. 好耐冇去食放題，行過銅鑼灣見到有間樓上嘅無煙韓烤放題，所以就揀咗呢間韓牛牧場😇 一入到去店員就好有心同我地介紹，例如唔同嘅醬汁嘅用法、光波爐要點樣用等等，未用過光波爐嘅我真係覺得好有趣👍🏻 而且落單只需要scan QR Code就得，咁就唔怕漏單啦✅ 刺身拼盤好新鮮，有唔同嘅海鮮任君選擇，特別係帶子好鮮甜同大隻🥰 頭盤嘅醬油蝦都好爽口，蝦頭有好多蝦膏，完全冇腥味，而且仲好彈牙添！😋 烤肉就更加唔駛講，豬牛羊雞都好多款式🤩 特別係肩胛肉，燒完之後肉汁豐富之餘肉質都好嫩滑！食落去好juicy😍 整體嚟講所有肉類都好有口感，脂肪比例啱啱好👍🏻 最特別係佢用光波爐燒烤，每樣食物要燒幾耐都寫咗喺餐紙上面♨️ 就連我呢啲煮野白痴都駕馭到🤣 雖然距離光波爐好近，但完全唔覺得熱，最重要就係即使食完之後，個身都冇平時去完韓燒個浸油煙味💨 而且鋪頭都貼心咁提供埋計時器比食客用👍🏻 想試吓用光波爐煮食嘅朋友仔可以去體驗吓呀🤤 地址：銅鑼灣登龍街28號永光中心3樓