【#世界醜聞系列︱美國的萊溫斯基事件】⠀ #政客 嘅說話有幾多句係信得過？相信生活喺 #香港 嘅大家都深深明白。第四十二屆美國總統克林頓，曾經就因為自己嘅 #大話 被揭穿而爭啲落台，究竟發生咩事？⠀ -⠀ 1998年1月26日：「I did not have sexual relations with that woman, Miss Lewinsky.」「There is not a sexual relationship, an improper sexual relationship, or any other kind of improper relationship.」⠀ -⠀ 1998年8月17日：「Indeed, I did have a relationship with Miss Lewinsky that was not appropriate. In fact, it was wrong.」⠀ -⠀ 以上嘅說話都係出自克林頓本人，以表示佢同萊溫斯基（Monica Samille Lewinsky）嘅 #感情。⠀ -⠀ 1996年，時任 #美國 總統嘅克林頓同 #白宮 實習生萊溫斯基喺認識後發生秘密戀情，由於萊溫斯基嘅上司擔心萊溫斯基同總統關係過於親密，於是將萊溫斯基調往國防部。⠀ -⠀ 萊溫斯基喺國防部工作嘅時候，認識咗琳達特里普（Linda Trippl）並分享佢與總統之間嘅事情，被琳達 #秘密 將對話用電話錄音。不過，期間並無任何事情發生，萊溫斯基亦喺1997年12月離職。⠀ -⠀ 本以為事情告一段落，不過，隨住克林頓被前僱員起訴 #性騷擾 ，事情喺1998年曝光。為咗証明克林頓嘅人格有問題，控方律師收集一切有關克林頓嘅 #桃色傳聞 ，令佢同萊溫斯基嘅關係浮面，但克林頓同萊溫斯基喺公開場合同庭上宣誓都否認二人存在性關係。⠀ -⠀ 知道 #真相 嘅琳達唔願意作出假口供，並將兩人關係和盤托出，加上手頭上嘅錄音，以及萊溫斯基保留著含有克林頓精液嘅藍色連衣裙，令克林頓不得不承認關係，佢亦因而被議員提出 #彈劾 ，指責佢喺庭上提供偽證，成為第二位被嘗試投票彈劾嘅美國總統。⠀ -⠀ 克林頓曾經講過，性交應該唔包括給予口交，佢只係接受口交，唔存在有性關係，所以否認偽證罪，民事法官判罰克林頓提供誤導性證供，罰款九萬美元同藐視法庭嘅罪名。至於喺彈劾方面，雖然佢最終亦以些微票數之差成功判以 #無罪 同避免彈劾，不過，事件喺當時已經成為 #國際 性醜聞。⠀ ------------------------⠀⠀ 延伸閱讀：#世界醜聞系列⠀ ------------------------⠀⠀ ◆ 每日分享知識、每月提供課程⠀⠀ ◆ Beginneros網站: https://buff.ly/2OqJv15⠀⠀ ◆ Youtube：https://buff.ly/2y4WjjI⠀⠀ ◆ Instagram：@beginneros⠀⠀ ◆ Facebook：Beginneros （書面語版本）⠀⠀ ------------------------⠀⠀ #Beginneros #冷知識 #hk #hkig #總統 #醜聞 #紙包唔住火 #偽證