🔥焦點新聞
🔑〈美股盤後〉道瓊本周開局收黑 仍創1987年來最大單月漲幅
http://m.cnyes.com/news/id/4546298?utm_source=App&utm_medium=android&utm_campaign=4546298
🔑MSCI甩尾發威！台股首見4,000億天量
https://www.chinatimes.com/newspapers/20201201000119-260202
📣今日操盤提醒
🔸法說會：廣達、宏達電、華航、台光電、力旺、台船、群光、永冠-KY、豪展、臻鼎-KY、聚隆、台達電
🔸暫停先賣後買沖銷：立隆電、宏盛、淘帝-KY、威宏-KY、秋雨
🔸暫停融券賣出：秋雨
🔸新股上市：網家、數字
🔸除權息：淘帝-KY

🎉新活動開跑啦🏃🏻‍♀️現在開戶達成活動任務就送600元7-11禮券喔！這麼好康的優惠～大家輕輕鬆鬆就能領到了！你還在等什麼呢？
有關開戶新活動or手續費問題～
歡迎來訊詢問！
手續費限時優惠中❤️

群益證券士林分公司
地址：台北市士林區中正路118-1號
✨蔡宜潔
https://line.me/ti/p/F7rfwNcWjM
✨姚乃心
https://line.me/ti/p/0_SKT06Ole

#股票手續費 #手續費 #股票 #投資 #理財
#當沖 #投資生活交流 #股市 #大盤 #財經
#外資買賣超 #三大法人

許可證字號：108年金管證總字第0009號

［唔揸飛機，咪揸鑊鏟］都係隨機應變要冷靜啫，飛機師炒股，你估掂唔掂？

TLDR：邪惡華爾街真人實驗，搵班飛機師嚟，教炒股票。其他素人做對照實驗，最後邊組贏？

FT原文：Pilots swap the cockpit for trading screens（https://bityl.co/40Uw）

1. 作為一個麻撚煩嘅學霸（係喎，又要講），細個時聽到話性格緊過能力，當然唔多高興。不過越大就越信呢樣嘢。同樣地，唔少人認為金融工作（＊），特別係炒賣，係唔使乜hard knowledge嘅。畢竟唔少人心目中，唔係升就跌，同賭百家樂睇路捉莊閒冇乜分別（所以賭百家樂咪輸仆街，何生可以咁多女人，金沙銀河可以做恒指成份股咯）

2. 的確，炒股票，似乎唔係咩學術研究。大可以盲拳打死老師傅（你睇丁蟹？）。咁當然點落盤點睇價之類都要知，但呢類硬知識好快學到。勁人往往做唔同工種都勁，亦因為咁你見鬼佬啲I Bank員工好多都唔係讀商學院出身。至於咩「香港HR短視埋沒我才華」之類就另行討論

3. 掉轉，有唔少其他行業人員嘅特質，可能可以幫到金融工作。例如軍人。王雅麗寫過嘅例子：有軍人退役後去見工，指自己「過去兩年，每一分鐘都有可能是最後一分鐘。你說我能抵受壓力嗎？」—的確，如果trading 要求嘅係（＊＊＊）要受得住壓力，咁軍人肯定受得住。同樣地，我估醫生都可以係好嘅trader，反正醫生本身好多係學霸。你睇The Big Short，Michael Burry（Christian Bale）未做對沖基金之前，根本就係醫生。真正MD，唔係周兆祥之類。

4. 咁，不如試下飛機師？揸飛機同揸鑊鏟，應該都差不多啦。真喎，煩惱似春風秋雨，季節又似人生（識唱一齊唱！）。揸飛機要諗定點應對突發情況，氣流暴風，揸鑊鏟一樣，忽然南海打仗又點，忽然侵侵死咁又點。原理差不多。

5. 另外，揸飛機要睇天氣睇地形睇呢樣睇嗰樣，揸鑊鏟一樣。計下入幾多油，有事飛去邊度緊急降落，定下咩位止蝕，原理好似差不多。

6. 不過，個難度係，飛機師雖則巴閉，但一般嚟講你行入去大行叫人畀你做Trader，都係冇咁易嘅。醫生Michael Burry點入行做基金經理架呢？好簡單，佢係自己搞個對沖基金嘅！（有錢到一個點）

