終於有時間分享返小小豬生日兩日一夜迪士尼Staycation之旅。

首先...間酒店係小小豬自己揀嘅，其實都嚟過幾次，點解都仍然咁鍾意...哈哈。我係經網上旅行社預訂嘅，$10XX依個價都可以接受，所以就順下佢意，陪佢玩兩日啦！

講返先....可能暑假，所以都真係算多人，同埋因為疫情，游水係需要提早預約，所以我地一點未夠就嚟到CheckIn，嗰時都只係得返5:00後嘅游泳池預約，當然唔理咁多照book。(依家每入住一晚只可以預約一節50分鐘嘅游水時間，你可以選擇排隊等後補嘅，不過就唔一定可以入到去)

其實今次我地都主要係hea遊，同還小小豬一個心願生日去下Staycation，所以除左游水之外，都冇刻意去玩啲咩(同埋都真係比較多人，我地整小手工都要排25分鐘先可以入去整)，係兩間酒店行下慢活一下都唔錯嘅。

唯一今次有啲特別，就係可以係迪士尼一帶踩單車(我地冇踩入酒店範圍，只係踩行人路來回兩間酒店同去左碼頭同海濱長廊)，單車係我地自己帶去，因為三部摺單車一向擺咗喺部車度，所以我哋拎出嚟踩，有需要嘅時間就寄存係酒店行李部(我地問過職員先知係可以咁做呀)

睇小小豬又真係完全唔似係11歲，真係......話咁快又要換身份証...話咁快又話升中學，真係唔敢諗之後仲有啲咩轉變。坦白講我真係未完全可以接受，老土啲講：小朋友係父母心目中都係長不大嘅。

只望依隻小小豬可以繼續健康開心咁成長，忠於自己目標就好了。

香港迪士尼樂園 | Hong Kong Disneyland
#迪士尼探索家渡假酒店

3月31日入園單日預約名額爆滿, 樂園暫停即場購票安排.

咁清明復活長假期嘅其餘日子又會唔會爆名額呢? 3月31日嘅樂園人數上限仍然係50%, 而明日4月1日起就提升至75%.

雖然假期內嘅部分日子將會少咗金銀咭會員, 但1號同6號冇Block到金銀會藉, 呢兩日或者將會見到50%+ 嘅威力.

當然根唔根據指引去提升到75% 係園方嘅決定, 但現時嘅入場額同樂園收入比例亦係園方將會考慮嘅因素.

入場數字重要, 人均消費同真正收入更重要, 旺丁之餘又能唔能夠旺到財?

多得上次分享演藝人員一篇心聲引起討論, 亦吸引到更多演藝人員嘅私下分享同交流, 原來入場門票對於香港迪士尼嚟講, 真係好重要. 即使人流同疫情前一樣, 但過往有遊客嘅單日門票支撐, 同依家真係迫爆樂園, 但大部分入場賓客都係已俾錢嘅年證會藉持有者, 其實收入已經大打折扣.

係, 樂園收入並唔只單計門票, 入場後仲有消費嘅空間. 而正因為門票收益減少, 其他嘅收入更顯得重要, 因此帶出呢幾日一直討論嘅問題, 另一個樂園嘅重要收入 - 餐飲.

50% 人流令樂園餐飲不勝負荷, 75% 將會更嚴重. 希望園方可以考慮重開嗰幾間長期關閉嘅餐廳之餘, 管理層亦可著手改善園內餐廳一直長期積存嘅營運問題,

*由於Facebook 唔可以同時 upload影片，所以部份影片要去IG睇😅

前日昕昕學校高年級的學生考緊試，昕昕11點零上完zoom，我地在家午餐後就去迪士尼樂園。

昕昕成日好想入去玩，趁聖誕節前加上星期一人流少的日子就決定網上預約，沒想到昕昕上緊堂果陣可以即日預約成功，上星期五昕昕爸爸想即日預科但唔成功。

由入場到離開剛好四小時，昕昕更第一次自己玩灰熊山谷和降落傘，本身心臟負荷冇咁好的我只係在出口處等昕昕，昕昕兩歲七個月時已經跟婆婆在印尼的主題樂園玩過山車，基本上對玩有離心力的刺激遊戲係冇乜大問題，我呢個做媽媽的真係好弱😢

