【#經一速遞】其實究竟點解要做Appraisal（工作表現評核）？ 這套文化由西方傳入，很多大公司企業趨之若鶩，爭相採用，原意是好的，因為可以增加上司下屬之間的了解溝通，還有管理的透明度，對員工的評級表現不再閉門造車。 🌟重量級專家分析2021年投資展望 📱即到IG Highlight「APP 」下載全新《經一》App 啦！ 📌仲有大量獨家優惠添呀 打工仔必須先搞清楚公司文化及遊戲規則，甚麼可以寫什麼不能寫，甚麼可以爭取，甚麼不可以爭取，自己有幾多斤両份量，份工對自己的份量，全部都要想清楚計清楚，否則肯定一旦留低牙齒印，日後肯定冇運行。 有冇專才可以告訴我，大費周章費時失事年年搞場Appraisal大龍鳳，價值何在，做給誰看？講真，自己和上司或者負責寫你份Appraisal的人關係究竟如何，不用看內容應該心中早有數對方會點寫。如果結果出乎意料的差的話，只能怪自己過分樂觀或者掉以輕心，or both! 我一直強調打工仔一定要和上司保持密切溝通，定期請上司評價自己的表現，expectation management從來不是單向的，Appraisal更加不是做完出來之後才驚覺強差己意的。 即刻click入profile按連結🔗睇下不滿APPRAISAL可以點做？ 👆🏻Follow  @edigesthk 一起讀懂全球經濟趨勢！ #Appraisal #職場 #打工仔 #公司文化 #老細 #投資 #香港  #經濟一週 #ED_k2

2019.9.30 晴報 Sky Post 破天「方」專欄 . 你有冇啲朋友，慣性開口乜都話「唔得」「唔得」「唔得」......唔好下下Say No得唔得？ . 《唔得！唔得！唔得！》 . 雖然我離開正規工作一段時間，但十分喜歡了解目前的職場生態。千奇百趣的個案除了得啖笑外，有時也為我帶來不少生活上的反思。 . 一位非常能幹的主管朋友最近轉工，我以為她身經百戰應該很快適應，誰知最近每次與她見面，她都唉聲嘆氣，原因是新公司同事的固有文化讓她沮喪。簡言之，她每次叫下屬完成一件差事，即使是普通不過的工作，下屬回應的第一句必先彈Job︰「吓？不嬲唔係咁做喎！」「哦！呢樣嘢我唔識做㗎喎！」「得番一星期時間，邊度做得切呀？」 . 一個如是，兩個如是，三個如是……朋友很想大發雷霆說︰「你唔試過點知做唔到呀？」但始終初到貴境，不想一開始僱傭關係太差，惟有像媽媽般耐心教導下屬︰「唔緊要，慢慢來，畀啲信心自己，一定得㗎，乖呀吓！」只是尚欠給同事掃背安撫。 . 我聽罷再反芻她的說法，設身處地代入員工的角度細想。老實說，我也試過面對一些上司超高要求，出於自我保護機制，或是自信心不足，寧願彈Job，也不想衰在老闆面前，企圖落閘以降低對方的期望。不過，我得承認，次次說：「唔得！唔得！唔得！」不惹怒老闆，也會令他反感，年尾的工作表現評核好極有限，直接打擊晉升機會。 . 能幹的主管朋友說，十多年前當她仍是下屬的時候，老闆跟她說要升她職，還授予一個職場致勝關鍵︰「點解我升你唔升其他人？因為我鍾意你嘅工作態度，永遠唔會好似其他同事咁，一開始就話『唔得』，而係永遠回應『係』、『好』、『知道』，表現積極。最終做唔做到係一件事，但起碼我見到你努力過，呢啲先係正確嘅工作態度！」 . 職場上，我們不必次次做「Yes Man」，擦鞋奉承上司，但至少給對方看到自己的積極、嘗試與努力。我想，雖然部分老細是「腦細」，但大部分上司都是明眼人，誰勤力、誰懶惰、誰是老海鮮，一眼便看得出。一開始便拒人於千里外，無論職場上、人際關係上，都絕對不是受歡迎的人物。 . （本欄逢周一刊登） . @skypost.hk #skyposthk #skypost #晴報 #column #columnist #lifestyle #破天方 #方健儀 #akinafong #hkig #work #career #careerpath #yesman #noman