7. 幸好，今次疫情就帶嚟機會啦。邪惡嘅華爾街（其實係倫敦），就有人諗，喂，不如搵幾件機師嚟玩下。畀啲基本訓練佢地，然後落場炒。最重要係，搵個control group（留意，都係外行人，但唔係機師，咁先公平）。睇下係咪真係揸飛機掂揸鑊鏟都掂—反正啲機師都冇工開架啦！

8. 是真的，有人真係做呢個實驗。訓練完班機師，畀錢佢地炒。贏嘅機師分六成，輸嘅唔使上身。嘩。當然金額有限，實驗啫。同埋啲交易都要阿頭批。咁由於啲機師真係冇工開，甚至畀人炒埋，就有人願意試下。分錢事少，有機會真係轉行事大。

9. 班機師話，好玩，幾開心，想諗下轉行。真係呀，揸飛機同揸鑊鏟，真係差不多，都係要受壓力啦，迅速做決定啦，消化一大堆資料啦。真係差不多。

10. Except it isn’t

11. 結果就係，班機師，夾埋係輸錢嘅—而大市係升的。嚴重跑輸。更不堪嘅係，Control Group嘅人，就75%都有錢賺。大家都係金融外行，但非機師，炒股票勁過飛機師

12. 點解呢點解呢？實驗搞手試下搵答案。原因其實好簡單，因為「揸飛機真係唔同揸鑊鏟」。

13. 好簡單，投資都有所謂Losers’ game 嘅比喻，讀CFA一定知（你唔知咪因為你冇讀）。Losers’ game唔係玩嘅都係北京Loser，而係話，主動靠技術得分，定係等對手出錯。職業球手打網球就係Winners’ game，outclass對手。大家業餘打網球就係Losers’ game，啲友係自己打出界，跣低，發球雙錯誤，送分畀人地。以最好策略係保守啲，等對手犯錯。

14. 飛機師呢？如果你係萊特兄弟年代，就係Winners’ game，神乎奇技，開戰鬥機咁。但現代民航機？當然係Losers’ game，穩陣，冇人叫你要轉體三週半，最緊要平安，唔好死人，唔好炒咗架機

15. 所以，民航機機師一定係保守的。但拎去炒股票，就未必係好事。特別留意，個安排係贏咗機師拎六成，輸咗唔使上身（原文寫protection from any losses，我係咁理解）—咁更加應該take risk

16. 但見到機師性格使然，係唔會咁冒進的。見到佢地普遍持貨嘅時間，係長過普通人嘅，亦唔多肯斬纜。機師慢慢先發現，揸飛機出事就死人，但揸鑊鏟出事輸錢啫，唔使死人，「仲好多時唔係自己錢」

17. 實驗主持人都仲係樂觀嘅，覺得再教育下應該大有可為。但同時亦都發現，似乎機師唔應該就咁炒股票，「可能炒啲技術含量高啲嘅衍生產品好啲」—此話不假，埃汾其實都有讀Derivative （唔係你Degree 買本John Hull嗰啲，至少都自己寫個程式去解partial differential equation），入面啲東西，甚麼PDE呀 Heat Equation 呀Time Mesh呀，其實係工程嘢，同飛機師啲流體力學有啲共通。

18. 又，篇文冇講，但埃汾提議。民航機機師咁保守，應該搵開戰鬥機嘅空軍嚟炒嘛，應該幾有趣（其實其他行一早試過搵軍人，聽講不錯的說，問題係好多軍人就真係唔係點肯讀書）

（＊）實情金融工作有好撚多種，你做會計當然要hard knowledge，做分析員都要。做Quant做Derivative 肯定要，但Trader可能真係唔多使。

（＊＊）實情點先可以成為一個好trader，都仲未有定論。但有趣地，似乎普遍女性表現係好過男性嘅，因為男性啲睪丸酮過剩，ego大過春袋，衰衝動。所以有基金專請老嘢（已冇晒火），女人，甚至要食藥。另文再講

