［長文慎入］ 這是關於作為一個傷殘運動員的有感而發 可能因為最近奧運氣氛熱烈再加上睇完 《媽媽的神奇小子》所以有好多感受想記錄低 但我知道好多人都唔習慣睇咁多字 都係果句 有興趣了解我多啲就睇啦 好少會講到啲內心嘅陰暗面 文章原本寫離係放係八月Deluxe既網誌 但由於嗰邊都話會暫時停止運作 所以呢一篇將會係最後一篇 既然都寫左 咁唯有post係呢度啦 由於IG都唔俾我放一篇3680字嘅文章 所以唯有分開兩個post 辛苦你地要禁離禁去睇喇 《傷殘運動員也是運動員》 下篇🧷 這幾年時間我的目標只有一個，就是打進殘奧。從來沒有心力和時間想過以後的事。可惜人生永遠也不是平鋪直順，至少我的不是。這幾年，不幸的事接二連三地出現。在經歷多次的傷患後，令我更沒安全感。也提醒了我要開始在想退役後的事。這樣令我更沒不安。難道打到要退役的時候，應該重新去投入另一行業，從零開始嗎？   在2019年，在爭取東京奧運的第二站杜拜計分賽，比賽途中我跌倒了。一個跳躍動作使我膝蓋的韌帶即時斷裂。回到香港，醫生抽取了我大腿中一部份的根，駁到膝蓋前十字韌帶的位置。雖然說是康復了，但我的腳不如以往可以無憂慮地球場靈活跑動。以往我只需要照顧換了金屬臂的左手，防止因動作太激烈而甩骹，平衡協調對我來說一向也有難道，現在更要顧慮重建了韌帶的左腳。每一下揮板落地動作，也令我擔心會再一次掉在地上。   羽毛球比較多轉動、急停、跳躍、落地的動作，對膝蓋的使用率是非常高，消耗也更加大,要特別小心處理。從拿着拐杖學走路、慢跑、鍛煉已萎縮的肌肉、物理治療、韌帶穩固後的步法練習、直至重返球場訓練，從物理治療室來來回回無數次，我用了一年多時間，才可以真真正正回到球場做到些有質素的訓練。但計分賽其實已經進行了一大半。但我說過「個波一日未落地，我也不會放棄。」即使只有微乎其微的機會，我也會努力去嘗試，未到最後可能奇蹟會發生呢！   康復的路程上，我從來也沒有學習過要怎樣去拿捏。物理治療師跟你說，感到痛楚就要停下來！教練又說，物理治療師當然會叫你停，但運動員不可能每次等到最佳狀態才去練習，有時少少痛楚你就要忍過去，不要那麼懦弱！ 那段時間，差不多每一天落到球場，身體總有一個部位會痛，不是膝蓋、就是小腿大腿還有手臂關節，膊頭、手踭、手腕可能因為從小便單手使用過度，其實勞損得也滿厲害。所以一向的我也是習慣忽略那些痛楚。不然365天訓練，可能我只可以練到65天。但每個人承受痛楚的程度也不一樣，什麼叫做少少痛，我已經搞不清楚，反正練習是必須的，忍得到的我都會忍。   在增加訓練量的月份，除了球場的訓練之外，場外的跑步訓練也隨之而增加。身體可能不適應大大的訓練量。導致雙腿的小腿肌也開始發炎，持續了好幾星期也沒有好轉。物理治療師也有再三叮囑教練，說了我的情況，若不停止就會疲勞性骨裂。但教練都在心急追趕訓練的進度，我亦得不到教練的同意可以休息，也只好一直跑下去。做運動員的，就是要安照計劃，若然教練覺得你可以，你就要捱過去。加上在球場上，我需要100%信任教練，亦很想證明給他看，也不甘心自己的能力只到於此。現在回想會覺得很傻，身體是自己的，教練又怎會知道你是有多痛。   又不知道是否因為做過化療的關係，我好像不能夠像其他人一樣正正常常地練習，訓練強度一旦增加，我的身體就好像一直發出一些警號給我。踏在跑步機上的每一步，感覺小腿骨頭都有被刀插下的感覺，而且痛楚一星期比一星期更強烈。有次，每跑一步就連心臟也感受得到被刀一下一下地插下。我開始意識到不可以再這樣下去。最終去了照M R I，看到小腿骨頭開始有撕裂的痕跡。然後復康治療的道路又要再開始，但不幸的事還沒完結，在治療期間，因為一次失敗的針灸治療，針灸擊中了我的右腳腳腕的神經線，導致腳腕及腳板麻痹、刺痛、無知覺。就連走路也不能夠整塊腳板接觸地面。最終要看神經科，暫停了三個月的訓練才可以回到球場。   因為這樣一次又一次的傷患，無力感非常重。人生總是不停面對着重重的考驗。但即使變得遍體鱗傷，我也願意繼續為這個夢而犧牲，認真去看待這個職業。   我要說這樣多，因為仍然有些人會覺得傷殘運動員是玩玩下，做運動只是興趣，參加興趣班一樣。我們有肢體障礙的限制，外觀上可能你會覺得不夠好看。但我們每一個傷殘運動員，同樣要接受嚴格的專業訓練，同樣每星期要訓練2/30小時。我們一直努力讓身體繞過殘障的限制，學習運用至該項運動的最高的水平。其實我們付出的汗水沒有比健全運動員少。我盡了最大的努力，付出了我的所有，期望也會得到你們的回應。   傷殘運動員肢體有缺陷，運動方面可能比一般人更難克服和面對。但我們不是需要得到特別的關心和對待，只是想跟你們一樣，得到公平的待遇。殘奧要開始了。你們會跟支持健全運動員一樣，支持他們24位傷殘運動員嗎？   「我知道我起步慢，但這就是我要去衝的原因，跟我的命一樣，我就是要從後面追上來！」———媽媽的神奇小子 「上篇請去另一post🧷」

