#困在家中第39天

天天都是增肥天,為小姐落order 要食芒果布甸又點可以怠慢呢！

人人都有一個自家芒果布甸食譜,有現成買布甸粉開,有人會落雞蛋,有人一定要加埋淡奶一齊食！

為媽食譜就好簡單🥭
2盒芒果啫喱粉（經典羅拔臣芒果味）
熱水 220ml
冷開水 110ml
鮮奶 175 ml
淡奶 85 ml
鮮芒果 1個（亦可按個人喜好而定）

呢個份量可以做到五至六小杯！
今次我就用左蛋糕模做咗個大花花🌹芒果布甸🥭
後來發現為B原來唔鍾意食淡奶,我又了解你多一啲啦！😆

🍮 大家又有冇一個專屬嘅布甸食譜呢！ 🍮

#為b下廚記
#細佬食得好開心
#其實要唔要埋步驟呢
#留言話我知
#睇唔睇得出係砌緊玫瑰花
#我盡咗力啦
#最後我只係分到一個角落頭
#兩姊弟全清

＃6

我帶住灰灰的心情死去返工，一邊執貨格一邊左望右望，期盼Alan嘅來臨...或者希望佢沖涼前有聞一聞自己條底褲，突然明白噚晚我因為乜事而走，從而知道請我食一條不潔而又冇蜜糖味的J係件幾唔合理嘅事。希望佢會體諒我或對我感到有少少愧疚。我唔想因為咁而分手呀！我唔想失戀呀！我唔要做LOSER！

阿姐：「Tracy你今日撞邪呀？」
「Tracy！」
我：「做...乜...啊....」
阿姐：「你攬住枝蠔油好耐啦喎！」
我嗱嗱聲放低枝蠔油：「呀，對唔住，我今日唔係好舒服...」
阿姐：「做埋呢兩行就去抖吓啦！俾你早啲食飯啦！」
我：「我好似失戀呀...我冇胃口食飯呀...你俾多啲嘢我做啦，我要用工作麻醉自己...」
阿姐：「後生細女失一次戀怕乜呀？以後大把戀你失呀！跳樓都有排跳呀！我想當年都唔知失過幾多次啦！你慌死你得一次拍拖咩？」

我都廢鬼事應你，我明你可能出至一片好心想安慰我。
但你又點能夠體會肥肥嘅心情呢...你上咗岸就梗係口響啦！你試吓同個窮人講：「錢之嘛，心中富有咪得囉！」，又或者同個醜女講：「其實生得靚都冇乜著數！」。就算對方夠nice好脾氣唔郁手狠狠地毒打你一身，都唔代表心入面冇屌鳩你。你真抵屌啊！

我收工後搵Sarah：「嗚...佢冇搵我呀...點算呀....」
Sarah：「忘記佢啦～」
我：「點忘記呀？嗚....」
Sarah：「搵過另一個啦！」
我：「我真係好鍾意佢㗎，嗚...嗚...嗚...」
Sarah：「你真係冇俾佢食呀嘛？」
我口水鼻涕都流出嚟：「冇呀，佢叫我食佢咋，我都冇食到，都唔食得入口....嗚」

行過嘅阿媽見到我喊到鬼剎咁嘈就問：「傻囡，做乜呀？」
我CUT咗Sarah線，飛撲去抱住阿媽：「媽～我失戀呀...嗚呀～」
阿媽拍拍我的肉背：「傻囡嚟嘅，我個女咁可愛一定有好多人鍾意㗎，佢唔要你係佢走寶啦！」
我：「嗚...媽呀....」
阿媽：「好啦好啦，喊一陣好啦，我整咗芒果布甸呀，食唔食呀？」
我抹抹鼻涕點點頭：「嗚....食...」
阿媽：「咁先係我個乖女嘛，就算你冇人要，阿媽呢一世都咁愛你，阿媽會陪住你！」
我望住阿媽行入廚房嘅背影，真係覺得好感動。出面世界就算點風大雨大，我都有個好阿媽，仲有個成日追電視劇嘅沉默老豆。
阿媽左手拎住芒果布甸，右手拎住罐淡奶，大圈大圈咁倒淡奶落布甸。
我原本收得住嘅眼淚又出來了：「媽！！！我唔要淡奶呀！！」
阿媽：「傻傻哋，食芒果布甸冇淡奶點得呀，多淡奶添呀！食啦囡～」
我：「嗚...可唔可以倒咗啲淡奶呀？嗚...淡奶...嗚...好肥㗎！」
阿媽：「邊個話你肥呀？」
我：「個個都係咁講我....」
阿媽：「唔駛理佢哋！你食啦！阿媽俾咗好多心機整㗎！」
我一路喊一路食芒果布甸，每一口淡奶嘅味道，就係屬於我同Alan嘅回憶...

＃狼虎朋友自白記

職人吹水湯水糖水甜品頻道https://www.youtube.com/playlist?list=PLAI3ipXgVAWZeuyG9NnmjxqzRkC2qbWT2