[bfmurmur1602] 我係一個冇拍過拖ge25歲大薯仔，前果排有個女仔同我表左白....自己好驚，唔識點答，我唔係冇好感，而係自己個心都好亂好亂，我都同佢講我個心好亂，唔好意思，我唔係唔鐘意，我都有好感，而係我都唔知點處理。 我唔靚仔...以前唔係唔恨拍拖，而係係大學果陣，自己都好有passion，同埋同一個女仔相交三年，（佢係主動approach我.....），自己係果三年心裡邊都擺住佢，同自己講要“專一“ 冇去溝其他人，但最後原來自己做左人地工具人.....自己唸返，都覺得自己點解可以咁蠢.....人地對我行為同講d野全部係收兵語錄.....佢唔係靚果d.....（我唔係特登踩佢....不過佢真係唔係靚果type，而係性格好smart果d），而到自己對佢帶黎ge價值低左，就一腳踢開我.....不過最主要都係自己蠢，用曬真心時間金錢落去，自己係懵柄中ge懵柄，所以呢單野對自己打擊都大....第一次認知到原來燃燒自己ge真心係真係會換黎人地ge傷害....原來真係有人會咁樣利用自己... 不過果次之後，自己唔係聖人，見到心儀女仔都嘗試追過一次，不過我追女仔技巧真係差到貼地垃圾果種....所以自己都唔想再熱臉貼冷屁股，唔想去特地感受人地冷漠ge態度，以前都會幻想自己會搵到the one，不過都打消左所有唸頭，唔想再去掂呢d野。 23歲開始，自己已經準備好一個人過成世就算數，唔想再去唸追女仔，同埋自己圈子算細，基本每日就係做gym返工煲Netflix炒美股（ha，如果你都有炒美股就知作息了，haha）無限loop，都唔想特登去拓展交際圈子，自己其實係唸住學以前一個中學阿sir咁，一個人過世，剩d半世人就係旅遊+睇歌劇+飲咖啡做文青同所謂ge中產一世就算數。自己一個人兩年黎都算過的開心，見到自己心儀女仔只係佛系同自己講算數啦，算數啦。 呢d平靜日子直到佢表白就完全唔平靜了，佢其實算靚女....但我真係一個薯仔黎，唔敢同唔識去掂（身邊朋友，無論男女，見太多失敗例子，都令自己卻步），同埋我真係唔覺得自己邊到好.....就係普通人一個，出邊咁多靚仔，我又冇扮自己點受情傷呃同情blah blah blah，其實我都有好低B好幼稚ge一面，物質又唔算多，有錢同賺的多過我ge大把，自己溝女技巧又係垃圾級別，我唔係唔鐘意佢，而係我連女仔手都味掂過，我唔識拍拖啊，大佬，不過我都知表白真係需要好大勇氣，但係我真係d毒L黎 😭，真係好亂.... ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