十個住荷蘭嘅理由 （更多歐洲/荷蘭生活資訊，立即到https://www.patreon.com/allyblahblah） 1. 治安好 世界上應該好難搵到100%安全嘅地方，相比起唔少發達國家（如英美等地），荷蘭整體罪案率低，監倉空置率高，有啲市政府更會將監獄改造成房屋添！ 2. 普遍英語程度高 語言溝通係一般人移居海外嘅重要考慮因素。荷蘭人普遍英文程度高，有啲人更自稱英文比 native speaker 更好。事實上，大部份本地人可以輕易轉做英文溝通，連平時喺街市買餸都冇問題！ 3. 普遍教育程度高 除咗英文好，唔少荷蘭人教育程度非常高。「閑閑哋都有個碩士學位」。一嚟係因為當地高等教育費用低、質素高，二來唔少大公司早已將入職門檻提高至碩士畢業。 4. 到歐洲各國超方便 無論係本地定係國際交通，荷蘭呢方面都做得非常唔錯。如果上到鄰近嘅英、法、比、德等國家，坐飛機/火車/自駕遊都好方便。阿姆斯特丹嘅Schipol Airport 即係歐洲重要國際機場之一，基本上飛去邊都冇問題！ 5. 文青福地 荷蘭全國有接近440個博物館，唔少梗係國際知名嘅重點博物館，例如 Van Gogh Museum, Hermitage, Rijksmuseum 等等。各個地方亦都經常有唔同嘅文化藝術活動。 6. 多元化社會 荷蘭係歐洲裏面有最多國籍/種族嘅國家之一。無論你來自邊一個國家，呢度總會有你嘅「同鄉」社群。荷蘭亦都有唔少華人/香港人，海牙更係唔少華人聚居嘅地方！互相照應都容易啲呀嘛。 7. 自由度高 早係2000年，荷蘭已經將紅燈區、吸食大麻、同性戀婚姻等具爭議嘅議題合法化。好多人覺得「新奇」又或者會遭人側視嘅，係呢一邊一早已經見怪不怪。基本上只要你唔好影響到其他人，做咩都冇咩人會理。 8. 健康生活模式 荷蘭人大多數以單車代步，而且差唔多人人都會去健身室鍛鍊。足球、草地曲棍球、划艇等亦係荷蘭人熱愛嘅群體運動。喺呢度受到身邊嘅人耳濡目染，不自覺自己嘅生活模式都健康咗好多！ 9. 生活質素高 Work life balance係荷蘭社會非常重視嘅元素。唔會好似香港咁，工時長、生活壓力大。好多當地人都非常重視運動、社交、娛樂等可以促進身心健康嘅活動。社會整體對心理健康嘅重視同埋意識到比一般亞洲地方強。喺呢邊生活絕對好寫意！ 10. 可以做自己 講完以上九點，其實荷蘭最寶貴嘅地方，就係你可以做自己。相比起傳統亞洲社會，對於唔同嘅人有好多規範、枷鎖，生活喺荷蘭唔會感受到呢方面嘅限制。 今次講住咗多先！下一次就講吓「10個唔住荷蘭嘅理由 」😏 冇地方係完美嘅，有美好嘅嘢，就當然會有令人髮指嘅事情啦！ #荷蘭 #荷蘭生活 #歐洲 #歐洲生活 #海外職場 #香港人在歐洲 #香港人在荷蘭

【 演員的自我收養 】 _ 2021年4月20日，本地網絡界有大事發生，仲要唔止一單！ _ 第一單，是四大YouTube頻道，包括「試當真」、「小薯茄」、「啱Channel」以及「熊仔頭」聯合發起世紀合體，於當天晚上七點半開始，跨平台分時段接力聯播，播足四小時，未知內容，但齋睇演出陣容，只能說：超級堅，超級黐線，難怪一眾年輕網民得知此事後，無不熱烈討論，拍手叫好。 _ 第二單，是另一條名為「拾陸比玖16:9」的YouTube頻道，亦將於同一天推出六短劇《演員的自我收養》（An Actor Prepares to Starve），跟許廷鏗於三年前推出的單曲、由朱栢康與韋羅莎主演MV的《演員的自我修養》乍看撞名，其實只撞了六個字 ── 劇名是「收養」，不是「修養」，所以兩者完全沒有關係。據導演蔡康凝（Trevor）指，《演》劇每集長15分鐘，合共6集，由Billie Chow、陳海寧、柯煒林、馮海銳、周祉君主演，另外尚有陸駿光、岑珈其、陳漢娜、龔志業演出。 _ 請問誰是Billie Chow？2021年新人？非也！其實是新一代文青女神，早前參演《YOLO的練習曲》、經常演出MV的郭爾君（Alma）！Trevor解釋：「郭爾君喺劇中叫做Billie Chow，可以話係佢嘅一個Alter Ego（第二自我）。」唔明，即係點？「即係好似《波叔出城》咁！」咩話？