［Trust everyone, But always cut the cards］即係，Don’t trust anyone

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
1. 美團（3690）呢個配股（加發CB，唔明係乜嘅有得佢），都幾震憾，首先係規模。760億港紙—留意公司3年前IPO上市嗰時先集330億左右，即係今次配股，集資係3年前IPO嘅一個double．

2. 咁但，好事嚟嘅，首先證明股市發揮到功能。唔知股市係用嚟做乜嘅，可以讀多次金融101，或者訂Patreon．而從來公司都唔會只係為咗上市cap第一浸水（固然好多公司之後就集唔到資，但呢個係能力問題，不能也，唔係唔想）。

3. 另一樣嘢係，公司70蚊左右上市，計高位見過460蚊，升6倍幾。計而家都仲4倍。所以自然cap 水能力大咗好多（技術啲講：唔使印咁多公仔紙，唔使攤薄咁多，如果我上市後跌六七成嘅，就要印多好多股票先拎到上市時一樣規模嘅錢）。

4. 但當然另一個問題係，媒體當然會挖返之前明明公司講過話唔係股東配股。好正常啲人會拉返出嚟講：因為只係上星期嘅事。

5. 講返上星期嘅故事，就係有人見到 （https://bityl.co/6Rtv），CCASS有異動，有人由實名搬貨入嚟，高盛持倉多咗。咁呢度嘅讀者或者Patreon嘅讀者都知，上次騰訊南非佬配股亦有呢個情況（因為南非佬將啲貨由外邊搬去大摩然後配股），咁所以大家就估，今次仲唔係到美團？咁有咩人會有5%貨丫？都係嗰幾個大股東，王興，騰訊，紅杉（Sequoia）

6. 當時美團就澄清，話傳聞不屬實。同埋亦都講，之前都有試過有呢啲異動，都冇事發生呀（係事實丫）。

7. 但然後就有今次嘅事件啦！係咪十分之食神呢！咁易畀你估到咩。

8. 唔知有冇啲網友又話人虛假聲明之類啦下。不過，留意下一樣嘢。理論上呢，好似騰訊呢啲咁嘅股東減持，公司係可以唔知情嘅（雖然實際上好少，但的確係可以唔知情的）。所謂「公司」，係堆CEO同高管，頂多加埋董事之嘛，股東沽貨可能真係唔會話你知，至少理論上講得通的。

9. 所以其實根本不存在公司澄唔澄清，公司not in position去代股東講嘢，股東亦冇必要答你，亦可以昆你。當然你可以話公司打去問股東「點呀你，係咪想沽貨呀？哦，呢刻冇打算下話，收到。」，都冇話唔得

10. 於是就帶去第二個問題，十分玄妙嘅「呢刻冇打算」。

11. 講返，股東沽舊股，公司當然可以唔知情啦，同公司近乎全無關，亦唔使經過公司。不過，今次美團係發新股（technically 先舊後新，有機會再解）集資喎，再加埋CB，公司就不可能「不知情」啦。發新股同發CB呢啲嘢，係公司去做嘛，唔係股東

12. 咁所以，一來你可以話係玩捉字蝨。「係呀冇股東減持呀」「不過我發新股之嘛」（而到底「先舊後新」當唔當減持呢？就真係有啲深嘅問題，你可以當被動減持咯）。

13. 但，講到尾，等於以前啲業績會，好多記者都鍾意問啲公司，點呀，有冇諗住短期集資呀。咁啲poker face 管理層（主要大陸佬）當然就係嗰套官方對白：呢刻冇打算。但有時有啲比較有人味嘅管理層（香港人），就會半講笑咁同你講：「有都唔會呢度同你講啦」

14. 事實正係如此，你咁問，想人點答呢？即係上床前問人愛唔愛你咁。呢刻梗愛啦。劉華話齋，啲老酮師傅到，有乜講唔出有乜做唔出？

15. 同樣地，管理層梗係話你知，「呢刻冇咁嘅計劃」。「呢刻冇打算減持」「呢刻冇打算私有化」。咁到你聽到嗰時，就已經係下一刻啦，知冇？直到減持／增持／私有化／配股之前，都係冇咁嘅計劃嘅（＊）。問少啲無意思嘅問題，做人就開心啲

16. 真係答？都公開唔係答畀記者知啦，聽日就上頭條喎。反而分析員私下挫管理層，佢地就有時會畀啲曖眛答案你嘅。

17. 最後，你最關心嘅股價：鬼知咩，唔係升就跌，係好廢，但啲人鍾意問嘛。但我估，同騰訊差不多，跌就梗，但低位升返上嚟。

18. 其中一個重點係，公司話拎啲錢去做無人車無人機，似乎市場暫時都BUY，始終係一個燒錢嘅行業。但至少美團之前可以賺到錢。咁你見外國啲外賣仔不停咁蝕都有人肯注資啦。

