早兩日要去舊公司附近整啲嘢，所以就順便約個舊同事食lunch，沿路行緊去譚仔嘅時候，佢忽然間好感慨：「頭先見咗一個candidate，佢喺上一間公司做咗12年，如果唔係佢間公司大執位，可能仲會一直做落去，12年喎大佬，唔悶㗎咩？」

我：「你喺公司都做咗4年啦，悶唔悶吖？」

舊同事：「悶就唔悶，雖然都係同一份headhunt工，但你知好多時要搵唔同嘅position啦，做成單生意會好開心，搞完一大輪之後唔請我啲candidate又會好勞氣，喜怒哀樂乜都有，日日新鮮，其實都幾刺激㗎！」

我：「咪係囉！同埋你呢條問題可以無限代入，幼稚園老師年年教小朋友唔悶咩？司機日日揸車唔悶咩？子非魚安知魚之樂，你總會喺工作同埋生活習慣裡面搵到樂趣，熱愛可抵歲月漫長呀老友！」

舊同事：「係咪好似我哋食譚仔咁？以前你喺度做嗰陣成日去食，而家走咗返嚟又約我去食，嗌幾多次勿演懶肉麻勒山小都唔悶。」

「都係㗎，不過譚仔成日畀新鮮感我哋，最近就出咗 #脆肉鯇 ，我一陣都會叫 #脆肉鯇木瓜魚湯米線，佢比起一般鯇魚嘅肉質加倍結實爽脆，特別肥美鮮甜，對於唔食辣嘅朋友又多一個選擇，湯底用咗木瓜塊同埋木瓜蓉，既有木瓜嘅清甜，又有啖啖魚味。」

舊同事：「但係我鍾意食辣喎！」

「咁咪揀木瓜魚湯加辣囉！散叫脆肉鯇做米線配料都得，脆鯇市價不嬲唔平，喺譚仔加$13就食到喇，係咪好抵先？而家仲有人氣特飲白桃蜜同埋經典雙檸樂畀你揀，諗定飲咩仲好啦！」

舊同事：「正，最鍾意多選擇，冇咁悶吖嘛。」

「話時話，你咩都怕悶，個老婆娶咗咁多年，你會唔會嫌日日對住好悶㗎？」

舊同事：「唔會，點敢呢？我成份糧畀晒佢，再由老婆分配零用錢呢下好刺激㗎，個個星期都有新鮮感，好似早幾日咁吖，我偷偷地買咗隻新game被發現，今個禮拜得300蚊零用......」

一星期得300？計working day定係連埋weekend先？返港島區好窄喎！娶老婆呢啲嘢都係子非魚安知魚之樂，可能個老公好enjoy呢，呢餐 譚仔雲南米線 我請啦！

提提各位，而家全線分店都有呢碗新米線食喇，一陣做完嘢記得去試呀～～

#譚仔 #譚仔雲南米線 #始於1996年 #啖啖譚仔味 #63萬分之一 #63萬份滋味 #PerfectMatch #區區有譚仔 #完美配搭系列 #爽口脆肉鯇 #全新湯底

https://hk.nextmgz.com/article/2_713375_0

早前應壹週刊邀請，到譚仔雲南米線和譚仔三哥試食，看看兩個品牌被「丸龜製麵」收購後，食品有沒有出現變化。由於篇幅所限，部份內容未被收錄於報導中；加上有些觀眾沒有做他們會員，看不到報導，我在這邊簡單總結一下：

麻辣湯~~🍜
譚仔：
看到辣椒粉，味道只有辣，不帶麻。各家分店以及同一家分店的水準也不穩定，湯底時濃時淡，辣度也不準確。多年前譚仔的麻辣湯味道偏淡，近年比較濃郁，傾向接近三哥的味道。
三哥：
湯面看到紅油，味道除了辣，還帶麻，有點後勁。水準相對穩定。

番茄湯~~🥫
譚仔：
名字叫鮮蕃茄湯底，但味道很酸和很濃縮，主要成份應該是茄膏，蕃茄只是裝飾。
三哥：
同樣有茄膏的味道，湯面浮著一層茄蓉，鮮茄的比例較譚仔多。味道很甜，糖放得很多，沒那麼酸。

配料~~🐖🐂🐓
譚仔：
豬牛雞以往都切得很薄很碎，明顯更節省成本，近年有輕微好轉。丸類及豆卜，不同分店用的來貨不一。
三哥：
豬牛雞一般切得比較大方，厚一點大片一點，也切得更完整。

米線~~🥢
譚仔：
份量一向比三哥少。
三哥：
多年前很大碗，近年逾來逾細碗。

土匪雞翼~~🍗
譚仔：
多年來選用的中翼很細隻很奀，肉質偏柴。焗的時間往往不夠，雞皮還未焗至乾身便上菜。近年品質及味道有進步，逾來逾接近三哥
三哥：
多年來用的中翼比較大隻，雞皮的質地也很穩定。但試食當日的中翼較小隻，雞皮也比較濕軟。

