色所以個身體要跟住個角色去，例如跟住角色跑住配，又或者個角色好嬲就「dum」腳去配等等。呢個概念係唔啱，因為當你要配跳樓戲，打交戲等等， 你係冇辦法可以跟住個角色去。 3: 冇錯，我哋配音有時真係會輕輕修改語氣，可能有時個客或者導配，覺得本身個演員做得唔夠，確實係會要求我哋輕輕修改，務求令到出嚟件事好睇啲。但只係有限度嘅修改。我哋嘅修改都要睇返個演員本身嘅口型，面部表情等等去修改，並唔係配音員自己本身覺得個角色做得唔好，然後用自己嘅語氣加重或者減輕，出嚟嘅效果over咗或者under咗，如果每個人都用自己嘅Standard去改，呢件事係可以變得好恐怖。 曾經試過配一套戲，個女主角跳海自殺，然後死唔去俾人救翻，但係因為嗰個演員做得太差，上咗水之後佢嘅樣同埋講對白嘅語氣，都好似啱啱食飽飯咁好有中氣，當時我就跟住個演員配。但導演同我講，啱啱跳完海應該就嚟死，把聲冇理由仲咁好中氣，但冇計啦佢現場做唔到，唯有靠你哋幫手配好佢，你幫我配到佢把聲柔弱啲唔好咁有中氣。結果我跟着導演嘅指示去配，如果你問我出嚟嘅效果一定好核突，因為用一個柔弱嘅聲根本同個樣完全唔夾。配音員唔係萬能，當然基於客人永遠是對的，佢要你配乜嘢，只要個客肯收貨就OK，但係我仍然堅信喺配音嘅角度裏面，就係唔啱。 生活中已經有好多嘢，因為唔想煩，唔想嘈，所以不斷「算啦」，「唔緊要啦」... 我唔想一個自己做咗咁多年嘅職業，都以一句算啦，來作結。 最後希望大家多啲支持粵語配音，支持香港配音員。 ❤️ #理性討論 #沒有憤怒 #如果我有嘢講錯歡迎提出 #觀眾需要進步 #配音員都需要進步 #共勉之

入左行6年，訓練班畢業出來就做群眾演員。呢一幕，都可以話係入行以來，其中最深刻的畫面😂 【2021藝員及電視製作人員訓練班】現已公開接受報名 報名網址: https://campaign.tvb.com/talent2021 不論你想唱歌跳舞演戲，參於幕前演出；或者想創作製作貼地有創意嘅節目！只要你有心，機會就喺你面前！立即報名參加《2021藝員及電視製作人員訓練班》啦！現正公開招募演員、配音員、舞蹈藝員、動作演員、助理編導、見習編劇/撰稿、攝製助理、後期製作及視覺效果，只要你有香港身份証，年齡滿18歲或以上、能閱讀中文、能操流利廣東話，學歷中五或以上，男女均可報名。 報名網址: https://campaign.tvb.com/talent2021 #2021藝員及電視製作人員訓練班 #唱歌 #跳舞 #演藝

[RIP] 資深配音員、演員、歌手譚炳文因肺癌今早辭世，享年86歲。 炳哥於1950年代於麗的映聲開展播音員工作入行。1960年代開始歌手生涯，作品《舊歡如夢》成為香港幾代人經典金曲。 1968年，炳哥加入無綫電視，先於配音組工作，後來兼任幕前演出。1975年無綫開設配音藝員訓練班，炳哥成為導師之一。1991年轉投亞視，1999年重回無綫。2014年，獲無綫頒發「萬千光輝演藝人大獎」。今年5月與無綫續約，東方報道指炳哥6月發現患有癌肺。 炳哥最後一次幕前演出於今年3月《流行經典50年》，與女兒演唱《念親恩》。主持薛家燕當時邀請炳哥往後合唱，可惜未能成事。 炳哥靚聲橫跨幾代，為金超群版本《包青天》包拯配音更加係經典中嘅經典。多謝炳哥對香港演藝界嘅努力貢獻，祝安息。 #譚炳文