我地影咗香港迪士尼樂園15周年的佈置和跟聖誕服打扮的卡通人物合照，由於現在有安全距離關係，大家影相真係要花點功夫😅

昕昕最開心係買咗半價的StellaLou公仔和買四件三折的灰姑娘手袋（好在有其他在場媽媽夾份買），呢二百蚊就轉嫁俾爸爸找數😝

到我們準備離開時見到城堡有卡通人物表演聖誕歌舞，由於我們太遠，昕昕又矮到睇唔到，我仲要間中抱起佢😂

我們離開後去東涌東薈城晚餐，沒想到搭鐵路時新聞宣布迪士尼今日開始關閉，由於尋日迪士尼樂園休息，我們變相係關閉前最後一日入園😯

昕昕8歲生日兩個月倒數，昕昕7歲生日前一星期開始疫情，呢個疫情話咁快就來一年，希望昕昕8歲生日時疫情不再啦！

香港迪士尼樂園 | Hong Kong Disneyland

#hkblogger #親子blogger #親子日常 #BelieveInMagic #HappyBirthday15 #HKDisneyland #香港迪士尼樂園 #香港迪士尼生日快樂 #15MagicalDreams #非廣告

【迪士尼樂園重開】Believe In Magic@Hong Kong Disneyland
全文分享 - http://www.kinseymama.com/2020/06/believe-in-magichong-kong-disneyland.html

期待左好耐，終於等到 迪士尼樂園 重開，我地三口子又有機會可以齊齊入園玩餐飽啦！

為左大家可以玩得安心又放心，迪士尼樂園都做有一系列安全措施，除左要預先上網預約登記，入園前要先量體溫，入到園內要戴口罩及按標誌保持社交距離。另外，亦都實施社交距離措施，如似會實施人數管制，大部分遊戲嘅座位都會有分隔，而係同一架車廂內會避免唔同群組嘅賓客一齊坐，派發眼鏡嘅工作人員都會戴上手套。最重要係每一個遊戲出入口都會有消毒搓手液裝置俾我地玩完遊戲後消毒…消毒…再消毒。

奇妙夢想城堡嘅華麗變身已經進入最後階段，遠望已經好吸晴，今年內就會開幕，到時一定會更加靚，同埋小小豬話到時一定要搵晒13個公主象徵出嚟添呀！

今次入園我都仲認識左Duffy最新嘅朋友，就係嚟自夏威夷嘅小海龜「‘Olu Mel 」，而且仲推出左好多「‘Olu Mel 」公仔精品。小小豬仲收到一隻毛公仔，佢對依隻可愛小海龜愛不措手，全程帶住「‘Olu Mel 」公仔周圍去玩呀！

我地仲去左Corner Café食左一個豐富又好味嘅Duffy and friends嘅下午茶，仲試左最新推出以「‘Olu Mel 」為主題嘅特飲《奇異音樂家沙冰》，係大熱天氣飲真係好refreshing 呀！

好耐都冇係迪士尼由朝玩到晚，基本上除左兩個過山車之外，我地都玩晒啲遊戲，真係超級盡慶。不過為左陪玩，我就冇時間去shopping，就連nuiMOs新出嘅衫仔同新成員都冇時間去入貨添。

不過唔緊要，快快手上網再預約，到時又可以再入嚟又玩又買啦！




????小小豬Kinsey????
? FB page：https://www.facebook.com/kinseymama/
? Blogger：http://www.kinseymama.com/
? IG：https://www.instagram.com/kinsey_mama/
? YouTube：http://www.youtube.com/c/小小豬Kinsey