［突發消息！ 我見大家咁踴躍即刻問同事有冇定足夠嘅貨，佢話廠家個倉裏面嘅貨已經俾我哋買晒，一共大約900部，過去三日（寫於7月28號星期二）已經賣出260部未計今日，即係仲有600幾部，有買要快少少，下次再來貨要等到九月中到時梗係落返牛角食啦］

家中食牛角體驗報告

今晚終於第一次拎左部德國寶二人光波爐返屋企食牛角, 首先俾個executive summary俾大家:

好玩好開心,特別係如果屋企有小朋友, 成日喺屋企悶悶地，可以圍爐燒肉確實係很好的家庭活動。 油煙絕對係可以接受的少，衣服上邊嘅味道比起喺屋企打邊爐仲少。

詳細報告：
首先呢個爐的確係容易用，設定上可以用底面加熱、淨係底加熱同埋淨係頂加熱。 我用咗底面加熱。（後記：底面加熱雖然快啲熟，但係就唔會似真係喺牛角燒肉咁因為面嘅光波熱力令到肉有少少似蒸熟，雖然最後會反轉燒但係都唔同了。 如果想更加似傳統燒肉可以試吓淨係底加熱）

一開始嘅時候未有經驗所以個爐未熱就放咗八片肉上去，完全唔夠鑊氣頭嗰幾塊肉似蒸熟多過似燒熟。 後來過爐夠熱之後再放片肉落去係可以聽到久違了的「咋渣聲」（我喺下一個post試吓放條片上嚟 https://www.facebook.com/234282496595142/posts/3270431396313555/) 始終係家用嘅爐具，火力冇得同牛角現場相比，所以燒得比較慢同埋燒唔出嗰種燒肉嘅燒焦香味。 冇油煙雖然係好但係同時係一個最大嘅壞處：沒有嗅覺享受，唔香嘅。 燒肉其中一個好重要嘅享受係聞到燒焦嘅香味，呢個爐做唔到呢種效果。但係由於火力唔係好大，燒雞肉、肉腸同埋燒蔬菜我覺得比起牛角現場燒更加容易好食。另外有一個明顯嘅缺點就係由於光波爐的光係紅光，所以冇辦法睇到啲肉生定熟，要拎出嚟一睇嘩原來熟得滯，呢樣野慢慢可以憑經驗改善（最少我可以）。 記住買定啤酒，食燒肉始終飲啤酒開心。 仲有一樣野好好系容易清洗，設計幾聰明。

結論：
疫情期間日日喺屋企冇嘢做食外賣，或者無論你老婆或者阿媽煮餸幾好食都總有食到悶嘅一日，突然間喺屋企可以燒肉實在係好開心唔係講笑，今晚係我屋企近呢兩個星期最多笑聲嘅一餐晚飯，連工人姐姐都開心。 佢最大嘅好處唔係好食係好玩，老實講晚晚咁樣燒一定唔係辦法，我覺得一個禮拜兩至三日係極限。 特別係如果你有食燒肉嘅癮（特別係牛角啦），呢個玩法絕對可以幫你在疫情期間止止咳，獲得心靈嘅滿足。 疫情之後始終係要返嚟牛角燒先至原汁原味獲得真正嘅滿足嘅。

邊度買得到：
全線有開門嘅牛角都買得到。$1399一個光波爐送兩個牛角二人餐總值$2425。
https://www.facebook.com/162081287168599/posts/3286557831387580/?d=n
你亦可以去德國寶專門店買光波爐 $1399，然後去牛角買套餐或者肉類（費用當然係另計）

#相片中牛角燒肉夾並不包括在套餐來係老細專用