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7

——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

［盈富派息史上最低！］呢個題幾好，夠爆但又未去到太標題黨。
#李聲揚文章
#事先張揚收費專欄

1. 首先講，一手派45蚊，食個叉燒飯都未夠（埃汾對叉燒燒好有要求的說）。不過，一手幾錢先。一手盈富，而家剛好係萬綺雯12000。就算annualize 返，90蚊，都係0.75厘

2. 但，就梗係唔係annualize 啦，邊個教你可以咁做？中期息向來都少過末期息，絶大多數公司都係。今年一手派45蚊，其實往年中期一手都係150蚊啫，夠食個叉燒飯咁咯

3. 但，的確係史上新低。史上喎！其實幾反常。話晒都20年喎！都話，大學生人工都一個開啦（https://bit.ly/2W1U4ti）。有通脹架嘛！（冇話你知，股票係抗通脹的？）

4. 又會有人問，係咪靠佢開飯就死得？又係嗰句，都仲有45蚊剩，往年都係150蚊考，得返細半，但好過冇，好過匯控咁一個仙都冇。見到分散嘅重要未？

5. 事實係，正如篇稿講，盈富上市以嚟，中期息冇試過低過一毫（https://bit.ly/359IfFQ）。

6. 點解今次會咁？就當然係因為匯控啦！等於你恒指受匯控影響，咁盈富當然都受匯控影響啦。

7. 盈富嚟講，好多人都知，即係買恒生指數，一籃子咁。實務上操作，佢咪成個Pool咁，買晒五十隻成份股，跟返恒指個比例。

8. 但收息呢？五十隻成份股，唔同時間派息。有啲仲要6月結3月結9月結11月結（煩），仲有中期息，有啲一年派四次。咁咪派百幾次？唔掂喎。

9. 所以實務上你見盈富一年派兩隻息，原則上就係佢「實收」到幾多，咪派晒畀你。而因為多數公司都係12月結，大而派息多嗰幾間都係，有啲仲要唔派中期息。咁出得業績都3月，好多時派得嚟都4月甚至7/8月都有。例如建行，7月除凈8月派息（https://bit.ly/2VXRvIP）都試過

10. 而盈富，年年都係4月尾宣佈派中期息，10月尾末期。所以你見到，一路都個末期息會大過個中期息好多，好多。例如上年，中期息1毫半，但末期息7毫8。

11. 咁當然了，之前，支持到盈富中期息嘅（4月尾宣佈），多數就係匯控（5）嘅末期息—因為匯控一向4月頭已經派埋息。咁但，今年撻咗Q嘛，盈富咪收唔到，收唔到咪冇得畀你咯，就唔好去告鳩人了。盈富都唔想，匯控都（似乎）唔上，要告告英國政府啦

12. 係架，你渣盈富嘅，都會受匯控影響，但匯控都係佔盈富10%左右啫（派息就應該唔止，你自己慢慢計）。

13. 講多兩樣嘢

第一， 你可以睇返盈富基金歷年派息（https://bit.ly/2yEz5ot）。最好你睇全年（中期加末期），但至少都睇末期。你見，春風秋雨，悲歡際遇，上上落落落都好，當然亦減過派息，但好快加得返—就同個世界一樣。03年末期息派緊0.22，舊年係0.78。人類都係進步緊嘅，或者話，錢都係印緊嘅，股息一般到通脹。而你總唔會50間公司齊齊年年仆大街。

第二， 盈富基金係好東西。與其搞咁撚多嘢，又乜撚loop loop loop大法，又咩期油轉倉contango backwardation乜柒嘅，點解唔簡單啲？派息升幾倍喎。唔夠你發達，但夠你平平安安。

14. 當然總係有啲撚屌（要唔客氣了），又係要但係呢如果呢不過呢咁。係呀聽日核戰添呀仲上網？固然盈富都只係20年歷史，咁你可以睇恒指嘅DPS，每股派息，睇下係咪一樣，50年喎。覺得香港已死嘅，咁你咪買美股，一樣有SPY買標普指數 - 「但冇咁高息喎」。屌你你即係要好高息但又要好有增長但又冇風險—即係，混吉啦？有嘅你話我知。

——————————————-

版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。