#星期一至四有85折
難得既二人世界, 最岩去烚下烚下慢慢嘆。近近地揀左屯門 #火水爐花膠館，一行入去好似時光倒流到80年代咁，霓虹光管掛上多部經典港產片名，昏黃色調加埋復古圓枱摺凳、復古地磚，仲有牆上一排火水爐裝飾，真係夠晒玩味😉。

晚市主力做 #雞煲火鍋放題，有幾個套餐可選，其中兩個包埋雞煲，我哋點左 「牛小排花膠火鍋放題套餐」有雞煲又有火鍋任食，逢星期一至四仲有85折，每位只需$279，好抵食👍。

先黎麻辣花膠雞煲，上枱時係8成熟，店員會幫手炒到全熟，咁食既時候就岩岩好，唔會煮到老晒乾晒，真係好細心。點左小辣，麻辣程度剛剛好，惹味又唔會蓋過晒雞既香味，啖啖肉，好嫩滑；仲有大大塊原塊花膠，炆得好冧，加埋辣汁食🌶，又另有一種風味。

食完雞煲加花膠雞湯做火鍋，湯底鮮甜，清清地配埋火鍋配料更好味😋。任食多款牛🐮，喜歡稔滑重油香要試 #安格斯小牛排，喜歡有口感肉味濃要點 #牛頸脊、#牛板鍵 就特別有嚼勁，再試埋黑毛豬滿足晒🐷。其他火鍋配料選擇都多，流心芝士丸、玉米貢丸、爆漿魚丸、蜂巢豆腐都值得試。

值得一提係佢哋自家出品既菜甫同醬料，其中烈火菜甫辣得好過癮🔥，最後都買左樽返屋企。其他仲有炸蔥油、雞煲醬、極品沙嗲醬等。這裡真的有舊香港情懷，服務也十分殷勤好客，好有老街坊感覺，聽說會懷舊就代表年紀大了😂不過來吃的都是潮人多啊，年輕vs老餅，何必分咁細呢？😜

*********************************
火水爐花膠館
屯門時代廣場北翼地下35-38號
*********************************

火水爐·花膠館
#雞煲 #火鍋 #屯門美食 #吃貨 #靚牛放題 #花膠雞煲 #metime #無細路終於唔洗走辣 #時光倒流的一餐飯

#牛頸脊#肥牛#牛小排#火鍋 #打邊爐
【火鍋肥牛任食？】自己切！原件牛小排！其實即係牛頸脊？肉味香！點切先好食？要起雙飛先過癮？詳細示範分享！美國 IBP USDA PRIME 3.4 kg!

去街市啲肉枱，點解成日都有牛頸脊？一隻牛邊有咁多牛頸脊？其實好多時候真正嘅牛頸脊用晒之後，佢哋就會用非本地既牛小排作為牛頸脊嘅延伸，因為其實都係果part嘢嚟。
好啦，我哋今晚打邊爐，食幾多切幾多，任食！最緊要係好味～

傳送門：
https://oriolefood.com.hk/app/web/product_detail.php?linkid=548e2418a12532356aa92bc681a40b47&catid=8d1bf93068bac606546824521bee87d9

下幾集又玩下牛丼。之後又玩下。。。啲咩好呢？ lol

---------------------------------------------------------------------------------------------------------------------------------------
鍾意我嘅Youtube Channel， 立刻訂閱：
https://www.youtube.com/channel/UCoaBkSRWOZOCu7pVnFWq7hQ?sub_confirmation=1

讚好我的Facebook & Instagram：
Facebook page: www.facebook.com/cookkingroom
Facebook:www.facebook.com/cookkingroomhk
Instagram: cookkingroom