《波叔出城》，全名是《波叔出城：哈薩克鄉下佬去美國搵著數》（Borat: Cultural Learnings of America for Make Benefit Glorious Nation of Kazakhstan），Borat是由英國演員Sacha Baron Cohen的另一個身份，他會在現實世界裏出現，Billie Chow亦然，「想佢第日有機會用呢個身份接受訪問，或者喺我哋Channel嘅節目出現。」 _ 沒有聽過會有這套劇？沒有聽過郭爾君有這個身份？不知道有「拾陸比玖16:9」這條頻道？因為他們才開檔一星期，訂戶數字才剛過1000人，不足為奇。 _ 既然咁大件事冇人講，咪我講囉。 _ 先講故事大綱。一班演員，分別是Billie Chow、柯煒林、陳海寧、周祉君和馮海銳（Yoyo），有天收到一位性格蠻不講理、名叫Ivan（老凱麟飾，Ivan是其真實洋名）的導演以高薪邀請，參演一系列以電影為主題的網片，豈料雄厚的「筆直」背後，原來是一間大麻工場！ _ Billie Chow在預告裏說：「我哋嘅導演Ivan，佢就喺2021年嘅某月某日，無啦啦拍拍下嘢，佢就話頂唔住，想出去食支煙，然後佢出咗去，就再冇返過嚟！」唔係蛇王，係畀一個神秘組織綁架，留下來的給演員的，是一個吊吊揈的爛攤子，他們一方面要解決眼前荒謬的境況，另一方面卻無辜辜捲入一場不知名的危機。根據兩分鐘的預告片，可以肯定這場危機跟大麻有關。 _ 其中一個鏡頭，見到Billie Chow與Yoyo一同包裝攤在桌上的大麻草。Yoyo以下一段對白為觀眾提供線索：「大麻呢一門生意就好似保險傳銷咁，分咗十八區，每一區有一個大拆家，大拆家負責嗰一區嘅營運，拆家仔之間嘅鬥爭都係由佢哋負責，冇人知呢三個Manager係邊個，淨係知佢哋勢力好大。」幾個演戲的，突然涉足大麻經銷，這個設定實在頗為踩界。但Trevor坦言，Billie Chow不會變壞，「陳海寧壞啲，但有幾壞，就要留待劇中等大家發掘喇。」 _ 第一集將於4月20日下午4時20分首播，為何不避開四大頻道聯播？不擔心會遭對家的風頭蓋過？Trevor承認，選擇4月20日上架是因為這一天跟大麻文化有直接關係。4.20，英文發音為Four-Twenty，是「大麻文化」俚語，代表大麻或大麻消費，尤其是說吸食大麻的時間為下午4時20分，而放諸美國，這一天亦有另一重意思，就是作為慶祝大麻文化作為全國假期的大日子。 _ 原文刊於《香港01》 —— 標題：「演員的自我收養︱郭爾君改名Billie Chow？ 4.20首播有重要考慮」 _ （19042021） _ #游大東 #游大東影視筆記 #演員的自我收養 #郭爾君 #柯煒林 #周祉君 #陳海寧 #馮海銳 #岑珈其 #龔志業 #陸駿光 #陳漢娜 #港劇 #youtube #yautaitung #19042021 @blacklighthk @mekochuibamboo @hkdumbyouth @allinwailam @isabella.daydayhappy @onecoolartistmanagement #大麻 #小薯茄 #試當真 #啱channel #熊仔頭 #拾陸比玖

31/8-6/9 新聞概要 . 31/8 太子站一周年 -太子站外昨晚有人聚集，警方向36人發出違反限聚令告票 -被指8.31事件中死亡，韓寶生王茂俊稱已赴英國尋求庇護 -8.31傷者籲聚焦警方過分武力，警方稱使用最低武力 -市民太子站外擺放鮮花，警方拉起封鎖線 -太子道西有人徘徊馬路，警方多次舉藍旗5人被帶入警署；一名孕婦被警方推跌及噴胡椒神情痛苦 -陳彥霖死因研訊繼續，證人稱調景嶺站外曾遇陳彥霖，當時對方無穿鞋；水警引述有督察當時認為案件有可疑；督察供稱陳彥霖遺體無明顯傷勢，右小腿有非致命傷痕；化驗師供稱無發現陳彥霖死前5天內吸食過大麻、2日沒服食過精神科藥物 -港大學生會發起儀式紀念香港重光日七十五周年 -非公屋非綜援3人住戶明起可申請一次過生活津貼12500元 -本港今個財政年度首4個月財政赤字1837億元 -楊潤雄：香港不論回歸前後均沒有三權分立制度 -訪台捷克議長演說提及支持香港 -王毅指中歐社會制度雖不同但不是制度對手 -法國及瑞典批評白俄政府取消傳媒記者證 -聶德權稱樂見52萬人登記檢測計劃，登記系統運作暢順 -民調：兩成一受訪者將參與普及檢測，五成半不會 -調查指逾7成受訪教師憂慮網上授課，逾4成人指應復課 -K3小一小五小六，中一中五中六9.23復課 -浸大系統以藍芽及二維碼技術追蹤確診用戶及接觸者行蹤 -本港新增9宗確診，包括7宗本地個案，累計4810宗，至今89人死亡 1/9 -昨晚8.31共拘捕14人 -31歲職工盟幹事承認管有攻擊性武器包括伸縮棍及膠索帶判囚4個月 -將軍澳港鐵站一男子被人用刀襲擊，疑兇當場被制服 -陳彥霖死因研訊繼續，化驗師供稱陳彥霖指甲樣本沒任何衣物纖維、解剖後不能確定陳彥霖死因；法醫：遇溺或是陳彥霖死因，懂泳術者跳海自殺不常見；陪審團欽向知專取更多片段，官憂研訊沒完沒了最終同意 -12港人被深圳拘留，林鄭：由該司法管轄區處理 -林鄭關注孕婦跌倒，稱如沒有衝突就不需警方執法 -7人涉走私及殘酷對待動物被捕，包括寵物酒店負責人 -林鄭：香港沒有三權分立，三權向司其職互相制衡 -郭榮鏗：「三權分立」是普通法下重要憲制原則 -民研：市民對特區政府好感淨值上升至負39個百分比 -考評局：明年文憑試4.23開考，中英文科口試取消 -蓬佩奧：特朗普或於數周內公布限制中國學生赴美細節 -美大學驅逐中國公費留學生，外交部稱最終損害自身利益 -聶德權：逾65萬人預約登記，至少69宗疑被他人登記 -康希諾：新型肺炎疫苗3-6個月可有三期臨床初步結果 -本港新增12宗確診，包括9宗本地個案，累計4822宗，至今90人死亡 2/9 -27人涉理大附近非法集結下周提堂，包括25名踢保者 -陳彥霖死因研訊繼續，法醫：僅能判斷陳彥霖遺體浸入水中，不肯定是否遇溺亡，但女屍赤裸裸已是很大疑點、遺體矽藻含量可判斷墮海狀況但衛生署法醫無測試；資深法醫不明白衛生署法醫為何沒即時檢視陳彥霖遺體 -湯家驊：三權分立爭論有點無謂，回歸以來三權互相制衡 -郭榮鏗稱香港制度一向三權分立，最重要是司法獨立 -陳文敏：似玩文字遊戲，特首向中央負責與三權分立無關 -中大民調：1成半人滿意政府表現，特首平均分25.4 -新一期居屋下周接受申請，明起可到房委會網頁下載表格 -印度禁用118款中國手機應用程式，稱危害印度主權 -聶德權：逾74萬名市民預約登記，昨日逾12萬人採樣 -健身中心按摩院有條件重開，晚市堂食延至10時 -本港新增8宗確診，包括8宗本地個案，累計4830宗，至今92人死亡 3/9 -黎智英涉恐嚇記者被裁定罪名不成立 -元朗7.21事年再拘一名25歲男子涉嫌參與暴動 -陳彥霖死因研訊繼續，精神醫生稱其父多次住青山醫院去年出席女兒喪禮；精神科醫生指陳彥霖去年8月首次出現思覺失調症狀；證人全部作供完畢，料下周五結案陳詞 -兩休班警在打撃非法賭博行動中被捕，一人被控另一獲釋 -教育局教肓主任涉為兒子取用學位分配系統數據庫遭起訴 -美國表明不會支付拖欠世衛的約8000萬美元會費 -回應美限中國駐美人員活動，華春瑩：美方有反華妄想症 -逾88萬人已預約普及檢測 -第三輪防疫抗疫基金金額縮減，月內提交財委會 -內地支援隊再多近200名成員抵港，特區政府感謝中央 -本港新增9宗確診，包括7宗本地個案，累計4838宗，至今92人死亡 4/9 -去年新城市廣場衝突，3人承認暴動罪押後判刑 -7.21事件41歲男被捕涉參與暴動及串謀有意圖傷人 -希望聯盟促獨立調查7.21及8.31 -李偲嫣兒子涉毆打繼父，獲撤控准自簽守行為18個月 -部分民主派去留民調於本月進行，胡志偉：完全服從結果 -聯合國人權專家憂港區國安法損自由，中方促停干涉內政 -律師稱維權律師余文生去年底至今年初長時間捱餓，右手有顫抖 -歐盟批評美國制裁國際刑事法院無法接受 -美國再有非裔男子疑被警員暴力執法致死 -逾94萬人已預約普及檢測，逾65萬人接受檢測 -聶德權：檢測系統容許再預約，強調只免費提供服務一次 -本港新增12宗確診，包括7宗本地個案，累計4850宗，至今92人死亡 5/9 -網民發起多區商場和你唱活動 -23歲男九龍城涉遊蕩及襲警被捕，4警受傷 -葵涌邨21歲智障男疑被勒斃，警方拘捕死者母親 -記協收警方信件，指發現自稱「記者」人士參與違法