💖2020，養成7個豐盛新習慣💖 常上我課的同學，一定對「豐盛」這個詞不陌生，祈禱文中每一次都會出現。看到跟「豐盛」有關的好文，分享給大家。 豐盛不是擁有多少財富、物質或地位，而是心滿意足地感恩當下現況。 豐盛是身心自在、開心，有一種淡淡的喜悅。 找到本我的圓滿、完整狀態，生活越簡單越豐盛滿足。 2020年，透過養成日常生活的7個新習慣，學會擁抱自己、享受當下，迎接身心自在、喜悅豐盛的一年。 1.打開正能量補充包，每天寫下1件值得讚美的事✨ 試著每天在手機或筆記本，寫下1個自己的專長、或者值得讚美的事，當作正能量補充包，心情不好時不妨打開補充包看看，你會發現自己其實沒那麼糟。 2.睡前感恩3個人事物✨ 睡前感恩3個人事物，容易平靜入睡，也能感受生命的豐富喜悅 3.從小事開始幫助他人✨ 助人可以從小事開始做起。譬如給他人一句讚美的話、幫別人開門、讓座給需要的人···，用助人的小舉動開啟你的一天，你會發現那天的心情特別美好 4. 清理多餘物品，只留下常用的就夠✨ 清理掉多餘的物品，不但能增加生活空間 身心靈也會更輕盈放鬆。 5. 跟孩子或家人閱讀一本書，分享彼此感受✨ 暫時放下手機、關掉電視，選本喜歡的書坐下來看個篇章。閱讀讓人心神沉澱，也能轉換上班一整天的疲累，家人彼此聊聊，享受溫馨的家庭時光 6.用力擁抱、牽手，向家人表達愛✨ 無論是家人、情人或朋友，只要一個牽手、擁抱，就能從中感受到彼此相依相伴的幸福、豐盛 7.面對自己的負面情緒，試著找朋友陪伴 「給悲傷難過一點時間」✨ 難過、憂傷、心碎等情緒來襲，不必急著壓抑，也不用想著如何加油、快快走過。不妨給自己一段時間好好發洩，找朋友陪伴，正常抒發，慢慢就能回到日常生活 Miya整理自康健雜誌2020年1月 特別推薦：楊定一博士新書『豐盛』 💖最後祝大家新的一年祥和、豐盛！✨

* 《每當變幻時》中的隨遇而安 — 「2007年，富貴墟終於清拆。十年裡面，我想做嘅嘢，唔係全部都做到。以前，我會覺得係失敗；而家覺得我唔係失敗，而係成功發現，所有嘅一切都係一個過程。」阿妙 — 人生之中，計劃永遠都趕唔上變化， 但偏偏，世人迷戀於永恆不變。 — 《每當變幻時》嘅第一幕戲，係講要幫老豆還債，飾演阿妙嘅楊千嬅正式進駐富貴墟賣魚，因而受到街市一眾舊商戶嘅「唔歡迎」。期間一邊寫演魚佬嘅陳奕迅叫雞驚加價，但面對住富貴墟更大嘅改變，立即衝去街市撐場，《每當變幻時》核心之中嘅核心，係「變」呢個字，而人又點去面對「改變」。 — 明明個世界每一分每一秒都喺度變緊，但戲入面多數嘅人都係「拒變」，唔懂得以咩心態去面對轉變。叫雞由400蚊加到800蚊，街市十幾年嚟都無後生女，鄭融問其他人自己幾多歲，街市受到超級市場嘅衝擊，由1997年嘅二十世紀，好快咁去到2000年要對付千年蟲嘅廿一世紀。時代嘅巨輪係唔會因為你唔想變而停低，電影入面嘅男女主角，阿妙同魚佬，面對改變，有各自嘅取態。 — 阿妙由二十七歲開始搬去富貴墟，佢幫自己定咗各式各樣嘅「限制」，例如三年之內要還曬所有欠債，然後離開街市；三十歲之前要搵到一個如意郎君，而嗰個如意郎君唔可以係街市佬；每晚賣完魚之後，將賣剩嘅料去煮魚粥，仲要賣夠一定數量嘅錢先收工，然後喺架車上面瞓覺。阿妙肯搏肯捱，對於自己嘅人生有清晰嘅目標，人生仲容唔容許到任何變數呢？ — 魚佬戀舊，貪圖穩定。一開始嘅佢，深夜闖入街市打爛阿妙魚檔嘅電制，仲叫佢嘅朋友豬肉念佢賣咗大半世魚，對人生無任何嘅規劃，因為佢覺得所有嘢唔變就係最好。直到阿妙喺無心理準備嘅情況之下闖入咗自己嘅生活，佢慢慢覺開始欣賞呢個廿七歲嘅女仔，慢慢為自己三十二歲迷惘嘅人生訂立咗目標，慢慢開始明白原來改變唔一定係壞事。 — 阿妙訂咗嘅目標，幾乎無任何一樣嘢係喺計劃裡面完成。諗住三年還曬啲錢，結果因為夾硬要將街市超市化，同埋誤信傳銷，而好似還極都還唔完，但最後竟然因為老豆一晚之間贏大錢而脫貧；希望搵一個值得嫁嘅如意郎君，起初遇到幾好嘅餅佬，又介意人哋嘅職業，點知後尾人哋做埋老闆；對魚佬動咗真情，但又因為對方街市佬嘅身份而卻步，因為呢一切一切都係「變數」，都唔係阿妙嘅掌握之內，所以佢選擇逃避。 — 魚佬雖然無目標，但亦都守唔住自己喜歡嘅事物，包括留唔住富貴墟，包括留唔住阿妙。唔係你想唔變，所有嘢就唔會改變，魚佬被迫轉去魚排工作，半推半就咁過佢新嘅人生。 — 《每當變幻時》嘅結局，係阿妙同魚佬相遇，佢哋為咗舊街坊雞佬，想重光一日已經執咗六年嘅富貴墟。套戲一直都用有啲非現實嘅手法去處理橋段，當我以為電影會以頗為大團圓嘅形式收尾之際，警察嚟到拉人封艇，將觀眾拉返嚟現實，過去咗嘅嘢永遠都係過咗去，無得返轉頭，但BENZ雄仲會幫街坊喺富貴墟頂影相，不變嘅係人情，我哋仲可以對自己嘅過去致以最深嘅敬意。 — 既然社會每秒每秒都喺度變緊，咁人又應該點樣自處？兩位主角，魚佬係率先看破嘅一個人。佢無再戀舊，反而勇敢為自己嘅將來行前一步，娶老婆生仔；而阿妙由賣魚妹變成香港出名嘅星級化妝師，係意外收獲，佢本來以為自己同魚佬仲有機會，但跟住就坦然，最後選擇祝福。 — 當你盲目追求永遠嘅時候，千帆過盡最後先會發現，原來變幻才是永恆，唯隨遇而安，享受過程，先至係不變嘅真理。 — 《電影港義》新書預購連結：https://bit.ly/2WGNozA — IG: hongkongmoviesneverdie