（＊）不過再Technical啲講，你見有時公司都會出通告講「接獲乜乜乜」，大約話傾私有化或賣盤之類。呢啲情況就真係要。因為分分鐘會畀人告。配股呢啲自己閂埋門圍威喂好快搞掂。但，賣盤嘅，例如今日4月20日，你話完全冇傾賣盤。咁然後4月22日話賣盤。但然後畀人查到之前一早3月已經有人同你傾呀搵晒投行呀嗰類呢，就會有啲麻煩了。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［螞蟻撻Q FAQ］拿，夠晒快手，話咁快出埋Q&A。夠良心啦？

TLDR：唏，投資有風險嘛。況且，2020，你見嘅奇怪嘢仲會少嘛？唔爭在。晏啲可能Patreon 再寫，訂咗先講（https://bit.ly/31QmYj7）

而家知道H股停埋，就可以寫多兩句。啲乜乜外灘明爭暗鬥乜派物派，留畀啲大紀元KOL寫（但我當然信馬雲得罪人，得罪好多人添）。我只答你最關心嘅問題

一切只係我個人不專業意見，因為個個都心急想知，我收到幾十個PM。真係有大事請去問律師。要急仲要免費就冇質架啦，你想搵專業律師咪畀錢佢同你慢慢解招股書。

問1：抽咗螞蟻H股新股點算？
答1：冇講到好明，但應該係會回水，十分簡單。馬雲/螞蟻/阿里巴巴whoever仲未XX到拎咗你舊錢走嘅，仲要出嚟搵食，放心。

問2：但幾時回水？
答2：你見有冇寫？我唔見有寫。莫非你以為我有內幕？但，正路地，都會係呢兩日。可以睇多次問1最後一句

問3：但孖展息點算？
答3：正路係個客自己孭。唔好意思，你間行會唔會格外開恩我答唔到。但其實類似東西唔係第一次（不過今次太多人抽），久不久都有公司會撻Q上唔到市。咁一般情況都係，孖展息，貴客自理，抽嗰個自己畀。當然抽嘅會唔高興，但首先我幾肯定terms係咁寫。另外，銀行/券商只係借錢畀你，隻嘢上唔上到市唔會幫你包生仔。極端啲講，你出去借貴利，三十厘息抽，唔通螞蟻/馬雲/阿里巴巴/王歧山/whoever要幫你冚埋啲息？

問4：咁會唔會再搞上市？
答4：應該總會，既然似乎唔係封咗佢檔嘢，檔嘢仲存在，應該會再上市。亦都有公司試過撻Q後再上市。但只係估。

問5：但咁搞法，再上市啲友仲信佢？
答5：Depends．百威（開名啦）嗰時再上市都冇問題。但當然今次呢單嚴重得多。之但係又聽講群眾係善忘嘅。講到尾都係睇價。你問我，可能拎低啲估值上咯。但只係估。

問 6：咁邊個係大輸家？
答 6：見問3。仲有當然係馬雲自己。仲有阿里巴巴（9988），必插，美股已跌緊。騰訊（700）之前話因為螞蟻上市推高微信支付估值，都會有影響，但始終係間接。仲有，投行嗰啲才俊，朋友話齋可能落咗訂買新車，甚至買樓，而家唔知邊度死舊錢出嚟（但呢啲人冇人同情啦）。

問7：如果我抽A股又點算？
答7：鬼知咩，香港都唔識啦，何況大陸？問返相關人士吧

問8：其實點解會咁？
答8：都係嗰句，馬雲得罪人。顛覆者就梗係會得罪現有勢力。的士司機唔鍾意UBER，傳統名模憎到O靚模死，日本啲餐廳好憎tabelog，全部同一道理。不過點處理，就各處鄉村各處例了。

（Encore：啲錢而家在邊？—呢條後加的。唔100%肯定，搞上市嘅可更正。但依我理解，舊錢未去到螞蟻手上嘅。所以回水應該好簡單。如果回唔到水就真係世界大亂了。但應該冇乜問題，呢兩日回到.......掛）

拿，免費答晒你最關心啲問題。鍾意睇阿波羅新聞就自己上youtube聽人鳩up一個鐘畀人賺廣告啦。想直接支持埃汾汾嘅，訂Patreon　（https://bit.ly/31QmYj7）．下次我未必咁好人免費貼出嚟架啦

