[食物比拼系列29-椒鹽鮮魷] 我會評論同比較一下唔同食店既同一類型食物，當然啦，始終每個人既味蕾同喜歡/不喜歡既因素都唔同，所以市面上任何食評或者係我既食評最多都只可當作參考。今次就以我去食既當日水準，評論同比拼一下大排檔不可缺少既食物之一，香港幾間出名食店既椒鹽鮮魷。 - •左上既八味脆鮮魷😍 旺角人氣食店，見到店內都有唔少年輕情侶，一班班既年輕朋友同埋家人嚟到光顧，整體選擇都豐富。餐牌內分別有金沙脆鮮魷同八味脆鮮魷，金沙就係鹹蛋黃而八味脆鮮魷 ($88) 就係平時食開既椒鹽鮮魷。外層算脆，不過魷魚比較腍身，唔夠爽彈。 評分: 6.0/10 📍女人街食飯公司Ladies Street Sik Fan Co. 旺角通菜街1A-1L威達商業大廈1樓B室 - •左下係米芝蓮推介食店 🤔 增煇藝廚招牌菜式有大孖頭抽雞、鬼馬油炸鬼、花甲胡椒豬肚煲同埋另外幾款，而當中椒鹽鮮魷 ($98)，食落都夠香脆，魷魚滑身帶點嚼勁。 評分: 6.5/10 📍增煇藝廚 深水埗石硤尾街31-33號地舖 - •右上係超人氣'大排檔'😍 楚撚記係經常爆滿既食店，整體質素算ok唔錯，店內光猛。椒鹽鮮魷 ($92) 食落有少許過鹹不過外層脆得嚟亦唔會出現'骨肉分離'既情況，魷魚質感都算煙韌。 評分: 6.5/10 📍楚撚記大排檔 西環皇后大道西554-560號日富里地下1號舖 土瓜灣馬頭圍道187號地下2,4號舖 荃灣川龍街118號百悅坊地下及1樓 - •右下係人氣食店☺ 大排檔小炒喺灣仔同埋銅鑼灣都有分店，有啲菜式正常，不過對於蜜薯牛柳粒同埋椒鹽鮮魷對個人嚟講認為有進步空間。椒鹽鮮魷嚐唔到椒香，部分食落有啲粉同埋魷魚食落有啲韌。 評分: 5.5/10 📍大排檔小炒 灣仔天樂里2-4號金豐商業大廈地舖 銅鑼灣駱克道405-419號華發大廈地鋪 - 會幫食物create 一個hashtag #椒鹽魷魚_foodiexblogger 以及 #食物比拼系列 下次大家想我比拼咩食物?😁

【我和我的旺角】 中學的時候才第一次去旺角。 記得那陣時看雜誌，其中一個潮流碎料是一隻透明膠錶，表面是半球體，𥚃面有水，還有小丸子。驚訝價錢只是幾十蚊，於是人生第一次到訪先達，仲要係同阿媽去嘅。先達好混亂，但確實好多嘢睇，作為港島人從來很難習慣九龍的節奏(還有空氣和密度) ，後來我認為是地區的資訊太多，是你精神狀態會企圖接收的各項資訊太多，所以每次去完旺角都很累。 人有時跟地方有緣，那一年有緣份的恐怕就是旺角。同年因為加入了中文辯論隊，被中六的師姐拉去參加了聯校中文辯論學會，都忘記了拉票和投票是怎麼進行，好像是全民造星海選的狀況，然後我得票成為了外務秘書。當時會長是男拔萃的，順理成章經常要去男拔萃。 那時候的男朋友讀喇沙，住太平道。太平道、男拔跟旺角只是一個火車橋之隔，氣氛又安靜得多。但因為華富邨可以坐旺角紅van西隧直達金雞，所以去旺角又變得很方便。 Chicの堡好像沒有太多我可以買的東西，潮特、兆萬比較好，還有銀城有幾家古著店都很好逛。那段日子穿的是Puna California 橙色啫喱底。有陣時會去太子聯合，或者花園街出口店。Porter還剛剛流行，有點驚為天人的感覺，但我全部買不起。那段日子的我不會買衫褲鞋襪，去旺角可能只是去機舖玩photo hunt和拍拍機。又不太喜歡掃街小食。嚴格來說那段時間好像在建立「我中意乜」和「唔中意乜」多於其他作為。旺角找個合理的廁所很困難。我懷疑當年的我長期喝不夠水。 因為相當討厭拍照，青春無限那些貼紙相都是一大班人一起才會去拍，印出來的數目跟人數又永遠分不匀，又影得衰，我甚至有覺得那幾年我沒有認真用腦生活，別人說甚麼我就做甚麼超級漫無目的。 男朋友喜歡看書看漫畫聽歌，所以算是他開發了我對這些東西的判斷力。有次他在先達買了一隻半個人那麼高的Elmo給我，但先達賣公仔一律用得頹的黑色膠袋裝著。帶Elmo回家的時候，那黑色大膠袋害他被查身分證。 旺角的小吃店很多都單純因為地點，所以賣垃圾都有錢賺。人生吃過最撚難食的燒賣、魚蛋、雞蛋仔、格仔餅都在旺角。 有次好想食格仔餅，在金雞附近買了匆匆上小巴。在車上吃的時候我哭了，因為好嬲，咁撚難食你點整㗎！點解要浪費我quota ！(詳情可以 google謝霆鋒雞蛋仔，大概就是那種毛巾質感，淋到！) 然後金雞西隧van 的司機好猛料，如果小巴有翼，應該快到會飛。然後他們很喜歡焚機，但很多歌不知哪𥚃來的，個世界居然有咁難聽嘅歌。 而且有段日子流行男人頭髮留條魔鬼魚尾！紅van司機好多都有⋯⋯講柒的話這個髮型應該不堪回首。 但旺角就是有生命力，是地道香港的生命力，你可以不MK，但你要明白MK。今晚看大MK日，復刻的MK文化可愛得很。選的衫褲鞋襪無一不令人會心微笑。 MK是 現在縱使不清楚我最愛你甚麼 但仍然 不相信會絕望 不感覺到躊躇 而且每遇到困難， 都可以像浩南抱住細細粒 仰天長嘯之後，撐過去。 #大mk日

