被逼迫而產生的創造力，很令人讚嘆 #士林黑寡婦

☄避免觸犯港區國安法 港民燒腦用「暗號」示威

#政治 #國際 #香港 #港區國安法 #創意 #暗號 #願榮光歸香港 #光復香港革命時代

🉐隨時LINE一下新聞不漏接✅ https://goo.gl/hze3Wv

//本Page Patreon經已開通，請訂閱支持本Page運作（估唔到而家Run個Page都係要搵命搏），謝謝！ 連結： https://bit.ly/2TvzIaF //

《國安法》立法之後，連嗌「光復香港時代革命」都可以犯法，香港正式進入以言入罪時代，所以呢排好多人都話響極權壓力之下要打擦邊球

其實我從來唔反對打擦邊球，甚至我自己都用盡各種方法努力打緊擦邊球

但所謂擦邊球，大前提就係真正挑戰緊中共呢個極權政府嘅底線，要甘冒萬一擦邊失敗，就要面臨又拉又鎖嘅覺悟，所以腦燒話《國安法》立法後鼓勵大家打擦邊球，係極其不負責任嘅行為；

然而而家坊間好多打嘅所謂「擦邊球」，卻根本連邊都沾唔上，只係響最穩陣嘅地方用滴滴仔開波，然後就美其為自己響度「擦緊邊」。好似之前有人整左幾個多邊形，然後就話果幾舊唔知乜嘢係暗示緊「光復香港時代革命」，我就真係睇到R哂頭。

「擦邊球」當然包括嘲諷、戲謔，但從來對象都應該係敵人而唔係自己。將「光復香港時代革命」變成菜色名稱？你知唔知你其實響度侮辱緊自己？所以話黃屍即係藍屍，兩者智商程度一樣係無撚錯架。

響《國安法》立法之前，好多黃屍都會安於響冷氣房睇直播叫人「be water」、捉鬼同鬧共產黨，因為佢地覺得只要唔落街、只要和理非就絕對安全，政府點仆街都搵唔倒藉口拉佢地。但《國安法》立法後，即使你和理非都好，發言觸及國安法紅線，就一樣可以上門拉人。本來我以為，呢次係「和勇合一」嘅好機會，因為抗拒、討厭勇武抗爭嘅和理非，終於可以同勇武派一樣，共同分擔被捕嘅風險，齊齊向林鄭同中共展開抗爭──

但結果呢？就係「發安全球當擦邊球」，延續香港人本性：因為反勇武原來只係藉口，佢地根本就只係想用近乎無成本、無風險嘅方法進行抗爭，就算輸咗都唔會蝕入肉。政府條紅線明明只係推前咗一步，但我就退足100步，安全至上丫嘛。怕死係人之本性係無所謂，但呢種「安全球」唔係抗爭，只係腎虧時痾尿滴濕鞋，係一種懦弱嘅表現，理應覺得羞恥，唔知點解竟然會一再被吹捧成抗爭方式。

「滴濕鞋」式抗爭，其實就係向極權政府示弱，係一種自欺欺人。一種比唔倒極權政府任何壓力嘅「挑戰」，實際上已承認咗政權嘅威嚇係極有成效：人地劃條線出黎，就係想你安於本份響個圈入面做待宰的羊之嘛，你鍾意響個圈入面玩膠，佢咪成功咗囉。

然後我又諗起，飯民大台長年鼓吹嘅垃圾會寸土必爭，議會入面扮憤怒每日報天氣、準時開始準時收檔嘅七一六四聚會，都係好符合香港人呢種又唔想冒險、又想扮抗爭贖罪嘅價值觀。

另外一樣我好想講嘅就係香港人最近一句好Hit嘅口頭蟬：「我地真係好撚鍾意香港」。其實當你睇倒燒山、沈國師呢啲永遠唔會將「光復香港、時代革命」掛響口邊，但紛紛高叫呢句唔知算唔算口號嘅嘢，你就知道唔荒好嘢。

有人話「我地真係好撚鍾意香港」係作為「光復香港、時代革命」嘅替代品，如果係咁就真係好失敗──因為你鍾意一樣嘢、一個人，係可以完全唔作任何付出，就等如「發安全球當擦邊球」嘅一種精神延續。

呢度都唔講咁多複雜嘢，只講幾個比喻。

你會唔會一邊同條女講你真係好撚愛佢，一邊準備撇低佢隨時走佬？

你會唔會一邊同條女講你真係好撚愛佢，但當佢比人搞時唔好話救佢，連屌尻搞佢條冚家剷嘅勇氣都無？

你會唔會一邊同條女講你真係好撚愛佢，但會同條女講：「就算我上咗第條女，但你，永遠係我條女」咁樣？

你會唔會好撚愛一條女，但連一句最基本嘅「我愛你」幾隻字都唔敢講出口，只識整埋啲數字暗號出黎？

好撚心啦，愛，唔係口講出黎，係要黎造架。又要溝女又要死都唔肯付出，響現實世界我地會笑尻呢啲男人比地底泥都不如，但偏偏而家個撚個掛哂「我地真係好撚鍾意香港」響口邊，卻係完全唔怕醜。偽善同香港人，永遠係一體兩面。

暴徒可能趕住返工
布佬可能係一個人
暴徒可能係暗號黎
都可能嗌緊出貼者
光復香港時代革命

吶喊：「暴徒，暴徒⋯⋯」。