［長文慎入］ 近呢兩集#Error自救TV 播出街後有唔少人問我會唔會繼續跳舞，甚至見到有人話我唔識跳舞拖累全隊。 趁今日放假就打篇長文同大家分享一下。 我簽約嘅時候係未有Error呢樣嘢，當時一心只想做一個電視台藝員，可以拍劇同做主持，亦都講過我唔會再跳舞。 之後開始有Error呢隊嘢，我當然接受，四個人相輔相成總比一個人走得快、走得遠。 其實我以前打波嘅時候受過好多次傷，韌帶撕裂過無數次，慣性甩骹係家常便飯。但我以前真係好熱愛運動，就算受咗傷都會繼續打籃球游水，所以keep住每個月都會甩胶。 因為熱愛，所以入過醫院同埋keep住要做物理治療。可惜因為長期甩骹，我開始有陰影，喺參加全民造星前一年已經無再做運動。 之後唔少人都應該有睇過我全民造星斷手，當時再次整傷舊患，而之前都未試過咁痛咁嚴重，所以入咗醫院，骨科醫生強烈建議我要做手術，喺無得揀之下於是自費用咗十幾萬去做微創手術。 照X-Ray嘅時候醫生話我因為慣性甩骹，所以膊頭嘅骨有一部份磨損到無咗，做手術都救唔到，以後好大機會風濕同埋就算做完手術都好易會再甩骹。 故事返到去Error成軍，當時大家都知我甩過骹而且唔識跳舞，所以每次排舞嘅時候都會盡量排啲簡單嘅舞步。雖然我好抗拒跳舞，而且跳舞嘅時候膊頭會刺痛，但我都會去做，當係幫人哋完成夢想掛。 其實都做咗三十年人，自己鍾意啲乜同唔鍾意啲乜絕對好清楚。唔鍾意就係唔鍾意，迫都無用。不過如果跳舞係對團隊事業有幫助嘅，我絕對會盡力去做，最多都係斷多次手啫。但我諗深一層，幫到有幾多呢？你識我哋、鍾意我哋，係咪因為我哋跳唱呢？學保錡話齋，成三十歲人又周身傷，唔好搞咁多嘢啦。其實開多個節目俾我哋做，或者做多幾首歌，會唔會令我哋事業更上一層樓、更多人認識呢？邊樣最有效，心水清嘅Error fans應該即刻答到。 講返我嘅興趣，我好鍾意fashion，畢業返香港之後曾經喺時裝界打滾過一段日子，亦都曾經幻想過自己可以成為一個fashion model，甚至係香港嘅fashion icon。但Error局限咗好多嘢，人哋總會覺得我哋騎呢、岩巉、樣衰、搞笑、甚至無腦。喂大佬我喺英國讀心理學㗎，而我自問轉數都幾快而且識講嘢，但無人會搵我去做正經節目，因為我係Error。喂我都算高大靚仔丫，岩巉樣衰關我乜事？ 我亦都好羨慕Mirror會有唔同嘅時裝品牌搵佢哋好型好chok咁拍廣告，收錢着住時裝品牌嘅衫出event。但我係Error，只得我着衫好睇、識fashion係唔夠，因為Error係四個人組合。 我從來無講過呢樣嘢，亦無喺鏡頭前怪責、嫌棄過其他人唔靚仔、身形差，因為我知道Error成軍嘅時候就係Error。呢個係既定嘅事實，所有嘢已經注定咗，而我哋四個唔係Mirror亦都有著唔同原因，大家無理由唔清楚。 而為咗團隊好，我一直go with the flow，然後自己瘋狂睇外國綜藝節目，去研究自己角色定位，研究點樣做會引到觀眾笑。因為我知道Error做綜藝係會有一番作為，會幫助到我哋四個人嘅事業。而做綜藝出色係唔夠，歌唱事業亦都可以令我哋成為一隊與別不同嘅組合，所以我keep住都有學唱歌，就算幫唔到團隊好多，最起碼都唔會成為團隊負累先。 好啦我有啲眼瞓，所以唔想繼續寫落去，總之今晚睇Error自救TV啦，得返3集咋。之後有排都見我唔到㗎啦，我手頭上嘅工作已經完成哂。（各位監製快啲搵我做節目/拍劇啦） 失業中的193上

好多年前炒車，傷左個膊，扭唔到後，捉唔到支pole; 。。。 好多年前仆街，膝頭哥韌帶撕裂，頂唔到支pole, 某d動作做唔到; 。。。 半年前開腹手術，core 消失左，無感覺都唔係重點，雙腳切淋巴先係大獲，最近發現，雙腳力不從心，完全發唔到力。。。 我，當然唔認輸，即管試下，重新build up, 回復到一半功力我都收貨~ 機緣巧合下，接觸到PTK, 由零開始去學習，人生係充滿希望，無論咩狀態，都唔可以認輸！ #我是不會自殺的 #twinklec #自由寫作人twinklec #nevergiveup #postcancer #fightwithcancer #癌症不可怕 #ptk