[希望你可以Cls我哋😍]​ ​ 麥當勞道貳號​ 地址：半山麥當勞道貳號​ 價錢：$1188 (kkday)​ 評分：9.5/10​ 入住時間：11:00-15:00​ 按金： $500​ ​ 半山悠閒之旅package​ 🍾 一晚麥當勞道貳號標準套房住宿​ 🍾 雙人早餐​ 🍾「綠野仙蹤」雙人下午茶​ 🍾 長達28小時住宿 (11am入住，3pm退房)​ 🍾 免費使用 24小時健身室​ ​ 武漢肺炎措施：​ 🦠Check in要量體溫​ 🦠入住前需要填寫健康申報表​ 🦠酒店會送消毒酒精同口罩套​ ​ 優點：​ 💕 房間好大，而且廳同睡房係分開，設計上幾好，好有家嘅感覺​ 💕 有一個設備充足嘅廚房，廚具電磁爐微波爐雪櫃都有，廚具亦都好乾淨​ 💕 雙人早餐味道唔錯，野飲方面就一般，無咩選擇​ 💕 下午茶有乾冰噴哂煙，好岩打卡​ 💕 環境清幽，隔離係動植物公園，好似去左度假咁​ ​ 缺點：​ 🤷🏻‍♂️ ​ 酒店位置比較偏，要中環轉小巴或者巴士先去到​ 🤷🏻‍♂️ 附近無咩好食，得酒店餐廳​ ​ ​ 總結：​ 今次見到kkday有抵玩嘅package，就訂左麥當勞道2號黎試試😛酒店位於半山區，建議就喺金鐘搭巴士上去係最方便嘅，亦都可以經動植物公園上去。​ ​ Package係包提早11點入住嘅，我地11點就去到check in，冇人所以好快手，亦都同我地講解左早餐時間，煮野食需知等等🙈而下午茶時間酒店會提早幾日幫你book定，由於可以延遲退房到3點，所以book走嗰日 3點食就岩岩好，亦都可以揀入住當日食💛​ ​ 上到房第一個感覺係好有屋企feel，有客廳、有飯枱、有廚房，而廳同睡房中間係有門隔開嘅，廁所係雲石設計，而且有浴缸🤪張床都好厚身好好訓😬​ ​ 廚具方面係幾齊全嘅，美中不足係冇調味料，而酒店附近係有一間超市嘅，我地就選擇左去中環donki買野煮，都一樣方便！💗​ ​ Package包左早餐嘅，有4款可以選擇，有中式有西式，飲品就全自助嘅😯早餐質素幾好，但嘢飲得熱咖啡同熱檸水熱檸茶🥲​ ​ 行程最後當然就係個下午茶啦，野食黎到嘅時候，由於佢用乾冰，所以會有煙湧出嚟，岩曬打卡👐🏻野食方面，鹹點有和牛漢堡，小龍蝦包等等。而甜點選擇有好多，有心太軟、雪糕、芝士蛋糕等等，味道都唔錯😉​ ​ 總括嚟講，我地係好推薦呢間酒店嘅，一嚟好有度假嘅感覺，二嚟又可以自己下廚煮下飯仔，三嚟係個package包左好多野，好抵玩！​ ​ 想睇room tour 可以去story highlights💗​ ​ ​ 想睇更多房評同酒店優惠➡️#roomopener_room ​ 想睇情侶玩樂同餐廳推介​ ➡️@hkroomopener​ 想睇試玩試食試用評價​ ➡️@trymoodgau