原本想寫首抒情歌.... 越寫越順玩壞了.... 不小心寫成一個死去多年卻放不下戀人 長年守護在身邊的鬼 因太過執著 從守護漸漸轉變成糾纏 最後甚至想要把對方也帶走的鬼故事 老實說 這歌詞我自己都寫到覺得有點不寒而慄 這可能是恐怖情人的終極型態 一定是寫Metal寫太習慣了... ⚠️你各位聽歌就好…千萬不要學⚠️ 【Die In Love 殉戀】 詞：Kenny 曲：Kenny 編曲：Kenny 房間依然空蕩 記憶隨著相片泛黃 意識隨著血液流淌 顏色斑駁的牆 回憶的片段在倒帶播放 該走了嗎？ 多年後妳白了髮 是否傷痛也隨著我蒸發 還是妳只是藏著傷疤 鎖在腦海中的手札 記錄著妳說的每句情話 字字句句都太過滾燙 我怎麼放下 該怎麼放下 在妳的面前徘徊遊蕩 在妳耳邊說悄悄話 妳看不見嗎 妳聽不見嗎 難道妳已忘了我嗎 寫信到妳的夢裡的信箱 妳都不打算回信嗎 拜託妳了啊 求求妳了啊 至少回覆一句話 我在等妳啊 我來接妳了啊 #執念 #鬼故事 #靈異 #戀愛

#圍爐廢噏 #zip噏劇場 #農曆7月號 《#死後遇見DrM》 第三章 「黑盒內的記憶…」 *奇幻音樂 康：Dr.M 你又話可以睇晒我人生所有記憶嘅，點解有啲片段係無架！ Dr.M：85527，你冷靜啲先，你想搵邊段記憶啊？ 康：總之就係一段好記憶，我好想記得，但又唔記確實內容係啲咩！總之就好重要啦！ Dr.M：嘩，你講完好似無講咁，我好難幫到你架喎... 康：嗰個黑色folder 係咩嚟架？ Dr.M：Er…呢個folder…我勸你最好唔好打開啦... 康：啲記憶係我嘅，我要開就要開！ *微弱心跳聲慢慢變大 老婆：(用力痛哭中) 好痛啊！我唔得啦！啊！ *慢慢傳出BB喊聲 老公：老婆！你睇下！康仔出咗世啦！ 老婆：(喘氣中) 死仔，過咗十幾個鐘終於捨得出嚟！搞到阿媽咁辛苦！你試下唔孝順我，唔聽我話，我塞返你入去啊！ *BB車柔和音樂 老公：你有無聽過阿女係阿爸嘅上世情人啊？ 老婆：有，但呢個係仔嚟喎，咁佢係我上世情人，唔係你嘅上世情人啊。 老公：愛無分性別嘅，可能佢上一世係同我一齊，又或者上一世佢係女仔，只係今世做咗男仔呢 老婆：咁都有可能我地殺咗佢全家，佢今世嚟追債呢！ *Sad音樂 人嘅記憶好有趣，如果你想忘記一啲記憶，大腦會自然將佢放係一個黑盒入面，再收埋係最深處，你可以當係一個自我保護機制，以防呢啲記憶一彈出嚟，會鈎起負面情緒...但嗰黑盒都有保安漏洞...就係夢境啦.. 康：Dr.M…可唔可以去返一開始嗰度，再睇過啊？ Dr.M : 咁...不如再睇前啲啊。 *奇幻音樂 Dr. M 將我嘅記憶倒帶，由我初初擘大眼見到光，第一次見到呢個世界，倒帶去返我係子宮度出嚟，又倒帶去一個全黑嘅畫面。坦白講，我真係淨係記得大過嘅記憶，對細個發生嘅事好模糊，甚至無印象。估唔到死咗之後，可以透過Dr.M重新睇一次。Dr.M話一個人嘅記憶由大腦成形開始，即係我未出世，仲係阿媽嗰肚入面嘅時候已經有記錄。雖然乜都睇唔到，但隱約會聽到爸爸媽媽對住仲個肚講野、唱歌。啲聲係好矇好模糊，但佢地應該係好sweet嘅。不過，我想睇嘅唔係呢段記憶，而係想定格睇清楚佢地嗰樣，尤其係笑嘅時候。因為，只我有記憶開始，佢地已經離開咗我，拋低我係孤兒院… 康：既然佢地唔愛我，點解要生我出嚟呢？ Dr.M： 認住佢地嗰樣，轉世之後問佢囉。 康：可能我轉世之後係另一個國家，又或者做咗隻狗呢... Dr.M：變咗隻狗咪咬死佢地報仇囉。世上點會有無緣無故嘅愛同恨啊。中文嗰仇字，由係人字加九字組成，真係有人追足個怨家九世，先解到嗰恨啊。 康：(情緒漸漸激動) 我唔係要報仇...我淨係想知道...佢地愛唔愛我...我成日問自己，我究竟做錯乜野...先會係呢個家庭出世...我究竟做錯乜野...佢地先會拋低我唔理我...我究竟做錯乜野！ Dr.M：85527，可能你再上世欠咗佢，又可能佢上世欠咗你，又或者上上世你欠咗佢...