【2020 超過50間聖誕到會黃店一覽！】 #圖片最後更新 2020.12.07 ✅ #文字同限時動態都係最新version ✅ #一人搜集資料如有遺漏請見諒 #盆菜另外出post 話咁快又一年～ 今年未必可以一大班人一出街食飯，但聚吓頭總係要嘅，珍惜眼前人，唔知幾時一醒就再見唔到🥺 一年過去，唔少黃店已結業，但值得高興嘅係，今年嘅list係比起上年更長，更多黃店加入行列！💪🏻 大家今年一定一定要撐佢哋叫到會，唔好幫襯pizza hut KFC！💛 ____________________________________________ #新界黃店  屯門 @fififoodie2020 屯門 @_akasushi_ 屯門 安郴記 屯門 @communex 屯門 Pizza Plus 屯門 @sigwonggai 屯門 @thecitycorner.hk 屯門 @goodnight.tuenmun 元朗  @seventyninety.7090 元朗 小息時間 元朗 @tomato.otamot 元朗 匡樂冰室 @godtimehk 元朗 法國小屋 @le.cafe.des.delices 粉嶺 @cookhouse.fanling 荃灣 Hustle Guy 荃灣 @The5BPrivateCorner 葵芳  潮食閣 葵芳 @attitudefoodshop 葵芳 @guabaohk 葵芳 @yamashitasushi 葵涌  @longchuanshanghairestaurant 葵涌 @Gooddaycafehk 葵涌 @OhMyDog_hk 馬鞍山  @puzzle_e18cafe 沙田 中大敬文餐廳 沙田  Here We Are 潯 上水 @homyburgercafe 火炭 圓點工房 @canapesroom 青衣 Pantry Foodies @pantryfoodies #九龍黃店 荔枝角 @pine_hk 荔枝角 kool kitchen 長沙灣 @dkpizzacafe 長沙灣 @FoodMonsterhk 深水埗 泰基隆 @thaikilung 深水埗 星河餐廳 @star_river_official 太子 Jimmy’s Cafe and Kitchen 旺角  越興園 @yuet_hing_yuen 旺角 後生仔海南雞 @the_youngs_hainanchicken 佐敦 Vego @vegocoffee 佐敦 Tony's Hell @tonys_hell 佐敦 糖水雄 @dessert_hero_ 🥦 大角咀 走肉 ‧ 朋友 @my_meat_run_buddy 🥦九龍塘 Paper and Veggie @paperncoffee.cuhk.bu 九龍塘 Bistro Bon @bistrobon_bu 尖沙咀 籽樂廚房  尖沙咀 @CoDiningSpace  紅磡 小果籽 @babyfruitcafe 觀塘  五餅二魚 @5loavesn2fish 觀塘 Favilla @Favillacafe 觀塘 重光弁当 X 漁吉 @isakichidon 觀塘 @ohmyboxhk 觀塘 @how_dept 新蒲崗 開餐 @open_meal 牛頭角 @Space_cafe_Kitchen 九龍灣 1仔便當 @onescafehk 土瓜灣 @PrimesKitchen.tkw (圖打漏咗個P 跪玻璃😢 #港島黃店 中環 百里居 @thymehongkong 中環 @SognoCafe 灣仔 和記餐廳 @wookee_wanchai 銅鑼灣 為食龍 @hungrydino.hk 銅鑼灣 Your Home 天后 黑麥 @pumpernickel_catering 北角 @VillaVillaCafe 西灣河 星河 @starstaeship 筲箕灣 脆意雞 黃竹坑 糧心製作 #連鎖 韓閣 @korean_loft_cafe 千之味 @sushi93885690 牧羊少年 @thealchemistcafehk 楚撚記(小菜外賣）@chor_land @BullDogHotDog @ZeppelinHotDog #外賣團隊  @around.wellington X Call4Van 全港 @Shopper_hk 大埔 林大康 大埔外賣圈 火炭 碌友 @LookYau_hk 沙田 沙田柚外送 沙田 Deliver Mun 全送門 大圍 大胃王 元朗 元天水圍區外賣仔 屯門 @MaMaEat_hk 元朗 Brobro Delivery 天水圍 皇遞 @yellowd_tsw 青衣東涌 飯飯到家 @yellfromhome 深水埗 埗兵 @hkssprangers 觀塘黃大仙 @PickEat_hk 觀塘 觀塘外賣仔 @takeawayboysss 中環 中仔 @canchungjai 尖沙咀 快閃王 將軍澳 @tkofooddelivery