————--————
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7

———————————————————
instagram @ivanliresearch．七成金融（短打）兩成嘢食一成其他嘢。

===============================
【李聲揚課程】題目:「美國大選全攻略」 影片/課程編號：CC011 費用: $400

由基本嘢講起，邊個會贏，民調準唔準，幾時有結果，冇乜時間嘅睇邊幾個洲。仲有邊個黨對股市好，侵侵連任股市又點，拜登上台又點。咩時間買。同埋最重要，買乜股。

出售平台(有埋影片簡介)：https://bityl.co/4FHC
付款及收看步驟：
1/點擊報名收看 [影片/課程編號：CC011
2/利用信用卡網上付款
3/及後有登入資料可以立即收看
查詢：whatsapp 63832145

［恒指跌750點，又如何？］舊文自覺寫得不錯，收視都理想，不過多數人都話太長。陰功，寫沙士樓價股價經濟，三千字都太長。即係最好一句話佢知買唔買。咁咪已經話你知：2003年，香港股樓根本冇因為沙士大跌過，講完。前者肯定係，後者其實都係係地。（http://bit.ly/2Uc1hrJ）

1. 黑期恒指跌750，哦。實情呢啲香港交易時段以外嘅嘢，只供參考。新股暗盤價都唔一定係第朝個價啦，大陸人又放假香港人又放假，有幾多人買新加坡黑期？不過正係呢啲時段可以殺錯良民，甚至wag the dog 影響返正價。

2. 咁其實恒指跌750點，都冇乜好出奇。講緊2.7% —　舊年升市，都有3日係咁情況。如果你講2018年更不得了，5日有呢啲跌幅—最勁嗰日係跌5%，1600點。講緊兩年前唔夠嘅事。

3. 更加唔好講咩金融海嘯呀（一日13%，收市喎，唔係只係掂過）之類。亞洲金融風暴呀（一日14%）。再遠啲？87股災一日三成幾。六四之後嗰日，一日跌22%。呢啲就叫大鑊嘢啦。唔係咩出完蒙面法有傳媒報「暴跌」500點

4. 所以股市係有波幅的，怕嘅，就返屋企湊仔好啲。但如果係有食力嘅（最主要係，有錢嘅），呢啲波幅就係你嘅機會

5. 沙士又如何？的確最近磅係沙士。咁，咪寫過咯（http://bit.ly/2Uc1hrJ）。沙士時恒指高位去低位都不過係跌6.5%。其實高位已經隊咗4%（十日前咋），加埋呢度黑期嘅，應該夠數。

6. 當然啦下，this time is different，你不能跨過同一條河兩次。世界如棋局局新，唔會重覆一樣。但只講呢啲口號係廢的。我地好似阿叔（？）講波講江津咁，講埋點解有嘢唔一樣嘛。

7. 好簡單，唔係疫症傳染幾多或死幾多人，都唔係重點。而係舊文寫過，沙士之前，2000年科網爆破之後仲有911，指指已經連跌3年，2000年跌11%，01年跌25%，02年再跌18%，死未。甚至去到03年，沙士前都係個個月係咁跌，失業率亦都係高位　—　即係，個市本身已經好殘，好平

8. 而家呢？就唔多同。恒指舊年都升9%，前年（18）就跌14%，但17年升36%—就肯定唔係沙士之前幾年嗰啲情況，絶對冇咁殘。同時間，失業率之類亦都係低位。

9. 所以你話今次跌得多過沙士？都有理由嘅。

10. 咁幾時買得？年初五咪買得咯，唔改期開市的話（A股就改咗）。問嚟有乜意思？唔信嘅都係唔信架啦。

11. 唯一可以話你知係，其實歷嚟疫症之類，一定係恐慌跌多，然後發現影響冇預期咁大。實情你睇而家啲疫症，講緊死一千幾百人，真係證明醫學昌明。100年前西班牙流感，死5000萬人！嗰時世界人口仲要係而家六/七份一。近年嘅都好，南亞海嘯都死幾十萬人。至於經濟影響云云，一樣係高估，你睇沙士亦不過係一季GDP跌咗1%都唔夠，下一季已即彈。況且，邊個話股市跟經濟行？仲未學精？

12. 記住，Be bullish（估下呢句嘢係邊間投行嘅slogan？夠老先知）（＊）

13. 抄返舊文一句：唱好根本唔係盲目，Optimism is a Default Setting．唱淡嗰啲先係盲目，亦都多數死清光。

14. （＊）答案係美林，Merrill Lynch，有冇留意佢個logo係隻牛？諷刺嘅係，美林早在金融海融自己沒頂。同樣地，另一間我記得slogan嘅，係德意志，A passion to perform，近年亦都好大鑊。反而高盛呀，大摩呀嗰啲，我係唔記得 slogan嘅。啲Slogan CEO可以留意下呢個例子