又又或者 康：（打斷Dr.M) 咁多或者！點解要理咁多前世，唔做好今世啊！ Dr.M : 可能佢地好後悔...揀咗你做轉世記憶...想下世還比你呢...喂，喂，你做咩啊！ *按鍵盤嘅聲 康：呢段記憶，呢段緣份，已經被我封起了。 Song : #柳應廷 @jeremylaous 《#砂之器》 作詞：#小克 @diuhak 作曲、編曲、監製：#王雙駿 @wongsheungchuncarl Ps. 廣播劇可於香港電台《三五成群》節目內重溫 #去到第三章 #慢慢拆解 #有關記憶嘅事 #你唔記得 #唔代表唔存在 #只係大腦保護你 #繼續係小克嘅詞 #故事最尾三隻字 #同歌詞頭三隻字 #讀音一樣 #幾喜歡今集嘅mixing #唔知一班 #柳柳粉 #聽咗呢個故事 #會有咩評價

#圍爐廢噏 #zip噏劇場 農曆7月號 《#死後遇見DrM》 白色房間內，一位穿著白袍的年輕人在看投影。 「嘩，個女仔都幾狼死架喎，一刀都唔夠，仲要加多幾刀！真係慌你唔死咁喎！最心寒係嗰句對白！真係要回帶聽多次！」 白袍年輕人快速倒帶，把畫面定格在女生用刀刺向男子背部後，面目猙獰的樣子，然後播放緊接的片段，女子不理滿身鮮血，向躺在地方漸漸失去呼吸的男子淡然說： 「可能你前世真係一隻無腳嘅雀仔，而呢種雀一世只可以落地一次...咁你乖乖地係呢一間8樓6號室，好好休息啦...」 白袍年輕人好像看穿世情，語帶輕挑地說：「呢位Daisy 口口聲聲話愛你，但愛你愛到殺死你，你嘅人生始於郭家，終於郭家，係幾Sad嘅。」 「你重睇咗100次啦！你睇完未啫！」站在他旁邊的我，終於按耐不住，要破口大鬧，因為我已經不想再看自己被「殺」的片段... 「Sor Sor ，我好鍾意睇大家死前嘅記憶，比我睇多次，睇完之後就會進行既定程序。」白袍年輕人轉身對我笑著說。 其實咩係既定程序呢？我完全唔知，因為我對上一個記憶係比Daisy插咗好多刀，之後好快就無咗知覺。一開返眼就係張床度，我發覺自己身上嘅傷口無曬！無任何痛同攰嘅感覺...我有一刻以為自己無事係醫院，但當我起見到一個著住白色袍，個樣好似仲讀緊書嘅男仔，投影緊一條片，當我仔細啲望...原來就係Daisy殺我嘅片段！仲要係咁loop條片，好似當我唔存在咁！終於，我再等到佢開口... 「你好，85527。」 「咩85527啊？點解你會有呢條片嘅？」 「係啊，呢個係你嘅死亡編號。每個死咗嘅人都會嚟到呢個空間，進行轉生嘅過程，而你依家係記憶部門，我叫做Dr. Memory，你可以簡稱我做Dr.M。」 「吓...我真係死咗？」 「作為一個正常嘅人類，被人咁插法梗係死啦，不過你算好啦，一醒就嚟到我嘅部門。」 「咩你嘅部門啊？仲有其他部門？其實係發生緊咩事呢？我仲有好多野未做架！我登記咗消費卷但未用！仲未睇奧運閉幕式！仲有好多地方想去！仲想留底同大家見證時代嘅轉變！但你同我講我就咁死咗！」 「85527你冷靜啲先，你快啲轉生咪可以快啲重回人世囉！」 「即係點啊？」我極度疑惑... 「用返你地易明嘅用語，我Dr.M就係孟婆，不過你地口中嘅孟婆會比孟婆湯你飲，洗走曬啲記憶，但呢個只係部分正確，我呢個部門係可以比你係你嘅一生入面，揀你喜歡或者覺得重要嘅記憶，帶落下一世。清楚？明白？咁我地開始啦喎！」 Dr.. M 說完後，突然一段投影彈到凌空之中，畫面由暗漸漸變光，好像穿過一條隧道...朦朦朧朧之間，聽到很吵耳的喊聲，以及數隻字： 「終於出世啦！」 Song : #柳應廷 @jeremylaous 《#風靈物語》 歌詞：#小克 @diuhak 作曲、編曲、監製：#王雙駿 @wongsheungchuncarl #廣播劇 #來到8月號 #即農曆7月 #一早就想寫有關鬼神 #輪迴 #或轉生的故事 #孟婆聽得多 #如果真係遇見 #會發生咩事 #又會如何對話 #一共5章 #5首相關歌曲