結論~~🤔
兩個品牌在味道及品質控制上逾來逾接近，但以我留意，這情況在收購前已開始，應是互相參考的結果。湯底及配料兩個品牌還是有一定差異，並未因為收購及中央廚房而變得一模一樣。以上食評是根據我個人多年來「偶然」幫襯2間餐廳的經驗，以及拍攝當日試食的情況。各位「資深」譚仔&三哥粉絲，參迎留言分享心得。

素食者飲食分享—快餐篇（蛋素）

成為素食者大概三年半，
自己一向都有健身打拳同埋跳舞嘅習慣，
運動量好大所以一定要食得飽！
喺飲食上都會比較用心安排比自己，
確保自己攝取到適當嘅營養！
********特別係蛋白質********
(澱粉質同優質嘅脂肪一樣重要，
同埋唔好再誤會呀大家🙏🏻
其實植物性蛋白質一啲都唔輸蝕比肉類嘅蛋白質，
甚至乎更加健康架！)
——————————————————
而我經常收到大家私訊嘅問題。
「食素出街可以有啲乜嘢選擇？」
「素食者想增肌，但喺街好難食到蛋白質。」
「如果想Green Monday有啲咩建議？」
「啱啱開始嘗試食素，但係成日都好快肚餓食唔飽咁？」

好多朋友仔想嘗試食素或啱啱成為素食者，
但係未有經驗而且未識得安排飲食，
出街就淨係識嗌烚菜食，
搞到成日都唔夠飽，
而且營養好唔均衡，
但其實就算快餐都可以有好多選擇㗎！
就等我同您地分享下小心得，
順便鼓勵下您地，
由今日開始一齊為咗環保同我地居住嘅地球，
食少啲肉，食多啲素！
——————————————————
圖1 ) GOJI cafe 素食碗VEGAN BOWL。 ( 西蘭花，枝豆，蕎麥麵，腐皮，等等，全部都係高蛋白嘅食物）
圖2 ) LA FRESCO VEGGIE（全素） —雜菜天使麵 。通常大部份西餐廳，都好願意幫你將肉類轉做蔬菜去炒一個意粉或者麵，而圖入邊就有西蘭花四季豆菇類等等，都係蛋白質來源）
圖3 &10) 米線陣&譚仔—米線類嘅餐廳而家好多都有素湯底/素蕃茄湯底，餸菜可以選擇腐皮腐竹黑木耳金菇，如果你係蛋奶素嘅話就可以帶多隻滷水蛋～
圖4 ) 大快活—非常好，因為午市晚市都有一個素食系列～
營養都好均衡，有豆腐又有西蘭花，有陣時仲有豆類。
(佢哋有一個咖喱雜菜飯就要留意，因為肉汁裏面係有肉類嘅成份 )
圖5 ) 喺韓國餐廳就可以揀石鍋野菜拌飯（蛋素者唔需要走雞蛋），或者可以豆腐泡菜湯飯，不過要問清楚餐廳有冇用海鮮去整湯底～
圖6 ) 珍心素食（全素）—除咗圖入邊呢個五色蕎麥麵之外，
仲有中式飯～煎豆腐～碗仔翅麻醬腸粉，仲有甜品豆腐花等等～而且呢間鋪頭係唔用味精全部用食物嘅原味架，湯底全部都食得出蔬菜嘅鮮甜！
圖7) starbucks —RAINBOW GRILLED SALAD
入邊有堅果南瓜番薯同埋沙律菜，如果keep緊fit嘅就係一個好好嘅選擇！
圖8 ) 八方雲集—我嘅最愛🖤佢有田園鍋貼同水餃！自己就覺得幾好味嘅，哈哈！加埋杯豆漿一樣好夠飽！
圖9 ) M&S —雜豆沙律，你唔好睇佢細細盒，食完真係好飽，而且蛋白質仲好高，而且馬莎都仲有好多素食嘅選擇，係價錢比較貴少少，但起碼確保自己攝取到足夠嘅營養！
——————————————————
所以其實素食係唔會食唔飽架！
只係需要時間去學習，
選擇適當而提供到足夠能量嘅食物種類
去俾自己身體去運行應付每一日！
當然一開始的確有段過渡期，但當習慣之後，
你就會發覺素食嘅飲食能帶比你更加多力量，
身體嘅負擔少咗，而且思路都會更加清晰！

當然每個人嘅身體都唔一樣，
亦的確有人係冇辦法完全適應到素食飲食，
所以如果大家想試，
都一定要係安全嘅情況同知識觀念底下進行，
甚至乎搵醫生去評估你嘅情況！
同埋記得唔好心急，
肯踏出第一步已經好好啦！
你地有啲咩問題都可以再問我～

希望你地會鍾意我嘅分享同埋會幫到你哋啦！
Love&peace🌈🌏🖤 #素食健身 #素食者 #greenmonday #素食外食 #香港素食 #veganfitness #vegeterian