《在我的乞兒兜攞飯食》
　
今日嘅生產力跌到低過689嘅智商，因為今日係交稅嘅deadline。
回想起上年，曾經用兩個星期嘅時間，寫689張支票交稅，參加不合作運動，希望得到社會嘅關注，政府嘅回應。無奈，儘管搏盡做了很多，都係徒勞無功。喺香港，除了挫敗，還是挫敗。
　
我很窮，點解仲要我供養一班低智商高收入嘅官員，以及無止境補貼每日150個新來港「懷仔」？
　
（今個月出街食飯無得加兩蚊轉凍飲，A餐例湯唔可以轉酥皮面，天氣轉暖準備定件one piece 游水衣游過對面海返工，取消一星期一次麥當當good morning 早餐...)

《天天寫，張張寫滿689的我怨你》

今個聖誕，我準備左份大禮比香港政府，我用左兩個星期，分拆支票交稅，參加不合作運動，增加政府嘅行政成本。

我總共寫左 689 張6.89 嘅支票，由於我係一個窮得只有時間嘅窮撚，所以我無訂造印仔，手寫左689張。朋友仔問點解唔雕印仔，但就算雕，頹極都要去街市買兩個薯仔，咁又係要錢，所以決定手寫。
※※※※※※※※※※※※※※※※※※
　
由於我嘅恆心低過689嘅智商，中途真係好想放棄，689張支票比我想像中大鑊好多。689 個英文名真係同佢個人一樣咁煩，Six dollars and eighty nine cents only 玩死左我。我簽銀行簿係用中文全名，呀爸又同我改個咁多筆劃嘅名，真係簽到柏金遜。我亦由當初嘅楷書，寫寫下變左草書。
※※※※※※※※※※※※※※※※※※

到底有無用：

呀媽鬧我：「白痴仔，哂時間」。確實係好哂時間，但我反問自己，D 時間唔用喺寫支票度，會唔會用喺其他地方，可以表達爭取民主，689落台呢D 訴求？我諗唔到其他，所以我參加分拆支票行動。

呀媽又鬧我：「本身間房都同將軍澳堆填區咁，飽和架啦，仲訂咁多支票簿...」。聽到佢咁講，更覺得咁做有用。呢幾百張支票去到稅局，增加唔到職員工作，都佔領左佢個工作空間。我真心希望經手職員如實反映比上層知，不合作運動帶比佢地行政不便，令政府有一絲內部施政壓力。

「玩死D 銀行職員同稅局職員啦你」。香港是我家，瀨野齊參加，除左sorry同唔好意思我唔知可以講咩。怨有頭，債有主，唔好怪我參加不合作運動，要怪就怪搞到市民咁不合作嘅政府啦。

今次我嘅行動，最少令一個人思考政府施政問題，就係我呀媽。呢兩個星期，我一路寫，我一路好似唐三藏念「色即是空」一樣，瘋狂感化同啟蒙呀媽，呢個可算係最大嘅收獲。
※※※※※※※※※※※※※※※※※※

我真係好想多謝小學3A班嘅 miss lee，唔係你一星期罰我 n 次罰抄，我真係冇意志力完成呢個行動。我見到呢疊紙，真係熟口熟面，呢疊野真係好似拜山燒衣個疊溪錢，如果可以的話，我真係唔想交去灣仔，可以直接燒比689 你話幾好呢。

PS. 有關申請N本支票：我係幫襯開痕身銀行，e-banking 只可以click 一野申請一本，card center 職員話唔可以電話申請多本，你可以喪click e-banking 個掣，一本有30張，想參加分拆支票交稅嘅朋友仔，自己安排下申請支票簿啦。

《我塊面青過稅局封信.....》
　
一返到屋企，就見到個封，同 Kero Kero Keroppi 一樣咁青BI BI 嘅報稅信。我真係嚇到塊面青過稅局封信，啱啱先寫完689張支票，又要報稅。今年封 Kero Kero Keroppi 仲要印有基本法頒布25周年LOGO，真係礙眼到不得了。
　
「做過的不可再做」？
街又訓過，不合作又不合作過，依然半點也改變不了，到底係唔係要再不合作？
　
我最憎填表架......
我有填表恐懼症架，唔可以見到未填嘅格仔架，開 excel 都打冷震架，唔搵工都係驚見工要填表渣。我冇錢架，可唔可以唔報稅？

《天天寫，張張寫滿689的我怨你》

今個聖誕，我準備左份大禮比香港政府，我用左兩個星期，分拆支票交稅，參加不合作運動，增加政府嘅行政成本。

我總共寫左 689 張6.89 嘅支票，由於我係一個窮得只有時間嘅窮撚，所以我無訂造印仔，手寫左689張。朋友仔問點解唔雕印仔，但就算雕，頹極都要去街市買兩個薯仔，咁又係要錢，所以決定手寫。
※※※※※※※※※※※※※※※※※※
　
由於我嘅恆心低過689嘅智商，中途真係好想放棄，689張支票比我想像中大鑊好多。689 個英文名真係同佢個人一樣咁煩，Six dollars and eighty nine cents only 玩死左我。我簽銀行簿係用中文全名，呀爸又同我改個咁多筆劃嘅名，真係簽到柏金遜。我亦由當初嘅楷書，寫寫下變左草書。
※※※※※※※※※※※※※※※※※※

到底有無用：

呀媽鬧我：「白痴仔，哂時間」。確實係好哂時間，但我反問自己，D 時間唔用喺寫支票度，會唔會用喺其他地方，可以表達爭取民主，689落台呢D 訴求？我諗唔到其他，所以我參加分拆支票行動。

呀媽又鬧我：「本身間房都同將軍澳堆填區咁，飽和架啦，仲訂咁多支票簿...」。聽到佢咁講，更覺得咁做有用。呢幾百張支票去到稅局，增加唔到職員工作，都佔領左佢個工作空間。我真心希望經手職員如實反映比上層知，不合作運動帶比佢地行政不便，令政府有一絲內部施政壓力。

「玩死D 銀行職員同稅局職員啦你」。香港是我家，瀨野齊參加，除左sorry同唔好意思我唔知可以講咩。怨有頭，債有主，唔好怪我參加不合作運動，要怪就怪搞到市民咁不合作嘅政府啦。

今次我嘅行動，最少令一個人思考政府施政問題，就係我呀媽。呢兩個星期，我一路寫，我一路好似唐三藏念「色即是空」一樣，瘋狂感化同啟蒙呀媽，呢個可算係最大嘅收獲。
※※※※※※※※※※※※※※※※※※

我真係好想多謝小學3A班嘅 miss lee，唔係你一星期罰我 n 次罰抄，我真係冇意志力完成呢個行動。我見到呢疊紙，真係熟口熟面，呢疊野真係好似拜山燒衣個疊溪錢，如果可以的話，我真係唔想交去灣仔，可以直接燒比689 你話幾好呢。

PS. 有關申請N本支票：我係幫襯開痕身銀行，e-banking 只可以click 一野申請一本，card center 職員話唔可以電話申請多本，你可以喪click e-banking 個掣，一本有30張，想參加分拆支票交稅嘅朋友仔，自己安排下申請支票簿啦。

解釋跟E*Trade申請支票簿的方法。還蠻簡單的，網路交易介面上點幾下就可以了。